تجهيزات حوامل مصرللمولود الجديد و النفاس ‏جزء 5

sweetylolla85;13210135:
بصي يادينا تركيب اللولب ازاي الدكتور بيدخل حاجه كده بصي الموضوع مابياخدش دقيقتين نصيحتي استرخي ومتخافيش عشان انا خفت وشديت جسمي وجعني شويه
الدكتوره هاتديكي دواء يوقف الدم هو بالكتير اوي هياخد اسبوع وفي الاغلب الدواء اسمه دافلون 500 ده اللي اديتهوني ومعظم الناس بتاخده يمكن الدكتوره بتاعتك يبقالها رايي تاني
الجماع بقي اول مالدم يقف ان شاء الله
بيبو جربتي البريست بادز ولا ايه ؟
بنات ابني عنده قشر كتير في شعره القشر اللي بيبقي لازق ده حد يعرف اشيلهوله ازاي لانه بيعمل ريحه مش ظريفه
اخر حاجه بقي انا جبتله شامبو اللي هو شامبو وشاور سبايدر مان ريحته وااااااااااااااااااااااااااااااااااااااااااااااااااااااااو
من هنا لبعد بكره انا استحميت بيه خلاني ريحتي رائعه جربوه يابنات بجد تحفه

وحشتيني يا ام يوسف اوييييييييييي

بصي القشره حطيلو بيبي اويل

بنات انا عايزة اسأل على عربية البيبي ايه المواصفات اللي مفروض اركز عليها لما اجي اشتري واحد ليوسف حبيبي يعني تكون كام وضع و تعد معاه لحد كام سنة و تستحمل كام كيلو

الامورة اللي بتسأل على الباميرز اول مقاس فيه بيكون من 2 ل 5 كيلو

بنات هوا لو الواحد بيشفط المفروض يشفط اد ايه في اليوم عشان يشبع البيبي ان شاء الله

عايزة اسأل كمان هيا الحمالة بتاعة البيبي اللي بتتحط على الصدر عملية و لا لأ لان السليبنج باج جربته و متعب بصراحة

بنات انا بيجيلي وجع كل فترة من تحت وبحس ان بطني تقيله منتحت وضهرى بيوجعني من تحت

بس بيروح بعدها بفترة ويجيني تانى

ادعووولى لحسن انا زهقت من التوتر والانتظار

dandona we bas;13214722:
بنات انا عايزة اسأل على عربية البيبي ايه المواصفات اللي مفروض اركز عليها لما اجي اشتري واحد ليوسف حبيبي يعني تكون كام وضع و تعد معاه لحد كام سنة و تستحمل كام كيلو

الامورة اللي بتسأل على الباميرز اول مقاس فيه بيكون من 2 ل 5 كيلو

بنات هوا لو الواحد بيشفط المفروض يشفط اد ايه في اليوم عشان يشبع البيبي ان شاء الله

عايزة اسأل كمان هيا الحمالة بتاعة البيبي اللي بتتحط على الصدر عملية و لا لأ لان السليبنج باج جربته و متعب بصراحة

العربية لازم تبقى ماسكة نفسها كده تحسى انها تستحمل مش خفيفة
وتجربها تمشى على الارض تكون بتمشى وتلف بسهولة العجل بتاعها كويس
والعربيات بينفع تتعمل سرير والمسند ده بيتحرك فى كذا زاوية لحد مابيبقى كرسى
وتخلى بالك من حجمها وهى بتتطبق هل هتناسب حجم عربيتك لو هتحطيها فى العربية ولا لأ
وطبعا الشكل واللون والسعر دى بتختلف من ذوق لذوق
دى أهم حاجات جاية فى بالى دلوقتى

الشفط بيبقى كل 3 ساعات تقريبا
كمية اللبن بتفرق حسب عمر البيبى وطبيعته هو
لو مش عارفة مفروض تشفطيله قد ايه فى الرضعة الواحدة قوليلى ابنك عمره قد ايه وانا اقولك
بس مبدئيا انتى برضه بتشفطى على قد مالبريست يكون فى لبن

الحمالة بتاعت البيبى عملية جدا طبعا بس انتى شوفى طبيعة مشاويرك ايه هتحتاجى العربية اكتر ولا الشيالة

M!ss Tuky;13214877:
بنات انا بيجيلي وجع كل فترة من تحت وبحس ان بطني تقيله منتحت وضهرى بيوجعني من تحت

