لمة الليبيات لشهر شعبان 1431 - 2010 م

Hayela;12808613:
تبى الحق انى درته برا ليبيا سنة 2005 والدرجة تطلع عالكمبيوتر طول بعد ما تكملى الامتحان وبعدين يبعتولك الشهادة بالدرجة النهائية .. والتقرير والله مانتفكر بس لما كملت الامتحان طلعتلى درجة من مية وحصلت 86 من مية كمجموع بس التقرير مختلف مقسمين الكتابة والقرامر والجو هادا كل واحد بروحه .. والله ماعاد نتفكر فيه بالزبط .. بس الايلز مش متاكدة عالكمبيوتر ولا لا ؟؟ التوفل كان multiple choice

نرجس الشرق;12811605:
صباح الورد ع الجميع .... و شكرا لكل من باركلي بارك الله فيكم و طبعا انتن مكانكن في القلب و الله فرحت بردودككن كلكن ... طبعا الايام الي فاتن ما خشيتش لاني كنت مريضة قريب انموت درجة الحرارة 40 درجة الحمدالله ع كل الحال المهم نحكيلكن يا حنتي ...... طبعا عاد انا فرحي كتمت عليه لاغراض امنية و الي بيصدق ايصدق و الي بيزعل ما يهونش عليا ازعله
ش

ش بس هضا الي صار ... ممكن انا طبعي شين كيف ما وحدة قالت و اني انا ما نبيش انقول و ما نبيش نعزم بس انا حرة عندي ثقة في البنات الي هنا بس في ناس من برة انا و لا انتن تعرفنهن فالاحتياطات مطلوبة .....
و علي فكرة انا في ناس عزمتهم ع الخاص مش ما عزمتش بس في النهاية بنقول حاجة وحدة للزعلانين انا يا ما الي خيب ظني و خذيتها بالجو ووعدوني بحاجات و ما داروهنش ليا هن حاجات بسيطة مجرد مساعدة و المشكله تلقيهم هم الي يطوعوا برواحهم و في الاخير فاتوني ع العموم مش مهم بنقول حويجة عقبال الجميع يا بزيجة يا بخلفة و الي زعلان مني زعلة معزة انقوله انعوضها لكن مرة تانية ... و في الاخير كيف ما قالو الناس اطباع و انا طبعي كده ... و انا متفهمة مليون في المية انه البنات الي هنا عارفتني و مقدرتني و فاهمة عليا و مش لايمات ..كتبت كلام واجد بس حبيت انوضح الفكرة .... سلام للجميع ...

عروسة الاميرات;12811723:
للاسف فى ناس فاهمين التعارف على النت غلط بالعكس الشين والزين فى كل مكان وياما ناس حتى الاقارب يطلعوا عقارب
والله انا من احسن الناس اىل تعرفت عليهم زى هنو وبيسا وصديقات اخرات زى ام ادم وغيرهم والله من خيرة الناس الى عرفتهم والفضل طبعا لمنتدى عروس
لذلك الى عقليته والى تربيته والى حتى تفكيره متخلف المفروض من الاول ماييمحسش لنفسه ان يتعرف على بنات الناس

وانت يا نرجس للاسف كلامك كله غلط ومش صح وانت كم مرة تقولى لى توا نعزمك حتى فى الحنة الصغيرة وانا مضربتش على يدك وغى الاخير بكل تقولى اسباب امنية وانظر شنى ومعنديش ثقة هذا كله اهانات كلامك
انت حيرة تبى تزعلى من كلامى بس انا كلامى للاسف لازم يكون صريح وفى الوجه لانك فعلا زعليتنى فى الاخير

نرجس الشرق;12811757:
انا مش حنرد عليك يا اميرة بس بنقولك كلمتين انا مش عارفه شن مشكلتك معايا انا لما انقول الخاص معناتها مش ع الياهو و انا من قالك قصدتك انتي و هنو و قدورة من الي قال مش عارفه شن الي واجعك بس في النهاية بارك الله فيك و انا مش حنرد بس انا طبعي هكي انا وحدة موسوسة شن بديريلي و قتلك لما اديري مناسبة ما تعزمنيش يا روحي عادي و بعدين ما هو انا فيبيسا ما عزمتنيش شني درتها قصة انا توا انتي من اول ما خشيت ع الماسنجر درتي قصة و قعدت تعزقي في الكلام مع انه هنو و قدرك كبير باركلي و فرحن بخشتي و ما قلنش حاجة في النهاية انا حرة يا خيتي مشكلتي

نرجس الشرق;12811735:
قدورة سألتيني ع الفرح كيف مشي .... نحكيلك يا حنة مشئ مشاءالله و لاقوة الا بالله شادية طلعتني بدري و مكيجتلي مكياج الله اكبر لاقوة الا بالله انا الحمدالله طلعت احلي وحدة في العرايس نحنا 3 عرايس و الي يخش من برة او من الزبائن و ايشوفني يقعد ايكبر و يصلي ع النبي مشاءالله مشت لييلتي حلوة و درت صحبة مع شادية طبعا انا قلتلها نبي الروج احمر و الظلال ديريهن ع كيفك تعرفي بجد شن بنقول درتلي حاجة مشاءالله عليها حتي العروس الي بعدي بعد ما شفتني قالتلها نبي زي هذي دارته لها بس غيرت فيه و في النهاية كان ابتاعي الافضل ممكن لانها ما تحبش اطلع العرايس كيف بعضهن او لانه الملامح يختلفن المهم خشيت للصالة و اول ما خشيت نلقي ماما و ننزلك فيها تظبيط و بكي عاد بعدها اسماءالله الحسني و ين ما صبيت ع المسرح اغنية مبروك ابتاع رامي عياش (( مبروك مبروك يا حبيب قلبي مبروك )) وحدة هبلة بعيد عنك انا و ياحنة جني صاحبتي الخمسة و دارن جو ع المسرح و انا قعدت نضحك و نصفق و نشير و رقصت رقصة ناعمة مشاءالله و لا قوة الا بالله و الله اكبر الحمدالله الفرح منظم العشاء الله اكبر الصوارة حلوة الاطفال التمو ع المسرح و عمتك نرجس اتسلم و تضحك لا قوة الا بالله ما نحكيلكش الاطفال قعدوا يلعبو في وبيس ع المسرح و انا لا اضيقت و لا قلت نزلوهم دارولي جو و اعميمة ام راجلي ماسكتلي البخور و تبخر عاد و بعد ما خش راجلي متغير عليا عاد قعدت نضحك تحت الطرحة و الحلو في الموضوع انه اعميمة جايبه البخور و تبخر فينا و ابتاعت الديجي و لعتنا :mad::mad:الليله تمام و
[FONT=Arial Narrow][SIZE=7][COLOR=red]خمسة و خميس في عين الحاسد و الكلام هضا و الله ما ني عارفه بس الحمدالله مشت ضحك و تشير و رقص و انا قعدت نصفق لصاحبتي و هي ترقص هي مش ليبية و ترقص ليبيه ع تغنية قدورة حبيب و يا حنة انا نزلتلها تصفيق مشاءالله و لا قوة الا بالله ربي يكمل عليا بالخير و يرزقني بالذرية الصالحة التقية النقية الطاهرة الخالية من اي عيوب و يبعد عنا عين الحاسد امين يارب ....[/COLOR][/SIZE][/FONT]
كلامي واجد عاد بس حبيت انحطكن يا خياتي في الصورة و عقبال فرحتكن كلكن و هناكن و لا تنسونا من الدعاء...