تجهيزات حوامل مصرللمولود الجديد و النفاس ‏جزء 5

لولا والله ياقمر أنا مش من اسكندرية أنا من مطروح بس علشان اسكندرية أقرب بلد ليا اللي مش بلاقيه هنا بدور عليه عندكم كمان أنا بموت في اسكندرية..


توكي ألف سلامة عليكي طمنينا عليكي عاملة ايه دلوقتي؟


سويتي أنتي عاملة ايه دلوقتي لسه الوجع ولا أحسن ان شاء الله؟

بنات حد جرب حزام البطن اللي اسمه Healthy ?

dandona we bas;13162878:
زينة يا قمرايا المكان تحت لازم يتخيط عشان طبعا هما بيفتحوا عشان يوسعوا وقت ولادة البيبي ان شاء الله وبعدين بعدها بتتشطفي ببتادين و تحطي مرهم مضاد حيوي عشان الخيط يقع و المكان يرجع زي الاول ان شاء الله

سويتي رونا حاولي ترتاحي ضروروي و متعمليش اي مجهود و خليكي على اتصال بدكتورتك و ان شاء الله تولدي في ميعادك يا حبيبتي

ربنا يسهل يا دندونه

*pippo*;13163974:
والله يا نيمو انا من رأيك ومستغربة جدا البنات اللى بتقول انه مالوش لزمة
انا لو لابسة برا فى البيت لازم بتبقى بتاعت الرضاعة غير كده الموضوع بيبقى رخم قوى
لكن طبعا برا الرضاعة ماتنفعش فى الخروج خالص الشكل مش بيبقى لذيذ نوهائى

طيب مجربتيش برا الرضاعه بتاعت تيريامف يا بيبو

M!ss Tuky;13165184:
بنااااااااااااات انا حاسه انى مفرهضه وضربات قلبي سريعه وباخد نفسي بسرعه مش عارفه انااااااام

انا كنت داخله ع دور برد الدكتور قالى اخد اورفار استحلاب وبنادول وانا باخد اصلا هيما كابس خدت التلاته مع بعض حاسه انى بنهج ومش قادرة

الف سلامه عليكي يا قمر معلش استحملي هو الشهر التاسع متعب ربنا يعديه على خير و يقومك بالسلامه ان شاء الله

bosy_md;13166994:
لولا والله ياقمر أنا مش من اسكندرية أنا من مطروح بس علشان اسكندرية أقرب بلد ليا اللي مش بلاقيه هنا بدور عليه عندكم كمان أنا بموت في اسكندرية..


توكي ألف سلامة عليكي طمنينا عليكي عاملة ايه دلوقتي؟


سويتي أنتي عاملة ايه دلوقتي لسه الوجع ولا أحسن ان شاء الله؟

بنات حد جرب حزام البطن اللي اسمه Healthy ?

الحمد لله الوجع احسن شويه
و انا مريحه خالص مش بتحرك من مكانى و شوية كده و اكلم الدكتورة اشوف هتقول ايه

سويتي أول ما الدكتورة تطمنك ان شاء الله طمنينا عليكي.. بنات بليز حد يكتبلي ثاني كل الحاجات اللي البيبي هيحتاجها من الصيدلية لأن الورقة ضاعت مني وعايزه الحق اشتريهم.. و لو هجيب منتجات جونسون مثلا اجيب احجام صغيرة لحد ما اشوف هتبقي عادي مع البيبي ولا لا ولا أنا كده موسوسه زيادة؟

bosy_md;13167128:
سويتي أول ما الدكتورة تطمنك ان شاء الله طمنينا عليكي.. بنات بليز حد يكتبلي ثاني كل الحاجات اللي البيبي هيحتاجها من الصيدلية لأن الورقة ضاعت مني وعايزه الحق اشتريهم.. و لو هجيب منتجات جونسون مثلا اجيب احجام صغيرة لحد ما اشوف هتبقي عادي مع البيبي ولا لا ولا أنا كده موسوسه زيادة؟