بس بيروح بعدها بفترة ويجيني تانى

ادعووولى لحسن انا زهقت من التوتر والانتظار

ربنا يرزقك ساعة سهلة ان شاء الله
لو المدة بين كل وجع والتانى بتقل ممكن يكون طلق

dandona we bas;13214722:
بنات انا عايزة اسأل على عربية البيبي ايه المواصفات اللي مفروض اركز عليها لما اجي اشتري واحد ليوسف حبيبي يعني تكون كام وضع و تعد معاه لحد كام سنة و تستحمل كام كيلو

الامورة اللي بتسأل على الباميرز اول مقاس فيه بيكون من 2 ل 5 كيلو

بنات هوا لو الواحد بيشفط المفروض يشفط اد ايه في اليوم عشان يشبع البيبي ان شاء الله

عايزة اسأل كمان هيا الحمالة بتاعة البيبي اللي بتتحط على الصدر عملية و لا لأ لان السليبنج باج جربته و متعب بصراحة

الشياله حلوه اووي لو خارجه لوحدك وكمام في واحده جبتها ال هي بتحطي البيبي علي جنب

M!ss Tuky;13214877:
بنات انا بيجيلي وجع كل فترة من تحت وبحس ان بطني تقيله منتحت وضهرى بيوجعني من تحت

بس بيروح بعدها بفترة ويجيني تانى

ادعووولى لحسن انا زهقت من التوتر والانتظار

عاادي هو الشهر الاخير كده ربنا يعدي الايام ده علي خيير

redflowerlovey;13212989:
انا امبارح بالصدفة ماما كانت لسه بتقولي انه بيدهن قبل الولاده فعلا بس هي قالتلي على البانثينول كان على ايامهم مفيش غيره

هي فعلا ماما لسه قايلالي انه قبلالولاده ادهن بنثينول بس انا كنت بسال على النوع التانى هل ينفع و لا لأ

sweetylolla85;13210135:
بصي يادينا تركيب اللولب ازاي الدكتور بيدخل حاجه كده بصي الموضوع مابياخدش دقيقتين نصيحتي استرخي ومتخافيش عشان انا خفت وشديت جسمي وجعني شويه
الدكتوره هاتديكي دواء يوقف الدم هو بالكتير اوي هياخد اسبوع وفي الاغلب الدواء اسمه دافلون 500 ده اللي اديتهوني ومعظم الناس بتاخده يمكن الدكتوره بتاعتك يبقالها رايي تاني
الجماع بقي اول مالدم يقف ان شاء الله
بيبو جربتي البريست بادز ولا ايه ؟
بنات ابني عنده قشر كتير في شعره القشر اللي بيبقي لازق ده حد يعرف اشيلهوله ازاي لانه بيعمل ريحه مش ظريفه
اخر حاجه بقي انا جبتله شامبو اللي هو شامبو وشاور سبايدر مان ريحته وااااااااااااااااااااااااااااااااااااااااااااااااااااااااو
من هنا لبعد بكره انا استحميت بيه خلاني ريحتي رائعه جربوه يابنات بجد تحفه

لولا اخبارك ايه يا جميل و اخبار يوسف ايه
لولا تقريبا انتى كنتى جبتي البريست بادز اللي بتتغسل جربتيها حلوة و لا مش اوى

du;13214557:
البنوته اللي بتسآل علي الكرسي الباونسر
ده بتاعي بقعد فيه صوفيا من وهي عندها اسبوع تقريباا
انا جيباه من بيبي شوب اللي فيه كارفور العبور ب ٢٧٠ جنيه بس هو كان عليه خصم جامد لاني لسه شايفاه في ريكو ب ٥٠٠ !!!!!!
وفيه موسيقي وهتزاز وبيتمرجح
هو ماركه اسمها برايت ستارز
وبصراحه هو حلو وعملي اوي لاني بقعد فيه صوفيا طول ما هي صاحيه بتعد ساكته وتسمع الموسيقي وتتفرج علي اللعب وبحطه جنبي وانا في المطبخ

ماشاء الله جميل اوى
طيب متعرفيش بيبي شوب بيعمل الخصم ده امتى

M!ss Tuky;13214877:
بنات انا بيجيلي وجع كل فترة من تحت وبحس ان بطني تقيله منتحت وضهرى بيوجعني من تحت

بس بيروح بعدها بفترة ويجيني تانى

ادعووولى لحسن انا زهقت من التوتر والانتظار

ربنا معاكي يا توكى و برزقك ساعه سهله ان شاء الله

صحيح يا بنات اللي جربوا بامبرز هو بتاع البيبيهات و هما لسه مولودين بيبقي فيه فتحه للسره زى بيبي جوى و لا بيكون كله مقفول عادي

