بنااااااااااات أنا مصدومه

حبيبتي اسفهيها هذي مريضه نفسيا ..

انتي اسمعي كلام زوجك وخذي منه خاصه انه عارف هالبنت وش عندها .. واكيد انه وقفها عند حدها ..

الله يحميك من كيدها

حبيبتي التزمي بهالدعاء

"اللهم رد كيدها في نحرها"

وخليك على الأذكار وانسيها تماما ...... موقف زوجك عجبني ... ماشاءالله عليه ... الله يخليكم لبعض و لا يفرق بينكم

^_^

والله يا اختي انا مو مصدومه منها

مصدومه منج و من افعالج وافكارج


من صجج؟؟

لا جد جد من صجج؟؟؟؟


هذي تصرفات؟؟؟

الا بقولج بنت عمج هذي وين زوجها عنها !!

الغالية .. شفتي لما اتجهتي لرب العالمين شو صار .. جات من طرف زوجك وانتي ولا دارية عشان مايضايقك وهذا الصح ..

الحين انتي عرفي السالفة كامل من زوجك .. واحفظي المسجات اللي منها لا تمسحيهم ..

لما قالت والله لافضحك .. ماتعرفي شو ممكن تسوي .. الحريم اذا عصبوا يطلع ذكائهم خصوصا لو فكروا فالانتقام ..

ولو صار ( ان شاء الله ما يصير ) يكون عندك المسجات دليل ضدها فهالفتره اقطعي علاقتك فيها .. اتصالات او مسجات ولا تهتمي لا يعرف زوجها .. خليها تتأدب هذي مو صغيره ..

دائما ادعي الله يحفظكم من كل شر

اسمعي حبيبتي لا تبينين لها انك ضعيفه و انها هي اللي بتهددك شنو هي اللي بتلحق ورا زوجش و خاينه زوجها حتى لو مو معطنها وجه بس هي قاعدة طرش مسجات لرجل اسمحي ليي لا تعطينها اعذار هي تحبه مو منها لا حبيتي هي قاعدة تتبع إغواء الشيطان ما هي مره خايفه ربها و ما تستحي على دمها مره ثانية اذا دقت انتي هبي فيها و قولي و الله الا افضحش عند زوجك و اهلك اذا ما بعدتي عني و عن زوجي صدقيني هالاشكال ما تجي الا بهالاسلوب هذا اذا كانت خايفه من احد

طيب الحمدلله ان زوجك اتصرف
ربنا يحفظكم لبعض
ويسعدكم على طول
ويبعدها هي وشرها عنكم

حصني نفسك وزوجك
بالاذكار

بصراحه لاتعليق موومصدقه الي اقراه يعني اهي منو وله شنو تقعد تقولك شسويتي لرجال ؟؟
بس ماقول الى الله يحفظ لك زوجك ويبعد عنكم كل شر .

والله ياحياتي مدري ايش اقووولك؟

البنات كفوا ووفوا

وانتي بنت حلال وشكلك خلووقه وعاااقله



مااقوول الا الله يبعدها عن طريييقك ويجعل كييدها بنحرها ويسخرلك زوووجك

وملكوت الرحمن ضدها لانها ماتخاف الله وخرابة بيوووت
ولاتنسي تقولي لااله الا انت سبحانك اني كنت من الظالمييين 3 مرات وتدعي باسم الله الاعظم وقلبي معاكي يالغلا طمنينا عنك

تحياتي




\

الحمدلله دام ريلج اهوو الا صك السالفه
ومثل ما قالووو لج البنات هاي مريضه مو صاحيه !
الا يسوي سواتها مو متوازن عقليا ً !
ومااا عليج من تهديداتهااا .. نعم يعني تبين اعطيج زووجي !!!!!!!!!!

وحصني نفسج وزوجج وبيتج وانشآلله ما عليكم الا العاااافيه
والله يخليه لج ولا يحرمكم من بعض
آمين ..

خوذي بالك مالزم تعطي ظهرك لمثل هيك شي

الله ينجيك من كيدها شدي في الله هو القوي وانشاء الله ما يصيبك الا الخير بس لازم جوزك يكلمها ويقفها عند حدها ويهددها انه راح يخبر جوزها اذا ما توقفت وانت دري حالك انك موعارفة شي ما تبيني ان زوجك قايلك شي
وان شاء الله ما يصير شر

طمنينا عنك ..

http://forums.3roos.com/showthread.php?t=541052&page=3

السلام عليكم ورحمة الله وبركاته
مساء الخير لجميع اللي وقفوا معي في سالفتي وعطوني نصايح ربي لايحرمهم الأجر ولكل من دعتلي


