.،. شسوي ؟ أنفصل يعني ؟؟ .،.

الله يوفقك وييسر امرك
اصبري اختي والله يوفقك ولاتنسي الدعاء

حبيبتي حطي روحج بداله ... انا اشوف هو يمر بظروف وضغوط انت قلتي بنفسج يوم طلع من الشغل ضار جذي ..شلون تبينه يفكر في شي وهو عاطل عن العمل .. احنا البنات شويه غير .. لكن ريال مايشتغل بالنسبه له صعبة ولما يقول تعايرينة بالبيزات هذي دليل انه حساس ومضايق من فكره الشغل ... ترى ماتصورين شكثر هالمساله تأثر ,, من رايي لاتنفصلين عنه تمي وياه ساعديه .. هذي مشكله هلون خلتج تفكرين بالانفصال لو اتيج مشاكل ثانيه شنو بسوين ... قعدي وياه قعده صريحة وتصارحو بمشاعركم ,, وانشاءالله الله يصلح حاله انشاءالله ...

اختي بموضوعك الاولي انتي قلتي ان مادخل عليج وانج رافضه تسلمين نفسج

والحين تقولين دخل عليج....

انا مادري البنت لمن ينكتب كتابها تتصور انها خلاص مافي امل تنفصل وتضمن الزوج... الخطوبه عشان تصير العلاقه شرعيه والكلام بين الازواج تحت غطاء رسمي.. ولكن ماصار اشهار ولا شي .. واكثر العائلات تلتزم بالعادات والعرف ... حتى لو كانت في عقد..


لو ماكان دخل عليج... انا بقولج.. تركه افضل..

بس الحين دخل عليج... يعني القرار مب لج بروحج.. كلمي اهلج وصارحيهم....... وحطي ببالج ان الغلط راكبج انتي من الاساس لانج طاوعتيه ورحتي معاه الشقه وتقعدون فيها وعايشين فيها كأنكم ازواج.... مافي شي اسمه هو طالبني بحقه ... ×( أي حق ذي ؟؟

المشكله مب عندج شوفي اهلج شقوولون ... لان في نظري احنا ابعد من ان نحلها لج وخصوصا من بعد الي صار...


ام جنى

كل كم يوم افتح هالقسم ونادراً اذا ارد على مشاكل البنات
بس اذا اشوف مشكلة من بنت من ديرتي ما يهون علي اطلع بدون ما ارد


كلامي يمكن يكون مثل كلام باقي الاعضاء .. بس نصيحة مني لش :
لا تطلبين الطلاق .. وخبريه ان كلمة طالق مو سهلة ولا يقعد كل بين مشكلة والثانية يقولها علشان لا تصير خفيفة على لسانه .. ثانيا طلعي يوميا وياه من الصبح دوروا على اشغال ولاتنسين الصدقات والادعية :) .. وقدمو على وزارة العمل ضد التعطل .. وحتى لو خطيبش حصل شغل انتين بعد اشتغلي بس بزام قصير لان الحياة صعبة ومعاش واحد ما يكفي

وعن تغير شخصية خطيبش .. الواحد اذا قلبه تعبان ويفكر في اشياء اكيد ما بيصير له خلق يمزح ويضحك :)


الله يرزقكم يارب F:

اختي هذا زوجج ولازم اتوقفين معااه على الحلوة و المرة...

المسأله يبي لها صبر و ان شاء الله بتفرج.. يعني اتوقعين طول عمرة بيتم عاطل ؟؟!!

عيل اذا صار له شي بعد لا سمح الله و طب في مصيبه بعد بتقولين انج ما تبينه؟؟!!

اهو واضح انه يحبج بس صايده اكتئاااب .. شي طبيغي يصيده لأنه يحس انه عاجز عن توفير المال لج و بدل من ذلك انتي صايره احسن منه و تشتغلين

هضي الشي وايد يعذبه نفسيا لو تدرين..

المطلوب منج التالي:

تحترمين خطيبج و ما تيبين له طاري الفلوس او انج محتاجه بالعكس شدي من ازرة و قولي له الله بيفرج عليك انت اسع و توكل على الله

ذكريه بالإستغفار لجلب الرزق

تركي عنج النظره المادية ... و حب المال ...

لا تسلمين نفسك له أكثر من ذلك تره بيشبع منج و خلي شي للعرس .. بالتوفيق

Noor1979;12475921:
وحطي ببالج ان الغلط راكبج انتي من الاساس لانج طاوعتيه ورحتي معاه الشقه وتقعدون فيها وعايشين فيها كأنكم ازواج.... مافي شي اسمه هو طالبني بحقه ... ×( أي حق ذي ؟؟

بينهم عقد قران .. ما فيها شي اذا قعدت او راحت وياه في شقة او مكان مُغلق :confused:

حبيبة الغاليين;12473725:
اختي العزيزة بحرينية اللي يقرأ قصتج يقول هاذي مو عايشة في البحرين

انتي في البحرين اختي في عذاري اللي تسقي البعيد و تخلي القريب

ما تدرين ان الاشغال و الوظايف العدلة الى الجلف و ربعهم ؟؟!!!
و ما تدرين ان اذا عندج واسطة تشتغلين بلمح البصر و اذا لا في الطقاق ؟؟!!!

