بنااااااااااات أنا مصدومه

يا ريت تطمنينا شو يصير معك
بالتوفيق

وااايد تفاعل ألاحظ مع موضوعج
حبيبتي إنتي غلطانة لأنج تساعديها على الغلط
كيف تسمحيلها إنها تكلم زوجك
بتضيعي زوجك بكلمة (أخاف أجرح مشاعرها) وهي حتى ماراعت مشاعرج

وي حاسبي منها ترى توها وحدة نعرفها خذت زوج صديقتها تطلقت من ريلها وهي جدة بعد مو بس ام وخذت زوج صديقتها

بنت عمك على العين والراس..
بس الرمسة اللي تسويها مو عدلة
ولازم توقفينها عند حدها..
كاش بدون مجاملات..
لا تخربين بيتج بايدج ولا تسمحين لاحد يكون عثرة فالوسط..
حتى ولاجل الخير.. وانها يتيمة..
تبي شي خل تطلبه منج..
ما تبي الباب ياسع جمل..
صدقيني انتي تخلينها تتمادى..
بعدين لا تلومين زوجج لا سمح الله ان دار وجه صوبها..
لحقي على نفسج..
وبيتج..
وكوني مثل اللبوة..

ياريت يا ملوكة
تطمنينا عليك
ربنا يكون في عونك

عمتو بيتو



مشكووووووووووره على السؤال

وكل من رد علي ووقف معي ومدني بنصايحه وآرائهن أشكرها من أعماق قلبي


الأمور الحين هاديه ماشي يديد
أنتظر زوجي عقب أربع أيام رح يجي من السفر

دعواااااااااااااااتكم ومره ثانيه مشكووره على السؤااال

طيب الحمدلله
ربنا يرجعلك زوجك بالسلامه
وتنصلح احوالكم يارب
ويبعد شرها عنكم

والعفو حبيبتي
انتي اختنا ولازم نسأل عليكي

حبيبتي في هذا الزمن ما تنفع الطيبة الزايدة و برود الأعصاب اللي أنتي فيها أسمحيلي الحين أنا باهاوشج أنتي كل هذا اللي أيصير و بنت عمي و يتيمة أش هالخرابيط أجل خليها لين تاخذ ريلج منج و تعفس بيتكم و الله كلامج غريب أكيد أنتي ما تحبين ريلج علشان جذية أنتي ما تغيرين علية ....أصلاً أنتي أتعرفين أن في مشكلة بتصير و أكبر دليل أنج كاتبة مشكلتج و الله قهرتيني و بطيتي جبدي وحدة ما تستحي لا تستحين منها و وقفيها عند حدها قولي لها ما كلمتج قبل قلت بتستحين على و جهج لكن الحين أنا اللي باوقفج عند حدج و أذا ما بطلتي أتصالات و تركتي ريلي في حالة أن أبلغ زوجج و أسوي لج فضيحة (بجلاجل)و قد أعذر من أنذر و أنتي بعد ياويلج أذا ما سويتي هالكلام:thumbs_up:

حبيبتي الله يعينك على البلوه الي ربك ابتلاك فيها ... اولا لمحي حق زوجك في جلسة صفاء ( صفاء مب تدخلين علية عرض ) مثلا انت تحبني ؟؟ ايش كثر تحبني ؟؟؟ كثر البحر وسمكاته؟؟ والسماء ونجماته ...كانها اغنية حق فيروز .. ^_^ تغار علي؟؟؟ انا بعد أغار انا اغار عليك من الهواء... ولا تذكرين اسم مسوده الوجهه... اوكي ... المهم زوجك يفهم انج تغارين عليه ... وتحبينه ... هاي الخطوه رقم واحد ... التكتيكات الحربية تشتغل ....

