(♥)◦-׀|׀

حلمـ ., · 2010-07-15T00:47:28+03:00

صبـااح - مسـااء الخير , أخباركم ؟!.. بعيداً عن تجمع البحرينيات الخاص بتجهيزات الأفراح , والتجمع الخاص بـ السوالف & الشات !.. أو التجمعات الخاصة بمناقشـة الأمور التجميلية , :p نفتتح تجمعنا الخاص هذا , لجميع البحرينيات " فتاة , مخطوبة , متزوجة , أم , مطلقـة .. إلخ " فقط .. ل

حلمـ ., 15-07-2010 414 رد 27,840 مشاهدة

Sm!Ley.,

عروس مبدعة

22-07-2010 | 11:58 AM

نيغار و مشاعر و كل البنات

الله ييسر اموركم و يهدي عماتكم

و يجعل حياتكم سعاده و هنى و راحه بال

Health Inspector

عروس نشيطة

22-07-2010 | 07:43 PM

الله يهدي الجميع ..

والله يصبركم ويساعدكم ..

ملكة الغروب

عروس ماسية

22-07-2010 | 08:15 PM

نيغار \\\ مشاعر بحرينيه

الله يصبركم يااااااارب ووو يهون عليكم مشاكلكم

\\\

بخصوص رقص العروس انى ما اؤيد ترقص العروس الا قدام اهلها المقربين

بس وو تكون ثقيله وو راكده بنظري وو انى ما رقصت مع الكل بزواجي

ردح ردحه مو طبيعيه هههههههههه وكان خاطري بس حسيت بالحر شوووي

ملكة الغروب

عروس ماسية

22-07-2010 | 08:18 PM

انى بقترح عليكم موضوع وو انتوا قولوا رايكم

لو صادفت مشكله بينج وبين اهلج وو طلعتي من بيتكم

خاطرج مكسور شوي:'(:'( وو يمكن صحتين

هل تفضفين لزوجج بكل شي لو تحلين المشكله

بدون ما تخبرينه ؟؟ :-#:-#

اانتظر آرائكم مع ان كلكم هايمين :lol::lol:

شجــن

عروس برونزية

22-07-2010 | 09:13 PM

صادتني مشكلة ويا اهلي وطلعت من البيت مكسورة الخاطر واصيح :-# وماعندي احد اقول له ونفسيتي كانت كلش وماعندي صديقات ماعندي غيره فضفضت بس اهو كان متفهم :) وقال مهما كان هذلين اهلش وجذي والحمدلله
بس في اشياء ما تنقال خصوصا اذا كانت تخص احد من الاهل ..

شجــن

عروس برونزية

22-07-2010 | 09:19 PM

بالنسبة للرقص خاطري ارقص ويا خطيبي على موسيقى هادئة :lol: بس حدي استحي :o:o ماتوقع اسويها

Health Inspector

عروس نشيطة

22-07-2010 | 10:05 PM

:) اي عادي بقول له .. بفضفض

بس مو شي يشوه سمعتهم

وبالنسبه للرقص ما اعتقد ارقص في خطوبتي او زواجي ..

3sh8y

عروس رائعة

22-07-2010 | 10:39 PM

بالنسبة لـ رقص العروس .,

أنـا ما أأيـــد هالشي , واذا صار كلش كلش كلش ترقص ع الخفيف بس مب هز هز وتردح مثل الباقي

حلاة العروس تكـون رزه وثقيلـه

أذكـر مره سرت خطوبة .. والعروس ماشالله عليها ولا وقفت رقص
وتناقز من مكان لين مكان .. عمة المعرس يـات يازعم تترقص وياها مسكتها وودها لين الكوشه وقعدتها
وبعد ولا هدت حتى وهي يالسه تهز وتتحرك

بس السلـو غير :o ,
أنـا بعد خـاطري أرقص سلـو إن شالله لين نخطبت .. بس ماظنتـي

أم عبدالرحمن123

عروس مشاركة

22-07-2010 | 10:50 PM

موضوع رقص العروسه ماله داعي ولو صار أفضل يكون بهدواء بعيد عن الردح ، أصلا الردح للعروسه يخرجها من كونها ملكة الحفل

