(♥)◦-׀|׀

حلمـ .,;12862793:

بنوتـات .,

حتى يستمر موضوعنـا كل شهر هجري جديد ..,

يجب تعيين مشرفة بمعنى ( مسؤولة ) عن التجمـع

فعلى من تجد نفسها الرغبـة يرجى ترشيح نفسها للإدارة الكريمة

حتى تقوم بتعيينهـا

أو إنتوا بنوتـات هل تقترحون وحدة معينـة لمسؤوليـة إدارة التجمع ؟!..

بـ التوفيق

مرموم;12863992:
أخواتي

بما أنه لم يتم ترشيح أي مشرفة على هذا الشات تكون مسؤولة عنه أمام الإداره

لن يسمح بفتح هذا الشات في الشهر القادم شهر رمضان

شاكرة لكم تعاونكم

UP

UP

UP

يا ليت يتم ترشيح أحد .,

شهر شعبان شارف على الإنتهاء :(

|||

أرض الحلود;12849981:
بنات شلووونكم ؟؟ عندي مشكلة و الا بالاصح المشكلة عند زوجي بس تاعبتنه و تاعبتني معاه

الله يسلمكم السالفة مع اهل زوجي ... طبعا مو على انهم ماذيني و الا يقطون كلام ما يثمنونه .. لاني قدرت احط حد بس السالفة الي ابي اقولها هي الاتكالية الكاملة على زوجي


راح اقولها لكم بعدين بس امانة ادعو لي الله يوفقني و يحقق لي اللي ببالي

بصراحة .,

حرام إلي قاعد يصير بحق زوجج

هاي نوع من أنواع الظلم والإستغلال الغير منطقي

أهو إنسان مريض بـ السكلر

وكلنا نعرف خطورة وشدة المرض

هاي مرض محتاج إلى الراحة التامة من جميع النواحي , الجسدية + النفسية

وتعامل أهل زوجج مع زوجج

ما فيه لا تقدير له ولا لمرضـه

الدنيا تطورت يبـه

وهذاك أول روح جيب وروح تعال .. و و و

الحين كل شي نبغيه يوصل لنا ديلفري لحد البيت

خل يتفق مع هندي البرادة إلي يم بيتكم

إنه يوصل لكم أي شي تبونه برسم الخدمة

وإذا البرادة ما عندها ديلفري

يقدر يعطيه مبلغ بسيط جداً ويوصل لكم على طيلة اليوم وفي أي حزة تبونها

ماله داعي بعد سالفة جيب كردت وجيب كلينكس وجيب .. وجيب

يعني بالعقل والمنطـق !!!!!!!!!!!!

وبـ النسبة لأكل المطاعم

ماكو مطعم بالبحرين ما عندهم ديلفري للبيوت

حتى الكفتريات العادية توصل

يرفعون التلفون

شغلة أم 5 دقايق ويطلبون

ليش هالتكليف على الرجل ؟!.. :woo: :woo:

وحتى سالفة تعبية الماي .,

ترى أكو تعبئة يجون البيوت

خل يتفق مع احد

ولا أنه يتعنى يروح بنفسه يشيل دبات الماي

ترى ثقيلين عليه وهو رجل مسكلر مب زين لصحتـه والله !!!..

هاي مشكلة الطلبات التافهة وإلي مالها داعي خلصنا منها

وخله يخلص نفسه منها من خلال الديلفري

لأن بصراحة مب عدلة أهو جذي متبهدل رايح .. جاي

على حساب بس يجيب شغلات تافهة وسخيفـة

ومسآلة الإهتمام بأجداده وعمومه وخواله على قيد الحياة

ترى والله عيييييييييييييييييـب :thumbs_down:

ولا بعد يتشرهون ويعاتبون ويزعلون

يا حيف والله على هالزمن !!!!!! :lol:

أهو مب ملزوم باحد غير بوالدينه

ولو بيهتم بأجداده هاي من طيبة وحسن نيته .. مب غصباً عنه وهاي شي لازم يحسسهم فيهم

لحد يجي يجبره أنه يقوم ويشيل ويحط فيهم

تراه رجل مريض بعد ومحتاج للراحة مب لتعب

وغير جذي أهو رجل متزوج

عنده مرته وبيته يبي يقابلهم بعد

مب عدلة بعد كل شوي تلفون سو وتعال وجيب .. صاير كأنه مطراش وصبي عندهم

لازم يراعونه يقدرونه ويحترمونـه

بلاش يستغلون طيبتـه الزايدة لمصلحتهم

الحين الواحد لا احتاج شي يرفع تلفون ويطلب الخدمة إلي يبيها وتجيه للبيت

بعد أش هالقصـة ؟!..

