حياكم في تجمع حوامل وامهات قطر لشهر رجب لعام 1431ه 2010م

دوحانيه

اسكتي ياوخيتي :(

تسلمون حبيباتي كلكم

انا من الحره كتبت هني خخخخخ
اصلا انا قايله حق ماماتي من عقب ماكملت عندي 6 شهورقلت لها لما تكمل السنتين بسفرها
مع اني ماشفت ليها شي بس قلبي نغزني عليها من ناحية الشوش
لان خدامه بيت هلي الشوش حاولت تعضها وقالت لي ايه بنتج عاضه خدامتج @@ وانا كنت في الشغل
ومدري عنها اشلون تصرفت معها لما قلت حق امي قالت ولا قالت لنا انها عاضتها ..يعني سكتت وكتمت السالفه ..وهني امي وافقت على رايي انه سنتين وتسافر وانا قلت بعد بستخير عليها <<امسك مجنونك لا يجيك اللي اجن منه
الحين مجبوره اصبر عليها الين العيد
وانا ماخليها بروحها شوشتي تكون تحت عند اهل زوجي او عند ماماتي لما تمر تاخذها ..




الله كريم ان شالله يارب كلها شهر
صح الداء اللي كتبته والا غلط ابي اقراه فوجهها

ساره
اقرا دوم دعاء الخروج من المنزل واحصن بنتي واستودع بيتي وبنتي وان شالله الله الحافظ يااااارب



عنودي
زيورخ حلوه وهاااااديه *_^

بنات احس انكم دافنين روحكم عشان هاليهال
ليش
اوكي قعدي وياهم ربيهم ونسيهم وونسي نفسج وونسي زوجج
كل واحد له حقه

يعني اذا اجلتي السفر والوناسه والحركات كلها
شنو بيتغير اليهال بيكبرون انزين انتي بتكبرين
وكل كمن سنه بتجيبين ياهل جديد وبتنطرينه يكبر يعني ؟؟
ترا بيبدا الملل والروتين يدش حياتج بدون لاتحسين

رتبي وقتج ونظميه ،، انا مااقول هيتي طول الوقت برا وهملي عيالج لا والف لا هذول امانه
بس نفسج امانه بعد وريلج بعد

sara
لافندر دايم جي انا ادش المسن مالاقيها :(

لولو
الله يعينج عليها بس لا تهملين البنت وياها
ماتدرين شبتسوي ... وشوفي استخارتج والله يوووفق
العنود
المالديف يمدحونها ..

رووح /
يعني هاي عوايدها عادي
الحمدلله اهم شي يعي هي بخير

يالله برب طويل

ساره

كلامج صح 100%

بالنسبه لي ماقدر اطول بالسفر بدون عيالي يومين بس

لان عندي بنت متعلقه فينا وايد كفايه اذا طلعت رحت الدوام تفتح حلجها وماتسكره الا بالياله

رووووح
ساعات انجبر بس مرات يعني ينعدون عالاصابع بس دوم في مراقبه اصلا
وهالمره مو اني هديتها بس دخلت الغرفه شووي وهي كانت في الصاله والشوش تمت في الصاله ومالحقتني
مادريت بها جذي حساسه وركيكه <<اشكره وحده محتره





يالله برب يا حلوات اليييين بعدين

ساره
اي عادي حبيبتي ..
لولو
انا ماامن كلش اخلي البيبي عند خدم حتى لو انا ماشفت عليهم شي
يختي ماتدرين اذا احنا امهاتهم ومرات مانستحملهم فما بالج هم الغرب ..
حاطه في بالي اذا توظفت باذن الله ادخل ولدي حضانه اامن واحسن لي من المحاتاه

تيتو ياحلوات

لولوة الدوحه;12530802:



ذكروني بالدعاء
اللهم اني اسألك خيرها وخير ماجبلتها عليه واعوذ بك من شرها وشر ما جبلتها عليه ..صح

صح
من مساعة ابي ارد عليج و انسى

لولوة الدوحه;12531345:






دندونه
ماماتي دوووم تاخذ جداد يعني ماقد اشتغلوا فمكان ثاني ولا اي بلاد
مره وحده جربنا وحده اندونيسيه اشتغلت في الكويت كانت زينه بس تحر يعني مثلا كانت تعرف موديلا النوكيا والتلفونات وتقول لنا وتعلق مثلا اذا حد منا جاب له موبيال جديد كنها تبي تاخذه وتتفحصه بدالنا جذي يعني
ونوعها ما تكمل سنتين
حتى لما كانت في الكويت سنه وسافرت وعندنا سنها وسافرت تقول اشتاق لعيالي ..


