تجهيزات حوامل مصرللمولود الجديد و النفاس ‏جزء 5

حبيبه مادو;12882982:
مرسى يا مورووور يا قمر
رامزينا حبيبتى مرسلا يا حبيبه على ردك الحلو طيب انتى ليييه مش اخترتى اللوووب

وقالك الحبوب حتى الغاليه برضو بتخن اصل سمعت انها الغاليه مش بتخن

المهم انتى بتخدى حبوب ايييه وبتاخديها امتى

بتاخدى اللى هى اسمها مكروليت دى عشاااان الرضاعه ولا ايييه؟..؟.؟؟

ميرسى ياقمر انا مش اخترت اللوب عشان حسيت ان مشاكلة كتير دة بالنسبة ليا انا وبصراحة اكتر حاجة كانت همانى انى اصوم رمضان دة ممكن يكون عبط بس بجد اول حاجة فكرت فيها هى دى لان اللوب بيعمل مشاكل فى الاول وهيتظبط بعد كدة بس هى المشكلة الفترة الاولانية
وبعدين انا سالتة على انواع الحبوب قالى كلها واحد الفرق شركات بس ادانى الحبوب اللى اسمهل Exluton وبخدها كل يوم فى نفس المعاد يعنى مثلا لو خدتيها يوم الساعة 12 يبقى لازم تخديها كل يوم الساعة 12 وماينفعش المواعيد تختلف هتبوظ المسائل
واللى بخدها دى مناسبة للرضاعة ياجميل الحمد للة ربنا يهديكى للصالح ليكى ان شاء اللة

sally2007;12883172:
بنات انا رجلى ورمت من بداية التامن ده انا عارفة انوا عادى انما بقى طلعتلى نقط حمرة كتيرة دى عادى ولا لا فى كف رجلى من تحت مليانة نقط حمرة

وكمان انا لسه متابعه مع دكتور هنا وطلب منى تحليل الاتش ار وده انا عملته هناك فى الامارات مرة لازم اعمله تانى هنا ولا عادى اكبر وممكن اللى عملوه يقلولى سعره كام لان بيقلولى غالى قوى وانا معرفشى الاسعار هنا ايه وكمان طالب منى تحليل همجلوبين الدم ياريت تردوا عليا ضرورى بخصوص التحاليل
وكل سنة وانتم طيبين ورمضان كريم عليكم جميعا يارب

sally2007;12883458:
فعلا كلامك صح ياميكو جوز اختى قالى النقط الحمرة دى ممكن تكون حساسية بس انا اشوف حد فيكم حصلة كده ولا لا وربنا يخلى على ردك

هو للاسف مش معايا غير النتيجة النهاية للتحليل انوا ايجابى مش سلبى
طيب لو تفتكرى يامرو عملتى بكام قوليلى لان فى ناس قلتلى 200ج وناس قلتلى 300ج فده صح ولا ايه وتسلمى ياقمر وربنا يسعدك على ردك يارب

لا مش غالى يا سالى الاسعار دى لو انتى هتعمليه فى المختبر او البرج لكن لو معمل عادى هتلاقيه ب60 جنيه او اقل

sally2007;12883458:
فعلا كلامك صح ياميكو جوز اختى قالى النقط الحمرة دى ممكن تكون حساسية بس انا اشوف حد فيكم حصلة كده ولا لا وربنا يخلى على ردك

هو للاسف مش معايا غير النتيجة النهاية للتحليل انوا ايجابى مش سلبى
طيب لو تفتكرى يامرو عملتى بكام قوليلى لان فى ناس قلتلى 200ج وناس قلتلى 300ج فده صح ولا ايه وتسلمى ياقمر وربنا يسعدك على ردك يارب

لا يبنتى الاسعار مش كده خالص انا عملته هو و تحليل كليستيرول و صورة دم كامله و تحليل سكر صايم كانوا كلهم ب 80 تقريبا بعد الخصم لانى باخد خصم 50% عشان وزاره الخارجيه و كنت عملاه في البرج مش في معمل عادي

