بنااااااااااات أنا مصدومه

الله يعينك .. والله يكفيك شرها .. هي تحس الحين اخذت حقها منك ونتقمت .. بس الحمدالله الله ظهر الحق وصدقوك اهلك
لا توصلين الكلام لزوجك هي تبي كذا تبي تقهر زوجك مو انتي عرفتي .. عشان يدق عليها ويكلمها لو انه يسبها مو الخاينه تبي تسمع صوته وبس .. تحسبي الله والله فوقها مصير الظالم ياخذ جزاة .. لا تخافين الدنيا دواره وبيجيها يوم يفضحها الله بين خلقه .. لاحول ولا قوة الا بالله ..

الملاك العابر;12296141:
برائة عروسة

مشكووره والله ان كلامكم يخفف علي شوي
الله يوفقكم حبيباتي

وأسأل الله الواحد الأحد الفرد الصمد أن يرزقج بالذريه الصالحه عاجلا غير آجل
يااااارب

تسلمين والله على هالدعوة الحلوة والله يسمع منج يارب
والله ياحبيبتي ان شاء الله كل يوم راح ادعي لج انه الله ينصرج عليها وعلى كل احد يظلمج
وان شاء الله باذن الله الواحد الاحد اللي ماتنام عينه يفرجها عليج وينصرج ويسعدج دوم يارب
نسيت اقول لج شغلة طلعي صدقة بعد تدفع البلاء وحطي الحصن الحصين تحت مخدتج والله يسر كل امورج يارب دنا واخرة ويوفقج ويسعدج دوووووم يارب يا ارحم الراحمين يامن قلت ادعوني استجب لكم

الله يعينج والله على المصيبه اللي انتي فيها

والله يااختي لو آنا منج كان قلت لهم على كل سوالفها اللي تسويها مع ريلج يعني عدل منها تطلع اشاعات عليج ؟؟

شيء ماينسكت عليه بصراحه اليوم سوت جذي باجر الله يستر منها .. وانا رأيي انج تقولين السالفه كلها لريلج خلي يسمع السالفه منج مو من غيرج ...

والله يبعد عنكم شر الحاسدين ...

عذراء القلب أنا خايفه لو قلتله السالفه يهد كل شي ويجي هني الامارات
وفي نفس الوقت خايفه ان مايصبر ويراوي أخوانها المسجات اللي ترسلها حقه

يعني ينفذ صبر زوجي

اختي ملاك الله يعينك ويبعد عنك هالحيه طيب انتي ماطول ابوكي متفهم جان كلمتيه بينك وبينه وريتي المسجات وعلمتيه بالسالفه كلها مايصير تسكتين خلاص الموضوع زااد وتعدى مرحلت السكوت بالاول انتي ماتبين تتكلمين عنها وتفظحينها لكن اهي الحين تبي تخرب بيتك وسمعتك مايصير تسكتين حتى لو بس الوالد تكلمينه وتفهمينه السالفه اهو كبير ويعرف شلون يتصرف حتى لو انه يروح لها ويكلمها بعين حمرا ويقولها انا عرفت كل شي وعرفت انه انتي ورا السوالف هاي كلها وان ماتادبتي مايحصلج طيب ....يعني يكلمها يخليها تلزم حدودها وتحترم نفسها ولله يعينك ويبعد عنك شرها

الله يعينج يا اختي بس مدري انتي شنو تنتظرين اكثر اشدراج ما تطلع عنج كلام اكبر من جذي و توصل كلام لأهل ريلج لا حبيبتي انتي سترتي عليها بما فيه الكفايه هذي حيه باجر تسوي لج مصيبه و انتي ساكته

اول شي خبري ابوج ما دامه متفهم ولا تمسحين مسجاتها عشان يكون عندج دليل و خبري زوجج و لاتفكرين بالنتيجه مادام اهي ما خافت من اهلها و زوجها و ماخافت على سمعتها انتي تخافين عليها و اكثر من جذي حاولت تتكلم عليج و تخرب سمعتج .. التسامح و السكوت له حدود لا تصيرين فريسه سهله بالنسبه لها

لا حول ولا قوة الا بالله .. !! الله يهديها بس

انربط لساني اختي صراحة هذي الحمدلله والشكر وحدة مريضة مو صاحية لكن شقول الي ماخافت من ربها ولا من زوجها ولا خافت من اهلها وسمعتهم توقعي منها كل شي، ابوي مافي الا ان انت تحصنين نفسج ولا تخشين شي عن ريلج هذي نصيحتي لج والله يوفقج ويبعدها عنج يارب

اختي ماعليج منها اهم شي انه انتي واثقة منه واهلج بعد واثقين منج لاتقولين الاحسبي الله ونعم الوكيل فيها فوضي امرج لرب العالمين حاولي قد ماتقدرين تبتعدين عنها لانه اللهم ياكافي الشر في ناس عندهم حالة نفسية انتي الله ابتلاج ببنت عمج وانه بخالتي

عالجي المسأله بكل هدوء ومع ابتسامه وابدا لا تحسسينها انك متضايقه

اذا شفتيها قوليلها هلا فلانه شخبارج؟ اوووه بالمناسبة ليش تبعثيلي مسجات على رقمي الثاني؟ طبعا مع ابتسامه او ضحكه بريئه

بتقولك اي رقم؟ قوليلها الرقم الفلاني(اللي هوه رقم زوجك)

