حياكم في تجمع حوامل وامهات قطر لشهر رجب لعام 1431ه 2010م

غيور
ماذكر ضيافتي في الشوش تصدقين
اذكر الفطاير والميني ساندويتش
وكاكاو من لوفاندوم وخذت من هيد يارد المادلين اللي هي فطاير سويت على شكل صدف انا احبه خذت منه بالنوعين وخلص من اول يوم
يعني حتى ماتم عندي
وطبعا عصاير كانا من معصره في الريان نسيت اسمها خخخخ
حلى الكاسات خذناه في البيت لما هلي وجماعتنا يجوني كل خميس وطار بسرعه يعني ثاني يوم حق الضيوف وخلاص ماشي بعد ..
وعندج الحسو والجلاب <<قدمناهم في البيت نسينا في المستشفى من الحشره والزحمه ماشالله
وع قولتج ترا البكر غير عن البيبي الثاني والثالث .. مب كل اللي يجون في البكر بيجون في الولاده الثانيه والثالثه على حسب يعني





هيوبه وقطريه اتش
منوريين حبيباتي




يالله برب شويونه

لولوة الدوحه;12538226:



الورد
هو اول شهرصعب وااايد
واشوه عندج ساعتين رضاعه
وانتي اشفطي لها من صدرج اذا ماتبينها تعوفه ولما ترجعين على طول استلميها رضاعه طبيعيه وعوضيها عن ساعات الدوام

انا قبل اطلع ارضعها واول ماارجع ارضعها واصلا دايم تكون نايمه وماتدري شالطبخة بس انا قلبي عليها:'(

هـلا بـ اللـولتيـن

ووالـورد

ووسـاره

منـووورين صبحكم الله بالخـير ..


والضيـافه اولا واخير عـلى حسب الزوار وانتـي أأدرى بزوارج واجد ولا شوي ..

وانا الي كتبته فوق لان الزوار واجد واكثرهم ربعـي ربع أأمي وخالتي فـ الدوااام يعنـي زدنا اشياء لان خـلصو :)

لولو:
اي كريم وشنهي الطريقة ،،
انا شعري دهني بعد ويسون لي وقايله لهم دهني الله يقطعم يعني مايناسبني :( ؟؟!!

بخصوص الضيافه ليش ماتاخذين من فوشون بدال العباله والله اشيائهم حلوة ونظيفة ومغيرين المنيو
اخر مرة خذت منهم يجونج 8 ساعات فاليوم وانتي تقررين متى و2 سيرفس ولبس مرتب وشكلهم ككل مرتب الشعر وميك اب خفيف
مشروبات ساخنه وباردة فرش
مقبلات وسندويشات وسويت وكلهاااا حركات صغيرة وغريبه وحلوووة
والي يزيد يحطوونه لج كللله في بوكسات مرتبه ويخلونه ع صوب
انا احب شغلهم
خذته كامل وبس زياده عليه عبيت صينيه كافي مغلف منهم حق بيس الطاوله وحوله ورد
وطبعا الحسو والجلاب من البيت

وصح على قولتكم كل وحده تعرف طبيعه زوارها وعددهم
وتنسيق الغرفه خليته نااعم ومرتب من المناسبات والافكار شوي مني وشوي منه

انا استأذنكم

رايحة البيت واللي فيها فيها:(

لولو النور نورج حبي

ام جوليا

يامرحبا واللله كبار
شخبارج .؟

حاولت اقرا كل الي طافني ماقدرت برد على الي قريته

اول شئ

صبااااااااااااااااحكم فل
هيبه: افا عليج مستغلتها.. ولايهمج سلامج يبغ
ام الغالين: الشر مايجيج حبيبتي
روكابب: ان شاءالله بوديه
موزان: تعرفين اسم البودرة؟
روح قطر: الشر مايجيج
نور الحب: الله يسلمج حبيبتي
نصفه الثاني: حلوة الحركة ههههههههههه
وهج العيم: اخيراااااااااا سويت له الكرت
اسمي الحنان: لا انا كنت ابي الكرت الاخضر بس عشان الرقم .. عشان اقدر اخذ له موعد في المستشفى مو حث التطعيم

الحمدالله ولدي صار احسن بس للحين عينه وعطاني الدكتور كريم واشوف مافي فايده .. بشوف اخر شي شيقول وعقب بوديه المغربي
وانا صرت احسن حتى الخدامة مرضت واختي الصغيرة مرضت فشلت قشي ورجعت البيت عشان اختي لاتعادي ولدي ونرجع حق نفس الدوامة

الورد

عادي .. تحسينه شي صعب في البدايه .. بس ربج يسهل ..

::

ساره

حمام كريم فاشكول .. انا استخدم اللي بالثوم ..

بس آخر مره صبغت فيها شعري .. نصحتني المره باللي بالجرجير .. بس ما ينباع الا في النزيه .. وانا مالي بارض

وبخصوص الضيافه

يقولون وايد غالي فوشون ؟!!!