بنات أنا قاعده أخبركم بلي صار معي
وتخيلوا شو صار اليوم شي مب بالحسبااان أبدا اليوم بعد صلاة الظهر حرمت أخوي تدق علي الباب وتقولي البسي بيت عمج يايين للغداء أول ماقالتلي جي وقف قلبي قلت ليش ؟ كيييف فديتها قالتلي ملاك شوفيج قلت بيت عمج ماقلت الشرطه بيسجنونج يلاقومي البسي هي مب عارفه شو السالفه وأنا ما أبغا أحد أصلا يعرف لأن مهما يكون ما أبغى أفضح بنت عمي ولا أي أحد غيرها لأن الرسول قال صلى الله عليه وسلم من ستر على مسلم في الدنيا ستر الله عليه يوم القيامه ,, قلتلها أوكييه الحين بقووم ألبس وشوي اللي حريم أخواني محتشرات على العزيمه ويتزهبوون ويلا قومي البسي ويبغوني ألبس أحلى شي عندي قلتلهم شوفيكم محسسيني مب كأنه بيت عمي ,, بس طلع كله هذا اني أكشخ لأنهم مايدانون بنت عمي لأنه بعد ماتدانيهم وأسلوبها مب حلو معهن فعلشان كذا حااولت بس ماقدرت أصلح بينهم معانديني المهم حبايبي قرب وقت الغداء حطينا الغدا دق الجرس وقلب يدق ويزداد دقاته أول ماشفت بنت عمي كسرت خاطري والله سلمت علي وكانت تطالع فيني وتقولي أنا ماقلت براويج ملاك هين بعد الغداء بتشوفين وأنا أصلا اللي كلمت عمي أقوله بنتغدى عندكم ابتسمت لها علشان محد يحس لأن في النهايه اهي اللي بتخسر وأنا ماودي هالشي وقلتلها أنا بخير الحمدالله ومحد حاس من الأهل طلعت غرفتي أونها تبدل غمزتلي وحده من حريم أخواني قالتلي أكيد طلعت حجرتك روحي وراها قلت فشله عيب سحبت اديني وطلعتني وياها دخلنا الحجره لقيت في ادينها جوالي حرمت أخوي مااستحت قالت مامداج تفسخين العباه رايحه لجوالها اهي بكل ثقه ليش بسرقه مثلا بس أطالع في الخلفيه قالت حرمت أخوي عذر أقبح من ذنب وبدت المشاحنه قلتلهم بسكم خلاص يلا خلونا ننزل تحت عطتني جوالي شو كانت تبا منه الله أعلم نزلنا تحت وخذيت جوالي وياي أظمنلي تغدينا والأمووور طيبه وبعد الغداء إلا أبوي يزقرني وأخوي الكبير اهو الوحيد اللي متشدد وعصبي يطالع فيني بنظراات قلتله باسم الله أحمد شوفيك ليش كذا تناظرني أبوي قاله أحمد بس انت لاتتدخل قلت أبوي شو السالفه أبوي حط ادينه علي قالي بسألج بنتي سؤال وتردين علي بصراحه أول ماقال جي بسرعه أنا دمعت قلتله ليش أبوي أنا من متى أكذب عليك قالي ماعليه مرات الواحد مايقول الصدق لأسباب طلع أخوي من الغرفه وقالي أنا ربيتج وأحسنت تربيتج يابنتي قلتله بس أبوي لاتكمل شو هالكلام ييبها من الآخر قالي خالد كنتي تعرفينه قبل الزواج قلت كييف مافهمت وشو هالسؤال الحين قالي هو سؤال وجاوبي علي قلتله انت ماتعرف الجواب قال أنا واثق فيج يابنتي بس جاوبيني لأني أبغى أخوج وعيال عمج يتأكدون وأسكتهم هني ماقدرت أتحمل قمت أصيح وأبوي يحضني مب مصدقه اللي أسمعه وأقولهم والله ماأعرفه بس شفته مره وحده في بيتهم وعمري ماكلمته أخوي فجأه يصارخ يقولي قولي الصج وهو ليش كان ملزم يبا يتزوجك وسوا المستحيل وتنازل عن أشيااء ومادري شو عق كلام متأخر إلا أشووف أخواني الخمسه يربعون من الميلس وأصوات عيال عمي ارتفعت وعمتي يت وأبوي يسكتهم وشوي شوي على ماسكتوا وفهموني السالفه فديت أخواني يقولولي ملوكه حبيبتي ماعليج من كلامهم دشي داخل هذيلا ناس ماعندهم سالفه وحقودين قلت لا مابدش لما أعرف السالفه قالوا انه في واحد خبرهم انه بنت عمهم على علاقه في زوجها قبل الزواج وخاصه ان زوجي مب منا ولا من ديرتنا فعصبوا وتأكدو قلتلهم وصدقتوا هالواحد الحين أي أحد ايي ويقول كلام تصدقونه ماشي سالفه قالوا شو مصلحته يكذب علينا قلت خلاص اللي قالكم ليش ياي الحين يتكلم ويقول اللي عنده ليش مايا أيام الخطبه أو الملجه وقال اللي عنده أبوي قال خلاص اللي عندها قالته خلاص ملاك دشي داخل