سالي يا قمر أنا عملت تحليل الأر اتش مرة واحدة في مستشفيات الولادة بتاعت وزارة الصحة و مش بفلوس أصلا الحمدلله.. و كمان هناك بيعملوا لك تحليل هيموجلوبين و زلال و سكر.. أنتي بس بتعملي بطاقة متابعة مش عارفة كانت ب ٥ جنيه تقريبا و حتي مش مهم تروحي ثاني.. و ربنا يرزقنا كلنا ساعة سهلة يارب

انا حاسه اني تايهه لانكم عارفين كل حاجه و انا مش عارفه اي حاجه عن اي حاجه انتوا اتعلمتوا فين الحاجات دي ؟؟؟

طب ايه يا بنات محلات زي ماذر كير كده قريبه من المهندسين او وسط البلد و ياريت حد يحط ليست بمستلزمات البيبي بالملابس و كل حاجه عشان انا حاسه بتوهان ؟؟

و بعدين لو الولاده في شتا اجيب هدوم شتوي منين ؟؟

في حصص لتمارين التنفس و الولاده زي بره و لا مصر مفيهاش كده ؟؟

رجائي رضا ربــــي;12870121:
انا هجاوب على الحاجات اللى أعرفها

بالنسبة للعلامات فيه كريم بالمرز لعلامات تمدد الجلد انا استعملته من السادس كنت باخد دش دافى وبعدين أدلك بيه وفعلا لقيت العلامات بتخف :thumbs_up:


بالنسبة للتقلب انا دايما اقوم اقعد وبعدين اتقلب بس مسمعتش انغه غلط لو اتقلبتى كتير لانى من اول الثامن مش بعرف انام على جنب واحد لازم اتقلب كتير دايما رددي اللهم انى استودعك جنينى يا من لا تضيع ودائعك يالله ربنا يتمم ليكي على خير يارب:)

جزاكي الله كل خير يا قمر

sally2007;12870308:
اللى اقدر افيدك فيها هو انك بتتقلبى كتير ده عادى انا كان بيحصلى كده ومازلت هو بتقلب كتير وانا نايمة ومش شرط تقومى وبعدين تتقلبى وترجعى ترقى لو تقدرى تعمليها من غير ماتقومى يبقى افضل بس تتقلبى براحتك عشان مش تضغطى على البيبى

جزاكي الله كل خير يا قمر

البتاع دى يابوسى رخمة قوى حساها مفعصة البيبى يعينى بلاش منها احسن
اه ما انا بقوول كدة بردوو بس حسيت ان شكلها عاجبني :D

وربنا يكرمك ويجعل ولادتك سهله ياررررررررب

manafola;12877879:

هو فين محل ماذر كير ده و ايه فروعه و ايه المحلات اللي زيها كده فيها كل حاجه ؟

و ياريت حد يحط ليست بمستلزمات البيبي بالملابس و كل حاجه عشان انا حاسه بتوهان ؟؟

و بعدين لو الولاده في شتا اجيب هدوم شتوي منين ؟؟

اه انا كمان عايزة ليستة بس مش الليستة اللي اخدتها من هنا قبل كدة لا ليستة انتوا اشترتوها بجد يعني ياريت اللي اشترت حاجات تقدر تفيدنا

manafola;12887618:
انا حاسه اني تايهه لانكم عارفين كل حاجه و انا مش عارفه اي حاجه عن اي حاجه انتوا اتعلمتوا فين الحاجات دي ؟؟؟

طب ايه يا بنات محلات زي ماذر كير كده قريبه من المهندسين او وسط البلد و ياريت حد يحط ليست بمستلزمات البيبي بالملابس و كل حاجه عشان انا حاسه بتوهان ؟؟

و بعدين لو الولاده في شتا اجيب هدوم شتوي منين ؟؟

في حصص لتمارين التنفس و الولاده زي بره و لا مصر مفيهاش كده ؟؟

انا بردوو حاسة اني تايهة زيك بردوو و مشترتش حاجة و مش عارفة ابدا ازاي و لسة مستنية الشتوي ينزل

يابنات انا عملت تحليل الار اتش وسكر وهمجلوبين والله ب 20 جنيه او فالعشرينات انما مش اكتر تقريبا او حاجه زى كده ف معمل اوميجا لاب ف كوبرة القبه وفي ف مصر الجديده :D