ان شاء الله يا بوسي
بصي بقي حاجه البيبي
1- شامبو و شاور
2- بامبرز
3- مناديل مبلله
4- صابون سايل او صابونه عاديه
5- كريم للحفاضات و فيه كريم زنك ( بصراحه معرفش الاتنين نفس الاستخدام و لا ايه :biggrin: )
6- تيتينه
7- ببرونه
8- هتحتاجى كمان بريست بادز ليكي
9- كريم مرطب او بيبي اويل
10 - مشط او فرشه

كفايه عليكي كده بقي لترميني بحاجه ههههههههههههههههههههههههههههههههه:lol:

ههههههههه لا ماهو ربنا بيحبك ان نص الحاجات دي جبتها فاضل الشامبو واللوشن والبيبي اويل وكريم الدايبر .. جبت البامبرز والببرونة والتيتينة والمشط والفرشة والمناديل.. هحتاج كمان قطن وكحول علشان السرة مش كده؟ فاضل حاجة ثاني؟ و لو جبت صابون سايل ديتول علشان لما اغسل مكان البامبرز كويس ولا غلط عليه؟

bosy_md;13167439:
ههههههههه لا ماهو ربنا بيحبك ان نص الحاجات دي جبتها فاضل الشامبو واللوشن والبيبي اويل وكريم الدايبر .. جبت البامبرز والببرونة والتيتينة والمشط والفرشة والمناديل.. هحتاج كمان قطن وكحول علشان السرة مش كده؟ فاضل حاجة ثاني؟ و لو جبت صابون سايل ديتول علشان لما اغسل مكان البامبرز كويس ولا غلط عليه؟

طيب الحمد لله انك جبتيها بدل ما اضرب
اه هتجيبي طبعا قطن و كحول و حلق طبي لو بنوته بس الصابون بتاع ديتول بلاش منه احسن في صابون للاطفال او لو ملقتيش استخدمي الشاور احسن

انا جيت يابنات الحمدلله عدت ع خيير معرفتش انام غير الساعه 7 الصبح بجد مكنتش قادرة خدت كام دوا مع بعض كنت حاسه انى باخد نفسي بصعوبه ومش عارفه حتى اتكلم

الحمدلله

بوسي نصيحه حاجه المستشفي هاتيها صغيره

انا جايبه حجات صغيره كده زى الشامبو والزيت اصلا صغير باكته البامبرز ال عشرة دى للمستشفي عشان مع اختى الممرضين الى ف العمليات طلبو الحجات دى عشان البيبي مطلعوش بيها تانى

او عشان الدوخه والدوشه ساعتها والناس ممكن تنسي حاجه فالمستشفي

حمدالله ع السلامة يا توكي بعد كده بلاش تاخدي العلاج كله مع بعضه قسميه علي اليوم أحسن.. لا أنا قصدي علي حاجات البيبي للبيت مش المستشفي.. كمان اطمني جوزو مش بينسي الهوا يا ماما هههههههههه

البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

السلااااااام عليكم

nemonamanemo;13168942:
البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

ازيك الاول يا جميل انا بردو والده قيصري وعاوزة اعرف اعمل رياضه من امتى وكمان مياثرش على الرضاعه:)

بنات كمان بخصوص وسائل منع الحمل انتو استعملتو ايه؟؟؟؟؟؟؟؟؟وهل الحبوب بتزود الوزن

بنات محدش بيرد عليا ليييييييييييييييييييييييييييه؟

ازيك يا سمر فينك انتى جبتى يوسف صح؟؟؟
اه انا اسمع ان الحبوب بتجمع ميه فى الجسم وتتخن اللوب احسن

ازيك يا بسبوسه وحشاني والله انا ولدت وجبت حسام انا روحت اركب لولب وركبته وفي نفس اليوم شلهوهولي عشان لقي الرحم لسه تعبان ووصفي حبوب الرضاعه ماشيه عليها حاليا بس تركيب الولب صعببببببببببببببب موت

nemonamanemo;13168942:
البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

الرياضه بعد 40 بس طبعا غلي خفيف
والدايت في متخصص للمرضعات بس تاكلي حاجات مافهاش دهون يعني عصاير فريش وفاكهه ولبن

