لمة الليبيات لشهر شعبان 1431 - 2010 م

Hayela;12849220:
حياتي بجديااات ديون مش عادى بس حسيته غااالى .. انى لتوا مشريتش منه بس خواتى الزوز خدو منه صندليات حفلة .. وحدة ب 145 والتانية ب 165 اضنى هما يهبلوااااااااااا بس بجديات هلباااا .. كان نقولك قسمابالله خديت كندرة من نادى الاتحاد سودة رهييييبة ونازكة مش عادى ب 25 دينار واللى يشوفها يقولولى من الدو ولا ديون ؟؟ هههه .. وشبيهة بصندلى خديته المدة اللى فاتت من زارا ب 180 تخايلى ..

هوا من محل المميز اللى فى نادى الاتحاد .. انى خديتها سودة بس فى منها تركواز ولون تانى اضنى .. ومن التالى زى الصندلى ومن قدام فى فتحة صغيرة وزى التكشكيشة معاها فصوص سود .. بس والله نااااااااااااازكة مش عادى وتو مرة تانية نصورهالكم بادن الله وحتعجبكم ..

بالله هيولة صوريهالي ...واني مازالي بناخد كندرة الفيلو ونبي كندرة فضية وديون مشيتله قبل التخفيضات وعجبتني كندرة لكن 235 حسيته الرقم مبالغ فيه شوية لكن بالك توا بعد التخفيض احسن ممكن غدوة ندير عليه دورة....
بالله اللي تلقى في طريقها :) محل مداير تخفيض او عجبتها حاجة تقولنا خلي نستفيدوا...
واني حنبدأ;) امس مشيت ل cotton اللي مقابل ماركس اند سبنسر ومداير تخفيضات وعنده حاجات رهيبة عجبني الصرااااااحة:thumbs_up:

ايه شفته لكن مخشيتش .. حتا نكست تخفيضات

انى نستنا فى bhs باش ناخد للصغار ههههه يعجب فيا لبس الصغار متاعهم هوا ونكست

Hayela;12849381:
ايه شفته لكن مخشيتش .. حتا نكست تخفيضات

انى نستنا فى bhs باش ناخد للصغار ههههه يعجب فيا لبس الصغار متاعهم هوا ونكست

هيولة لازم تشوفيه تعرفي والله طلعت منه غير يبي تفركيس ههههه ونكست اختي خدت منه لصغارها لكن متقدريش تعبي عليها متع عيد لبسة عملية وخلاص...حتي اني نكست يعجبني لكن منعرفش علاش مش زي بضاعة بريطانيا !

حبيبة أيمن;12849480:

حياتي ليبيا شكرا علي الرد .. ويقويلك سعدك يارب وشكرا علي دعوة ايمن :D

باللهي يا بنات ساعدوني شن مفروض ايكون عندي في يوم البيان ... انا المزينة قتلي تعالي ساعه 5 ... غير القفطان والكندرة والتاكم ؟؟؟ والوشق وفحم الشيشة ؟؟ نحس في روحي تايهة وباللهي عليكم اي نصيحة

اهلين حبيبة ايمن

خيرك مخوفة روحك حبوبة هههههه هادا بيان عادى بتستمتعى وترقصى وتفرحى وتروحى لحوشكم .. يعنى مفيشى خوف املا فى العرس شن بديرى لما بتحشى حياتك بتتغير وبتروحى مع راجل بروحك ههههههههههه



على العموم بنقولك .. متنسيش .. القفطان والكندرة وشخشير كان بتلبسى لحمى وتاكمك وحلوة او مستكة باش لما طالعة من المزين تاكليها وصنتك اللى بديريها و اكسسوار الشعر او التاج .. وشن تانى .. وارفعى معاك حاجة تاكليها لان حتجوعى فى المزين ومية وشكلاتة :worn_out: وكان تفكرت حاجة تانية تو نقولك

هيوله .... بجد ربي يخليك دخرا لنا ههههههههههه وكتري من الحاجات في موقعك وقتلك اني زبونه عطول عندك ... ياحنه ولدي شهر 11 بأذن الله يسكر 5 سنين وخاطري بنخاويه علي قولتكم هههههههههه
صحيتي حبيبتي على لقطة النايلو تو نجربها وان شاء الله تطلعي روعة في بيانك
وصح كلام هايله اني مندمتش في حياتي غير على كندرة الفيلو شريتها غاليه هلبا من عبدالله وقعدت ملوحه ستر ربي شاريه بدلة عرايسية بيضا نلبس فيها معاها لبستين 3 بعد العرس وخلص قعدت ملوحه وخلاص وحتى لونها ميتحملش وياريتها حتى بانت في العرس والله نادي الاتحاد يبي تفركيس تلقي حاجه نازكه وروعه بس بعد تدوير وسعرها كويس

حبيبة أيمن;12849529:

سؤال مدام .. انتي تبع الموقع الرائع للتسوق ؟؟

حوة مدام هههه
ايه حبوبة انى تبع الموقع .. ان شاء الله عجبك واى حاجة تفضلى F:

QuEEn of icE;12849579:
هيوله .... بجد ربي يخليك دخرا لنا ههههههههههه وكتري من الحاجات في موقعك وقتلك اني زبونه عطول عندك ... ياحنه ولدي شهر 11 بأذن الله يسكر 5 سنين وخاطري بنخاويه علي قولتكم هههههههههه
صحيتي حبيبتي على لقطة النايلو تو نجربها وان شاء الله تطلعي روعة في بيانك
وصح كلام هايله اني مندمتش في حياتي غير على كندرة الفيلو شريتها غاليه هلبا من عبدالله وقعدت ملوحه ستر ربي شاريه بدلة عرايسية بيضا نلبس فيها معاها لبستين 3 بعد العرس وخلص قعدت ملوحه وخلاص وحتى لونها ميتحملش وياريتها حتى بانت في العرس والله نادي الاتحاد يبي تفركيس تلقي حاجه نازكه وروعه بس بعد تدوير وسعرها كويس

ماشاء الله كبير ولدك اكيد يبى اخ ولا اخت .. راهو والله يتونسو .. تعرفى انى جبت اول وليد بعدها على اساس معاش نبى نجيب 5 سنين .. بعدها ولدى عمره 11 شهر حملت بالتانى قريب جانى اكتئاب تعرفى خلاااااص والله قريب متت لما عرفت روحى حامل .. لكن بعد ما جا توا يلعب هوا وخوه الاول يسكر 3 سنين شهر 9 والتانى سنة وتلاتة شهور ومدايرين جو مع بعض .. الحمد لله بس توا بناخد بريك :worn_out: لانى بجد تعبااااااااانة .. وركبت لولب ومش منحياته الا بعد 4 سنين كان سخر ربى باش يكونوا خشوا للمدرسة نجيب التالت (ة) لان خاطرى فى بنت :thumbs_up:

حبيبة ايمن .... متنسيش ملابسك الداخليه والعبايه يلي بتطلعي بيهامن المزين واهم شي الديودورانتي(مزيل العرق) ركسونا لازم معاك وزي ماتفضلت هايله مستكه .... اما مزين ماشيه؟

حبيبة أيمن;12849618:

عجبني واسكتي .. تي والله انتي احسن واحده ... توا بنبعتلك مجموعه حاجات .. بس وين المحل بزبط

وفيه حاجة تانية نبي المجموعه البودرية بتع المكوي الشعر .. اختك شوية مهبولة بودري :) ونبي الي يقسموا الشناطي والاككسورات وووووووووو

سلمها .. باهى الحمد لله .. بس فى كدا حاجة تموا بادن الله كله حيتوفر فى نص رمضان وحاجات تانيات جدد .. :thumbs_up: وتعرفى والله زينى حتا انى نستخدم فى البودرية لان حتا انى احلى لوووون عندى .. :worn_out: نحس بيه كيووووت

يلا بنات تصبحوا على خير الصغار بيرقدوا


وابعتولنا متاع المائدة اللى قالت عليه حياتى ليبيا حتا انى خاطرى فيه

سلام

والله ياهيله لو بتاخدي رايي مديريشي وجيبيها البنيه توا ... اني غير ظروف كنت نقرا وخفت نحمل ومعاش نقدر نكمل قرايتي وندمت عليها الحركه محلاهم يكبرو مع بعض لو ربي يرزقني نجيب اتنين او تلاته في جرت بعض ويتربو مع بعض اريح الوحده تجيبهم وبعدين تلهى بروحها مش كل ماتنظم امورها تجيب عيل وتتلخبط ... هادا رئيي وربي يخليلك وليداتك

حبيبة ايمن والله ماعندي مانزيد ماشاء الله هيولة وكوين قاموا بالواجب...لكن انتي قلتي المزين قتلك تعالي 5 نحس فيها موخر والا تعرفي المزينات مش مضمونات مرات راهو فزيدي ثبتي معاها...بنسألك حبوبة شن مدايرة حلويات والا كيكة؟

كيفكم صبااااااااااااايا

عروسة الاميرات
ان شاءالله الرمضان الجاي انت وزوجك ياااااااااااااااااارب والعقبة لكل بنوتةF:
هاااااااايلة
موقعك حلوووووووووو بس ياخسارة اني بعيدة عن طرابلس والله خاطري في كم حاجة :thumbs_up:
كوين
حلو تنظيمك واستغلالك للوقت وربي ايهنيك ان شاءالله وتحملي:083:
حبيبة ايمن
مبروك مقدما ربي ايكملك بيانك ع الخير وتطلعي كيف ماتبي:086:
حياتي
:adore: كيف حالك حبوبة

تسلمي لؤلؤة انتي شن اخبارك؟

حبيبة ايمن ... ربي يتمم بيانك على خير ومتخافيش ان شاء الله حتكون امورك مزبوطة
ياريت تديري فيه معروف وتبعثيلي رابط موقع مدام هايله الله يخليك بالك تنقذني حتى انا آآآآآخ ما زالي اربع شهور ونص على الفرح منحكيلكش بكل .

ربي يتمملك على خير يااااااااااااااااااارب