.،. شسوي ؟ أنفصل يعني ؟؟ .،.

اختي تبين نصيحتي ,,

مبين من كلامج ان زوجج قاعد يمر بحاله نفسيه صعبه,, وقاعد يفرغ مافيه عليج انتي,, يعني اهو مو متضايق منج انتي لا ,, اهو متضايق من وضعه واكيد حاس بهالشي وتاثيرة على حياتكم..وموقادر يتصرف,

اختي انتي غلطتي اصلا يوم تفنشين من الشغل,, يعني ع الاقل كنت مساعده حالج الحين كأنج تعاندين نفسج زدتين الطين بله على قولتهم,,


انصج انج ترجعين للشغل مرة ثانيه وتوقفن معاااااااااااااااه وتساعدينه انه يلقى وضيفه اول شي خليه يطلع من الحاله اللي اهو فيها حاولي تساعدينه يعدل نفسيته شوي
,,
وانشاءالله الامور بتتحسن ويرد كلشي طبيعي ,,


ولاتفكرين نهائيا بالطلاق,, ترى البنت سواء دخل عليج والا مادخل ف النهايه بتحملين لقب ( مطلقه)

وانتين تعرفين نظره الناس للمطلقه في مجتمعنا ,,


والله يوفقكم

مرحبا حبيبتي

بس حبيت ابين لبعض الاخوات اللي دخلو الموضوع ترى الخطوبه عندنا يعني بين الشخصين عقد يعني عندكم زواج بس بالبحرين فتره الخطوبه فيها عقد والزواج يصير بس تغير اماكن الدبل

يعني الخطيبين يطلعون مع بعض عادي لان صار بينهم عقد

هذا اللي كنت ابي ابينه للعضوات الاعزاء

وبالنسبه للموضوع حبيبتي انا اعرف نوع الدوام الزامين الله يعيينج عليه الصراحه تعب في تعب

واهو الريال لازم اهو اللي يصرف عليج

في بعض الاخوات يقولون لج ردي وساعديه اووكي حلوه المساعده بس اذا كان اهو معتمد على نفسه وانا من نفسي اساعده

ولا اذا كان قاعد لاشغله ولامشغله وعلى اللاب توب ولا التي في هاي مب حاله

لازم كل يوم صبح يروح يدور له شغل

مب يعني فنشووه الشغل اللي قبل يعني خلاص نهايه الدنيا

وبعدين اللحين الحياه صعبه كل شي يرتفع بالبلد

يعني حتى لو داومتي زامين جم يعني بيعطونج 200 وانتو بتفكيركم هال 200 او 250 بتكفي لهم

انا ماقولج ماتساعدينه ساعديه اذا اهو كان يشتغل عشان يكون راتبين مع بعض مب راتب واحد ولا ومن منو من زوجه

وانا انصحج حاليا لاتفكرين بالحمل كل بنت تتمنى تصير ام بس فكري بالاول بالوضع ودامج تفكرين بالطلاق لاتفكرين بالحمل حرام ينظلم الياهل

بس بعد هم اقولج اللي تقول مطلقه سواء دخل عليها او مادخل عليها تظل مطلقه هذا بالعصر ماقبل الحجري حبيبتي

اللحين كل واحد وعقله معاه ويعرفون اسباب الطلاق يما مطلقه اخذت واحد مب متزوج من قبل يعني شنو فيها

بس ما انصحج بالطلاق بس انتي حاولي معاه شجعيه على الشغل وفوق هذا قعديه من نومه الصبح يدور شغل

الشغل ماراح اييله للباب

واللحين صج الواحد يحصل الشغل بالحجز ويمسك فيه بريوله وايده بس اللي يدوور هالاشغال

والله يوفقج ويوفقه

لما انت مو متاكدة من ان حياتكم بتستمر اولا لا
ليش سلمتي نفسك له
هو صحيح زوجك لكن اكبر خطأ انك تطلبين الطلاق بعد مادخل عليك
وانتي عارفة ان المجتمع مايرحم وكلام الناس من السكين على رقبتك
ماراح يقولون مافيه توافق رايح يقولون اكيد شايف عليها شي وقال لها طلبي الطلاق انتي علشان ما احد يتكلم عليك
على العموم فكري اكثر واكثر قبل الاقدام على الطلاق

الحلــوه;12479502:
والله يا اختي وهذا انتي بحرينيه وتقولي هالكلام
منذ سنوات والخطوبه عندنا اشهار وحفله ومعازيم والكل يدري تم عقد القران
فشلون تقولون الخطوبة مو اشهار :confused::|

بحرينيه نعم...