بخصوص الي يقرون ومايكتبون.. تدرون اني حتى ماطالع الاسامي تحت هههههههههههههه
لقافة يعني شبيكون غير اللقافة والي يطرشون رسايل عالخاص يمكن ماتبي الكل يعرف عن سؤالها .. تدرون بعد في ناس رويتر .. بس الوحدة تسال وين احصل مفرش وردي قالو فيها بنت وانشروا الخبر في جميع بيوت الدوحة وضواحيها .. وهذا الي صاير .. الوحدة اذا بتكتب شئ عالعام حتى لو عادي تحس نفسها مراقبة
ااااااي سافرت .. ااااااااي راحا ااااااي شرت وبعد خبركم البي بي مايقصر اكتب وبرود كاست حق العيله الله ياكافي

هيبة النور نورج

لولو :
2000 ويكفي ويزيد وكامل ووافي
انتي اذا كل يوم بتعبين الصواني مالح وسويت بيطلع نفس الشي واكثر وتعب

اليجانت

صح 100%

::

ساره

2000 في اليوم ؟!!!!!

% sara %;12538477:
هيبة النور نورج

لولو :
2000 ويكفي ويزيد وكامل ووافي
انتي اذا كل يوم بتعبين الصواني مالح وسويت بيطلع نفس الشي واكثر وتعب

تسلمين حبيتـبي F:

وبخصـووص فوشـون .. الـ 3 ايام بـ 2000 ولا كل يوم ب 2000

والـ 2000 شـامل المضيفـات << :o

لـولو

خخخخخخخخ نفس السؤال انا وانتي :lol:

بتنحـاش البنت :D

هيوب

وش ناويه عليه *_^

سارة يعطيج العافية اختي

بالنسبة لتوزيع الساعات بما انج خبرة الحين بشنو تنصحين اذا باخذ فوشون؟

بنات انا رفيجتي الروح بالروووح معرسه توها
وتوها راجعه من شهر العسل
شريت لها ساعه وابي احط معاها شي
شاخذ وعطوني افكار بليز !! ..؟

هيوووبه
ماشالله عليها خالتج الله يخليهالكم ان شالله
صح كل وحده وتعرف ضيوفها

هيـوووب

فادني كلامج وايد وسجلته عندي
وهالمره ابي اعرف بالضبط اللي باخذه مب اروح وانقي كل شي :*_*:
وحلو شغل البيت احبه اكثر من المطاعم

ام نونـا
حلوو مخططج للضيـافه
والكب كيكز مب مقنعني بس شفت الكل هاب فيه قلت اشوف
انـا ان شاء الله هالفتره بجرب اللي يشتغلون في البيوت
عشان اللي تعجبني احطها في اللسته واللي لا ااحذفها

ام الشوش
انـا كانووو زواري وايـد واغلبهم صبـايا ربع المدرسه والجامعه في الليل
ويابلفيت مادري مسوين ريجيم والا برستيج ماياكلون شي :039:
والا الامهات الكبـار ,, ماشاء الله يبردون الخاطر يجربون كل شي
وانـا كنت مكثره من النوع الزين يعني السندويشات 4 صواني في الليل
غير صحنين الصبح كبـار والموالح والبيتفور صينيتين
غير الشوكلت صينيه غير اللي جاني هدايااا ,, والسويت صينيتين
غير امي فديتها مسويه شوربـه وحسوو ووزعنها في طوس صغار
عشان كذا زاد وآآجـد

سـارآآ
نفس اسئله ام حمود وام نونـا بالنسبه لفوشون
وعن العنـايه لرحت بيت هلي دهنت شعري
وفي الاسبوعين اسوي مره حمـام زيت ,,,
هالفتره زاين شعري واحسه غلظ شوي بس ادري كله بيروح ماميش
بعد الولاده :*_*:

قـطريه H
اخذيلها تعليقه تلفون ماركـه
والا مجموعه سكارفات تستفيد منها
هي تقربيا بتكون مجهزه كل شي وصعبه تهدينها شي غريب
واسمحيلي هاللي طلع مني

قطريه_H;12538611:
بنات انا رفيجتي الروح بالروووح معرسه توها
وتوها راجعه من شهر العسل
شريت لها ساعه وابي احط معاها شي
شاخذ وعطوني افكار بليز !! ..؟

شموع معطره / بخور / عود / عود معطر / قميص نوم / كفر تلبيس راقي / طقم عطر مع كريمه

اللـولـو

مب ناويه على شي هع ^.^"

ام خويـلد

وحشتيني يا وحشه ووحشني خلود وفيسه الحلو الله يحفظه ..

امممممم الله يبـارك لرفيجتج ويرزقها الذريه ..

انا اقول حطي السـاعه فـ بوكيه ورد
او
اسواره
او خـاتم
او
طقم عطور
او
مفـرش ويا كوشنـات ويا الثرو
او ..الخ

انـا هدايـاي كلها لازم تكـوون ويـا ورد احس احـلى ^.^