.،. مو طايقة خطيبي ولا طايقة عيشتي !! .،.

الله يكون في عونج حسيت فيج بس حبيبتي بسالج اول شي انتي تحبينه ؟ يعني كان بينكم قصة حب وتزوجتووو ؟ لان الصبر بيفرق اذا جذي يعني لو حب اكيد صبرج بيكون اطول من جذي واذا مب حب عاذرتج بس هذي اول محنه اتصادفج وياه يعني لازم تصبرين وتحتسبين الاجر ما تدرين يمكن الايام اليايه احلى وفيها فرج انا وياج تصرفه غلط وما عنده سالفه بافكاره وكلامه بس ترى اهو ريلج يعني بينكم عقد لا تقولين خطوبه وزواج ترى العقد وااااحد يعني من حقه لو صار شي حلال يعني بس احنا عاداتنا وتقاليدنا ما تسمح طبعا فطبيعي ردت فعلج وتمي عليها ولا توافقين لان وضعه ما يطمن فحافظي على نفسج اكثر ويالله ان شاء الله ازمه وتعدي وخليه يحرك روحه اكثر ويشتغل اي شي ونصيحه لا اتعبين روحج بالشغل انتي مووووب ملزومه اهو المفروض الي يدبر بيزات وانته بكيفج اتساعدين مو غصب وربي يوفقج ....

الله يعينك اختي
محد بهالدنيا مرتاح
بس احتمال تكون معاملته سببها الضغط النفسي
يعني انتي اللي تشتغلين وهو قاعد ما اعتقد في رجال يحب هالوضع
اصبري اختي والله يهدي الامور ان شاءالله
الله يوفقش ويسعدش اختي

تحياتي

الله يفرج همج وهمه

100% يعاملج غير عن الاول بسبب الشغل لانه مو محصل
الله يفرج همج وهمه خيه ولا يفرقكم عن بعض بحق محمد وال محمد

يا حبيبتي هذي فترة و بتعدي .. صبـرا جميـلاً .. و تغيره شخصيته و طباعه الحادة شي اكيد لأنه قاعد بلا دوام و مو لاقي .. ادري موقفج صعب و قاعده تتحملين ضغوطات وايد .. بس مابعد الصبر الا الفـرج .. موفقة ان شاء الله .. وبالنسبة للشقة انتي حلاله عادي قعدي معاه بالشقة .. اوقفي معاه وواسيه لاتعاندينه و تعندين ادري ماتبين تحرقين مرحلة الخطوبة و تقعدين بالشقة بس مادام هو حاب هلشي لا تكسرين بخاطره ..

اختي بسئلج ريلج من وين يصرف وهو عاطل


ليكون ياخذ منج كل شهر

لانه اذا جدي سوووري ريلج ماله امان قبل زواج عاطل وحالته حاله مايقدر ظروفج وظروف انج تشتغلين مرتين

فمبالج عقب زواج مسؤلياااات واااايد بيت وصرف واكللا وسيارة وغير هم الاعيال ومصاريفهم


اسفه لكن ريلج طلع مايعتمد عليه

كوكبه;12322359:
اختي بسئلج ريلج من وين يصرف وهو عاطل


ليكون ياخذ منج كل شهر

لانه اذا جدي سوووري ريلج ماله امان قبل زواج عاطل وحالته حاله مايقدر ظروفج وظروف انج تشتغلين مرتين

فمبالج عقب زواج مسؤلياااات واااايد بيت وصرف واكللا وسيارة وغير هم الاعيال ومصاريفهم


اسفه لكن ريلج طلع مايعتمد عليه

:-#
يا بنات قبل لا تردون اقروا الردود اول :-#
اهي تقول ما ياخد منها فلس :hysterical:

الله يعنيج اختيي

وكله في ميزان حسناتج

اذا مااوقفتي ويا زوجك في مثل هاليوم متى توقفيي معاه...