لكن الخطوبه للحين عند الناس ... ( خطوبه ) مب عرس وليله دخله ....

والحمدالله .. انا من عيله تفصل من بين الخطوبه ... والعرس... !!

وللحين في عوايل كثيره... ولو كنت اتأخر مع ريلي اكثر من الساعه 10 كانت التليفونات ترقع لين ارد البيت...

وهذي انا البحرينيه !!;)

Noor1979;12483569:
بحرينيه نعم...

لكن الخطوبه للحين عند الناس ... ( خطوبه ) مب عرس وليله دخله ....

والحمدالله .. انا من عيله تفصل من بين الخطوبه ... والعرس... !!

وللحين في عوايل كثيره... ولو كنت اتأخر مع ريلي اكثر من الساعه 10 كانت التليفونات ترقع لين ارد البيت...

وهذي انا البحرينيه !!;)

كل ناس عندهم عاداتهم وتقاليدهم


والحين بدل لاماتخفففون عالبنية تزيدونها؟

Noor1979;12475921:
اختي بموضوعك الاولي انتي قلتي ان مادخل عليج وانج رافضه تسلمين نفسج

والحين تقولين دخل عليج....

انا مادري البنت لمن ينكتب كتابها تتصور انها خلاص مافي امل تنفصل وتضمن الزوج... الخطوبه عشان تصير العلاقه شرعيه والكلام بين الازواج تحت غطاء رسمي.. ولكن ماصار اشهار ولا شي .. واكثر العائلات تلتزم بالعادات والعرف ... حتى لو كانت في عقد..


لو ماكان دخل عليج... انا بقولج.. تركه افضل..

بصراحه انا مستغربه من ردج
يعني انتي مشرفه والمفروض ردودج تكون عقلانيه اكثر
ليش تتركه بس لانه ما يشتغل حاليا؟؟ وبينهم شويه مشاكل؟؟

Noor1979;1247592:
بس الحين دخل عليج... يعني القرار مب لج بروحج.. كلمي اهلج وصارحيهم....... وحطي ببالج ان الغلط راكبج انتي من الاساس لانج طاوعتيه ورحتي معاه الشقه وتقعدون فيها وعايشين فيها كأنكم ازواج.... مافي شي اسمه هو طالبني بحقه ... ×( أي حق ذي ؟؟

المشكله مب عندج شوفي اهلج شقوولون ... لان في نظري احنا ابعد من ان نحلها لج وخصوصا من بعد الي صار...


ام جنى

اختي معضم المخطوبين الحين عايشين كالمتزوجين واضن هالشي مب حرام ولا عيب
ومثل ما قالت اختي هذيان وكل عائله لها عاداتها وتقاليدها

ومجتمعنا الي انا عايشه فيه وضع المخطوبين عندنا عاااادي
والاهل عندهم فكره عن كل شي
واذا الواحد بيترك خطيبته ما راح يوقفه انه دخل عليها او لااا

اني أشوف المشكلة بس على الشغل!! وتأزم الوضع لما قلتين له انش طالبة عصير على حسابش؟؟

المفروض تشجعينه يدور له عن شغل ثاني وخليه يطلع ويسأل وان شاءالله يلاقي له شغل ثابت وعادي هذا يصير للكل

انتين اشتغلتين وهذي خطوة زينة بس خطأ انش فنشتين المرأة محتاجة شغل حتى لو الزوج يشتغل ويصرف عليها وخصوصا انتين الحين ماعندش اطفال يعني تروحين الشغل على راحة

اكوا نص نسوان الديرة يشتغلون وفيه مخطوبات واجد يشتغلون وحتى لما يتزوجون الا اذا صادهم حمل او ولدوا بعدين يقعدون كلش عادي

لمتى راح تدمرين أعصابش
والشغل لنفسش
المفروض ما تتركينه لانه هو متنفسش الوحيد
ما اقول وضع البحرين حليو بس تامين التعطل يمكن يحب جزء من المشكله في فترة البحث

الصبر مفتاااح الفرج

أختي ما أنصحك بالطلاق ابدا
الرجال شكله يحبش وانتين بعد
توه ستة شهور ونص مو قادرة تصبرين عليه
في ناس متزوجة وعندها أولاد وهم صابرة ورجالهم بالسنين ما يشتغلون
صبري ..ان الله مع الصابرين ، والله راح يعوضش على صبرش وزوجش بعد ما راح ينسى وقفتش معاه
ادعي الى ربش..وعليش بأدعية الرزق .. الله يفرج عليكم حبيبتي ويصلح حالكم .