كوني واقعية انتي تجوفين البحرين شلون من سيء الى اسوء

انتي غلطانة مئة بالمئة تعايرينه على عصير و ما تبغينه يعصب ؟؟!!!

يعني ليش ما توقفين وياه المفروض انتي اللي تطيبين خاطره ترى خاطره منكسر و هو محتاج لج في هالوقت اكثر من اي وقت ثاني و تاكدي اختي الغالية ما ضاقت الا لتفرج

و صبري و الله بيعوضج خير ان شاء الله
ولا تنسين الله ما ينسى احد مهما يكووووووووووووون

موفقة يا حلوة

اشقصدك بالجلف و ربعهم ...ألفاظ غريبة فعلا !!

أختي .. الطلاق أبدا مو حل

المشكلة برايي هي حالته النفسية لأنه بدون شغل
وانتي عارفة الوضع في البحرين وش قد فيه عاطلين والوظيفة بصعوبة تتحصل
البنات متضايقين من قعدة البيت .. فما بالج بالشباب ؟
البنات لمن تنقصهم اشيا يشيلون هم انهم اقل من غيرهم .. فما بالك بالشباب ؟
هذا وهو مرتبط وما يملك مثل ما قلتي في ايده شي .. وش تتوقعين حاله ؟؟
لمن نكون طالعين اجازة من دوام نتملل .. فما بالك بحاله ..
انا اشوف انك تعذريه وتتحملي اشوي .. وتساعديه يدور شغل حتى لو براتب قليل مؤقت

الله الموفق لكم

البنات كفووو ووفووووووووو

الناات كفو ووفوا

نصيحه انج تعدلين موضوعج وتكتبين خطووبه بعقد

لان بعض الاعضااء يفهموون غلط ...

بتووفيق

Noor1979;12475921:
اختي بموضوعك الاولي انتي قلتي ان مادخل عليج وانج رافضه تسلمين نفسج

والحين تقولين دخل عليج....

انا مادري البنت لمن ينكتب كتابها تتصور انها خلاص مافي امل تنفصل وتضمن الزوج... الخطوبه عشان تصير العلاقه شرعيه والكلام بين الازواج تحت غطاء رسمي.. ولكن ماصار اشهار ولا شي .. واكثر العائلات تلتزم بالعادات والعرف ... حتى لو كانت في عقد..


لو ماكان دخل عليج... انا بقولج.. تركه افضل..

بس الحين دخل عليج... يعني القرار مب لج بروحج.. كلمي اهلج وصارحيهم....... وحطي ببالج ان الغلط راكبج انتي من الاساس لانج طاوعتيه ورحتي معاه الشقه وتقعدون فيها وعايشين فيها كأنكم ازواج.... مافي شي اسمه هو طالبني بحقه ... ×( أي حق ذي ؟؟

المشكله مب عندج شوفي اهلج شقوولون ... لان في نظري احنا ابعد من ان نحلها لج وخصوصا من بعد الي صار...


ام جنى

والله يا اختي وهذا انتي بحرينيه وتقولي هالكلام
منذ سنوات والخطوبه عندنا اشهار وحفله ومعازيم والكل يدري تم عقد القران
فشلون تقولون الخطوبة مو اشهار :confused::|

حبيبتي اهو زعلان من نفسه مو منج عشان جذي صاير عصبي وناس وايد تره جذي خاطبين ومايشتغلون صبري عليه دام انه يحبج ويبيج والله يوفقكم

خلج معاه الشغل يجي ويروح لكن وين تلاقين واحد يحبج
حطي نفسج مكانه أكيد نفسيتج بتتعب لأنج ما تقومين بواجباتج صح
والريال يحس نفسه ولا شي لما ما يقدر يأمن أهم شي لبيته وهو الفلوس
عشان جذي نفسيته تعبانه وايد لا إتقولين إنه غير مبالي بالعكس هو يفكر وايد عشان جذي تغيرت أطباعه

الحين فكرو بمورد ثاني غير الشغله الحكومية أو الخاصة يعني ما لازم يقعد جذي مثل البنية اللي تدور ريل
شنو هواياته، شنو ممكن يسوي، شنو الشغله اللي ممكن يعطي فيها ويكسب من وراها فلوس

ترى ناس وايد الحين رزقهم من الأعمال الحره
اللي تمكيج واللي تسوي الشعر واللي تحني واللي تطبخ وغيره
والشباب بعد يقدرون يسوون بزنز يعني أقلها يبيعون في المنتديات أو يبيعون أشياء تخص السيارات
أو حتى يشتغلون بالتوصيل أو خطاطين أو رسامين

أي شي لكن الواحد ما يقعد ريل على ريل ويقول ما في شغل

مشكلتنا يا الجامعيين البرستيج هذا اللي ذابحنه ومقعدنه في بيوتنه

مشكلتج اختي قريبة الى مشكلتي تقريباً بس الفرق انه زوجي يشتغل ويفنش وهذا هو الحال ..

