تجهيزات حوامل مصرللمولود الجديد و النفاس ‏جزء 5

dandona we bas;13145158:
يا بنات انا ابني ممكن يعد على صدري بالساعتين و الثلاثة و في الاخر ميشبعشي و يعيط عايز ياكل و مش شبعان و بضطر اديله الببرونة للاسف لانه بيكون جعان اوي و على صرخة واحدة

و بالنسبة للبامبرز انا جربت بامبرز الاصفر و كان بيسرب الصراحة و خصوصا لو كان يوسف نايم وقت طويل و معرفتش اغيرله انما دلوقتي الحلو اوي بامبرز اسمه نوم و لعب و علبته برتقالي بجد حلو جدا ماشاء الله و مش بيسرب مهما طولتي و مغيرتيش و على فكرة هوا مصري مش سعودي الاسفر هوا اللي كان سعودي و انا بجيب مقاس 2 منه

كمان انا ابني بيحزق اغلب الوقت عايزه اعرف من ايه اوديه لدكتور لانه قبل كده الدكتور قالي عادي مافيش مشكلة في الموضوع ده مش عارفة دي عصبية و لا ايه بالظبط الصراحة

و عايزة اعرف كمان على الاربعين اديله ايه اكل تاني مع الحليب و الاعشاب

طيب ماكويس انه بترضعيه طبيعي وبعدين صناعي مش مشكله المهم ماتبطليش طبيعي
الحزق ده عاادي دومي طان بيعمل كده علي طوول وسالت الدكتور قلي عاادي حتي من غير مايكون عايز يعمل حمام
طبعا ماتدلهوش حاجه علي الاربعين لما يتم 4 شهور تدخلي الاكل

الحزق عند الاطفال المولودين طبيعى علشان بتبقى بطنهم مليانه غازات و طبعا مع مغص و لازم يكون الدكتور كاتبله على دواء للمغص مسكن و ماء غريب و انت كمان تديله حاجات تهدى المغص زى الكراويه و على فكره الرضاعه لما بتزيد يعنى يكون بيرضع و هو مش جعان ده بيعمل انتفاخ و غازات فحاولى تنظمى رضعاته و لما تحسى انه طول فى الرضاعه اوى وقفى لان الطفل ساعات بيرضع لمجرد انه يحس بالامان و هو فى حضنك مش علشان جعان

سالي الف الف مبروك ربنا يباركلك في دومى و يفرحك بيه

بنات عايزة اجيب هديه لبيبي ولد لسه مولود في حدود 200 ج اجيبله ايه و كمان اجيب منين لانى معرفش الا لفلي اللي في المهندسين فين اماكن تانيه اجيب منها

و كمان هو قطن الودان و قطن المناخير بتاعت الاطفال مهمه لازم اجيبها و لا ايه

و اول مره اسمع ان براهات الرضاعه مش مهمه احنا عندنا الكل بيجبها و بيشكروا فيها جدا

يا بنات هو الشفط بيقلل اللبن غير لما البيبي بيرضع من صدرك على طول و لا ايه حد عنده فكرة

صحيح اللي ولدوا طبيعي انا بلبس دلوقتي حزام للبطن هل ده بينزل البطن و انا كده كده هروح جيم ان شاء الله على شهر 10 ان شاء الله هل ينفع امارس رياضة و لا لأ كمان

دندونة الحمد لله على سلامتك وسلامة يوسف
انا معايا مشكلة الشفط لان ابنى رافض صدري نهائي وبيصرخ لما اديهوله لكن بشفط وخايفه انه يقلل اللبن عندى لكن بحاول اكتر من الحلاوة الطحينيه والحلبة لان بسمع انها من مدرات اللبن وكمان قريت ان الشفط يكون كل 3 ساعات انتى عايزة تشفطى ليه ؟

dandona we bas;13152987:
يا بنات هو الشفط بيقلل اللبن غير لما البيبي بيرضع من صدرك على طول و لا ايه حد عنده فكرة

صحيح اللي ولدوا طبيعي انا بلبس دلوقتي حزام للبطن هل ده بينزل البطن و انا كده كده هروح جيم ان شاء الله على شهر 10 ان شاء الله هل ينفع امارس رياضة و لا لأ كمان

طبعا البيبي لما يرضع بيزود اللبن غير ماتشفطيه
والحزام ليه فايده لحد 40 بس بعد كده بيضعف العضلات وبالنسبه للرياضه ال ولدين طبيعي ممكن يمارسوا الرياضه من اول يوم