Noor1979;12483569:
بحرينيه نعم...

لكن الخطوبه للحين عند الناس ... ( خطوبه ) مب عرس وليله دخله ....

والحمدالله .. انا من عيله تفصل من بين الخطوبه ... والعرس... !!

وللحين في عوايل كثيره... ولو كنت اتأخر مع ريلي اكثر من الساعه 10 كانت التليفونات ترقع لين ارد البيت...

وهذي انا البحرينيه !!;)

واحنا بعد عندنا الخطوبه تتم خطوبه :rolleyes:
لكن العقد بيتم عقد مهما ركبنا راسنا :D
والحلال بيتم حلال :D
وكل عيله ولها تقاليد واعراف
والاهم لا هو عيب ولا حرام :thumbs_up:
ومثل ما قالوا البنات بدل ما تهدأين البنت تزيدينها :rolleyes:

مشكوريين بنات .. تسلمووون حبيباتي والله على ردودكم وتعاطفكم كلكم وخصوصا بنات البحرين فديتهم !
ماقصرتووون ..

بالنسبة للشغل اللي قالوا لي ارجعي وغلط انش طلعتين .. ترى اني حتى لو ماكنت مخطوبة ماراح اشتغل زامين لاني ماقدر عليهم تعببببب .. وابدا هذا مو متنفس ليي بالعكس كان شغلي ضاغط على اعصابي بشكل ما تتصورونه يعني زايد الطين بلّة مثل مايقولون لاني كنت هلكآنة كلش ،
فقراري ماكان غلط ابدا جدي اريح ليي ..
وبالنسبة لموضوع العصير ترى هذا كان مثال لا اكثر يعني واني ماقصدت اعايره بس هوه فهمها جدي ،

اما بالنسبة للاخت اللي قالت عن موضوع الدخلة .. اعتقد يا اختي هذي اشياء تخصني أني وزوجي فقط ومو من حق اي احد يحاسبني عليها حتى اهلي .. وترى اهلي للعلم يدرون بكل شي واهله بعد .. عايلتنا في الصورة دايما ومهتمين فينا بشكل ماتتصورينه ..
بس اني لما خذيت رايكم لاني تعبانة نفسيا وكنت اتسائل هل هالشي بيعوقني لو فكرت انفصل ؟ بس جدي يعني ..

واني خطيبي احبه وهوه يحبني .. بس اني صايدتني صدمة مخلتني جدي .. توني مخطوبة ما اخذ لنا شي وجتنا هالسالفة اللي كلش ماكانت في الحسبان عشان جدي مو قادرة اتأقلم ابدا .. والا لو الظروف اللي نمر فيها مافكرت انفصل لان خطيبي ماخذني عن حب ومستحيل افرط فيه لو ما هالظروف بس ماقلت جدي ..

تسلمووون خواتي كلكم وان شاءالله بفضل دعواتكم الله يفرجها علينا ،،
مشكورين ..

الحمدلله ... يعني هدأت الاوضااع

يا اختي دام زوجج ماخذنج عن حب ليش ما تتحملينه من البداية

ترى قليل في هالزمن الواحد يعرف وحده و يخطبها

اهم شي الحين كل الامور صارت تمام

بالتوفيق اختي و طمنينه عليج ....

°ѕυѕнїfloωεя°;12492384:

استغرب من اللي يسلمون نفسهم في فترة الخطوبة ........... ؟
مافيهم صبر ولا شلون ؟

اوكي حلال بس الوحدة ماتعرف شيصير ! ..

الحمدلله انه كنت مخطوبة سنتين وخطيبي ماجاسني والحمدلله كل شي كان ماشي تمام وكل شي في وقته حلو ! ..

احسن شي تسوينه انج تقولين له انج حاولتي معاه وايد وسويتي المستحيل عشانة اشتغلتي دوامين وهو قاعد .. المفروض هو يروح يقطط السيفي ماله مو انتي ..

روحي بيت ابوج وقوليله لما عدل اسلوب حياته بعدين بترجعينله .. انتي ليحين صغيرة 22 سنة ليش تتحملين كل ذي .. شيلي قشج ولو اهلج ما وافقو ماعليج منهم تمي عندهم .. بعد سالفة الأهالي اللي جذي سالفة ثانية مادري شلون يفكرون!!