بس احنا ابد ما نشجع وحده مشتغله فمكان ترا هو يفرق من بيت وبلاد بعد بس ماماتي وجهة نظرها تقول انا اعلمها على طريقتي في الغسيل والكواي والتنظيف احسن بدل ما تتفلسف وتسوي عمرها عارفه ومايعجبنا شغلها عقب قد طاف عليها شهر والا اكثر
وانا اشوف احسن



كذابه هاذي اللي تقول ياكلون كله من مطاعم تلقينها مشتغله عند عايله توهم يكونون نفسهم وموظفيين وماعندهم الا 2 ويمكن ساكنين شقه او ملحق بعد ..

لاا احناا اغلب اللي ناخذهم مشتغليين فتره طوويله والحمدالله دايما" حظناا حلو ويا الخدامات ويطولون عندنااا بس هذي شكلهاا ماااراح تكمل االسنتيين حررام حليوه ومسكيينه بس عيبها بااارررررررررررررررررررده وماتعرف تكتب وتقررا<<<اول ماقلنااا للمكتب العيب هذا قال لاايكون طالبيين مدرسه:-#:-#..
صاادقه الشغل يختلف:thumbs_up::thumbs_up:

باك



دحدوحتي
شوووووووكرن <<مثل نعمان




دندون
لا احنا العكس بالضبط




روووح
ولا انا امن اخليها عند خدامه بروحها
انا اخليها تقعد معاها مثلا عند اهل زوجي لازم الخدامه تكون قاعده بس << مدري ليه استحي اخليها عندهم بدون الخدامه مع انه عادي عندهم
وبيت هلي مايحتاجونها وااايد ولا بيخلونها معها بروحها بس بعد هم شر لا بد منه
واذا عالحضانه هاي اول بيبي
والثاني والثالث الا ماتخلين واحد عند الخدامه بوجوود حد من هلج او اهل زوجج عرفتي



مره سمعت قصه مدرسه مصريه ما تتخيلين وين تهد بنتها وبنتها ام 6 شهور يالله بس تصلب عمرها وتقعد ..تخليها بروحها في الشقه لا عندها خدامه ولا حد ولا حتى وصت جيرانها عليها وفو هاي ريلها في مصر ..متخيله ..هاي على ايام الدوام الين 1 والا 12 ونص الظهر
الله لا يقول حد يمر بهالظرووف اللي تحدج تخلين ياهل جذي بروحه

مساء الخير

لولو شدعوه تخلي بنتها بروحها لا ما اصدق ..!!!

مساكم الله بالخير

وحشتوووووووني مووت

انا هالويكند رحت شاليهات جراند حياة
روووعه بس استغفر الله ماستانست وايد
اول ماوصلنا رد علي الاحتقان والتهاب الاذن
وتميت طول الرحله متنقصه لاني ماقدر ارقد
بس وديت بنتي البرجه يوم الجمعه استانست فديتها
ووديتها عقب البحر شويونه عشان الاكزيما
كان خاطري اروح السبا ادلع نفسي بس الله ماكتب
ان شاء الله مره ثانيه
،
والحين مصدعه واحس جسمي كله ينتفض
انطر ابونا يخلص المباراه ويجي يوديني اي مستشفى
ماااابي اداوم باجر
ابي اجااازه

تهقون الاهلي يعطون؟؟

السلام عليكم


شخبار الحلوين

الورد

انا اضيع الوقت اشوف مسلسل على الام بي سي ون
وانطر ابونا ><"

انتي شخبارج وشخبار بنوتج؟

الحمدلله انا والبنوته بخير


انا حاطته على الام بي سي على رصاصة رحمة

مساء الخير ..F:




بسومة

ما تشوفين شر حبيبتي ..
وان شاء الله الجايات اكثر



الورد

هلا حبيبتي ,,
شخبارج ,,؟ وشخبار البنوته ..؟



ماميز

ميته من الالم ونفسيتي دااااون من قلب .. احس اطراف وروجي تعورني ومب قادره ارقد
طول الليل اتقلب .. :(
غيييييير الحارج مسبب لي عذااااب ..:'(

اصوله
والله القصه سمعتها من وحده كانت تشتغل معها في نفس المدرسه
والسالفه قالتها لي قدام ماماتي وقلبو اختي
لو قلت لج وين بالضبط في الشقه بتنصدمين




بس بس
ماتشوفين شر
اشحالها لولا الحلوه



بدوره
من الثقل حبيبتي
هاي علامات الشهور الاخيره
اذكر العوار وماقدر اقوم من الفراش وستن الف مره اتقلب
المهم شوفي لج هالمخده اللي ع شكل سي في مذركير شايفتها وحطيها بين رجيلج لما تنامين






يالله برب