80 ايه الى بتقولو عليها دي

وطلعت سااالب :(

M!ss Tuky;12890860:
يابنات انا عملت تحليل الار اتش وسكر وهمجلوبين والله ب 20 جنيه او فالعشرينات انما مش اكتر تقريبا او حاجه زى كده ف معمل اوميجا لاب ف كوبرة القبه وفي ف مصر الجديده :D

80 ايه الى بتقولو عليها دي

وطلعت سااالب :(

انا برده سالب :woo:
انتى سالتى الدكتور على الحقنه
انا سالت الدكتوره لما رحت قعدت تقولى فى كذا حقنه وكل واحده بسعر وقالتلى الاخر كلهم زى البعض الغالى زى الرخيص



يابنات انا هكتبلكوا الليسته اللى انا جبتها عشان برده انا كنت كده ومكنتش فاهمه اى حاجه فى اى حاجه الحمد لله


الهدوم الداخليه
6 سالوبيت كت
6 سالوبيت نص كم ويكونوا قطن
ومتهيالى فى الشتا هتزودى كمان سالوبيتات بكم

السالةبيت اللى بيبقى مقفول من تحت بكباسين او ممكن تجيبى شايات او فانيلات اللى يريحكوا

وجبت للبيت 4 سالوبيتات بكم وليها رجل
و5 جلبيات

وجبت للخروج سالوبيتين بكم وليهم رجول برده وليهم طاقيه وجبتلهم لكلوكين صيفى

كل المقاسات من 3-6
مجبتش نيوبورن


وجبت فوط قشط 9 و8 بافيتات
وكوفرته بس انا مش جيباها عشان اخرج بيها لان حاسه انها هتضايقنى فجبتها للبيت بس

وكارى كوت ده اختيارى يعنى مش حاجه اساسيه

وشنطه البيبى لو عاوزه تجبيها انا مجبتهاش لان عندى شنط كبيره للخروج

وببرونه صغيره للاعشاب ولو هترضعى صناعى هاتى كمان واحده كبيره

مخده صغيره

قصافه
سفنجه حمام
بامبرز
كحول
جونسون بيبى اويل
شاور

ده اللى فاكراه لو افتكرت حاجه تانى هكتبها


فى حاجات تانيه ممكن تجبيها بس على حسب احتياجاتك

كرسى باونسر ان شاء الله اجيبه

سرير للبيبى
بانيو صغير
الحاجات دى مجبتهاش لانى بسافر كتير

بنات بجد كل وحده ردت عليا ربنا يسعدها ويكرمها ويباركلها فى ولادها وفى حملها ويقوم كل وحده فيكم بسلامة
انا فعلا عملت كل تحاليل الحمل كلها 4 مرات مرة لما كنت بتابع مع دكتور مصرى فى عيادة خارجية وده كان فى اول شهر من حملى
والمرة التانية اول مارحت تبعت فى مستشفى متخصصه بالامومة والطفول وتخصصه يعنى فى الحوامل واطفالهم عملولى التحليل دى مرة فى اول الشهر الرابع ومرة فى الشهر الساربع
والمرة الرابعه فى المستشفى لما كنت تعبانة وحجزونى عملهولى مره بس اكمن الدكتور هنا فى مصر طلب منى التحاليل دى تانى فقلت اشوف اعملها ولا لا تانى وبجد متشكرة على افادتكم ليا وربنا يجزيكم جميعا بالخير يارررررررررررب

M!ss Tuky;12890860:
يابنات انا عملت تحليل الار اتش وسكر وهمجلوبين والله ب 20 جنيه او فالعشرينات انما مش اكتر تقريبا او حاجه زى كده ف معمل اوميجا لاب ف كوبرة القبه وفي ف مصر الجديده :D

80 ايه الى بتقولو عليها دي

وطلعت سااالب :(

يعني لااازم تاخدي الحقنه بعد ماتولدي علي طووول

ميكو بما ان باباكى دكتور نسا اسالييه هى الحقنه كلها زى بعض سواء غاليه او رخيصه زى ما الدكتوره قالتلى

