miss cat;12320780:معلش اتاخرت عليكى بس كنت مشغولة فى تركيب السيراميك وحرقة الدم بتاعة الصنايعية الى مبيفهموش
بصى ياستى اولا حددت الشكل الى نفسى فية وبعدين نزلت جبت الاتى
1_ كراسة رسم ورقها لحد ما طرى مش جامد
2_ استيكرات ملونة باللون الاحمر والاسود لون الفستان
3_ اشتريت القماش الى هغطى بية الكراسة ( طبعا انتى بتتفرجى على القماش وبتنقى الخامة الى تعجبك )
4_ مسدس شمع وشرايط ستان وورد جاهز كل دة هتلاقية عند بتوع الخرز والزراير
بس وغلفت الكراسة بالقماش من برة ومن جوة وزينتها من برة بالشكل الى انتى شوفتية
وجيت بقى اول صفحة عملت فيها المقدمة وباقى الصفحات على الاطراف زينتها بالقلوب والحركات دى
والقلم غلفتة بنفس القماشة
وانتى لو عندك وقت ممكن تروحى اى مطبعة من بتوع الكروت وتخليهم يعملولك ورق مطبوع عليه صوركوا مثلا او اسمائكم او اول حروف ويجلدهولك دة بدل الكراسة بس بصراحة مكنش عندى وقت
وفى بنوتة سالتنى ازاى تحافظ على الجيست بوك من الاطفال بس مش فاكرة هيا مين
بصى ياستى ممكن تحطية وتخلى حد واقف جنبة مسؤل عنة انا فى خطوبتى كانوا حطينة جنب الكوشة فى جنب كدة بس انا كانت شبكتى هنا فى الجنينة بتاعة الفيلا بتاعة تيتة بتاعتى واقولك على حاجة كل العيال الصغيرة خليتهم كتبوا والله العظيم زى العسل وبخطهم البدائى دة عارفة لما طفل يكون بيحبك وعاوز يكتبلك اى حاجة وعلى فكرة العيال هتفهم اية دة لما هيشوفوا الكبار بيعملوا كدة
وسبيها عى ربنا
بصى رمال ملاياتكبس الله مشاء الله تتهنى بيهم يارب انتى وزوجك عن قريب حلوين موووووووت واكتر واحدة بصراحة عجبانى موووووت دى ممكن بقى تقوليلى سعرها كام
ربنا يشيل عنك يااااااااااااااااااارب ويخليكى اسعد بنوتة باذن الله
وكام توكة ياشيخة اتقى الله ههههههههههههههههههههههههههههههههههه
هاتى لكل بيجامة او طقم روش عندك توكتة والمانيكير بتاعة والاكسسورات بتاعتة لزوم الشياكة يعنى ويابت بطلى نكد محدش واخد منها حاجة وقومى اتوضى واجهزى لصلاة الفجر وادعى ربنا يفك كرب
ميرسى ياقمر الملاية كانت ب150 واتفضليها متغلاش عليكى وبجد فكرة الجسيت بوك دى تحفة انا اول مرة شوفتها كانت فى فرح ابن عمى بس ماكنتش فاهمة ايه ده الجهل بقى وان شاء الله اعمها علشان تكون ذكرى حلوة
نور سامح;12320880:
يابنات عايزه رائيكو بصراحه فى الفستان من غير اى مجامله علشان انا رايحه بكره اشوفه
الفستان رقيق موت يعنى لو مش بتحبى الاسترس والشغل دة يبقى الفستان حلو
lasposadelnilo;12323136:مبروووووووووووووووووووووووووووووووووووووووووووك لكل العرايس على الجزئ الجديد يارب احدد معاد فرحي بقى
انا عمله كل شويه ادخل القديم والاقي مفيش ردود جديده اقول ازاي ده انتوا بتجروا في الصفحات جيت ارد لقيت الموضوع مغلق
اطمنت عليكم بقى انكوا مبطلتوش رغي بقى هههههههههههههههههههههههه
ياريت يا جماعه تردوا عليا ليا سوال في الديكور مهم اوي وده اللينك اهه
