dr.snowwhite;12315643:
اولا احب ان ابدي اعجابي الشديد بالمنتدي بجد ماشاء الله عليكم انتم فتحتوا عينيا علي حاجات كتير كنت دايخه فيها
ثانيا بقي :o كنت عايزه اعرف ايه الفرق بين الفيديو العادي والميكسر 2 والميكسر 3 كاميرا ولزفه الدمياطي والفنون
وكنت عايزه اعرف ايه رايكم في دار المدفعيه .. وعنوان دار ضيافه الشرطه ...و دار الامداد والتموين ايه مستواها لو فرح في حدود 15000 علي 120 فرد
ميرسي يا بنات
الفيديو العادى اللى هو كاميرا فيديو واحدة والميكسر بيبقي كذا كاميرا وبيبقي فيها حركات ودى احلى من العادى طبعا
حبيبة قلب الغالي;12316529:
مبارك علينا يارب الجزء الجديد
يارب كل ال بنتمناه يتحقق ياااااااااااااااااااااااااااااااااارب ويصلح حالنا وييسر أمورنا آآآآآآآآآآآمين
اللهم بلغنا رمضان آمين يارب
سؤال بأه هو البرفانات المفروض العريس يجبها ولا العروسه؟؟؟؟؟؟
البرفانات على العروسة يا جميل هو ممكن يجيبلك بس بتبقى هدية وانتى برضه تجيبيله برفانات هدية لو انتى حابة كده :)
baata;12317405:
مرسيه ياسالي
بقولكوا يابنات مين عملت عند ايمي الكاشف وايه رايكوا فيها ؟و ياريت لوفي صوره لشغلها لبنت معانا هنا او ع الجروب؟
هى ايمي كويسة بس الميك اب بتاعها تقيل وعندك جوجو عملت عندها فى الخطوبة وايمي ليها جروب عالفيس حاطة فيه شغلها
rannon;12320748:
ميرسى ياجميل على سؤالك انا تمام الكاسات بتاعتك على فكرة رقيقه مووووتع وممكن اسرق حق الفكرة بتاعتك ههههههههههههه لا بجد هما تحفه انا لو الكاسات مش عجبو خطيبى هتكل على كاسات القاعه
وبالنسبه لسؤالك المناصرة افضل اخشاب هناك ولو عايزة حاجه غير المناصرة يبقى التوحيد والنور عندهم حاجات الى حد ماكويسه
سؤال المخالفه بتاعى محدش جاوب عليه وزعلتونى حد يطمنى من بيوتى سنتر مسيو شريف فهمى ايه نظامه طلبنى قبل خطوبتى بيومين حد يقولى بيعملوا ايه فى اليومين دول
رنون الكاسات اللى انتى عملتيها حلوة بس انتى مش مخليا مكان فاضى علشان لما تيجي تشربى منه وفى فكرة انك تشيلي كل الورد الاحمر ده وتسيبي وردة واحدة بس فى النص تدى المنظر علشان يبقي شكله رقيق وما يبقاش زحمة والكاس التانى حطى فيونكة سودا وشريطة بيضا وخلاص ;)
قوليلي بقى هو فين مسيو شريف ده :rolleyes:
نور سامح;12320880:
يابنات عايزه رائيكو بصراحه فى الفستان من غير اى مجامله علشان انا رايحه بكره اشوفه
الفستان شكله حلو من فوق لكن الجزء اللى تحت مش عاجبنى اوى بس هو شكله رقيق
اشرى;12324958:
ازيكوا كلكوااااااااااااااا
باركولى
انا الحمد لله حجزت الفستان
بصوا هو مش وااو بس مظبوط عليا اووووى كلهم بيقولولى حلو بس انا حاسة انى لو لفيت اكتر هلاقى احلى بس هو عاجبنى عشان بياضة ناصع وجميل وسعرة تحفة ب600 ج وجديد كدو وابن ناس ومخلينى عصفورة ودى اهم حاجة
بجد مرفعنى جداااااااااااااااااااااااا
ومظبوط عليا الحمد لله ولا هيضيق ولا هيتوسع بس المفروض اخس بتاع 3 كيلو كدة عشان بس اعرف اتنفس فية
ههههههههههههههههههههه
حجزتة من نورهان الى فى المعادى
خلاص الحمد لله
انا قولت بالميكب والطرحة وكدة هبق عروسة وامورة كدة ولا اية
فرحتوا طب كويس
:oحبة نكد بقاااا:o
النجار لسة مخلصش اى اى اى حاجة خاااااالص
وكل الاوض عندة
وكل شوية يدينا معاد وميخلصش فية واخويا اتخانق معاة خناقة كبيرة وربنا يستر
النقاش بردو شرحة فاضل وشين ولسة مبدئش فيهم وطقم الحمام لسة مركبش
وناقص الرخام بتاع المطبخ
الاوكر
وشوش الكهربا
النجف
التنجيد
الميكب بتاعى
لبس الخروج
عاااااااااااااااااا
