تجمع بنات الجزائـــــــــر لشهر شعبان 1431 ه/2010 م

السلام عليكم انشاء الله تكونو كامل بخير اختي اشراق ما تخميش المرة الجاية انشاء الله اجيبي البارمي نتاعك فكرتني في اليامات لكنت نجوز انا في البارمي نتاعي عندها ذرك 8 سنوات شبعت تمرميد انا درتو في الشتاء كان كل مرة نروح نجوز امتحان تصب النو ولا الثلج المرة الولى جبت الكود من أول امتحان حفظت طبقتو و من بعد حصلت في الكرينو عاودتو 3 مرات و المرة الثالثة سطر ربي طيحت البيكي و ماشنفين لانجينيور كان عندو بزاف الكونديدا هذاك النهار انا وليت نعيط ما أمنتش بلي عطاهولي و السيركيلاسيو جبتها من أول مرة و أنا كنت نسوق من قبل انا بديت أول مرة السياقة في 1996 بصح يكذيب عليك مام تكوني تعرفي لتراك نتاع الامتحان وحدو تخلعي وديري غلطات بات ألور مكان لاه تتقلقي المرة الجاية انشاء الله ركزي مليح و ربي يوفقك ونهار تتفكري هاذ اليامات تضحكي كيما راني انا كي كنت ندير فيه كنت كي المهبولة كي نكون نسوق مع المونيتور غير ندوبلي طفطافة نطلق الفولو ونوذ نسفق عمبالي خلاص راني نسوق في طيارة بصح كان الضغر و يامات هايلين مكانش حاجة تمنيتها و مادرتهاش كل حاجة نسخف عليها نديرها صدقيني و الله العظيم غير كنت أول وحدة على مستوى العمل و العائلة و الأصدقاء ليشرات بورتابل في أول شهر دخلت فيه جيزي لبلاد انا درت معاهم كونترا لحد الأن بعثولي مخرا باش يكرموني خطرك نعتبر أقدم كلييونت و فيدال هههههههههه هذا غير باش نبيلك لي تخرج نخرج معاها مهما كانت بصح ضرك ضربوني بعين خلاص برد قلبي العكس ذرك عدت نسطر روحي و مانبين والو العكس مام نشري حاجة نخبيها شوفي غير شريت دار سمعو بيها والله محبت تصلح راهي الضرك معطلة في الأوراق المهم حبيت برك نفضفض شوي ربي يهنيكم كامل و لي رجعة في المرات القادمة انشاء الله سلامي لكامل البنات خاصة كهينة بببببببببببببباي.

و عليكم السلام

أهلا أختي مارساي راني كنت متغششة على روحي قلت كي سقطت au moins تكون على حاجة تستاهل ماشي على حاجة تسمى من l'a b c d تاع la conduite و اللي غششني أكثر راني جامي نسيتها منين كنت نتعلم بصح كي حكيتيلي حكايتك مع les examens تاعك و الله غير طلعتيلي المورال ان شاء الله ياربي نكون كيفك نتعطل درك بصح مبعد نلقى روحي بعدما ندي البارمي.
معليش أختي مارساي الحياة مليانة مشاكل وكل ذي نعمة محسود راهي دنيا وكل يوم نتعلمو فيها حاجة جديدة و العبد الناس ملاح واللي داير النية هو أكثر واحد تلقيه معرض للصدمات , و الحسادين و المنافقين راهم في كل بلاصة المهم الواحد يكون عارفهم و يدير احتياطاتو منهم وفي الاخير كيما يقولو مولى النية يربح و يطلع كي لعلام , ربي يسرلك أمورك و يفرحك ان شاء الله و ماتبطيش علينا و طمنينا عليك كل ماتدخلي للمنتدى.