ازيكو يابنات عاملين ايه يللا الى دخل التاسع يقول انااااااااااااا

اناااااااااااااااااااااااا :D

وسألت الدكتور ع كشف النسا قالى هقولك قبلها

هروحلو الحد الجاى ده ان شاء الله

حاسه انى ابتديت اتوتر وبدئت تجيلي مغصات بسيطة كده زى البريود بس انا حاليا بمشي كتير وبعمل تمرينا كتييير كنت ناويه اروح الجيم كسلت :(

ربنا معاكي يا توكي و تقومي بالسلامه

رجائي رضا ربــــي انا بردو ابني مش راضي ياخد صدري الشمال و بيفضل يصرخ اول لما ياخده و اليمين بيطلع عيني عشا ياخده بالعافية فبضطر اشفط بس طبعا مش كل ساعتين و لا 3 ساعات ممكن مرة او مرتين في اليوم مش اكتر لاني اللبن عندي الحمدلله قليل

توكي ياقمر أنا سبقتك الحمدلله و دخلت التاسع اهو بقالي اسبوع.. الوجع اللي بيجيلي فعلا ذي وجع البريود يعني نفس المكان كده بس اخف هو ده اللي عندك بردو؟ أنا رحت للدكتورة من ٤ أيام مش كشفت نساء مع اني كنت دخلت التاسع بس لسه هروح ثاني يوم الخميس ان شاء الله ربنا يسهل.. هي قالتلي انه بدأ ينزل الحوض و الحمدلله وضعه طبيعي بس لسه محتاجة مشي كثير علشان ينزل أكثر و مش اقعد كثير بس المشكلة بقي اني بقعد كثير في الشغل من ٩ ل ١ ونص و مش فيه مكان للحركة و جوزي كل يوم يقولي تعالي نتمشي بس بكون حاسة بارهاق فظيع مش بقدر.. كمان قالتلي علي بسكوبان لو حصلي تقلصات حد الدكتور قاله كده؟

CuTie KaTkOoTa;13150135:
متديلوش اي حاجة معاهم يا دندن، مش مفروض ياخد اي حاجة قبل 4 شهور لما يتمهم يعني او اكتر كمان ممكن لو اللبن مكفيه يارب، ممكن مية بس لو الجو حر عندك وعشان يتعود ايدلها بالقطارة كده شوية كل فترة.

والحزق ده عادي اه لأنه لما بيجي يعمل كيكي بيبقي صعب عليه في اول فترة وهو صغير كده حتي لو مش امساك يعني الكيكي الطبيعي بيبقي صعب بردو لأنه الفتحة عندهم بتبقي لسه صغيرة المخرج يعني الدكتور قاللي كده وبتكبر مع مرور الوقت وبيروح خالص موضوع الحزق ده.


يعني حوالي 5 يا لولا، هو مفروض لما يتم الشهرين يبقي من 5 ل 5 ونص كده


تغسلي وشها عادي خالص بإيديكي علي الحوض من دلوقتي زي لما بتحميها بالظبط ايه المشكلة، والكيكي بقي ممكن علي الحوض بردو من دلوقتي لو بتملكي تشيليها كويس لوحدك يعني واتعودتي بس في السريع طبعا عشان مش تبرد وكويس اننا في الصيف لسه مش شتا، بس احسن عوديها علي كده إلا لو انتي تعبانة او مش قادرة تقومي او الجو برد ممكن تمسحي بقي بالقطنة المبلولة.
انا بقي بصراحة الاغلب بعمل بقطنة وانا قاعدة لأن رجلي وضهري واجعني فمش بقدر علي وقفة الحوض كتير، يعني بحميها وانا واقفة بالعافية وبيبقي عقاب عليا وبقعد اصوت عشان اخلص واروح اقعد.
بس لما بكون قادرة بروح اشطفها علي الحوض عالطول.
بس حاولي كل يوم الصبح كده تغسلي وشها وايديها ورقبتها كده يعني


خبطي بالراحة يا سالي او طبطبة كده ومشي ايديكي كانك بتعملي مساج علي ضهره معلش هي بتاخد فترة وهما صغيرين بس كل ما بيكبروا بتبقي اسهل.
والسرة بتبقي من 8 ل 10 ايام كده او اسبوع بس انتي نضفيها كويس كذا مرة في اليوم واعمليها كويس اوي بالكحول حواليها وعلي الجزء المتعلق وحوالينالمشبك وكله بالقطنة، ولما تقعه كمان تكملي بردو عشان بيكون لسه في بقايا كده لام تروح خالص وتنشف.