نسمه الجنه;13169201:
بنات كمان بخصوص وسائل منع الحمل انتو استعملتو ايه؟؟؟؟؟؟؟؟؟وهل الحبوب بتزود الوزن

مش كل الحبوب بتخن وانا ركبت لوب

zozokah;13162397:
ازيكم يابنات

انا تعبانه قوي يابنات ادعولي عندي الم تحت بالمكان اياه :o الم فضيع مش بعرف امشي ولا ارفع رجلي وبيجيلي الم ببطني وظهري عامل زي الكهرباء وتقلص بيروح ويجي

عندي سؤال محرج للبنات اللي ولدوا طبيعي هو المكان اللي يخرج منه البيبي بيكبر ويتوسع عن الاول ولا بيرجع زي الاول زي مكان قبل الولاده

اصلي سمعت ان بعد الولاده المكان بيكبر ومبتبقاش الزوجه حاسه وقت العلاقه الخاصه وكده

سلامتك يا زوزة، بصي حسب الدكتور وشطارته وان كان بيفهم وكويس ولا حمار، بس الاغلبية بيخيطوا كويس ويضيقوه اكتر من الاول كمان زي ما البنات قالولك.

M!ss Tuky;13162483:
زقزوقه ربنا يرزقك ساعه سهله يااارب

بصي في اسم ( بجاد ) بيعجبني اوى

وفي مالك حلو بردو

هو بيجاد ده فيه منه مسلم اصلا يا توكي، انا عارفة انه كريستيان وبس ومش بحبه خالص وتقيل اوي وعشان كمان مرتبط معايا انه كريستيان.

razminia;13164005:

ايما الف سلامة عليكى اية يابنتى مش موضوع ضهرك دة كان خلاص ولا اية رجعلك تانى ؟ الف سلامة عليكى ياقمر

هى المعالق السيليكون دى بتتجاب منين وعايزة اجيب لعب لمالك اجيبها منين اللى الشخشيخة والحجات اللى ليها اصوات دى وعايزة اجيبلة عضاضة برضة تكون سيليكون ياترى فية ولا اية النظام اصل الدكتور قاالى انة ابتدى المراحل الاولى من التسنين ومش عايزة اجيبلة التتينة بصراحة عشان ماما بتقولى بتبقى اكتر من الفطام بتاع البريست ومش بيسبها بسهولة فعايزة اجيبلة عضاضة عشان ياعينى بيحط ايدة فى بقة عشان على راى الدكتور ضراضيرة بتاكلة

الله يسلمك يا جميل، بصي هو كان اتحسن وهو فعلا احسن من الاول ورجلي بردو بس مرجعتش زي الاول للأسف عالطول بردو بشتكي وبتعب بسرعة اوي.
المعالق هتلاقيها في كل المحلات والصيدليات كمان، ده انا جبتهم في صيدلية صغيرة وفي مكان منيل كمان الحمدلله :D:D
والعضاضة نفس الكلام بلاقيها كتير بس في الصيدليات بشوف الاغلبية اللي هما بيبقي فيهم سائل دول وبيتحطوا في التلاجة وعلي شكل فواكه ملونة بقي، بس انا مجبتش منهم كنت جايبة لجوجو شخشيخة وعضاضة في نفس الوقت بيبي جونيور من العزبي بس هي مش بتستخدمها كعضاضة خالص هي بتحطها في بقها اللي هو الطبيعي بتاع الاطفال الاستكشاف العادي يعني اي حاجة في البقي عالطول وبتلعب بيها بقي.

sweetyronaaa;13167000:



طيب مجربتيش برا الرضاعه بتاعت تيريامف يا بيبو

ألف سلامة عليكى يا رونا شدى حيلك كده يا قمر
لأ انا ماجربتهاش ماعرفش انهم بينزلوا براهات رضاعة أصلاً :!!:

sweetyronaaa;13167194:

ان شاء الله يا بوسي
بصي بقي حاجه البيبي
1- شامبو و شاور
2- بامبرز
3- مناديل مبلله
4- صابون سايل او صابونه عاديه
5- كريم للحفاضات و فيه كريم زنك ( بصراحه معرفش الاتنين نفس الاستخدام و لا ايه :biggrin: )
6- تيتينه
7- ببرونه
8- هتحتاجى كمان بريست بادز ليكي
9- كريم مرطب او بيبي اويل
10 - مشط او فرشه

كفايه عليكي كده بقي لترميني بحاجه ههههههههههههههههههههههههههههههههه:lol:

كريم الحفاضات هو كريم الزنك .. فى انواع كتير منها سانوسان وبيبى كريم وزنك اند اوليف وفى كريمات وفى لوسيونات

bosy_md;13167439:
ههههههههه لا ماهو ربنا بيحبك ان نص الحاجات دي جبتها فاضل الشامبو واللوشن والبيبي اويل وكريم الدايبر .. جبت البامبرز والببرونة والتيتينة والمشط والفرشة والمناديل.. هحتاج كمان قطن وكحول علشان السرة مش كده؟ فاضل حاجة ثاني؟ و لو جبت صابون سايل ديتول علشان لما اغسل مكان البامبرز كويس ولا غلط عليه؟

لأ بلاش ديتول
هاتى حاجة احسن مخصصة للبيبيهات

nemonamanemo;13168942:
البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

المشى انتى هتتحركى عادى بعد اسبوعين بس ممكن تلاقى لسة صعوبة فى لما تيجى تقومى من السرير من النوم
ممكن تحسى بتعب فى الجرح لو مشيتى كتير لحد شهر ونص او شهرين
على الاربعين ممكن تلعبى رياضة بس طبعا ماتجهديش نفسك قوى.. ممكن تبدأى بالرياضة المسموحة للحوامل .. التمارين الخفيفة دى .. ده على أساس ان عندك وقت يعنى :D
الرضاعة الطبيعى كده كده بتخسس ماتقلقيش .. ودايت دايت يعنى ماينفعش قبل 6 شهور عشان اللبن مايتأثرش بس انتى تاكلى الحاجات اللى من غير دهون وتاكلى خضار وفاكهة وسوايل كتير وقللى النشويات

نسمه الجنه;13169201:
بنات كمان بخصوص وسائل منع الحمل انتو استعملتو ايه؟؟؟؟؟؟؟؟؟وهل الحبوب بتزود الوزن

الحبوب اللى بتزود الوزن بيبقى تقريبا من 3-5 كيلو فى السنة .. وبتفرق حسب استجابة كل جسم

nemonamanemo;13168942:
البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

بعد شهرين كده وحسب قدرتك انتي، والدايت عادي خالص قللي من الدهون والتحمير والنشويات واعتمدي علي الخضار والفاكهة والسلطة والعصاير واللبن طبعا والمية والسوايل هما دول اهم حاجة للرضاعة اصلا.

نسمه الجنه;13169201:
بنات كمان بخصوص وسائل منع الحمل انتو استعملتو ايه؟؟؟؟؟؟؟؟؟وهل الحبوب بتزود الوزن

سمووورة ازيك يا قمر، انا حطيت لوب.

نسمه الجنه;13169576:
ازيك يا بسبوسه وحشاني والله انا ولدت وجبت حسام انا روحت اركب لولب وركبته وفي نفس اليوم شلهوهولي عشان لقي الرحم لسه تعبان ووصفي حبوب الرضاعه ماشيه عليها حاليا بس تركيب الولب صعببببببببببببببب موت

ممكن تكوني رحتي في يوم غير مناسب عشان كده تعبك في تركيبه لكن لو رحتي صح مش هتحسي به اوي