يا بيبو انا ابني عمره شهر و 7 ايام ماشاء الله المفروض اشفطله اد ايه و اعرف ازاي ان رينج اللبن قليل عن الطبيعي

سويتي رونا البامبرز مكنش فيه حتة للسرة و لا حاجة بس كده كده مع المواظبة على تنظيفها بالحكول ان شاء الله مش هتعد كتير

CuTie KaTkOoTa;13211856:
ب



عارفة ممكن عشان الافرازات بتبقي اقل من الطبيعي اللي متعودة عليه لأن الحمل بينشفها شوية في الموضوع ده يعني، انا بقي بعد الولادة بقيت كده وكنت بتعب اوي بردو كأنني لسه اول مرة وبقينا مستغربين اوي مع اني والدة قيصري يعني مالوش اي علاقة بالمكان ده

حصلي كده ياايمي تخيلي اول مره جماع بعد النفاس كانت مؤلمه جدا كانها اول مره والدكتوره قالتلي معلش عشان بقالكو فتره واديتني كريم اسمه جينو دكتارين خفف الدنيا خالص الحمد لله
ايمي سؤال بقي في السريع كده عاوزه عنوان الكوافير اللي صبغتي شعرك عنده وقصيتيه انا فاكره ان وريتنيا الصور وكانت تحفه خالص ممكن تبعتيلي التفاصيل

كيوت لولا;13213560:
ماميهات هو اول مقاس فس اي بامبرز بيكون من وزن كام لكام

من 2 ل5 ان شاء الله

du;13214581:
وحشتيني يا ام يوسف اوييييييييييي

بصي القشره حطيلو بيبي اويل

دو ازيك ياعسل عامله ايه وازيي صوفي ماشاء الله قمر يارب يحميها ويحفظها من العين انا خطبتها ليويو خلاص احكيلي لما طعنتيها تطعيم شهرين ايه اللي حصل
[QUOTE=sweetyronaaa;13216625


لولا اخبارك ايه يا جميل و اخبار يوسف ايه
لولا تقريبا انتى كنتى جبتي البريست بادز اللي بتتغسل جربتيها حلوة و لا مش اوى



[/QUOTE]
ازيك ياروني ياقمر حلوه اوي انا جبت بتاعه افنت الصراحه بنت ناس موت ومابتسربش ولا بتبان تحت الهدوم

بنات بداتو تنظمو نوم عيالكو من امتي الواد يوسف ده خنقني وتعبلي اعصابي اوي
الشتوي نزل ولا لسه؟

انا بنتى عندة 3شهور ينفع اطعمها الروتا دلوقتى ولة كان لازم لما يكون عندها شهر ونصف وهوة بيتاخد كام مرة واخرة سن لتطعيم الروتا دة امتى وهوة فعلا مهم هل بيتعب زى تطعيم الصحة ولة بيكون سهل ياريت للى يعرف يقولى جزاكم الله كل خير

رونا ازيك يا قمر اخبارك ايه دلوقتي؟ توكي ربنا يكتبلك و لنا ساعة سهلة يارب.. كتكوتة فعلا ممكن ده السبب لأن فعلا الإفرازات قليلة جدا في الحمل.. أنا الحمدلله روحت للدكتورة امبارح و قالتلي معايا اسبوع أو عشر أيام كمان ربنا يسهل وهي من أنصار تاريخ السونار جدا مش بتبص لميعاد البريود خالص.. سؤالي بقي بتجيبوا بيبي لوشن نوعه ايه؟ و هو مهم ولا لا؟ أنا جبت شاور و شامبو سانوسان ودايبر كريم جبت سانوسان ولقيت امبارح زنك اوليف جبته و جبت بيبي اويل جونسون بالكاموميل ووايبس ايزي كير.. وجبت الحمدلله كمان بيبي درينك و الببرونة و التيتينة.. ناقص حاجة ثاني للبيبي يا قمرات؟ وهو القطن و الكحول بنشتريه دلوقتي ولا الدكتور ساعة الولادة بيكتبه مع الطلبات ؟ ولو هجيبه دلوقتي اجيب ايه يعني حجم قد ايه و نوع ايه اللي جربتوه كويس ولا بقول للدكتور كحول و قطن بس هو بيعرف؟ كفاية أسئلة بقي ايه ده أنا رغايه اوي

لولا ياقمر البيبي اويل مكتوب عليه انه يستخدم للقشرة عند الأطفال.. ادهني منه هيخلي الريحة حلوة و يضيعه.. و كنت اسمع ماما زمان وتيتة الله يرحمها كانت تقول محدش يقشره علشان غلط.. و كانوا بيدهنوه لبن..