كلمي زوجج بالهدوء وفهميه واقترحي عليـه

وما أظن بيمانع لأن ما فيها شي بصراحة

ولا تخلينهم يتمادون أكثر في أستغلاله

ترى كل إنسان له قدرة وطاقات محددة للتحمل

فما بالج بمريض سكلر ؟!..

طاقاته وقدراته محدودة .,

وحرام يتعبونه أزيد

هذي ولدهم ,

ولا صاده لا قدر الله شي وطب مريض

محد بيتحسف بيقول الآه إلا إهما

|||

* أحلام وردية *;12862158:
هلااا ببنات ديرتي الحبيبااات :lol: ..
بنات اسمحوا ليي أني حابة اشرككم بحياتي الخاصة شوي ،
حابة افضفض شوي وآخذ رايكم ..
بناات اني متخووفة من الزواج صراحتن ، احنا زواجنا بإذن الله راح نحدده بشهر رمضان يعني يمكن اتوقع يكون في شهر 10 ( اتوقع جدييي ) ..
بس فيه شغلات مخلتني اتردد .. تخص خطيبي وتخص اهله !
اولا بخصوص خطيبي :
خطيبي يحبني واني بعد .. بس عليه بعض الشغلات اللي تقهرررني وخاايفة انها تظل لعقب الزواج :(
يعني مثلا اذا تهاوشنا او تجادلنا شوي وصار مو قادر يتحمل اكثر يقوم يقول ليي : قومي بوديش بيت ابوش .. هوه طبعا ما يقصد انه يطردني او ما شابه بس انه يبي يكون بروحه لان لو ظليت وياه اكثر يقول ان بتصير معركة فيبي يهدأ مع نفسه شوي وبعدين يرجع يفكر عدل .. او حتى ساعات نكون في السيارة ونتهااوش ونوصل لنقاش عقيم يعني ما يقدر يرد عليي اكثر بحيث انه بيفقد اعصابه يقوم يوصلني دايركت عند باب بيتنا ( بيت ابويي ) ويقول ليي نزلي ( واني احس بهالحالة جنه يقول ليي يعني خلاص ما امبيش روحي بيت ابوش )
..بس وعادةً عقب هالشي يرجع اكثر هدوووء ويعتذر اذا كان غلطان او نتفااهم .. بس هالحركة كلش كريهه وما احبها .. .. لو صار هالشي في الزواج وجيت بيت ابويي بيكون الوضع غير يعني لان بيكون بيت ابويي مو نفس الحين يعني معقولة بعدين بعد عقب كل زعلة بتنزلني بيت ابويي ؟؟؟ اني كلش ما اعتقد ان بتحمل ان يسوي ليي جدي في الزواج بعد وهوه يقول ليي انا ما اقصد إني مابيش او شي بس ابي اهدأ شوي .. بس الحركة مو حلوووووة وخايفة يسويها عقب الزواج :!!:
وفيه غيرها بس مو متذكرة الحين ،
ان شاءالله بس فهمتوون علييي ؟؟
وهالاشياء هذي مخلتني مترددة في موضوع الزواج لان هوه حمقي حزة الحزة وردات فعله هذي بتترك عندي اثر وما يصير يسويهااا ..

اما الشي اللي بخص بيت عمي ( اهل خطيبي ) ..
بيت عمي مو ذاك الزود ويايي .. خطيبي اختارني وقال ليهم خطبوا ليي فلانة انا معجب فيها وهم ما يعرفوني وما كانوا راضيين عدل لان يبون وحدة على اختيارهم .. ولما شافوني غييروا رايهم وقالوا ذوقك حليو .. بس في النهاية مو هم اللي ختاروني بعنوة يعني هووه .. المهم : هم مو طيبين يعني عدل بمعنى انهم من تحت لتحت .. مايقولون ليي شي قدامي بس مو مريحين واحسهم يطالعوني في كل شي .. ومع ذلك اسوولف وياهم عادي وكل شي .. وآخر موقف صار ليي وياهم هوه اللي خلاني مترددة من العيشة وياهم وخايفة اتغربل ولا اتأقلم .. من جم يوم ما دحلت عليهم البيت الا هم مسوين عزيمة هم كلهم وعازمين خالتهم وولد خالتهم ومرت خالهم وماا فيه الا اني ما قالوا لييي .. انصدممممممت يوم شفتهم .. اني وياكم يعني المفروض وحدة من البيت الحين ولا تتصلون ليي تخبروووني .. وعمتي يوم شافتني تفشلت وقالت ليي تضوقي عشانا قلت ليها متعشية بالعاافية .. وبعدين سألها خطيبي الا تقول لا جدي صدفة كل وحدة جابت عشاها .. طبعا شي ما يتصدق .. شلون صدفة واكوه كلكم كل وحدة جايبة عشاها وجاية وما فيه الا اني ناقصتنكم ؟؟ واضح انها مخطط ليها هالعزومة ،
من عقب هالموووقف صايرة ما احبهم وحاسة انهم مايحبوني اساسا ولا يعتروني وحدة منهم .. ولا ادري شلون اتعامل وياهم .. وصراحة خايفة بعدين العن الساعة الا رحت فيها بيتهم وعرست اذا من اولها جدي مباعدينيي !!

