لمة الليبيات لشهر شعبان 1431 - 2010 م

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

حياتي ليبيا;12805981:
اقوى معهد في طرابلس هوا معهد النفط اللي في السياحية:thumbs_up:

:thumbs_up::thumbs_up:

منوره بوجودك ننس
كيف حالكم ياحلوات... صار خايفه من رمضان هههههههههههه غير يخش تلقي روحك تنظمتي
ولو تبي نقولك اني كيف مدايره معنديش مانع بالك تعجبك فكره وتستفيدي مني

سوما ياحبيّبه ....
عليك وعلى الاستغفار صراحه عجيب زي السحر كثري منه وبأذن الله ربي يجعلك مخرج من كربتك
وديما رددي اللهم أجرني في مصيبتي وأخلف لي خيرا منها .... مش شرط تكون في مصيبة لا سمح الله بس المقصوةد ضيقة الخاطر يلي حاستيها وصدقيني ياسوما مافيش حد مرتاح ولا عايش كيف مايبي ويتمنى ... في الحلو وفي المر وانتي حسب على شنو بتحطي العدسه المكبره كتكبري ....
حطيتيها على المر تقعدي مركزه غير على السلبيات يلي عايشتها وتعبي روحك وحرام عيونك الحلوات يذبلو بدموع مفييييييييييييييييييييييش شي مستاهل .... ركزي على ايجابياتك ولو الحلو شويا وركزي انك انتي وسعادتك اهم ولو اضطريتي في الاول انك تكذبي على روحك وتقولي انا سعيده .... هلبا علماء نفس يقولو الطاقه السلبية ليا دور على مزاجنا... خلي تأثيرك ايجاي والله اني مجربتها .... مثلي في البدايه انك سعيده ورردي بينك وبين نفسك هالشي مش حيغششني ..... هالمشكله مش نهاية الحياة ...ولو فلان او فلانه بعدو ؟؟؟ مش حنموت .... وهكذا شوي شوي حتحسي المشكله ولا شي واذكري ياغزاله انو مهما كانت المشاكل والهموم فهي لا تساوي شي ولا ترقى لمستوى انها اتعبك او تبكيك.... لانو الهم الحقيقي هو انك تغضبي ربي والعياذ بالله واي شي غيره ولا شي وميستاهل
ربي يفك كربك ويفرج همك يااااااااااااااااااااااااارب

خطرها يا ننس ....
انتي تبي شي كويس للشعر بنتك وميكونش في كيماويا او يفسد شعرها خودي هالنصيحه
سمعت مره دكتور يقول ان مفيش شي يفيد الشعر بسرعه ويطول ويكثف وينعم زي الجرجير
قال متزيدوشي شي بس اعصروه يعني زيديه شوي ميه وافرميه في ست البيت باهي وحطيه على شعرها وفروتها وقال تقعد بيه لتاني يوم يغسل الشعر ولما يجف تكرري تحطي جرجير لمدة اسبوعين او حتى شعر حتلاظي فرق .... كل مره بنديرها بس مش عملية قصة نخليه علي شعري لتاني يوم بس بنوتك تقدر تخليه خصوصا توا رمضان حتى كان في طلعه تغسليلها بعد المغرب ولما تروحي اديريهولها تاني

*ام احمد *;12805330:
السلام عليكم
يابنات نبي معاهد ENGLISH قوويه تهيئني لامتحان IELTS او Toefl
وميهمنيش قداش يكون سعر الفصل المهم تكون قويه بالله اللي عندها معلومه تفيدني بسرعه

ام احمد نبى نسألك علاش بديرى التوفل والايلز ؟؟؟ راهو عندهم فترة صلاحية بعدين يبدوا زى قلتهم .. التوفل سنتين اضنى بس .. انى درته زمان وتوا ملوح مليشى فايدة .. ننصحك اديرى FCE لو مستواك كويس .. ولو متوسط ديرى ال PET احسن بهلبااااا ومليهمش فترة ومن جامعة كامبردج انى درت الاف سى اى فى المركز الاممى .. ELITE اللى فى حى الاندلس ودرت عندهم حتا ال TKT متاع تدريس اللغة الانجليزية .. وكويسين الحق .. ولو مصرة تبى التوفل او الايلز ننصحك بالبريتش كونسل اللى فى السياحية احسن واحد طبعاااااا :thumbs_up:

شن اخبار السهرانات الحلؤات

تمام حبيبتي كيف حال ميمي
:L::L::L:

تمام
شن جديدكم؟؟

ميمي بخير مهبلتني سلامتها

*الننس*;12806016:

السلام عليكم و رحمة الله و بركاته

كيف حالكم جميعا ان شاء الله كويسين
كل وحدة اتقوللنا كيف مقسمة وقتها في رمضان
او كيف ناوية اتقسم وقتها في رمضان
لأني بصراحة و الله حايرة كيف بنقسم الوقت بين مطبخ و صلاة و قرآن و بصراحة ان شاء الله عندنا مناسبة في العيد ف نبي شوية وقت للاهتمام بنفسي

بالله قولولي الوقت كيف انقسمه؟؟؟؟

ننوس تعرفى نفس اللقطة ..