احيانا الانسان ينظر الى الظروف يلي تصيده نهايه العالم وانه متسكره عليه من كل صوب

في النهايه لازم في فرج

والله يفرج يااختيي

الزميي الدعاء وقراءه سوره البقره

واقريي على زوجك المعوذات

وغير هذا اسعووا والله لا يضيع سعيكم يارب

ان شاء الله يحصل وظيفه مناسبه
خله يراجع ويا تمكين

ترى عندها فرص كلش حلوه دراسه بالاضافه الى راتب يمكن بسيط بس يسد الغرض
اتصليي على رقمهم

وخله يراكض على التعطل لانه لازم يبي لهم تكسري عتبة مكتب ضد التعطل



وخله يروح يراجع الوزارات والشركات

ولازم بتفرج


والله انه حسيت في كلامج

واعذريه صراحه

انه تخرجت بامتياز وقعدت في البيت سنه كامله وانه ادورر وزوجي كان راتبة مو ذاك الزود
واحنا توناا متزوجين وتعرفين المصاريف

وفي النهايه توظفت ولا وحملت في نفس الشهر

سبحان الله يجيي الخير كله مره وحده

واللحين وين حاليي عن قبل 180 درجه غير

الحمد الله على كل حال



ان شاء الله تتيسر امووووووووووركم يااااااااارب

ولا عليج من كلام الا اطلقي والا خليه يوليي والا والا


ترى ماايحس فيج الا عانى مثلج

هذى المشكلة والله احيانا تقول البنية بتساعد زوجها وبتوقف معاه على المرة قبل الحلوة لكن شوفي شلون يصير عموما اختى هالنوعية من الرجال مايتحملون مسؤولية نفسهم شلون بيتحملون مسؤولية غيرهم ( زوجة وبيت ومصاريف) مشكلتكم اذا نقول لكم جذي ماتصدقون تقولون يعنى الفقير مايتزوج ؟؟؟!!!! لا بالعكس الفقير اهو اللي يتزوج بس لازم تفكرون في المستقبل وتفكرون بشكل ناضج اكثر .... مشكلتنا في البحرين ان الشباب يتزوجون صغار بالسن جدا وهم للحين ماتحملو مسؤولية انفسهم واحيانا الاهل يساعدونهم على الغلط وتمشي الحياة بس بعدين يطلع الغسيل ....

اختى الغالية خطيبج حالته النفسية صعبة الرجال اذا قعد بدون شغل وخصوصا اذا كان عنده زوجة وبيت تصير حالته النفسية زفته وايد ويصير عصبي على اتفه الاسباب وانتي لازم توقفين وياه وهو بعد لازم مايسكت عن روحه ... كلمي احد من اخوانج او حتى خواته خليهم يحرضونه على انه يدور شغل الله يقول اسعى ياعبد وانا اسعى معاك... بس حطي في بالج ان الدنيا جذي والزواج جذي مرات فيه حلااوة واكثر الاوقات فيه مرارة . والطلاق شي مو سهل لازم تفكرين في الموضوع عدل
الله ييسر لج الامور ويسهل عليج

انا اقولج

استخيري والاستخاره افضل شي

وبعدها اذا ما ارتحتي

اطلبي الانفصال واصري عليه

قبل الزواج والعيال والمسؤواليه


نصيحه لا تورطين نفسج

لانج تتزوجين عشان تتدلعين وترتاحين مو عشان المشاكل والهم والغم



الله يوفقج لما يحب ويرضى

الله يعينك حسيت من كلامك انه معتمد عليك من كل نواحي المصاريف الله يعينك هذا اخس طبع يعيشه الزوج الاتكال

عصفورتكم;12327779:
الله يعينك حسيت من كلامك انه معتمد عليك من كل نواحي المصاريف الله يعينك هذا اخس طبع يعيشه الزوج الاتكال

وات هابن ؟
قلت لكم بنات ماياخذ مني شي ..
بس على نفسي إيه اصرف بس له او للصرف او للشقة ما ياخذ مني ولا فلس .. اهو مايرضى حتى ول أعرض عليه ،
بس حق نفسي مايقول شي لان ماعنده اصلا !!