انا اول مره اعرف ان في منها انواع الى اعرفو انها ف الصيدليات ب350 واعرف ان الصحه بتوزعها ببلاش كمان

اول مره اعرف ان في منها انواع

monyfofo;12891134:
ميكو بما ان باباكى دكتور نسا اسالييه هى الحقنه كلها زى بعض سواء غاليه او رخيصه زى ما الدكتوره قالتلى

ايووا متهيلي مافيش رخيض ولا غالي بس هاسال بابا بردو

M!ss Tuky;12891145:
انا اول مره اعرف ان في منها انواع الى اعرفو انها ف الصيدليات ب350 واعرف ان الصحه بتوزعها ببلاش كمان

اول مره اعرف ان في منها انواع

ايوااا صح كده بتباع في الصيدليات ب 350 بس معرفش موضوع الصحه ده

ازيكوو ياعيال وحشتونى
ميكوو اختفيتى فين وحشانى اوى
انا بردو كانت الار اتش سالب و اخدت الحقنة بعد الولادة كانت فعلا ب300 وحاجة بس من ساعة مخدتها و انا مهسهسة ان التحاليل تكون غلط وللا حاجة ربنا يستر:hysterical:
اللى بيجهزوا للبيبى متنسوش القصافة بتاعة النونو و الفرشة
الديبر كريم
مشمع الغيار (ساعات بييجى مع شنطة النونو)
حلق طبى للبنات

لما افتكر حاجة تانية هقولكوو
على فكرة متجيبوش مقاسات كبيرة عشان متبقاش واسعة على النونو هاتو من 0-3 فى الاول انا لحد دلوقتى بلبس جودى من 0-3 فهاتو حجات مقاسها يكون مظبوط عليهم

حد طعم ضد فيروس الروتا وكان فى اى عمر وبكام

حبيبه مادو;12882660:
هو المفروض ندى ايه للبيبى عشان الامساك
وانا ساعات الاقيها مش بتعمل وتفضل تعمل صووت كده انها عاوزه تعمل ومش ع ارفه وساعات بحس ان الكيكي بيكون سايل شويه مش عارفه بقى امساك واسهال ولا ايه ده يعنى

وانا عندى امساك من بعد الولاده تااااااااعبنىىىىىىىىى جددددا كل شويه بيجيلى وانا مش عارفه اعمل ايه فى موضوع ده ولا اخدله ايييييه؟؟؟ والنونه تتأثر بالامساك اللى عندى ولا ايه

وانا ربعنت بقالى فتره والبريود مش جتلى لسه ؟؟؟؟ ومش ركبت لوووووب ومش عارفه اعمل ايه فى موضوع الوسيله

مادو الف سلامة على جوجو انا كمان احمد نفس القصة بيعمل كاكا قليل اوى وبيققعد يعافر ويحزق ويمسك وشة زى الكبار والله بيضحكنى وبالاخير مبيعملش ومرة واحدة الاقية عمل واسهال خالص مش عارفة فى اية


ومووضع الوسيلة ياريت حد يفيدنا اانا كنت ربعنت ومتقطعش الدم فاديتنى الدكتورة ميثرجين اول وبعدها استخدمت شريط جينيرا قالت لى بعد شهرين اركب لك لولب بس مش عارفة اكمل على الحبوب بقى ولا اركب لولب ومش عارفة اصلا هتجيلى البريود ولا لا لسة

وروووزى يعنى لازم الحبوب تكون بوقتها زى المضاد الحيوووى؟؟؟؟؟؟؟؟؟؟

دة انا كدة فى الضيااع لان كل يوم باخدها بوقت شكل ربنا يستر :|

فى موضوع يا بنات قالقنى ومنكد عليا

دلوقتى انا بيت اهلى بيت عيلة يعنى بيتنا جنب بيت خالتى مبيتقفلوش تقريبا مفتوحنين على بعض علطول

طول ما كنت هناك كانت بنت خالتى علطو شايلة احمد وبتلاعبة وكدة وبعدين تعبت وحللت لقت عندها كبد وبائى a :'(

انا مرعوبة يكون اتنقل لة وخايفة اقول لجوزى لانة فوق ما تتخيلو عندة وسواس قهرى وممكن يمنعنى اروح هناك تانى اصلا