أم عبدالرحمن123

عروس مشاركة

22-07-2010 | 10:56 PM

أما موضوع إذا طلعت من عند أهلي زعلانه
( الله لايقولها) فإذا الموضوع بسيط إي عادي أفضفض له
بس اذا كان گايد لا مستحيل لأنه في الأخير مالي غير هلي وهم سندي

شجــن

عروس برونزية

22-07-2010 | 11:15 PM

بنات :'( مسوين ليي حجب توقيع والصورة الرمزيةة مادري ليش
متى ترجع الخاصية

هـذيـان

عروس ماسية

23-07-2010 | 12:32 AM

2.مشاركاتي أكثر من 50 و لا تزال خاصية التوقيع معطلة؟
السبب يعود لمخالفتك لشروط وتعليمات التواقيع في الموقع تعليمات بشأن التواقيع والصور الشخصية في المنتدى نأمل منك الالتزام بتعليمات الموقع , وعند حجب خاصية التوقيع سيتم إعادتها في المرة الأولى بعد 15 يوما ، وفي المرة الثانية بعد 180 يوما ، وفي المرة الثالثة يتم حجبها نهائيا.
نرجو عدم إضافة أستفسار عن الصورة الرمزية أو التوقيع أو صورة الملف الشخصي لأنها ستعاد آليا.

هـذيـان

عروس ماسية

23-07-2010 | 12:33 AM

على حسب المشكلة .. من طبعي اقول لخطيبي كل شي
بس اذا شي يسيئ لأهلي ما احب اقول
اسكت وابلعها :hysterical:

مشاعر بحرينيه

عروس برونزية

23-07-2010 | 12:42 AM

مثل مايقول المثل العريان يلفي ع المفصخ :-#

يختي عندج حلين

الاولي انج تصبرين لكن هالشي بيكون ع حساب نفسيتج وصحتج

الثاني وهذي اللي قررت اسوي

انحط حدحق هالمهزله اللي صايره وهي العين الحمره

لي متى اندوس ع نفسنا ونصبر

لي مرضنا مابيبون دوى لنا

شحاندنا تونا صغار وندفن عمرنا بالهم

اما انا عن وضعي حاليا احتمال قوي نوصل للطلاق لان زوجي اللي فاهمته عاجبته هالتصرفات وانا لايمكن ارضى بالمذله واامه لا يمكن في يوم بتحبني ولا بتحن علي بس ماترضى ع بنتها بس ترضى ع بنت الناس

:'(

M!ss CoLoRz

عروس ماسية

23-07-2010 | 12:57 AM

اممممممممم
والله يعتمد يعني على الموضوع نفسه

سواء كان مشكلة عوده أو بسيطه

بس على قد ما أقدر بحط في بالي إن أسرار البيت تبقى في البيت حتى النسيب ما ينقال له 100 %

أقول له يمكن 85 - 90% من السالفه

M!ss CoLoRz

عروس ماسية

23-07-2010 | 01:13 AM

نيغار

واااااااعليه عليج :'(

كسرتي خاطري

كل اللي قلتيه بط جبدي الصراحه

يعني ما قدرت ادافع عنها واقول لج لا إنتي ماخذه الموضوع بحساسيه في أي نقطه من اللي قلتيه

---------------------------------------------

بنات نصيحه وتوعيه لوجه الله

ترى من حقكم الشرعي المسكن الخاص

أدري بتقولون هالزمن أغبر وماعندنا وما نقدر وظروفنا وأصلا مافي أماكن ووووووو

بس بعد مهما يكون

سووا جمعيات مثلا

حاولوا تضغطون على روحكم وتقللون من مصاريفكم قدر الإمكان وعيشوا بروحكم

------------------------------------
نقطة ثانيه تتعلق بالكل داخلا وخارجا :hysterical:

كلام في قلبي من زمااان وبطلعه الحين

أتعجب الصراحه من الناس

يقولون ما عندنا وما نقدر ويروحون ويسوون لهم درزن حفلات :|

حنه + ملجه + خطوبه + عرس + شهر عسل +جلوه واستقبال

من صجكم يعني!!!!!!!!!!!!!!!!!!!