مثلا المره الثانية الي تروحين فيها بيت عمج تقولين لهم قبل كم يوم كنتي تفرين في القنوات ولقيتي ,, وحده مسوده الوجهه ... وقولي قصتها .. لا تقولين مثلا ان عندها ولدين ..مثلا عندها ولد ومتزوجه صار لها سنه ... وحاطه عينها على جارها ..مع انه متزوج من اعز صديقاتها... قولي انك تنرفزتي وانبطت جبدك من وقاحتها ... ولو ان مثل هاي تحرشت بزوجي والله لا افضحها في البلاد لان الله ستر عليها بزوج بس هي مب وجه ستر ... ما بخلي حد ما راح اقوله عنها با اخذ تلفون زوجي وباسجل عليها محضر في مركز الشرطة باروح حق زوجها حق اهلها حق جيرانها ...بتنشرين سواد وجها في كل جريده ومجلة .... لانج تحبين زوجك موش مستعده تتنازلين عنه حق حد ... وإذا ما فهمت بالإشاره ...وهاي يعني تهديد بوجه آخر ... كلمي كبير عائلكم... واحد من عمامج ..اخوها الكبير ...المهم ...قولي لهم ان هاي التصرف غلط ... وإذا كانت مش عاجبها زوجها دوروا لها على حل . بس انها تحط عينها على زوجك فهاي شيء ما ترضينه وخصوصا انها متزوجه وعندها عيال ...وإذا هي محتاجه شيء فتطلبه من زوجها وإذا هي محتاجه شيء من زوجك فخل امها تتصل بزوجك ...

وقفيها عند حدها
اذا هي وحده ماتستحي انتي صاحبة الحق تستحين ليش

وهدديها اذا ماوقفت الي تسويه بتقولين حق اهلها وزوجها وبتراوينهم المسجات

ولاتخافين منها .. اذا انتي ماسويتي لها شئ وطلع عليج كلام يعني الحين شبتسوي زيادة .. خل تسوي الي بتسويه

الله يعينك

ارسلي لها رساله من جوال زوجك واكتبي ياختي اتقي الله وصوني عرض زوجك فان الله لايرضى عماتفعلينه خافي الله عندك عيال يبغون لهم تربيه اذا تيغين الامر يوصل لزوجك ارسلي او اتصلي مره ثانيه ولاتجيبين لها طاري ابد اقطعي علاقتك بعدلها لين تتعدل

يوو انا مت قهررر من برودك وتعاطفك معاها انا لو منك كان قاطعتها لانها ماتخاف من رب العالمين
واشوف افضل لو زوجك يوقفها عند حدها ومايسكت لها يعني يرسل لها رسالة تهديد ويغير رقمه وافتكوا من شرها..
الله ييسر لك امورك ويحفظ لك زوجك..

مرحبــا اختيه ...

الصراحه استغربت منج واااايد .. لو انا منج ماعطيتها فرصه هالكثر ..

حتى لو كانت بنت عمي وإلا بنت خالتي او حتى اقرب المقربين لي ..

لاتنسين هذا [ زووووووجج } مب صديق او غيــــرهـ .. انتي فاهمه شو معناة زوج ..

ولازم هي تحترم نفســها .. ولازم تواجهينها .. وتحطيها عند حدها وتقولين لها ان ايام قبل خلاص راحت والحين هذا زوجي حلالي ومو من حقج اطرشين سلام او حتى تتصلين او ادزين مسجاااااات .. فهميها وقوليلها (((((( هذا زوووووووووووووووجي ))) لازم تفهم ..

لازم تواجهين وإلا راح تخسرين .. الشيطان مامات يااختي ولاتقولين اخاف ازعلها ..
راح تزعل يوم يومين سنه سنتين وخلاص عادي اما ريلج إذا خسرتيه شو بتسوين؟

هذا ريلج


واحمدي ريلج ان مب مال سوالف وإلا راح لها ولا سأل .. .. بالعكس الريال يا قالج فلانه جي جي الموضوع ..


والله يوفقج إن شاء الله

سلام
قولى لزوجك لما هى اترن عليه يعطيك التيليفوووووون واتردى عليها وبهالطريقه تعرف ان زوجك يعطى فيك تيليفونة قوليلها مشكووره بعثتىلى مسجات ع نقال زوجى خليها تنقهر وانتى خليك باااااااارده معها قولىلها ليش ما تبعتى لى اشياااء حلووه على رقمى
الحاجه التانيه انت احكى معها بحكمه و بطريقه بنت مع بنت عمها
ولما اتكونى فاضيه خذي نقال زوجك واتصلى عليها بيه وقولى لهااااااا كل الوقت نقال زوجى عندى هو ما ايحب النقالات مره ينساه ومره يتركه لى وووو.....
خليها اتخااااااف واتقوووول لا خلينى بعيد زوجته ح تكتشفنى
ياريت افكارى تعجبك انا لست متزوجه بس حاولت اجد لك طرق لبنت عمك اللى ما تستحى
اكيد قلتى افكار هالبنت خبيثه هههههههههههههههههههههههههه بحاول افكر لك بافكار ثانيه