لمة الليبيات لشهر شعبان 1431 - 2010 م

السلام عليكم ورحمه الله وبركاته

عظم الله اجركم يالؤلؤة ربي يصبر اهله

حبوبة اعتقد سالتي ع هدية لصاحبتك العروس شنو صار فيك؟

ArOoTa;12843586:

ياهلا ام احمد ...

خاطري نعرف علاش اخترتي الاسم هذا وانتي معندكش احمد ولا ابو احمد:D
نفس السؤال كل عضوه جديده تسألهولي هذا ياحنه ماما هي اللي اشتركت في المنتذي وانا خديت منها العضويه من اول يوم;)

شنو حتى انتي طب في الهوا سوا ... لكن اكيدة مشيتي فيه شوط باهي...
اما سنة انتي ؟
وبارك الله فيك على مساعدتك

انا كنت اعداد وصفيت وتوا باذن الله سنة اولى وان شاء الله خير
انتي اولي باهي كويس اي استفسار حبوبه كيف تقري واحسن دكتور تقري منه تفضلي
اولي ساهله ماتخفيش منها وربي يعاونك

شكرا حبيبتى اروتو على السوال والله يبارك فيك

سلامات ياحلوات شرفوني بموضعي

هديتي لصديقتي العروس

http://forums.3roos.com/showthread.php?p=12844473#post12844473

البنوته الي سالت شنو تهدي صحبتها العروس شوفي انا شنو درتها

ان شاء الله يعجبكم وماتحرمونيش من تواجدكم

في امان الله

السلام عليكم
الله ايبارك فيكن يابناااااااااااااااااااات ان شاءالله مانفقدكم وربي يحفظلكم احبابكم

قدرك كبير عجبني شغلك ماشاءالله روووعة
زادت الهدية جماااااااااااااااال بابتكاراتك الحلوة
عقبال لعرسك ان شاءالله

F:كيف حالكم اليوم يا غالياتF:
قدوره ما شااااااالله عليك زدتى للهديه رقى و جمال بايدياتك اللي زي الدهب
تبارك الرحمان عليك

لؤلؤة
انا لله و انا اليه راجعون
انشلله ربي يتقبله برحمته وهدا حال الدنيا

لؤلؤة سرت ... ربي يرحم فقيدكم ويصبر اهله وخصوصا مرته ... انا لله وانا اليه راجعون
حياة حلوة ... عظم الله أجركم في خالك وان شاء الله هذي آخر الاحزان
د.امونه وعروس ليبيا ... الف مبروك الحمل وربي يثبته ويرزقكم الذرية السليمة الصالحه ... وأن شاء الله ماتجي سنه 2011 الا واني وعروسة ليبيا بطونا قدامنا
سوما ... حبيّبة معندناش فيه جميل والله زيك زي اختي يعز علي نشوفك مضايقه ربي يفرج همك ويسّر امرك ... اللهم آمين
هايلة.... تهبل الفطيرة خزنتها في جهازي باسم فطيرة هايله ههههههههههههه
ننس ... كيف حال السنفوره طول شعرها ولا مزال هههههههههه ابدي في الجرجير بالحق
غادو ... حتى اني وصلتني اول رساله في المنتدى من وحده سمحه غاليه علي من غير مانعرفها لما سألت على افكار لعيد زواجي ومستحيل نمسحها

ننس ...
سألتيني عن برنامجي في رمضان ...
طبعا برنامجي طلع خبرة 5 رمضانات بروحي (ههههههه حلوه رمضانات)اني زوجي من النوع يلي يحب السفره منوعه وياكل من كل حاجه طرف ولا اتنين بس مرات الحاجه تتلوح ولا نقعد نطيب فيها ومتعبه روحي حده طريف اتنين وبس:mad: بس من تاني رمضان بديت منظمةبرنامج خاص برمضان كالتالي .....
بعد مانكمل تخميل الكوجينا وقلبة الحوش والبساطات وغلافات المنادير (تقول منظموش غير في رمضان هههههههههه):068:نكعمز نوتي قائمة بالاكلات باليوم طبعا اني نطيب شربه وحاجة لحم(مسقعه\مبطن\كفته\كباب\كنتاكي\دجاج في الكوشه ....) وحاجة خضرا (فلفل محشي\مبطن بادنجان\ضولمه\طاجين جبن .....)وحاجة معجنات(بيتزا\صفيحه\خبيزات محشيه\قوالب خضره......) والبوريك والسلاطه المشوية لازم منهم مع طبق سلاطه تاني مشكله(سلاطه عربيه\سلطة ملفوف\سلطة جزر\سلطه مقالي\سلاطة كلشي مع بعضه ههههههههههه) وكل اسبوع ندير يوم لحاجه الغليظه بالبصله كسكسي او رز او رشدة كسكاس او برما وهادا اليوم انقص المعجنات وحاجة الخضرا .... ندير جدول كل ايام الشهروشن بندير فيه باش معاش نفكر بعدين ... لو تبي لما نكمل جدولي نبعتهولك خاص تفضلي عادي
وتوا بعد وتيت الجدول متلا المبطن3 او 4 وجبات في رمضان نجي توا قبل رمضان نجيب مقدار اربع وجبات مبطن ونوتيه ونفرمه مع خضرته يقعد واتي بس للحشي والقلي وبعدين كوشه ونقسمه 4 وجبات ونحط في الفريز .... الكفته نفس الشي واتيه بدبايرها ونقسم حسب عدد الوجبا في رمضان .البيتزا نعجنها اني الكيلو نقسمه على 4 وجبات يديرلي كل ربع حوالي 7 قطع بيتزا صغيره راجلي كان كتّر ياكل 3 وطبعا صلصة البيتزا ندير هلبا ونقسم مش معقوله كل يوم نقعد نعجن ونفرم على خاطر 7 طريفات بيتزا ولا 7 طريفات مبطن ... السلاطة المشوية يلي ناكلوها حوالي 3 كواشيك كبار نقسمها اكياس حسب الوجبات... لحم الشربه نقسمه مقطع واتي .... والنعناع اليابس طبعا نوتيه والخبزة المرحيه لانو اني موسوسه نقعد الخبزه نفتش فيها هههههههههههه خايفه تكون فيها حاجه نديرها بروحي اريحلي واهم حاجه الثومه نرحيها وتكون واتيه هادي تجهيزاتي لرمضان لحظة ونبعتلك نظامي في تقسيم اليوم خلال الشهر الكريم