عندك حق ميماتي عسى ان تكرهو شيئا وهو خير لكم

قولتيتلي عالكورتيزون صح خطير بزاف خاصة على الكبد و تصوري الخطر تاعو يوصل حتى للعين يدير الكتاراكت في العينين وهو موجود في اغلب مواد التبييض خاصة شيرلي و فاراندلفلي اللي راهم هابيلين عليهم لبنات

ميماتي والله خلعتيني كي قريت حكايتك مع الحسد الله يرحمهم و حسبي الله ونعم الوكيل في اللي كان السبة ربي كبير و الحاجة لي تصبر هي كلش بامرو مهما كانت السبة وحاجة ماهي في يد العبد
و الحسد راهو كبيرة من الكبائر " ومن شر حاسد اذا حسد" و الحاسودي قد مايعطيلو ربي مايقنعش حتى يملى عينو التراب

اشراق خيرها في غيرها ات شاء الله ياخي حذرتك وقلتلك عندك الا ديري كيما انا مع كملت هذاك الكرينو لعزيز و الفرحة قاتلتني و نتعنطر و الناس تصفق من برة يا لالة حتى قالي المونيتور المرة الجاية يالالة ما فهمت فيها والو قالي يالالة تسوقي و الفرا اماfrein a main طالع
ياعمري عييت وين ندير وجهي واللي كانوا يصفقوا رجعوا يضحكوا
المهم كلش عاودتو مرتين غير الكود ديتو مع الاول

مارساي حبيبتي وش راكي ; بعثتلك و رديتلك على حكايتك بصح الادارة نحاتو كي نتاعي كي نتاعكك ; المهم
حبيت نقولك يا مارساي بلي والله ماراكي وحدك والله كامل عندنا ضروف بسبة الحسد ; ونقولك حاجة اذا راكي حابة تتخلصي من نحس الحسد كثري صلاتك اطلبي ربي حتى يالوكان تكوني برا تمشي صومي استغفري اسمعي سورة البقرة واقرايها كل ثلاثة ايام و داومي عليها ونقولك ثاني اخطاك من الصحابات و الثيقة الزايدة في لعباد , ونقولك اشكي بالربا والله كيما نقولك سمعيهم وش يحبوا يسمعوا , مثلاً بعد ماصرالي هاذ العام كي سمعوا بيا تخطبت قربت للموت وسترني ربي ولحد الان وانا من طبيب لطبيب بصح الحمد لله تحسنت تكويت عرفت صلاحي و بلي ماكان منها لا صحابات لا لافامي والو تفاهمت مع والديا و خرجت حكاية لصحاباتي قلتلهم بلي خلاص انا وخيبي ماكتبش ربي "بعيد الشر" وقلت لا فامي بالاخص نسا خوالي هذوك هوما سبتي قلت بلي حاوزوه من الخدمة وبالاك بابا راح يبطل ,الحاصول شفت الفرحة في عينيهم
حسبي الله ونعم الوكيل , والله ماقلتلهم حتى على لا دات تاع الفاتحة هذي زعمة للقراب ,نخليهم ما يفهموا فيها والو
قالك داري على شمعتك تضوى
اما بالنسبة لراجلك قوليلو يصبر وكل عطلة فيها خيروقوليلو ربي لحب كيما هكذا...........وراكي تعرفي تسايريه و تكلميه
وان شاء الله كي ليوم تفرج و ما تعياي تكوني معاه في حضانوا وفي داركم
عسى ان تكرهوا شيئاً و يجعل الله لكم فيه خيركثيرا

لبنات خللو قسم تجمع العرائــــــس للاستفسارات ورواحو هنا اهدروا بحريتكم في الشات

كهينة والله غير كلامك حطيتو في راسي بصح الله غالب ماشي عارفة كيفاش نسيت لاسانتير قدام المونيتور جامي درتها نزل علي هذا الابداع غير نهار l'examen معليش نانساها المرة هاذي خير ما ننساها قدام البوليسي المرة الجاية

شرفوني عرااايس ...:D
http://forums.3roos.com/showthread.php?t=551139

[QUOTE=firdaousse;12714380]

[/QUOT

دووووماج لحقت بعد ماخرجتي فردوس :hysterical:
ربي يخليكم اخواتي كهينة F: ميماتي F: مارساي F: فردوس F: راكم خففتو علي الخيبة تاعي اليوووووم :):thumbs_up:

لبنات شوفو السيت هذا وقولولي واش رايكم

www.fatenamouri.com

مليح كي عجبك فردوس حتى انا عجبني بزاف بصح دووووووماج مافيهش الكوبي كولي sinon نرحلوه للمنتدى:lol:

و الله نتمنى اختي فردوس بصح مانيش على وشك زواج ولا مخطوبة أصلا

بصح ان شاء الله نلتحق بكم prochainement:rolleyes:

الله يخليك ميماتي و يرزقك بكل ما تتمني