لمة الليبيات لشهر شعبان 1431 - 2010 م

تـاج النساء;12812420:

اول حاجة ماقتلكش أنك حكيتي عالبخور زيدي أقري ردي زين

قتلك أنا منبخرش في روحي
وثاني حاجة انا قارية الردود من قبل ما أنتي تقوليلي وقتلك أنا فعلاً معاكي لأن كل وحدة حرة تعزم في فرحها ولا ماتعزمش
وياريت يانرجس تخليكي ظاهرة زينا مافيش داعي للمخفي
وإن شاء الله معرفت خير وبيك أسعد وحتى أنا سعيدة بمعرفتي بيك

نرجس الشرق;12812474:
مش عارفه ان كنت مخفيه او لا ع قولتك بس بشن مضايقك انتي اني مخفيه ع العموم يا روحي توا انا بجد مش مخفيه بس طالعة بكل لانه تايم اب عندي انشوفك طيبة ان شاءالله و معرفة خير كيف ما قلتي ..سلام للبنات كلهن .... توا خروج .... امانة سلمولي ع عروسة ليبيا واجد و ع روز و ربي يردها لبلادها سالمة و سلمولي ع قهوة الصباح حتي هي و ع البنات كلهن بدون استتناء و الف مبروك لبيسا و ربي يتمملها ع خير ...سلام ....

هنو الدلوعه;12812456:

علي سيرة المكياج

نبي نقوللكم أني لقيت الماركات الممتازه كلها الفتره يلي فاتت وخيتكم هنو شادتها علي محلات المكياج وبحث وناخد في الأسعار قلت لازم نعرف من توه
المهم لقيت ماركات يلي هما :
جريلان /ماك/كلينك/أيفسالوران/ميبلين/أيستي لودر/لوريال/ طبعا الماركات المتوفره دائماالي هما :ماكس فاكتر /برجوا/وديبورا/فارمسي /ريفالون/ فلورا مار/قوش

حبيت نعطيكم العلم والأسعار كانت تعتبر معقوله وأي سؤال حااااااااضر

عروسة الاميرات;12812610:
خلاص يا بنات حصل خير وربى يهدينا ويغفر لنا ذنوبنا
انا اصلا على سبلة وطبعى نحب نواجه الى الواحد
الرجاء الى يخش بعدنا ميحولش يوسع الموضوع

Hayela;12808504:
ننوس تعرفى نفس اللقطة ..

حتا انى ليا اربعة سنين متزوجة تلاتة رمضانات مع العيلة بس السنة هادى بادن الله فى حوشى بروحى ..

ومدايرة الحق برنامج من توا كان سخرلى ربى .. اول حاجة مقررة مش مطيبة الا شربة وفطيرة وحاجتين رقاق وسلاطة .. فمنحسش فيهم ياخدوا وقت ..

او حاجة عارفة روحى مش حنوض قبل ال 12 .. :confused: وصغارى حتا هما ينوضو مموخر يعنى ما نضت ومافطرت الصغار وغيرتلهم والجو هادا لحد ال 1 او 1 ونص .. نتوضى ونصلى الظهر .. ونخش للمطبخ نحط الشربة عالنار و نبدا فى الرقيق والفطيرة .. قولى لل 3 ونص لان نعرف روحى بطيئة شوية .. تكون الشربة شبه واتية والرقيق والفطيرة واتيات .. نضم كوجينتى ونكون درت حاجة للصغار يتغدوا ويرقدوا مع الل 4 نرتاح شوية ونتفرج عالتلفزيون لحد ما يادن العصر نصلى ونقعمز نقرى شوية قران .. بعدها ندير دورة عالحوش ولما تجى ال 7 ونص متلا انوض نحط حب الشربة ونوتى السلاطة ونوتى الصفرة مايكون ادن الادان كل شى واتى .. ماصلينا وفطرنا ونغسل الماعين تكون جت التسعة ونص ولا ال 10 نتفرجوا كان فى مسلسل حلو او باب الحارة ونصلى العشا .. واشبح بعدها :-#