انتى كمان يا كتكوته ضهرك ورجلك اصل انا بيوجعونى اوى حاسه انى عجزت خلاص مش قادره اقلك جسمى تعبان ازاى حاسه انى هلكانه علشان كده كنت بفكر اخد اجازه من شغلى بس بقول ده انا لسه صغيره متعرفيش ده من ايه معقول من الحمل والولاده

بنات هو البيبي درينك أحسن ولا البيبي كالم؟ و هم نفس التركيبة ولا فيه فرق؟ أنا لقيت هنا بيبي درينك و ميلوبا بالبابونج بس حسيت بيبي درينك فيه حاجات ثانية كمان جميلة ذي العرقسوس والينسون وزيت النعناع وكل ده مفيد للبيبي ولا ايه رأيكم؟

ربنا معاكي يا بوسي انتى و توكي و يرزقكم بساعه سهله ان شاء الله


بقلكم يا بنات انا دلوقتي في نص السادس بس من امبارح عندى وجع رهيب في ضهري و مغص في بطنى كلها بيروح و بيجي و مهما ريحت و نمت وجع ضهري مش بيخف مجرد ما اقوم اقعد او اعمل اى حاجه ضهري بيوجعنى جدا ده طبيعي في الشهر السادس و لا فيه حاجه غلط

nemonamanemo;13152242:
لا حول ولا قوه الا بالله ربنا يهديهولكو يعرف يرضع منك

بس اظن مدام بتشفطي باستمرار يبقي مش هيقل ان شاء الله


هو ان ادي البيبي 10 ايام اعشاب قد ايه و كام مره

لو بيبي درينك يبقي زي ما مورو قالت كده لكن لو بيبي كالم فهو اصلا المرة بتتعمل علي 150 فده يبقي مرة واحدة مثلا كفاية اظن.

miobello;13158274:
انتى كمان يا كتكوته ضهرك ورجلك اصل انا بيوجعونى اوى حاسه انى عجزت خلاص مش قادره اقلك جسمى تعبان ازاى حاسه انى هلكانه علشان كده كنت بفكر اخد اجازه من شغلى بس بقول ده انا لسه صغيره متعرفيش ده من ايه معقول من الحمل والولاده

اه يا بنتي دي كانت مأساة من فترة بجد ورحت لكذا دكتور بس كلهم اكدوا انه سببه نقص كالسيوم وادوني كال ماج اللي هو كالسيوم وماجنسيوم وده ازيد من الكالسيوم العادي بتاع الحمل، وقالولي لأن طبيعية جسم الست اضعف من الراجل وبتمر بمراحل سريعة في حياتها جواز وشغل بيت وحمل وولادة ورضاعة فبتستهلك كتير اوي من عضلاتها ومن الكالسيوم بتاعا طبعا للبيبي وكتبوا علي كريم بردو دهان علي مكان الوجع

sweetyronaaa;13159493:
ربنا معاكي يا بوسي انتى و توكي و يرزقكم بساعه سهله ان شاء الله


بقلكم يا بنات انا دلوقتي في نص السادس بس من امبارح عندى وجع رهيب في ضهري و مغص في بطنى كلها بيروح و بيجي و مهما ريحت و نمت وجع ضهري مش بيخف مجرد ما اقوم اقعد او اعمل اى حاجه ضهري بيوجعنى جدا ده طبيعي في الشهر السادس و لا فيه حاجه غلط

سويتي لازم تروحي للدكتور يا قمر بسرعه لحسن يكون طلق مبكر

انا جالى الموضوع ده ف اول السابع الحقي نفسك عشان الرحم ميتعبش من التقلصات دى ويبقي سخن ومش حمل حركه البيبي

bosy_md;13158151:
توكي ياقمر أنا سبقتك الحمدلله و دخلت التاسع اهو بقالي اسبوع.. الوجع اللي بيجيلي فعلا ذي وجع البريود يعني نفس المكان كده بس اخف هو ده اللي عندك بردو؟ أنا رحت للدكتورة من ٤ أيام مش كشفت نساء مع اني كنت دخلت التاسع بس لسه هروح ثاني يوم الخميس ان شاء الله ربنا يسهل.. هي قالتلي انه بدأ ينزل الحوض و الحمدلله وضعه طبيعي بس لسه محتاجة مشي كثير علشان ينزل أكثر و مش اقعد كثير بس المشكلة بقي اني بقعد كثير في الشغل من ٩ ل ١ ونص و مش فيه مكان للحركة و جوزي كل يوم يقولي تعالي نتمشي بس بكون حاسة بارهاق فظيع مش بقدر.. كمان قالتلي علي بسكوبان لو حصلي تقلصات حد الدكتور قاله كده؟