ووه تعبت .. بنات شتقولون ؟ هالشيين ذلين مخليني مترددة شوي لفكرة الزواج والانتقال لبيتهم :o

بـ النسبة لخطيبج .,

فأهو يسوي هالحركة لأنكم خطوبة

في العرس ما أظنتي تستوي ممكن يترك لج البيت ويمشي :thumbs_up:

أهو تصرفه 50% صح 50% غلط :rolleyes:

الصح إنه يتركج في لحظة انفعاله وغصبه ويهدي روحه ويجي لج

وهاي قلة من الرجال تسويها

حمدي ربج آلف مرة

أنه إنسان حليم ومعاج إنتي يكتم غضبه ولا يصارخ عليج أو يتهاوش أو يكبر الموضوع

ترى أغلب مشاكل الأزواج تصير من خلال المواجهات والمصادمات والخلافات :-#

وزوجج قاعدة يتجنب هالشي بأنه يرجعج بيت أهلج

طبعاً في الزواج غير بتكونين ملكه الخاص وتحت ظله وعايشة في بيته

يعني ماله أي حق يقولج قومي طلعي من البيت صح ؟.

يترك لج البيت ويطلع ممكن !!

الغلط !..

مسآلة أنه يتركج أو ينزلج بيت أهلج

أهو تصرف غلط أكيد

بس يعتبر ردة فعل عكسية

يعني شنهو تفضلين ؟.

يعصب ويصارخ ويتهاوش وياج

أو ينزلج بكل هدوء بيتكم وبعدها هو يجي لج

كلاهما مر وصعب بس أختاري الشي الأسهل

الغلط في تصرفه أن في الزواج شـ راح تكون ردة فعله ؟.

الحين في الخطوبة ويقدر يقطج بيت أهلج بآي وقت

بس في الزواج شـ راح يسوي ؟.

إنتي قعدي وتناقشي ويه بهدوء وتفاهم

قولي له يعجبني تصرفك وتحكمك بغضبك

بس لا تبعدني عنك ممكن إنك تسكت وخلاص ولا هديت تعال كلمني

بلاش مسآلة تخليني خير شر وتمشي

هاي شي يحسسني بلإهانة

وأهو أكيد مع الأيام بيحاول يعدل من طبعـه وياج

لأنه يحبج ويقدرج ويحترمج

F:

+

بـ النسبة لبيت عمج

وايد قلنا

وايد تكلمنا :hysterical:

بيت العم إذا كانوا عسرين

لا تعورين قلبج وياهم موليه .. موليه .. موليه

خلي العلاقة بينكم شبه رسمية وأنتهى الموضوع

سلام , سلام عليكم , شخبار , مع السلامة

لا تقعدين معاهم قعدات مطولة

لا تعطينهم أسرارج وخصوصياتج

لا تشاركينهم حياتج

وأنتهى الموضوع

وايد بنات يدشون على بيت عم رعاة مشاكل

يكفون خيرهم وشرهم عندهم

ولله الحمد مرتااااااااحيـن

لأن بيت العم لا ماخذين منج لا خير ولا شر

المهم إنتي محترمة نفسج + محترمتهم ومحترمة ولدهم وشايلته على كفوف الراحة

خلاص

هاي المطلوب :thumbs_up:

|||

اريج الليلك;12865651:

:D

مرحبــــــا بنوتــــــــــات

اي والله لازم اترشحون وحـده

بنات واايد احبون افضفضـــــــون عن روحهم شوي ..:cool:

المهم

الله يبعـد المشـاكل ان شـاء الله عن كل وحده وما نحتاج لها الموضوع بالمره

.
.
.
.