يحليله أبوي خلاهم يتأكدوون علشان مايتكلمون عن بنته ويا يتأسف مني ويقولي كلام يواسيني

المهم بنات اللي قال لعيال عمي أكيد عرفتوها هي بنت عمي وقالتها هي بنفسها مرسلتلي مسج العصر لأن بعد الهوشه أنا طلعت حجرتي لين عقب العصر صليت ودعيت ان الله يفرج همي واتصل فيني أخوي اللي مسافر ويطمن عليه وصلتله الخبر حرمته يحليلها كانت خايفه لأنهم يدقون ومحد رد حتى أخوي أحمد يدق يبا يتأسف
بنات أنا حدي مقهوووره ومتضااايقه
خاطري أكلم زوجي وأخبره بلي صار وفي نفس الوقت أقول ليش أنكد عليه هو في أرض غربه لأنه أكيد إذا الله أردا بيي الامارات هالعشر الأيام اللي يايه

وخايفه ان عيال عمي يدقون عليه
الكل ينطرني وأنا مافتحت باب الغرفه الا لأبوي بس أخواني فديتهم ماقصروا وياي بس بعد ماخذه في خاطري صح وقفوا ضد عيال عمي وبصراحه هالشي مابيه بس كل شي زاد عن حده ,, في نفس الوقت أفكر معقوله توصل في بنت عمي لحد الشرف في ناس لهدرجه ويسيطر الحقد على قلبهم ويعميها

أحس بهم على قلبي لأن تسببت في ان عيال عمي وأخواني وأبوي متزاعلين

دعواتكم بنات


هذا اللي صار معاي ويديدي ان شاء الله أنا واثقه باستجابة رب العالمين لدعاي وبيفرج علي كربتي وهمي

على فكره أكتبلكم وزوجي يتصل فيني وماقدرت أرد عليه ما أبغاه يحس بشي






(( بنات يمكن تقولون اني مب صاحيه ومب طيبه اللي فيني الا سذاجه وكيف أسكت ومارعرف شو ومن هالكلام بنات أنا كذا من وأنا صغيره هذي أنا كذا شخصيتي وسالفة اني ما أغار على زوجي بالعكس مافي حرمة بالدنيا الا تغار على زوجها بس لأن في سبب معطتنه بنت عمي وفي نفس الوقت واثقه من زوجي ولو بغار عليه مب منها طبعا ))




السموحه أشغلتكم في سالفتي وطولت عليكم

مدري شقول لج بصراحة
والله هالزمن يخرع والله الحين القريب منج هو اللي تجيج منه المصايب
وهو اللي يسبب لج المشاكل استغفر الله
وين الضمير وين وين الاحساس وين ؟؟؟؟ والله زمان اول راح ياريته يرجع ويروح زمن الغدر
والله اني ملاحظة انه المشاكل ماتجي الا من القريب ومن الاهل وساعات يكون تعرفين من فيهم
لكن المصيبة الكبرى انه لما ماتدرين منو اللي مسوي المشكلة لكن انتي تدرين مافي الاهم يعرفون السالفة
ماتقدرين تحكمين على اي احد فيهم
بسحانك يالله ارحمنا برحمتك وسترك يالله سترك يالله سترك يالله
بصراحة خيووو بنت عمج هذي الحسد والغيرة والكراهية مالين قلبها ومأكلينه أكال لهدرجة تسوي في بنت عمها اللي هي من لحمها ودمها والمشكلة انها متزوجة وعندها عيال
ماقول الا الله يهديها ان شاء الله
وانتي خيووو عليج تتوكلي على الله وخلي ايمانج بالله
وثقي دائما انج دائم خليتي املج بالله ماراخ ينساج ابدا
وصبري والله يارب يعوضج خير ان شاء الله وينصرج ويوفقج دوم ويسعدج دنيا واخرة
بس لاتنسي انج دوم تستغفري وتصلي صلاة الليل وتقراي قران يهدي النفس والقلب ويقربج من الله اكثر وباذن الله بينصرج على من ظلموج

برائة عروسة

مشكووره والله ان كلامكم يخفف علي شوي
الله يوفقكم حبيباتي

وأسأل الله الواحد الأحد الفرد الصمد أن يرزقج بالذريه الصالحه عاجلا غير آجل
يااااارب