.. ما عليج من احد تمي بيت ابوج ليما يعدل حياته .. اذا عدل حياته ورجعاج فهمي انه شاريج ويحبج صج وتقدرين تعتمدين عليه .. واذا صار العكس خلاص الحمدلله انج تصرفتي قبل ما تحملين وتيبين ياهل وتبتلشين

وإذا لا سمح الله وصلت المسألة للطلاق ضروري تعلنين انج كنتي متزوجة عشان لين بيونج خطاب مايقولون كانت مخطوبة
لازم يعرفون انج كنتي متزوجة في صالحج هالشي

اولاا :
هالخطوة سويتها مسبقا ..
اصلا ما فيه ماسويته اني .. وجم مرة قلت له مابيه وطرشت له مسج ان خلاص بننفصل .. ،
اهو جى البيت وكلم اهلي واهلي يدرون انه يدور شغل ويبي يشتغل .. بس مو محصل ولو ماجذي جان من زمان قالوا ليي تركييييه لاني غالية عندهم ومستحيل يخلوني اتعذب مع واحد مستهتر .. اني ضايقة من الوضع مو منه ولو فكرت اتركه بتركه لاني مو متحملة الوضع اللي اهو فيه وادري ان الشي مو بيده .. بس ساعات الشي يصير فوق طاقة الواحد !
وشغلة مهمة .. لو اني شايفتنه مو قد المسؤولية ومو مفتكر و واحد مستهتر وغير مبالي جان من زمااان وبدون مشاورة اي احد طلبت انفصل وبدون تفكير .. ولا بسأل ولا بحط هالموضوع اشاوركم حتى !!
وثانيا :
موضوع الدخلة ارد واقول محددد له علاقة .. رجاءا للمرة الاخيرة بقولها ( محد له علاقة بهالموضوع ) لا من قريب ولا من بعيد .. واعتقد شرحت في ردي السابق شنو قصدي لما خبرتكم بهالسالفة ،،

°ѕυѕнїfloωεя°;12492384:

استغرب من اللي يسلمون نفسهم في فترة الخطوبة ........... ؟
مافيهم صبر ولا شلون ؟

اوكي حلال بس الوحدة ماتعرف شيصير ! ..

الحمدلله انه كنت مخطوبة سنتين وخطيبي ماجاسني والحمدلله كل شي كان ماشي تمام وكل شي في وقته حلو ! ..

احسن شي تسوينه انج تقولين له انج حاولتي معاه وايد وسويتي المستحيل عشانة اشتغلتي دوامين وهو قاعد .. المفروض هو يروح يقطط السيفي ماله مو انتي ..

روحي بيت ابوج وقوليله لما عدل اسلوب حياته بعدين بترجعينله .. انتي ليحين صغيرة 22 سنة ليش تتحملين كل ذي .. شيلي قشج ولو اهلج ما وافقو ماعليج منهم تمي عندهم .. بعد سالفة الأهالي اللي جذي سالفة ثانية مادري شلون يفكرون!!

.. ما عليج من احد تمي بيت ابوج ليما يعدل حياته .. اذا عدل حياته ورجعاج فهمي انه شاريج ويحبج صج وتقدرين تعتمدين عليه .. واذا صار العكس خلاص الحمدلله انج تصرفتي قبل ما تحملين وتيبين ياهل وتبتلشين

وإذا لا سمح الله وصلت المسألة للطلاق ضروري تعلنين انج كنتي متزوجة عشان لين بيونج خطاب مايقولون كانت مخطوبة
لازم يعرفون انج كنتي متزوجة في صالحج هالشي

اسمحي لي اختي العزيزة

مو حلوة تكتبين شلون يسلمون نفسهم ما فيهم صبر

صدق في البحرين في ناس ما يخلون بنتاهم يسون اي شي او البنت نفسها ما ترضى

بس بالمقابل اغلب مناطق البحرين و على اختلاف المستويات اذا صار العقد يعتبر زوااااااااااااج خصوصا مع الاوضاع اللي تمر فيها البحرين اليوم سووا ليها خطوبة و حفلة مو شرط بكرة يكون عندهم عشان يسوون زواج و الحال واحد بصراحة ...
و حتى لو البنت بتسوي حفلة زواج الزواج زواج و هو العقد دام العقد موجود كل شي حلال و مو عيب و محد ينكر هذا الشي

بس !!!