الحمد لله رب العالمين قاعدة انطر لما يثبت في شغلة معينه ذبحني واهو يتنقل .. انا اشتغل اللحين واصرف على نفسي شسوي بعد .. بس اهو اذا صار عندة فعلاً ما يقصر بس وايد يصير ما عنده بسبب التنقلات

ان انصحش اختي انش تصبرين عليه اكثر لان يبين ان خطيبش يحبش بس حاولي تشجعينه على الشغل و الزواج وياا ختي الصبر مفتاح الفرج

لا حول ولا قوة الا بالله
هاذا مو بس حالكم صار حال كل البحرينين !!
العن ابو التجنيس .. الاردنين والسوريين ماخلو لينا شي
اختي نصيحة مني البنيه في هالزمن ماتحصل رجال زين وامبين على خطيبش انه صدق يحبش
مدام يحبش وانتين تحبينه انسي الفلوس ! وعلى انه تغير شي طبيعي ..
حطي روحش مكانه لو انتين الرجال ماتشتغلين وهو المرا ويشتغل شبيصير فيش ؟ مذله صح ؟
اختي تحملي فيه وهو خله يتحمل فيش وخلو حياتكم حلوة عيشوو استانسو حتى لو المادة قليلة
والي قالو ليش عطيتينه حقه ومادري شنو !! الحين الرجال مايقدر يجود روحه شي طبيعي بيطالب
بحقه واذا البنيه رفضت طلبه اكييد بيروح بيسوي بالحرام وبيخون زوجته ! يعني انتون تبون جذي لا ؟
والله يرزقكم ويغنينكم ويهنيكم ويا بعض ..

noonzie;12480968:
لا حول ولا قوة الا بالله
هاذا مو بس حالكم صار حال كل البحرينين !!
العن ابو التجنيس .. الاردنين والسوريين ماخلو لينا شي
اختي نصيحة مني البنيه في هالزمن ماتحصل رجال زين وامبين على خطيبش انه صدق يحبش
مدام يحبش وانتين تحبينه انسي الفلوس ! وعلى انه تغير شي طبيعي ..
حطي روحش مكانه لو انتين الرجال ماتشتغلين وهو المرا ويشتغل شبيصير فيش ؟ مذله صح ؟
اختي تحملي فيه وهو خله يتحمل فيش وخلو حياتكم حلوة عيشوو استانسو حتى لو المادة قليلة
والي قالو ليش عطيتينه حقه ومادري شنو !! الحين الرجال مايقدر يجود روحه شي طبيعي بيطالب
بحقه واذا البنيه رفضت طلبه اكييد بيروح بيسوي بالحرام وبيخون زوجته ! يعني انتون تبون جذي لا ؟
والله يرزقكم ويغنينكم ويهنيكم ويا بعض ..

في الصميم اختي العزيزة

فعلا التجنيس مغربل حياتنه غربل الله المجنسين و اللي يجنسونهم ما خلوا لنه شي

يهدون ديرهم و ايجون اهني يخربون علينه عيشتنه الله لا يوفقهم لا دنيا ولا اخره

و فعلا دام انتي زوجته عطيه حقه و اللي بيقولونه يقولونه

الحين واحد متزوج ليش زوجته تمتنع عنه ؟؟!!!

عشان فعلا يروح الى طرق ثانية لا

موفقة اختي

اختي اني قلت لش في مشكلتش الاولى اني مثلش وزياده لاني متزوجه وعندي عيال الله يخليهم
وعلى فكره اختي اني بعد كنت قبل الزواج اشتغل ودوامين وكنت اقول تعب بس الحين ندمانه لاني فنشت من الشغل وسبب للحين مو لاقيه لي شغل
حبيبتي اذا تقدرين تردين شغلتش الاولي انصحش ترجعين خصوصا اذا كنتين مرتاحه من الشغل حتى لو تعبتين جسديا انتين الحين فاضيه وما عندش عيال وذا ما قدرتين دوري ليش على شغل انتي وزوجش والله يوفقش ان شاء الله ومثل ماقلت ليش داومي على قراءه سوره_ق_ الذاريات_ الحجر )

واني قلت ليش حاولي ابدا ما تحسسينه بالذنب ودايما شجعيه وقوليه الله كريم اذا ما لقيت اليوم بتلقى بكرا
والحاله اللي فيها الحين كلها بسبب البطاله ولا تنيسن اختي انتي جرحتينه يعني مو بسهوله ينسى
حافظي على زوجش قد ما تقدرين وهذا الشيء مو بيده بيد رب العالمين دام هو قاعد يدور على شغل ان شاء الله راح يلقى اذا مو اليوم بكرا

وابحثي في موقع مركز البحرين التجاري قسم الوظائف لانه يعرضون وظائف بشكل يومي والله يوفكم ان شاء الله

بغض النظر دخل عليها او لا ,, ليش البعض ينصح بالطلاق؟
هذي حياة تبون تهدمونها لها,,

في هالسالفة بالذات مافيه شي اسمه كرامة

اختي زوجش يمر بمرحلة صعبة والمفروض تقدرين وضعه مو تقولين تبين تنفصلين بعدين هو نفسه بيتأزم