.،. مو طايقة خطيبي ولا طايقة عيشتي !! .،.

اللي مافيه خير تركه اخير

طولي بالج الغاليه

حاسه بالضغوطات الي تعيشيها

بس تصبرررررري معلش تصبررررررررري لانه ما في حل غير

ما عليج من البنات الي يقولونج تركيه وتطلقي لااااااااااااااا حرام والله

ان شاء الله راح تتغير حياتج بس هذا وضع مؤقت
شي طبيعي التعامل يتغير لانه نفسية الرجل تتعب من غير عمل وخصوصا انك انتي الي تشتغلي هذا يسبب له ضغط اكبر

بس خليه يحاول يدور وظيفه والله يسهل اموره يارب

خبريه يداوم على سورة الواقعة وادعية الرزق يوميا وما يخلص هالاسبوع والا هالشهر الا بوظيفه سنعه يارب

الله يصبرك ويكون بعونك ويووووووووووفقك يارب

سلام خيو ...قريت مشكلتك وقريت ردود البنات .. احس ان هذي مشكلة وبتعدي وبعدين بتعيشون بسعادة لان مقومات الحب والحياة الطيبة موجودة ان شاء الله ..اعتقد ان اثنينكم في بداية العشرينات ..وزوجك الى الحين ما كون نفسه عدل ..بحكم صغر السن نسبيا ..لكن اهم شي الرغبة في العمل ...اعتقد باقي شهر عشان يعطون زوجك التأمين ضد التعطل ..وخلال هالفترة ببتعدل اموركم اشوي وعليك بقراءة سورة الواقعة بعد صلاةو العشاء ...ولا تفكرين واجد في المشكلة ..اخرجي من جو المشكلة وانظري بايجابية الى الموضوع دايما ...ونفسية زوجك السلبية سببها البطالة والظروف الاقتصادية ...لان يأثر واجد ....والله يرزقكم من حيث لاتحتسبون .

الله يقدرش خيوتي توقفين مع زوجك ...كوني له بر الامان في هالزمن ...كوني معاه ضد الظروف الصعبة وانتي قدها خيو ...عليكم بالسعي والعمل والباقي على رب العالمين ...

اللهم ارزق اختي وزوجها رزقا واسعا حلالا من عندك ووفق بينهما وابعد عنهما الشيطان .

الحب يتضح وقت الازمات اصبري وكوني دعم لزوجك مقتدية باهل البيت (ع)

يا روحي هو اصلا بسبب هالمشاكل ممكن نفسيتو مضطربه ومعصب وافكاره ملخبطه
اعدريه واصبري بس لا تخلي هالصبر يكون ضعط عليكي لا خلي هالصبر يكون مفروض وما ياتر عليكي يعني شئ طبيعي
وخليكي مرتاحه
وحاكيه وتحاورو.....الحوار شئ مهم كتير بين الطرفين والله يفكها يااااااااااارب

ليش مكبرين السالفه وطلاق ....

شي طبيعي انه بيحس جذيه اذا مب محصل شغل وخاصه انه ريال ...
بيكون عصبي وبيحس يالنقص
وانتي ما شا الله ماقصرتي وياه يعني ساعدتيه وحاولتي انج ادورين له ع وظيفه ...

شوفي خليه يستغفر وايد لانه كثرة الاستغفار تفتح باب الرزق ... وتراها ازمه وبتعدي ان شا الله
لا تخلين هالشي ياثر فيج والا عليه

خليه يدور ع وظيفه واذا ماحصل ع الاقل يشتغل تطوع لين يحصل ان شا الله ويشغل وقت فراغه وخبره فنفس الوقت

يعني لا تلومينه .. ومن كلامج يبين عليه انه يحبج ...

وسالفة الشقه حاولي انج ماتروحين وفهميه ليش وبهدوء ترا العصبيه ماتحل شي ...

والله يكتبلكم الي فيه الخير ان شا الله

وريحي بالج سبحان الله ... الله يختبر عباده