طبعا بتنصدم.. قوليلها زوجي عطاني الرقم وانا استخدمه بالاضافة الى رقمي الحالي، طبعا في هالحاله بتتردد مليون مره انها ترسل رساله لانها لو ما بتصدق انك انتي اللي تستخدمينه بس عالاقل انتي عطيتيها خبر بطريقة غير مباشرة انك شفتي المسجات عشان تستحي على ويهها شوي

و حاولي تتجنبينها قد ما تقدرين يعني خلي علاقتج فيها سطحية جدا وتحملني تجيبين سيرة زوجج قدامها و حتى لو هي فتحت الموضوع حاولي تغيرين السالفة

الموضوع محتاج حلول ذكية لا اكثر

بغض النظر عن اللي قالوه البنات كفو ووفو
بس انتي بطيحين من عين زوجج بقول هذي اكيد ماتحبني او مو متمسكة فيني والا جان غرتي عليه وماتركتي اي وحدة ترسل له وانتي دارية وعادي عندج خايفة عليها ومو خايفة على زوجج وهذا تفكير الرجال يبون يحسون ان في وحدة تحبه وتخاف عليه من النساء وراح يلقى هالشي عند بنت عمج لانها صج تحبه ومانسته حتى بعد ماتزوجت!!! فكري بكلامي زين قبل لايفوت الفوت خافي على مصلحتج قبل لاتخافين على مصلحة غيرج

عـزيزتي

لابد أن تتخذي موقف حاسم... إن كانت لديك الرغبة في الحفاظ على مملكتك وزوجك
فعلا.. زوجكِ سوف يشعر أنك ما تحبيبه... ولا تغارين عليه..

لابد لكِ ان تقرري... حتى إن اضطر زوجكِ لتغيير رقمه الخاص..

غيري رقم نقالش أنتين و زوجش
ولا تخلينها تحتك وياكم واجد
تخرب لش بيتش
و هي من طريقه كلامها
أنها ناويه على خرآب بيتها
و لا تعقل و لا في فايده فيها
و هي ما يهمها بيتها ينخرب أو لا
شلون بتهتم لش؟!

قلتها من قبل و بقولها الحين
هذي وحده مو صاحيه توصل لحد الشرف!؟!!
و يبي ليها أقرب مصحه نفسيه تقعد فيهاا
و الصراحه الحمدلله ما فتحتين لهم سالفه
أنه هي تتصل لزوجش
لأن رآح يطلعونش جذابه و هي رآح تطلع اشاعات و أدعائات
لا لها أول و لا تالي
و تكبرررر المشكله و يمكن يأدي هذا الا خصام بين بيتكم و بيت عمش..
و الحمدلله جاوبتينهم بأسلوب مباشر و حر و حلوو....

خيه الله يخليش بعدي عن بـــــــــنـــــــــت عـــــــــــــمش
و غيري رقم موووباااايلش..و لين صارت قعده الأهل لا تلسولفين معاها سوي نفسش
منذجمه ويه أهلش و القومه و القعده...

و الله يعينش و يحفظ لش زوجش و يرزقش الله بالذريه الصالحه , و يبعد عنش شر بنت عمش
و جميع الحاقدين و الظلام.

..تحيآتي..

حبيبتي الله يكون في عونك
بس ممكن اسالك؟؟؟؟؟

انتي ما تحبين تكبرين السالفة وتنفضح بنت عمك

وانتي ما خبرتي زوجك بس السؤال اذا عرف زوجك بالسالفة وبالاخص هو في الموضوع ايش راح تجاوبي عليه اذا سالك ليش ماخبرتيني بالسالفة؟؟؟؟؟
وليش خبيتي عليّ ؟؟؟؟
واذا هالمرة بنت عمك سوت هالشي فايش ممكن تتوقعين منها ((كل شي ممكن تسويها لج اذا هي ما تخاف ربها وتخون زوجها وانتي ساكته عليها))

ليش يالغالية ما تكلمين والدتك او احد من الذين تثقين فيها
انشاء الله يفرج عنك همك وتبعد هالشيطانه عن طريقك

يآعمري والله ماتستاهلين اللي سوته فيك

حبيبتي أنصحك تورين ابوك المسجآت و تخلينه يتصرررف

وبعدين المفروض ماتسمحين لها تدخل غرفتك و تمسك جوالك

لأن مدامها حقووده كذا ممكن تحط ارقام او مسجات او اي شي و تضرك فيهم

حبيبتي توكلي على الله و مدامها قوت عنيها و قلت حياها و طلعت عليك كلام و مااحترمت القرابه اللي بينكم

خبري أبوك يتصرف مع زوجها و هذيك الساعه خلي اهلها اللي جايين و مبسوطين معها يعرفوون

عيني عينك جايين و بنتهم متزوجه

الله يصلحهم بس و يفرج كربك
ويبعد عنك عيونها وأفعالها الشينه

الحمدلله دام اهلج واقفيين معاج وعارفين معدنج
واهم شي زوجج عااارف كلشي
.
.
انه اقولج لا اتضايقين نفسج زوووود وعيشي حياتج
كفايه النكد الا جي من صوبهااا
ما اقولج قاطعيهااا نهااااااائيا .. بس خلي علاقتج معاهااا سطحيه
وحاليا لا تردين ع مكالمااتهااا ومسجاتها الغثيثه
.
.
ولي رجع زوجج خبريه .. لانه احس بيزعل لو حس انه مو في السالفه
الله يوفقج ولا يحرمج منه ابد ~