حتا انى ليا اربعة سنين متزوجة تلاتة رمضانات مع العيلة بس السنة هادى بادن الله فى حوشى بروحى ..

ومدايرة الحق برنامج من توا كان سخرلى ربى .. اول حاجة مقررة مش مطيبة الا شربة وفطيرة وحاجتين رقاق وسلاطة .. فمنحسش فيهم ياخدوا وقت ..

او حاجة عارفة روحى مش حنوض قبل ال 12 .. :confused: وصغارى حتا هما ينوضو مموخر يعنى ما نضت ومافطرت الصغار وغيرتلهم والجو هادا لحد ال 1 او 1 ونص .. نتوضى ونصلى الظهر .. ونخش للمطبخ نحط الشربة عالنار و نبدا فى الرقيق والفطيرة .. قولى لل 3 ونص لان نعرف روحى بطيئة شوية .. تكون الشربة شبه واتية والرقيق والفطيرة واتيات .. نضم كوجينتى ونكون درت حاجة للصغار يتغدوا ويرقدوا مع الل 4 نرتاح شوية ونتفرج عالتلفزيون لحد ما يادن العصر نصلى ونقعمز نقرى شوية قران .. بعدها ندير دورة عالحوش ولما تجى ال 7 ونص متلا انوض نحط حب الشربة ونوتى السلاطة ونوتى الصفرة مايكون ادن الادان كل شى واتى .. ماصلينا وفطرنا ونغسل الماعين تكون جت التسعة ونص ولا ال 10 نتفرجوا كان فى مسلسل حلو او باب الحارة ونصلى العشا .. واشبح بعدها :-#

Hayela;12808287:
ام احمد نبى نسألك علاش بديرى التوفل والايلز ؟؟؟ راهو عندهم فترة صلاحية بعدين يبدوا زى قلتهم .. التوفل سنتين اضنى بس .. انى درته زمان وتوا ملوح مليشى فايدة .. ننصحك اديرى FCE لو مستواك كويس .. ولو متوسط ديرى ال PET احسن بهلبااااا ومليهمش فترة ومن جامعة كامبردج انى درت الاف سى اى فى المركز الاممى .. ELITE اللى فى حى الاندلس ودرت عندهم حتا ال TKT متاع تدريس اللغة الانجليزية .. وكويسين الحق .. ولو مصرة تبى التوفل او الايلز ننصحك بالبريتش كونسل اللى فى السياحية احسن واحد طبعاااااا :thumbs_up:

انا امتحانIELTS نبيه توا ضروري وانا مستوي امتعي في الانجليزي كويس واخده كورسات زمان بس نبي نراجع شويه وندير امتحانIELTS لاني محتاجه الشهاده توا
ونبي نساللك هو الامتحان نقدر نديره توا عادي من غير كورسات لان الحق قاعده نستفسر والوقت ضيق انا سالت ع موعده قالولي مرتين من كل شهر وسعر دخول الامتحان 225دينار والموعد عندك في بداية 8و يوم 14 او 17/8 .....كان الدخول للامتحان ع راحتي نخش كورس قوي شهرين وبندير الامتحان في 10 عادي
وكان تعرفي كيف طريقة الامتحان لان ضروري نجيب 6.5 من 9

والله هوا الايلز يقولوا اصعب من التوفل انى التوفل جربته وبصراحة بسيييييييييط ولو حاسة مستواك كويس دورى فى النت على امتحان تجريبى وشوفيه كيف متلا وخشى عالامتحان طول مش ضرورى كورس انى زمان التوفل خشيتله طول بدون كورس وجبت درجة ممتازة بس لو متخوفة خوديه الكورس كل واحد ومعرفته بمستواه ..

Hayela;12808578:
والله هوا الايلز يقولوا اصعب من التوفل انى التوفل جربته وبصراحة بسيييييييييط ولو حاسة مستواك كويس دورى فى النت على امتحان تجريبى وشوفيه كيف متلا وخشى عالامتحان طول مش ضرورى كورس انى زمان التوفل خشيتله طول بدون كورس وجبت درجة ممتازة بس لو متخوفة خوديه الكورس كل واحد ومعرفته بمستواه ..

انتي زمان التوفل قداش جبتي فيه يعني المستوي الممتاز وهو الدرجه من قداش انا مطلوب نجيب 500او 550

تبى الحق انى درته برا ليبيا سنة 2005 والدرجة تطلع عالكمبيوتر طول بعد ما تكملى الامتحان وبعدين يبعتولك الشهادة بالدرجة النهائية .. والتقرير والله مانتفكر بس لما كملت الامتحان طلعتلى درجة من مية وحصلت 86 من مية كمجموع بس التقرير مختلف مقسمين الكتابة والقرامر والجو هادا كل واحد بروحه .. والله ماعاد نتفكر فيه بالزبط .. بس الايلز مش متاكدة عالكمبيوتر ولا لا ؟؟ التوفل كان multiple choice

حياتي ليبيا;12808379:
تمام
شن جديدكم؟؟

ؤالله في الغربه ما فيش هلبه اخبار ,شا d ييينه علي;) shopping ؤ خلاص خاتري في عرس