http://forums.3roos.com/showthread.php?t=531953&page=123
انا نزلت امبارح كنت بتفرج على الاجهزه كنت مقرره على تلاجه توشيبا 14 قدم بس مكنش في منها في العرض معرفتش اتفرج عليها
فالراجل فرجني على كريازي واديال زانونسي
وشكرلنا كتير في اديال زانوسي
بس ماما بتقلي الارفف اللي في الباب خفيفه كده مش زي كريازي
بس من بره اديال شكلها احلى كتير والاتنين قريبن في السعر دي ب 2080 ودي 2000 وشويه مش فاكره
المهم انتوا مارايكم في التلات ماركات اديال زانووسي قالي دي ايطالي ولا توشيبا ولا كريازي ماما شايفه كريازي امتن من جوه بس شكلها وحش معجبنيش
وانا اصلا مشفتش توشيبا فمش عارفه اعمل ايه
والغساله قالي كلمتين على التوشيبا اللي هي فوق اوتوماتيك دي لخطبتنا
حلتها بلاستيك ومش هتستحمل الميه السخنه والوصله وكده
ورشحلنا غساله اديال برده 5 كيلو 14 برنامج قالنا حلوه ب 2000 جنيه
البوتجاز كنت ناويه على تكنوجاز بس هوا ورنا كريازي القديم القديم ايطالي والجديد مصري
5 شغله بس عيبه طبعا ان الفرن والشوايه مفتاح واحد مش اتنين لاكن تكنوجاز ويونفيرسال ليهم مفتاح خاص للفرن ومفتاح تاني للشوايه
وقالنا ان التوب والاحسن يونيفيرسال
وانا ماما مجربه تكنوجاز فبقيت محتاره
هوا معرض كبير اوي بيقول ان العبد ومحلات كتير بتاخد منه لانه بيشتغل جمله بس ولسه عامل معرض قريب
قالنا تعالو يوم الاتنين عشان هما الاحد اجازه طبعا عشان نشوف التلاجه التوشيبا والبوتجاز التكنو جاز يكون طلع منهم للعرض
عاوزه رايكم في الماركات دي عن تجربه الله يكرمكم
بصى ياستى بالنسبة للتلاجة انا كل ماحد عندنا يتجوز بيجيب الايديال زانوسى الايطالى وكلهم بيشكروا فيها موت اما بقى كريازى سمعت ناس بيقولوا انها كويس بس خالتو كانت جابتها ولما عطلت قالوا مش هينفع تتصلح كويس لان المواسير بتاعتها من جوة التلاجة يعنى مش تشوفيها من برة ولسة امبارح متصلة بينا علشان بابا يجيبلها تلاجة تكون كويسة غير الكريازى ونصيحة منى البنات هنا قالوا ان فى تلاجة وايت ويل حلوة اوى ممكن تسالى قبل ماتشترى اى حاجة عليها ممكن تطلع احسن منهم كلهم اما بقى البوتاجاز احنا عندنا فى بيت ماما الكريازى القديم تحفة وهو فعلا رخامته ان الشواية والفرن مفتاح واحد بس والله يابنتى انا سمعت ان اصلا ماينفعش تشغلى الاتنين مع بعض لان جارة بنت خالتى قالت لها ان هى شغلت الشواية والفرن مع بعض والوجهة الااز بتاعة البوتاجاز فرقع لانه ماكنش مستحمل الحرارة وعامة البنات هنا كمان شكروا فى كريازى القديم بس مش عاجبهم الجديد بيقولوا مش حلو ويونيفرسال بقى تقريبا كل عيلة ماما كبار وعرايس اشتروا منه وشكروا فيه جداااااااااااا وان كمان بفكر اجيبه
بالنسبة للغسالة بصراحة الفوق اوتوماتيك معرفش انواع حلوة فيها بس البنات فى الاجزاء اللى فاتت كانوا بيقولوا عن سونى انها كويسة وان شاء الله يفيدوكى اكتر ولو عايزة تجيبيها الفول اتوماتيك عندك ايديل زانوسى والوايت ويل ممتازيييين