عااااااااااااااااااااااا
تفتكروا هلحق؟؟؟؟؟؟؟؟؟
السؤال بتاع هلحق دة بيفكرنى بالمذاكرة بتاعة ثانوية عامة
هههههههههههههههههههههههههههه
بجد انا مش قادرةوالله مهيسة اوووووووى والله ومش مركزة فى حاجة خااااالص
بنات
انا مش لاقية لبس خروج عدل خااااااالص اعمل اية بجد محتارة اووووى
اروح فين واجيب منينن؟؟؟
مبروك يا اشرى عالفستان بجد فرحتلك اوى :D
وماتقلقيش ان شاء الله هتلحقى خلى اخوكى او خطيبك يقول للنجار ان فرحكم خلاص كلها اسبوعين او تلاتة ومش معقولة هندخل على شقة فاضية علشان يخلص 8o|
والنقاشة ما بتاخدش وقت هما 3 ايام وخلاص وشوش الكهربا بتركب فى ساعة اجى اركبهالك انا :lol: والتنجيد بيخلص فى يوم
الميك اب يخلص فى يوم برضه اما اللبس بقى يا تلفى اسبوع لفة محترمة كده وتخلصي منه يا اما تجيبي قماش وتفصلي كام بلوزة وجيبة وبنطلون كده
لولو احمد;12325200:
بنات معلش سؤالى بره التجهيزات انا خطيبى عايز يجبلى موبيل هديه من الكويت وبصراحه من اول ماتخطبنا ماجبليش هديه بنفسه كان حد من اهله هوه اللى بيجبها على زوقه بس هوه عجبه اوى انواع فى اريكسون وسامسونج وانا وقالى ايه رايك لو عايزه نوكيا قوليلى اللى انتى عايزاه بس انا اتكسفت ورحت سكته قالى ردى عليه بكره وانا عايزه حاجه كويسه ومش اغرمه كتير وفى نفس الوقت تكون شيك وارجوكم ردوا عليه ومعلش بقى اصله بيرنعايز يكلمنى بيجى على السيره
بصي ادخلى على موقع بتاع 7 ozoهتلاقى فيه كل الموبايلات باسعارها
يا اما تقوليله اللى يعجبك هاته واكيد هيعجبنى ;)
maro2010;12325597:
ازيكم يا حلوييييييين ومبروك الجزء الجديد وان شاء الله يكون وشه حلو عليكم
ايمي الف مبروك يا قمرF:
يا بنات انا مش عارفة ابعت لمين بس انا كنت مشتركة على الجروب بتاع الفيس بوك بس لما رجعت بعد الجواز وجيت ادخل لقيت عضويتي ملغية ياريت لو حد يعرف قولولي اعمل ايه
مارو كلاسيك وبطة لغوا العضويات اللى ليهم اقل من 300 مشاركة فانتى اوصلي لل 300 وابعتيلهم وهما يقبلوكى ان شاء الله
رمال2;12325835:
بنات هو انا ازاى اقدر اشترك فى الجروب بتاع عروس على الفيس بوك
ابعتى رسالة لكلاسيك او بطة بعد ماتكونى عملتى طلب انضمام للجروب
sally2007;12326029:
ليا سؤال بقى ومش تكسفونى
انا هنا معنديش اطباق للاكل غير حاجات بسيطة على قدى انا وجوزى لانى كل اما اجيب يتكسروا ههههههه
المهم السؤال بقى
النهارده كارفور عامل عرض على طقم بورسلين 20 قطع ب 25 درهم يعنى ب37ونص جنية مصرى
ايه رايكم حلو ولا لا والبورسلين يعنى فى الاطباق دى حلو ولا لا اصلى فى جهازى مجبتش طقم بورسلين
وهو الطقم عبارة عن 3 احجام مختلفة من الاطباق كل حجم منهم 4 اطباق
و4 مجات بالطبق بتاعه ايه رايكم عشان لو كويس جوزى يجيبه بكرة مع العلم ان مفيش غيرى انا وجوزى اللى هنستخدمة ؟
والله يا سالى انا شايفة ان العرض حلو جدا هاتيه يا بنتى وحتى لو اتكسر مش مشكلة يعنى هى جت عليه :lol:
والبورسلين جميل هو عيبه انه بيبقي وزنه تقيل شوية عن الاطباق العادية
farm;12326251:
السلام عليكم ورحمة الله وبركاته اذيكم يا بنات انا فارم بقالى كتيير مدخلتش وجيبالكم خبر حلو زيكم بفضل الله عليه حددنا ميعاد فرحى يوم 23 / 7 :093::093::093::093::093::093::093::093::093::093::093::093:يالله بسرعة وحالا حطونى فى الليستة وعقبالكم كلكم يارب وادرعولى ربنا يرزقنى بالذرية الصالحة يارب ويكملى على خير واجيب بقية حاجتى الى ناقصة يارب ادعولى يا بنات
مبروك يا فارم الف مبروك ربنا يتمم لك على خير يارب