خصوصا ان ناس كتير من العيلة لما حللو طلع عندهم الفايروس الملعون دة

اعمل اية؟؟

وهو ضمن التطعيات الى بياخدها فى تطعيمات كبد وبائى ولا بيتاخد خارجى؟؟

Miss FaTi;12891632:

فى موضوع يا بنات قالقنى ومنكد عليا

دلوقتى انا بيت اهلى بيت عيلة يعنى بيتنا جنب بيت خالتى مبيتقفلوش تقريبا مفتوحنين على بعض علطول

طول ما كنت هناك كانت بنت خالتى علطو شايلة احمد وبتلاعبة وكدة وبعدين تعبت وحللت لقت عندها كبد وبائى a :'(

انا مرعوبة يكون اتنقل لة وخايفة اقول لجوزى لانة فوق ما تتخيلو عندة وسواس قهرى وممكن يمنعنى اروح هناك تانى اصلا

خصوصا ان ناس كتير من العيلة لما حللو طلع عندهم الفايروس الملعون دة

اعمل اية؟؟

وهو ضمن التطعيات الى بياخدها فى تطعيمات كبد وبائى ولا بيتاخد خارجى؟؟

بصي يا قمر اولا لازم تحللي للولد دم عشان تتطمني وعشان لو لاقدر الله اتنقله وربنا يبعد عنه الامراض تلحقيه من اوله لانه لسه مناعته ضعيفه جدا ..بس برضه تروحي للدكتور بتاعه وتحكيله ,
بالنسبه لتطعيم الكبدي الف ده بيبقى خارج الصحه لما يتم السنه بعون الله ..اللي بياخده في الصحه كبدي ب

المهم ضروري متهمليش موضوع التحليل وتروحي للدكتور بتاعه او تشوفي دكتور شاطر لو مش متابعه مع حد .. وطبعا مش عاوزة انبهك بقى حاولي تقللي الاحتكاك بينه وبين بنت خالك ومفيش بوس في الفم ومفيش شرب او اكل مكانها ومفيش مقص وللا فوطه يستعملوها الاتنين خدي بالك اوي من الحاجات دي


البنوته اللي بتسأل عن الروتا بيبدأ من اول شهرين وجرعتين بينهم شهر او شهر ونص

طيب يا هوبى ربنا يكرمك

انا مش متابعة مع حد مفروض اعمل تحليل اسمة اية بالظبط خاص بالفايروس ولا وظائف كبد؟؟

كمان لما قريت عن الموضوع قالو لو لاقدر الله المولود حامل للفايروس التطعيم مش بيفيد :( انا خايفة والله وبعدين مش عارفة اروح احلل لة ازاى من غير مااعرف باباه

Miss FaTi;12892018:
طيب يا هوبى ربنا يكرمك

انا مش متابعة مع حد مفروض اعمل تحليل اسمة اية بالظبط خاص بالفايروس ولا وظائف كبد؟؟

كمان لما قريت عن الموضوع قالو لو لاقدر الله المولود حامل للفايروس التطعيم مش بيفيد :( انا خايفة والله وبعدين مش عارفة اروح احلل لة ازاى من غير مااعرف باباه

انتي الاول روحي للدكتور واسأليه هو هيحددلك بالضبط نوع التحليل بالنسبه لموضوع المولود حامل الفيرس فالكلام ده لو هو اتولد بيه ولو لاقدر الله هو مولود بيه الدكتور اللي ولدك بيعرف انا سمعت الكلام ده في التليفزيون ..بالنسبه لباباه بصي حاولي تاخدي مامتك او حد من صحباتك وقوليله انك رايحه تعملي تشيك اب على الولد تشوفي وزنه وكده عند الدكتور وده فعلا اللي المفروض تعمليه عشان كمان تتطمني انه بيكبر كويس ..ولما الدكتور يكتبلك اسم التحليل تروحي يوميها تعمليه وترجعي للدكتور في الاستشاره او تخلي دكتور المعمل بتاع التحليل يقولك النتيجه وخلاص

انا فى الشهر السابع يابنات المفروض اعمل تحاليل ايه بقى؟