sweetylolla85;13216894:
حصلي كده ياايمي تخيلي اول مره جماع بعد النفاس كانت مؤلمه جدا كانها اول مره والدكتوره قالتلي معلش عشان بقالكو فتره واديتني كريم اسمه جينو دكتارين خفف الدنيا خالص الحمد لله
ايمي سؤال بقي في السريع كده عاوزه عنوان الكوافير اللي صبغتي شعرك عنده وقصيتيه انا فاكره ان وريتنيا الصور وكانت تحفه خالص ممكن تبعتيلي التفاصيل

حاضر يا ويلا هبعتلك علي الخاص التليفون بتاعهم.
وانا بردو استخدمت الكريم المهبلي ده بس عشان طلع عندي التهابات بعدها وكانت عاملالي حرقان كمان ساعة السيكو.

bosy_md;13220407:
رونا ازيك يا قمر اخبارك ايه دلوقتي؟ توكي ربنا يكتبلك و لنا ساعة سهلة يارب.. كتكوتة فعلا ممكن ده السبب لأن فعلا الإفرازات قليلة جدا في الحمل.. أنا الحمدلله روحت للدكتورة امبارح و قالتلي معايا اسبوع أو عشر أيام كمان ربنا يسهل وهي من أنصار تاريخ السونار جدا مش بتبص لميعاد البريود خالص.. سؤالي بقي بتجيبوا بيبي لوشن نوعه ايه؟ و هو مهم ولا لا؟ أنا جبت شاور و شامبو سانوسان ودايبر كريم جبت سانوسان ولقيت امبارح زنك اوليف جبته و جبت بيبي اويل جونسون بالكاموميل ووايبس ايزي كير.. وجبت الحمدلله كمان بيبي درينك و الببرونة و التيتينة.. ناقص حاجة ثاني للبيبي يا قمرات؟ وهو القطن و الكحول بنشتريه دلوقتي ولا الدكتور ساعة الولادة بيكتبه مع الطلبات ؟ ولو هجيبه دلوقتي اجيب ايه يعني حجم قد ايه و نوع ايه اللي جربتوه كويس ولا بقول للدكتور كحول و قطن بس هو بيعرف؟ كفاية أسئلة بقي ايه ده أنا رغايه اوي

جبتي السلسلة بتاعة التيتينة عشان متوقعش علي الارض وتتوسخ لو انتي بره، وهاتي عادي القطن والكحول من دلوقتي لأن كده كده هايتجابوا لازم فمش هتفرق دلوقتي ولا يوم الولادة، بيبقي اسمه محول اصيلي او كحول طبي 70% وفيه العادي وفيه السبراي، وهاتي لوشن جونسون اللي غطاه موف ده تحفة ريحته حلوة اوووووووووووي بمسحلها به حوالين رقبتها كده وعند ودنها، والحلق الطبي والترمومتر والقصافة والفرشة

ميرسي يا كتكوتة.. أنا جبت سلسلة التيتينة ماركة سفاري و جبت ٢ ترمومتر افنت و الفرشة و المشط سفاري بردو.. اللوشن ده مش شفته هنا هدور عليه ثاني.. الحلق بقي ربنا يسهل لما اولد أنا لسه مش متأكدة ولد ولا بنت ان شاء الله.. طيب الكحول و القطن اجيب قد ايه ؟

yasmenmm;13218148:
انا بنتى عندة 3شهور ينفع اطعمها الروتا دلوقتى ولة كان لازم لما يكون عندها شهر ونصف وهوة بيتاخد كام مرة واخرة سن لتطعيم الروتا دة امتى وهوة فعلا مهم هل بيتعب زى تطعيم الصحة ولة بيكون سهل ياريت للى يعرف يقولى جزاكم الله كل خير

لا عادى تاخده انا بنتى خدته وهى 3 شهور عادى و فى منه جرعتين و 3 انا اديتها الجرعتين ده احسن بس مشكلتى بقى انى سافرت و مش عارفة هلاقيه هنا اديلها الجرعة التانية وللا لا ربنا يستر والاقيه و هو مش بيتعب متخافيش اه و هو بتلتمية و حاجة او تلتمية اللا حاجة تقريبا مش فاكرة عشان متتفاجئيش

bosy_md;13220551:
ميرسي يا كتكوتة.. أنا جبت سلسلة التيتينة ماركة سفاري و جبت ٢ ترمومتر افنت و الفرشة و المشط سفاري بردو.. اللوشن ده مش شفته هنا هدور عليه ثاني.. الحلق بقي ربنا يسهل لما اولد أنا لسه مش متأكدة ولد ولا بنت ان شاء الله.. طيب الكحول و القطن اجيب قد ايه ؟