بوسي انا ع قد ما اقدر بروح جايبه يا اختي الطبق واحط فيه مايه هههههههههههههههه واقرفص كده زى ما الدكتور قالى ع تمارين الولادة وامسح الشقه كلها ههههههههههه بسلي نفسي عشان مزهقش وع قد ما اقدر بمشي الحمدلله

بالنسبه للوجع هو ده فعلا الى بيحصلي

بالنسبه بقي لكشف النسا

كان المفروض اروح للدكتور الخميس الجاى ده بس هو عندو مؤتمر فأجلها ليوم الحد الى بعدو ( جوزو بيقولو طب ما نجيلك المؤتمر :D )

ولما سألتو ع كشف النسا قالى لما تجيلي الحد هنشوف وضع الجنين نزل الحوض ولا لسه شويه وهيكون فيه كشف ان شاء الله يوم الخميس الى بعدها ع طول وده الى قالى عليه هيعمل كشف النسا فيه بس هيأكد عليا يوم الحد ان شاء الله اذا كان هيبقي الخميس ولا لسه شويه

وربنا يسهلنا يااارب انا وانتى وزقزوقه وهينار

هما دول الى اعرفهم دخلو التاسع ويسهلهالك يا سويتي ويتملك الحمل ع خير ياااارب

‏‎ ‎سويتي ربنا يباركلك ياقمر و يتم لك علي خير ان شاء الله.. لازم تروحي للدكتور علشان تطمني ذي ما قالتلك توكي و ان شاء الله خير


ههههههههه لا شاطرة يا توكي.. أنا كفاية عليا اروح الشغل و ارجع في المواصلات دي و الحر ده.. بس هرجع امشي ثاني بقي ان شاء الله.. ربنا ييسرها لنا كلنا يارب

أنا الدكتورة لقت البيبي نزل الحوض بس قالتلي مش ده النزول اللي يقول انه خلاص جاي يعني.. ان شاء الله الدكتور يطمنك و أبقي طمنينا

اه صحيح نسيت اقولكو ان الدكتور مديلي غسول اسمو جولد مكتوب عليه انو بيطرى المنطقة وبيساعد علي ليونتها

قالى امشي عليه لحد الولاده مره واحده ف اليوم بس ريحتو عامل زى برفان جوزو بيحطو بالظبط لدرجه انى بقولو لو برفانك خلص ابقي حط منو نياااهاهاهاااا :D

توكي هو أنتي شريرة كده مع جوزو من الأول ولا دي علامات التاسع ههههههههه أنا بردو الدكتورة كتبتلي علي غسول بس اسمه بي شور .. أنتي جبتي أدوات العناية بتاعت البيبي ولا لسه؟ أنا مش لاقيه هنا غير ديزني و جونسون المصري بس دورت ع النت لقيت كلام مش حلو علي ديزني ان فيه مواد ضارة .. محدش هنا من اسكندرية يقولي الاقي سانوسان فين بالظبط؟

ادوات العنايه الى هي الشامبو والببرونة والتتينه والزيت والمناديل المبلله وفرشه الشعر وكده صح

بصي ياستى الببرونة والتتينه جولى هديه شيكو ونك

والزيت والشامبو جبت جونسون في عرض ف سبينس دلوأتى الشامبو 750 مل والزيت بتاع جونسون ب 22 جنيه

انا جبت الاتنين دول

والمناديل جبتها جونسون بردو

فرشه الشعر عند اختى واحده ناعمه خالص مش بحس بيها علي ايدي حتى دورت ع حاجه زيها مش لاقيه

كل الى موجود عامل زى الخيط النايلون بالظبطالى بيتعمل بيه الكسسوارات ده

انا مفتحتهاش بصراحة بس الشكل من بره والخامه وكل حاجه بتدل علي كده

وقالولى اول تلات شهور يا اما قطنة بالنسبه للشعر يا اما حاجه ناعمه جدا عشان عضمة اليافوخ مكملتش وكده

بالنسبه بقي للشريره لا بصراحة الراجل مستحمل منى كتير اوى ههههههههههههههههههههههههه