برنامجي في رمضان بأذن واحد احد ....
طبعا اني منوضش قبل ال12 ال1 في رمضان ... انوض نفطر ولدي ونتوضى ونصلي الظهر ونقرا قرآن حوالي ساعتين ... نطلع لحم الشربه وعجينة البيتز وصلصتها وحاجة اللحم يلي ناوية انديرها .. ونمشي نكعمز نتفرج على مسلسلات توا المغرب يأذن حوالي 8 يعني نصلي العصر ونخش الكوجينا .. ندير شربتي و البيتزا وحاجة لحم والخضرا ونطلع السلاطه المشوية وطبعا لازم من المحلبية نديرها ونوتيها وندير حاجه حلوه واحسن شي الحاجه الحلوه اطول عندي لانو عددنا شويه وطاجيني كبير هههههههه يعني الكيكه ولا التورته اطول .... وطبعا راجلي متعود على فروطا اني ندير فيها لالالالالالالالالالالالالازم يسحر عليها وياكلها اخر حاجه هيا بنت عم الخشاف غير على طريقتي .... المهم نكمل بل المغرب نضم كوجينتي باش ميكتروش الماعين وحني يد وحده ربي يكون في عونا تكون السفره واتيه بس للحطان..... نخش نقرا قران وندعي لين يأذن المغرب نحط العشي وبعد الفطور نخش نغسل الماعين ونكعمز نتفرج على باب الحاره بعدها نصلي التراويح ونقرا قران للساعه 12 نرجع نحط حاجه حلوه ونتفرج على المسلسلات لين يرجع راجلي ماخر نحط فروطا ومحلبيه وكان في حاجه من العشي مزال خاطره فيها ونهدرزو لين يذن الفجر ونصليه حاضر ونقرا قرآن نفيص ساعه ونرقد:019:

هايلة شكرا ع الفطيرة حتي انا خزنتها

دكتورتنا وعروس ليبيا الف مبروك الحمل ربي يتمم عليكم بالخير وتنوضيوا بسلامة

لكل وحده ونستني في موضوعي وعجبها بارك الله فيكن وفرحني واجد انه عجبكم

حبوبة الي سالت ع صندوق انا من بنغازي وهو متوفر

واي خدمة او استفسار انا موجودة

في امان الله

ArOoTa;12839936:

بنات نبي نسألكم شن اديروا اقنعة للبشرة

وياريت كل وحدة تحكيلي كيف مهتمة بنفسها

اروتا فى قناع يهبل مقايلتلى عليه زمان وحدة سودانية وتوا بنبدا فيه تانى لانه يهبل بجديات درته حتا قبل عرسى

كاشيك خميرة بيتسا وكاشيكين ممكن ماء زهر تخلطيهم لين يبدوا زى العجينة وتدهنى وجهك وتخليه نص ساعة .. فوائده يصفى البشرة وينفخ الخدود ويوردهم وينقى البشرة والله ماعادية وكان تبى التبيض ديرى ماء زهر ونشا مفيش احسن منه للتبيض .. بس انى الفترة هادى بندير متاع الخميرة لانى ضاعفة ونبى خدودى يطلعوا شوية هههه :worn_out:

Ghado;12844001:

هيولـــة و روح روحـــــي
استاحشتكم موووووت

والله حتا انتى فى بالى .. راهو منعرفكش فى رمضان بنستنااااك باش نشربوا القهوة هاديكا اللى اتفقنا عليها هههه :worn_out:

حنونة 3

الف مبروك الحمممممممممل اووو معناها تلاتة حوامل توا ماشاء الله ربى يبارك ويزيد ان شاء الله نفرحوا بامورة خطيبى وبيسا ونرجس وعروسة ليبيا حتا هما ..

وان شاء الله ياااااارب فى هالرمضان ربى يفرحك ويقولولك ولد لان عارفاتك خاطرك فى وليد ..