الناس شكثر بتفرح لكم:!!:

حفله وحده تكفي وكان الله غفورا رحيما

بنت عاشور

عروس متألقة

23-07-2010 | 01:26 AM

بالنسبة لي اني مسوية لزوجي و لبيتنة عالمين منفصلين و مصوررة اهلي لزوجي انهم مثاليين و مصورة زوجي لاهلي انه مثالي

طبعا هالشيء مريحني و الحمد لله ... يعني ساعات اكون حدي متضايقة من كلمة قاطتها اختي او هوشة مع اخوي بس ما احب افضفض لزوجي لان عندي اهلي شيء مقدس لازم قد ما اقدر احافظ على صورتهم الحسنة قدام زوجي لان هاي يعكس بيئتي الي عشت فيها

بس هاي مايمنع اني اتكلم عن بعض الامور الي ممكن تكون خاصة بس ما تسيء للاهل يعني مثلا اخوي معدله زين و مايبي يروح الجامعة معاند لان ربعه اكيد تارسين مخه فاني عندي عادي اتكلم مع زوجي عن هالسوالف حتى لو صار بيني و بين اخوي نقاش حاد

اما اذا كنت بحل المشكلة فاسوي روحي متضايقة علشان صديقتي واقول له ان السالفة سالفة صديقتي لان ساعات زوجي ينبهني على شغلات تفوتني و يعطيني حلول مقنعة و الحمد لله ما يحط باله لهاي الاسلوب معنه اسلوب حده قديم :lol:

Sm!Ley.,

عروس مبدعة

23-07-2010 | 01:30 AM

كلامج عين العقل .. معاج بكل كلمه قلتينها 100 % .. الكل يتمنى يسوي له احلى عرس و افخم عرس و يسوي له مو ليله الا سبع ليالي بس الوحده لازم تفكر هذي حياه و الناس لو شنو تسوين ما يعجبها العجب ..

بدل هالخساير كلها على جم ساعه و كلام لا يودي و لا يجيب احط هالفلوس لسكن خاص او شي يفيدني اني و زوجي افضل ..

و عن سالفه المشاكل مع اهل البنت ..
مممم مادري الصراحه لاني مو عايشه الوضع بس احس ان دامه زوجج و معاج 24 ساعه اكيد بيعرف او بيحس انج متضايقه و فيج شي و بيسأل ..
اني طبعي كتوم ما اتكلم عن اللي فيني بس يبين عليي اذا متضايقه او زعلانه .. يمكن ما بقوله في البدايه بس اذا زاد الشي عليي المفروض اتكلم له خلاص هو صار زوجي و انا و هو المفروض روح وحده و نتشارك كل شي ..

هـذيـان

عروس ماسية

23-07-2010 | 01:43 AM

صح كلامش :thumbs_up: .. ناس واجد يوعدون بنات الناس بشي وعقب يخالفون .. مثلا الي يقول لزوجته عاد تكملين دراستش وتشتغلين بس عقب الزواج يمنعها لكن لو هالشي مكتوب بالعقد ماله حق يتكلم ..
والسكن هذا اعظم شي .. يا ما ناس تشتكي من هالشي والسبب ان الرجال وعدها بالكلام بس ماكتبو بعقد الزواج .. اذكر يوم قص المهر والاتفاق قال ليي اخو العود اشرطي عليهم سكن منفرد .. قلت له لا ماحب وعادي لو عشت معاهم .. قال لي كل البنات يقولون جذيه بس عقب الزواج كل شي يختلف ..
ما كتبت عن السكن المنفرد في العقد لان ادري ان خطيبي كان يبني له شقة .. :)

شوشو 87

عروس ماسية

23-07-2010 | 02:56 AM

آنه وحده أذا صار شي بين هلي ( وأن شالله مايصير الاخير) باخبره لانه ماعندي احد غيره أثق فيه ويساعدني بالحل المشكله :)

حبوبه تعوذي من أبليس لاتوصلين السالفه لي طلاق ولا شي دام أنتو تحبوون بعض

جوفي الحين أنتي أعصابج تعبانه وأهو بعض حاولي لاتفتحين معاه سالفة أمه لي تهدون رووحكم عقب حاولي تقعدين معاه وتشرحين له ، وأن شالله تيسر امورج ياااااارب ..

1 ... 7 8 9 10 11 12 13 ... 21