اللوشن حلو بيدى ريحة حلوة للنونو و ويبس سانوسان حلوة اوى احلى من ايزى كير و هاتى الحلق احتياطى عشام متكسليش و تتاخرى فى خرم الودن عشان فى الاول مبيحسوش بالوجع

روضه 2006;13205835:
ازيكم يابنات وحشتونى كلكم خالص عاملين ايه عوزه اسالكم عن حاجه ابنى اول مايبتدى فى الشهر الرابع ايه الاكل اللى ممكن اكلهوله وايه العصاير اللى يشربها ويشرب منها اد ايه واعملها ازاى واسخنها شويه

وكما نقط فيتامين د بيتاخد منها كام نقطه فى اليوم

انا الدكتور بتاع بنتى قالى ابتدى معاها بسكويت هيرو مع ميه مغليه وشوربه خضار(جزر-بطاطس-كوسه) لو جالها اسهال اقلل الكوسهع واكتر الجزر ولو امساك العكس بس طبعا متبقاش تقيله سايله شويه وزبادى دانون لايت
وقاعده تبدأى معلقه اول يوم تانى يوم 2 والتالت 3 وعن نفسى بصراحه مش شايفه قاعده فى الاكل للاطفال كل دكتور شايف اللى ادامه وادرى مش احنا اللى هنألف تابعى واللى يقولك عليه الدكتور اعمليه ناس تقولك من السادس لا الرابع لا معرفش ايه اللى الدكتور يقوله هو الصح ده رأى
بالنسبه للفيتامين هو ادانى دوا كالسيوم مع فيتامين مش فاكره اسمه 2.5 مللى كل يوم

manafola;13221794:

انا محتاجه نصيحتكم بجد و الله العظيم انا بشتغل دلوقتي في مكان الحمد لله كويس من 9 ل 3 و الحمد لله صاحب العمل متمسك بيا بس مش عارفه هعمل ايه بعد الولاده انا اللي مطمني اني مش اول واحده تشتغل بعد الولاده بس انا اول واحده في العيله تعمل كده و مش عارفه اعمل ايه و محدش عارف ينصحني و اتصرف ازاي كل اللي اعرفه اني لازم افضل اشتغل عشان ورايا قسط عربيه و التزمات تانيه يا ريت اللي جربوا و اشتغلوا يقولوا اعمل ايه في حضانه في العمارة اللي جنبي في الشغل بس 1100 جنيه من 3 شهور !!! اصرف ازاي لاقولي حل بالله عليكم

متقلقيش يا جميله انا بردو رجعت الشغل بعد الولاده مش هقولك الحياه بمبى بقى ومبسوطين وكده لا تعب بس هنعمل ايه الحمدلله اصبرى واتحملى وبصراحه لو معندكيش حد لا مامتك ولا حماتك يعدوا بالبيبى لحد ما ترجعى خدى اجازه لحد ما يكمل سنه حتى لانى شخصيا مش بحب فكره الحضانه فى السن الصغير ده

منافولا ياقمر أنا كمان بشتغل الحمدلله وهاخذ اجازة سنة علي الأقل بعد الولادة لأن ماما موظفة بردو وحماتي في بلد ثانية خالص.. أنتي حاولي بما انك عندك التزامات واقساط تودي البيبي عند مامتك أو حماتك أو اختك مثلا أقرب حد منهم أحسن من موضوع الحضانة في السن الصغير اوي ده.. كمان اتناقشي مع صاحب الشغل في ظروفك وشوفي أجازتك هتكون قد ايه و مواعيد الشغل بعد الوضع وكده يعني.. وخلي آخر حل هو حل الحضانة ودوري بقي علي واحدة ثانية قريبة و مصاريفها معقولة عن دي.. ربنا معاكي..

miobello;13221831:
متقلقيش يا جميله انا بردو رجعت الشغل بعد الولاده مش هقولك الحياه بمبى بقى ومبسوطين وكده لا تعب بس هنعمل ايه الحمدلله اصبرى واتحملى وبصراحه لو معندكيش حد لا مامتك ولا حماتك يعدوا بالبيبى لحد ما ترجعى خدى اجازه لحد ما يكمل سنه حتى لانى شخصيا مش بحب فكره الحضانه فى السن الصغير ده