الحيـن عاد اني ليـ

اهـو اني الحمدلله ما عندي مشـاكل مع اهل ريلي بالعكسـ واايد طيوبين وحبوني واايد وعاديني مثل بنتهم

بس في سالفة اتصير واااااااايد امضايقتني

بنـــــــــــــات

اني استحي .. استحي .. استحي وااايد من بيت عمي

مع ان قريبا بكمل سنـه على خطوبتي بس للحين احسـ اني استحي منهم واايد

يعني سمعـو ها السوالف

ابحكم اني في الجامعة محاضراتي سـاعات اتكون متأخرة يعني ارجـع البيت ساعات الساعة 3 ونص او اذا عندي امتحان لساعة 5

احيانـ ارجع فيـه بيتنه واحيـان امر علي خطيبي ونروح بيتهم ..اهو المعروف اني اتغدى في الجامعة بس ساعات اصادف اني ما اتغده اقضية على اي شي اسكت اليوع اهناك

فأرجع البيت ميته من اليوع اذا ارجعـ بيتنه سييييييييييييده الثلاجة اما اذا رحت بيت عمي ما المسـ شي كلـش مع ان سـاعات افضل من الغده وعمتي اتحطة فوق الفرن بس

استحي يعني احط ليه واقعد آكل :lol: والله ها الشي امضايقني في روحي عدل واحسـه امضايق عمتـي بعـد اتصدقون مرة قطته في ويـهي من كثر مو امعصبـه مني

عادتـاً بيتهم اهناك ما يختلي من سوالف الاجبـاس والمينو والعصير .....الخ ومعروف وين مكانهم محطوط وحمياني وحمواتي جبس رايح وجبس ياي

مرة العصر جافتني عمتي قاعدة في الصالة الا اتسوي لية ليش ما اتروحيـن تاخذيـن ليش شي من الاجباس يعني لازم الواحد اقول ليش عشان اتروحيـن كلة عادة روحش غريبة

وبسـ :badly:

والله قاعـده احاول اصير عاادي في ها السوالف وياهم بس ما ادري شصير فيني مرة حاولت وشجعت روحي .. كانت عمتي قاعدة في الصالة على اللاب توب تقرة الجريده وكنت توني ياية وميته من اليوع

وبالصدفة كانت امسوية الاكله الي اموووت فيه :adore: ( معكرونه بالبشميل) فقلت باخذة فرصـه اني ابين ليه اني عادي واايد ومو امسوية حواجز ورحت حطيت لية بس الله لا اراويكـــــم العرق اصب او ويهــــــي صار طماطية كأني امسوية جريمـة او ماكلة غده غيري ههههههههههههههههههههه

ما ادري ليش اتصرف جذي وجني داشـة بيت غرب :(

حتى خدامتهم ساعات اتقول لية عمتي من بدال ما اتغسلين حمام حجرتكم ابروحش وهو عود وتعب قولي لشغاله اتغسلة عنـش
والله استحي اقول لية تعالي غسلي الحمام اخاف عمتي تحتاجـه في شي .. :confused:
والله اقول لامي امـس خاطري اتصرف وياهم مثل ما اتصرف في بيت يدي او بيت خالاتي

شسوي :hysterical: !!؟؟

إذا دخلتي على بيت عم طيبيـن فإنتي حظوظة

وأستغلي هالطيبة وبادليهم بالطيب :thumbs_up:

لأن مو كل بيت عم حلوين وحبوبين

وهذا إنتي تقرين المشاكل والبلاوي إلي تصير

إذا إنتي حياوية ومب إجتماعية

لا تجبرين نفسج أبد

إنتج تاخذين وتعطين وياهم

لأن يمكن تجاملينهم وايد أو ممكن تصرفاتج وياهم ما تكون طبيعيـة

خلج ريلاكس

وحاولي تكونين وياهم عادي

خلي علاقتج فيهم وسط

لا حيا وإبتعاد .. ولا تطيحين الميانة مرة وحدة

هالحيا الزايد بيحسسهم إنج غريبة عنهم وممكن يتضايقون منج

لأنهم معتبرينج حسبة بنتهم ويبونج تعتبرينهم أهلج

وممكن لو طيحيتي الميانة

تواجهين مشاكل ما تخلص موليه

وساعاتها شـ يفكج من مشاكل بيت العم

فـ وسعي صدرج يبه

وحاولي تصيرين معاهم طبيعية

قعدي وأكلي وشربي

بيت عمج أهو بيتج الـ 2

ودام أهما مرحبين فيج

إنتي رحبي بنفسج بينهم

توقفي عن التصرف وكأنج غريبة

لأن هالشي إنتي حاطته في بالج

من جذي مب قادرة تتجاوزينه