bosy_md;13220407:
رونا ازيك يا قمر اخبارك ايه دلوقتي؟ توكي ربنا يكتبلك و لنا ساعة سهلة يارب.. كتكوتة فعلا ممكن ده السبب لأن فعلا الإفرازات قليلة جدا في الحمل.. أنا الحمدلله روحت للدكتورة امبارح و قالتلي معايا اسبوع أو عشر أيام كمان ربنا يسهل وهي من أنصار تاريخ السونار جدا مش بتبص لميعاد البريود خالص.. سؤالي بقي بتجيبوا بيبي لوشن نوعه ايه؟ و هو مهم ولا لا؟ أنا جبت شاور و شامبو سانوسان ودايبر كريم جبت سانوسان ولقيت امبارح زنك اوليف جبته و جبت بيبي اويل جونسون بالكاموميل ووايبس ايزي كير.. وجبت الحمدلله كمان بيبي درينك و الببرونة و التيتينة.. ناقص حاجة ثاني للبيبي يا قمرات؟ وهو القطن و الكحول بنشتريه دلوقتي ولا الدكتور ساعة الولادة بيكتبه مع الطلبات ؟ ولو هجيبه دلوقتي اجيب ايه يعني حجم قد ايه و نوع ايه اللي جربتوه كويس ولا بقول للدكتور كحول و قطن بس هو بيعرف؟ كفاية أسئلة بقي ايه ده أنا رغايه اوي
و الله يا بوسي مش عارفه لسه برده تعبانه مجرد انى اعمل اى حاجه ببقي خلاص مش قادره اتحرك بس ربنا يسهل هروح للدكتورة النهارده ان شاء الله و اشوف هتقول ايه
اللوشن هاتيه جونسون الكل بيشكر فيه و الكحول و القطن كمان هاتيه من دلوقتي و بيتهيالي هاتى علب صغيره لانك مش هتستعمليهم كتير هى مده بسيطه بس على ما السره تقع و تنشف و ربنا معاكى و يرزقك ساعه سهله ان شاء الله
CuTie KaTkOoTa;13220465:
حاضر يا ويلا هبعتلك علي الخاص التليفون بتاعهم.
وانا بردو استخدمت الكريم المهبلي ده بس عشان طلع عندي التهابات بعدها وكانت عاملالي حرقان كمان ساعة السيكو.
جبتي السلسلة بتاعة التيتينة عشان متوقعش علي الارض وتتوسخ لو انتي بره، وهاتي عادي القطن والكحول من دلوقتي لأن كده كده هايتجابوا لازم فمش هتفرق دلوقتي ولا يوم الولادة، بيبقي اسمه محول اصيلي او كحول طبي 70% وفيه العادي وفيه السبراي، وهاتي لوشن جونسون اللي غطاه موف ده تحفة ريحته حلوة اوووووووووووي بمسحلها به حوالين رقبتها كده وعند ودنها، والحلق الطبي والترمومتر والقصافة والفرشة
كتكوته هى الكولنيا ينفع احطها لبيبي لسه مولود بس احطها على الهدوم مش على جسمه و لا تعمله حساسيه برده لان بنت خالتي لسه والده و بتحط لابنها كولونيا فانا خايفه اوى على البيبي
manafola;13221961:جزاك الله كل خير يا رب الحمد لله ماما موجوده و مش مشكله التعب الحمد لله ممكن اتحمل بس اعمل ايه في الاكل و كده و الرضاعه و الغيار هقدر اغيب مثلا عنها 6 ساعات اشتري شفاط لللبن مثلا و لا ايه و اقعد عند ماما و لا في بيتي و لا اعدي عليها الصبح اسيبلها البنت و لا ايه
بصي يا حببتي الرضاعه انتى طبعا هتضطري تجيبي شفاط و تشفطي لبن و تحطيه لبنوتك في التلاجه بحيث ان طول ما انتى مش موجوده مامتك ترضع بيه البنوته و بالنسبه بقي تقعدي فين فلو مامتك جمبك او جمب شغلك خليكي في بيتك احسن عشان كمان جوزك ميدايقش