في ناس تأيد ان يكون في دخول و ناس لا و هاذي ارائ شخصية و المفروض محد يتدخل في هالموضوع لا الاهل و لا غيره

و البنت دخلت كتبت لكم مشكلتها مع شغل زوجها و ظروفها النفسية ما تشكت و قالت صار دخول و متوهقة و هالسوالف

يا ريت اذا تردون على مشكلة تردون على المشكلة نفسها مو تختارون الكلام اللي تبغون تعلقون عليه بس

و البنت نفسيتها جدا تعبانه مو ناقصة انتقادات و تدخلات مالها داعي

و مسامحة اذا ضايقت اي طرف

مع احلى تحية معتادة

حبيبتي انه لو ماكنت مهتمة في مشكلتج جان ماكتبت اللي كتبته لأن احنا البحرينيين نحس في بعض حالتنا خاصة في الخليج .. وعن سالفة الدخلة معاج حق مليون في المئة ان هالشي يخصج انتي وزوجج .. بس انتي طرحتيه في مشكلتج وهالشي يحدد سالف الإنفصال لأن وايد تفرق اذا وحدة تتطلق وهي عذراء او مو عذراء ..
ومثل ما قلت لج السالفة مب حرام .. حلال .. بس لأن تصير وايد سوالف خصوصا في هالزمان ماتعرفين شيصير مشاكل غريبة والطلاق صاير شي عادي الوحدة لازم تخاف على روحها وتهتم وتحافظ على نفسها .. ليش تقولين عيل اذا خاص عندج ..
المهم ان شاء الله تتيسر امورج وكلن له عاداته وتقاليده وطريقة تفكيره في هالموضوع

بحرينيـة 88;12492502:
اولاا :
هالخطوة سويتها مسبقا ..
اصلا ما فيه ماسويته اني .. وجم مرة قلت له مابيه وطرشت له مسج ان خلاص بننفصل .. ،
اهو جى البيت وكلم اهلي واهلي يدرون انه يدور شغل ويبي يشتغل .. بس مو محصل ولو ماجذي جان من زمان قالوا ليي تركييييه لاني غالية عندهم ومستحيل يخلوني اتعذب مع واحد مستهتر .. اني ضايقة من الوضع مو منه ولو فكرت اتركه بتركه لاني مو متحملة الوضع اللي اهو فيه وادري ان الشي مو بيده .. بس ساعات الشي يصير فوق طاقة الواحد !
وشغلة مهمة .. لو اني شايفتنه مو قد المسؤولية ومو مفتكر و واحد مستهتر وغير مبالي جان من زمااان وبدون مشاورة اي احد طلبت انفصل وبدون تفكير .. ولا بسأل ولا بحط هالموضوع اشاوركم حتى !!
وثانيا :
موضوع الدخلة ارد واقول محددد له علاقة .. رجاءا للمرة الاخيرة بقولها ( محد له علاقة بهالموضوع ) لا من قريب ولا من بعيد .. واعتقد شرحت في ردي السابق شنو قصدي لما خبرتكم بهالسالفة ،،

اختي الصبر مفتاح الفرج

ما ضاقت الا لتفرج

ليش ما فيج صبر ياما سمعنه عن ازواج ما يشتغلون و زواجتهم صابرين عليهم و يساندونهم

القناعه حلوة و هاذي ارزاق بيد الله متى ما كتب لكم الرزق بيوصلكم مكانكم

تعرفين اعرف وحده متزوجه واحد مدرس و عنده بكارليوس و اخذ الماستر و قدم اقالته من التدريس و الحين صار ليه تقريبا سنتين مو محصل شغل مع انه عنده ماستر بس الماستر بدون خبرة ما يسوى فلس و اكي صابرة و حامده ربها و احيانا اجوف عليها الضيق بس ما قط سمعنه انها متضايقة من زوجها او تبغي تنفصل بس لانه مو محصل شغل
بالعكس الا واقفة في صفة و كله تقول انه متضايق و متغير و حالته حاله

بس الوحده توقف مع زوجها خصوصا اذا يحبها و تغير من موضوع مثل هالموضوع يعني الوحدة كل يوم لها زوج ؟؟!!

ما اجوف بصراحة ديك المشكلة العويصة

تحملي و صبري و تاكدي الله ما ينسى احد

مع احلى تحية معتادة

يا اختي لابد من الصبر وتحمليه أكثر ولا تسببي له ضغوط وشجعيه وابعثي في نفسه الامل والتقائل
والله يحسن حالكم