مشكورين بنات .. وان شاءالله اذا صار عندي وقت ارد عليكم وحدة وحدة ،
بس والله ماقصرتوا بردودكم وكلكم على راسي والله ،
تسلموووون ويعطيكم العافية وادعوا لي ان الله ايسر حق زوجي ويحصل له شغل هالايام ..

التغير الي صار في شخصية خطيبش ونفسيته الي صارت زفت مثلما قلتين هذا 100% لأنه صار عاطل ! احنه الي نسوان وأحياناً كثرة القعده في البيت واحنه ما نشتغل ولا ندرس نحس انه الدنيا سوده في عيوننا شلون لو رجااال اكيد بيكون وضعه أخس .. اصبري واحتسبي صبرش عند الله وما في ضيق الا من بعده فرج .. حسسيه انش واقفه وياه على طول وحتى لو تأخر على يحصل شغل بس كللش ما انصحش بالطلاق!

اختي اني قرأت مشكلتش وما قرأت ردود الاعضاء وما ادري شنو رايهم هم
المهم بقولش اني قصتي مثلش واكثر لاني متزوجه وعندي عيال اثنين الله يخليهم لينا ان شاء الله وبنتي الكبيره السنه الجايه لازم تدخل روضه ووزجي للحين مو لاقي شغل ولا اني رغم اني جامعيه بس الحمدالله كل حال وقسم بالله زوجي رصيده في البنك 0 بس الحمدالله عايشين ادري مو نفس الناس بس المهم انه قلبي مرتاح لانه في البدايه كنت افكر واحاتي وتأثرت علاقتنا وصرت والله كل مريضه بس الحمدد فوضت امرنا الى الله ودايما الحين اشجع زوجي حتى لو هو متضايق اقول له ان شاء الله راح تلقى شغل وتعيشنا احسن عيشه اهم شيء انك مرتاح
وما احط اللوم على زوجي لانه نفس الشء هو اكيد متضايق ويمكن ما يبين عليه لانه ما يباش تتأثرين وتحاتين وترى صديقيني والله العظيم ترى تغير معاملته اليش من كثر الوضع اللي هو فيه وادعي يا اختي بهذي الايات الكريمات لطلب الرزق بشكل يومي ( سوره الحجر _ سوره الذاريات_سوره ق_سوره القارعه ) وان شاء يفرجه لينا وليش يا الله وطمنيني خيو عليش

كل يوم قولي 112 مرة
اللهم صل على محمد وآل محمد
اللهم أغنني بحلالك عن حرامك وبفضلك عمن سواك

حبيبتي اولا انتي غلطتي في البداية ... الرجال قوامون على النساء ...مب العكس ... فكرتي كيف راح تتصرفين مثلا لو مثلا مالقى له شغل ...لمتى راح تشتغلين بدوامين .. ومثلا لو حملتي ..وجبتي الياهل ..اكيد ماراح تقدرين تداومين بوظيفتين بعدين .... لازم تكلمين زوجك او خطيبك ...انك حابه تعيشين مع زوجك في بيت وانك راح تتركين الشغل لما تتزوجين عشان تحافظين على بيتك ...تلميح ... واللبيب بالإشاره يفهم... وان اهلك حددوا ان انتوا لازم تتزوجون قبل نهاية السنة ولا كل واحد منكم يروح بطريق ... فيلم حلو ... وانك ما تفكرين انك تعيشين بدوه وان اهلك قالوا لك اشتغلي دوام واحد .. واذا هو مش قادر على هاي على الاقل يشتغل الحين مش قاعد بطالي ...ودمعتين على الخد وخشم احمر ... وصدقيني اذا ما تلحلح ودور له على شغل ولوا حارس عماره ...فهو مايبيك يبي وحده تشيل مسؤولية البيت وهو يطلع يصيع ويلعب على كيفه... يبا اذا هاي هي الحال ردي بيت اهلك احسن لك...لين يجيك الي احسن منه