حياكم في تجمع حوامل وامهات قطر لشهر رجب لعام 1431ه 2010م

يالله تصبحون على خير بوالعيال وصل :)

مرحبا حبيباتي

لولوة الدوحة .. اصبري عليها لين نوفمبر رمضان قرب وبتحتاجينها وقدمي على غيرها قبل لا تسفرينها .. يمكن هي تبي تشتغل بس مالها مزاج تمسك الصغيرة بعضهم جذي مالهم بارض حق اليهال تلقينها سوت هالحركة عشان ما تخلين بنوتج عندها لأنها قالت لج أبشتغل ومحتاجة فلوس ..عيل ليش هالمناحة عشان ضربة ياهل ماتفهم .. أتوقع ماتبي تمسك الصغيرة .. الله يعينج والدعاء اللي كتبتيه صح وبعد ادعي بوجهها دايما أول ما تشوفينها (( اللهم إني أعوذ بك من شرها وأذرأ بك في نحرها )) (( اللهم أكفنيها بما شأت )) ..

بسومة .. ما تشوفين شر أجر وعافية ان شاء الله ..

الورد .. اشلونج عساج بخير وان شاء الله خف عليج النزيف ؟ واشلونها الكتكوته عساها بخير يا رب ..

بدر البدور .. فديتج نفس معاناتي بالضبط تجيني الصيحة أحس اني ما أنام كلش واعية طول الوقت وكل نص ساعة اتقلب لا مرتاحة عاليمين ولا عاليسار وألم فضيع في كل ريولي من فوق لي تحت والأطراف لدرجة اني ماقدر أنام من الألم .. يوم الأربعا في موعدي قالت لي الدكتورة كل هالأشياء من الثقل في الشهور الأخيرة ..
والحارج حدث ولا حرج من أقل شي يضايقني حتى لو تريقت نتفة روتي مع جبن تعالي شوفي العذاب اللي أعيشه .. أنا أشرب حليب بارد أحس اني أرتاح من الحارج والسفن أب بعد يريحني ..اليوم متريقة فطيرة زعتر بغيت أموت حسيت اني ماكلة خروف وشربت اينو ارتحت .. وفديتج تعشي من وهل لا اتعشين عقب الساعة 8 وخلي أكلج خفيف بدون دهون قد ما تقدرين وبدال ما تاكلين 3 وجبات ثقيلة وزعيهم على 5 وجبات خفيفة هذي نصيحة دكتورتي لي .. وما عليج شر ان شاء الله ..

موزان .. شنو نوع الأكل اللي يحبه زوجج .. قولي لي وبحط لج أكثر من أكلة من عيوني ..