الرئيسية ركن العروس تجهيزات و استفسارات العروس {.ْ!●»«●.ْ!}

{.ْ!●»«●.ْ!}

emy_alex 16-05-2010 939 رد 44,069 مشاهدة
G
Ghado
عروس مبدعة
31-05-2010 | 10:55 AM
صباح الورد عليكم كللللللكم ...

و ليكم و حشة كبيرة ... دخول سريع لنقل اخر الأنباء....

أمس ذكرى زواجي الثالث .. مشيت جري لجميلة سنتر صبغت شعري أسود فاحم و قصيته كاري مقلوب ( قصير من تالي و طويل من قدام) .. تهبل طلعت القصة و درت حواجبي و وجهي و سشورت شعري كان خاطري ندير مايك أب بس كنت مازال بنطلع للشارع و ندير شوية شوبينغ قبل ما نمشول للفندق ... مكياجهم رووووعة و البنية اسمها ريما ما شاء الله عليها تعرفوا كله كله خدي منها ساعتين فقط ..

يا بنات بالله عليكم ديروا عليه طلة مش حتخسروا شي .. نظافة.. تعقيم.. رقي .. اهتمام.. جودة المنتجات .. و القهوة ماشية جاااية ..

ما شاء الله قل هو الله أحد عليهم .. و الله يهبلوا ..

أني بصراحة من منبر منتدى عروس نحب نشكرهم .. و خصوصاً مدام جميلة صاحبة السنتر الي تجنن ..

خبر عااااااجل: و عندي ليكم مفاجئة ... غداً يوم الثلاثاء 01/06/2010 افتتاح معرض العروس في فندق كورينثيا و لمدة 3 أيام فقط

جميلة سنتر حيكونوا متواجدين .. و كل خدماتهم متوفرة بدون مقابل (Free Of Charge) اغتنموا الفرصة صبايا..

أمـــورة: شخصياً نستعمل في عدسات Fresh Look كويسات هلبة .. بس اختاري الأصليات

بيســــا: بعيد الشر عنك و ربي يرجعك بالسلامة ان شاء الله

روح الــوليد: ليك وحشة يا عسل ... و تسلم الأيادي على الموضوع السمح .. و سبحان الله أني أمس صبغت شعري أسود و درت الغرة الي انتي حاطيتيها .. القلوب عند بعضها يا بنت

دايموندتي: يسلموا حبيبتي .. لكن الميزان رااافض التقييم .. مشكلة هيفاء المظلل أكثر من الي باين

عروســـة : بعتلك 2 ميسيجز نو ريبلاي ... واي؟؟؟ امتي الرجعة يا حلو؟؟

حنونــة: نصيحة متبعيش الموضة .. خلي الموضة هي الي تبعك .. شوفي شيني يمشي مع جسمك و مع لون بشرتك و شعرك .. تعرفي العرس الي فات كللللهم لابسين نفس القفاطين .. هادي مشكلة الأسواق الليبية ينزلوا نفس الموديل و كلهم يشروا منه .. أخت العريس و بنت خالة العروس و ضيفة الــ3 نفس القفطان بالزبط (موقف بايخ) مع اني ساومتهم و لقيتهم بــ800 دينار!!!



ا
اموره2062011
عروس مشرقة
31-05-2010 | 11:06 AM
ان شاء الله العمر كله ياغادو ربي يعقد عسلكم يارب الله الله عاللوكات الجديدة انحس فيك طلعتي حاجة مش عادية
ربي يهنيك وديمة شباب وحيوية

سؤال
الساعة قداش الافتتاح ؟؟؟ عشية ولاصبح

وبالله عليك كم كلفك الللوك الجديد بالكامل
G
Ghado
عروس مبدعة
31-05-2010 | 11:14 AM
امورة خطيبي;12207259:
ان شاء الله العمر كله ياغادو ربي يعقد عسلكم يارب الله الله عاللوكات الجديدة انحس فيك طلعتي حاجة مش عادية
ربي يهنيك وديمة شباب وحيوية

سؤال
الساعة قداش الافتتاح ؟؟؟ عشية ولاصبح

وبالله عليك كم كلفك الللوك الجديد بالكامل




أمــورة: تسلمي حبيبتي و العقبة ليك ان شاء الله ... كللللك ذوق F:
بالنسبة للافتتاح مسألتش عليه الساعة كم سامحيني (لاني مش حنحضر الأفتتاح) بس هو بكرة على حسب علمي..

و اللوك كله على بعضه بالماسك و الدنيا هادي كلها كلفني 155 دينار .. مع العلم ان المنتجات كلللها ماركة أصلية و مش أي كلام.


ا
اموره2062011
عروس مشرقة
31-05-2010 | 11:18 AM
Ghado;12207310:
أمــورة: تسلمي حبيبتي و العقبة ليك ان شاء الله ... كللللك ذوق F:

بالنسبة للافتتاح مسألتش عليه الساعة كم سامحيني (لاني مش حنحضر الأفتتاح) بس هو بكرة على حسب علمي..


و اللوك كله على بعضه بالماسك و الدنيا هادي كلها كلفني 155 دينار .. مع العلم ان المنتجات كلللها ماركة أصلية و مش أي كلام.





سلمك ياغادو
على هالاساس معناها ارخص حتى من فيكي في الصبغة ؟؟

كويس صحيتي هلبة هلبة عالمعلوماتوتستاهلي التقييم
G
Ghado
عروس مبدعة
31-05-2010 | 11:51 AM
صبايا : لو سمحتوا طالبة مساعدة ..

مني قابله باكوات حلويات و بكلاوة و ديكورات للفرح ، على ثيمات ماركات عالمية

مثلاً : لوي فيتون.. بربري .. شانيل.... الخ .

سمعت انها موضة توا

عروســة: ممكن تكون قابلاتك في الامارات؟؟؟
ت
تحكمني قناعاتـي
مشرفة سابقة
31-05-2010 | 01:11 PM
السلام عليكم ورحمه الله وبركاته

مجهودات وااااضـحة بـارك الله فيكم جميعا

سؤال مخالف لنرجوستي السمحة : النيلة الزرقاء زي الصابون المغربي ؟؟ او احسن

وشنو يفرق ع الصابون المغربي انا نستعمل فيه وخاطري نستعمل النيلة الزرقاء الي قتي عليها

وشنو اخره انتي كاتبه في مكان نسيت ع الطين المغربي وووووين لقتيه وهل هو طين المغربي

عشان انا سالت بشاشة قالي مافيش بس تقدري تبدليه بطفله فلو عندك معلومة ياريت تفديني
ع
عروسة ليبيا
مشرفة سابقة
31-05-2010 | 01:15 PM
عروســـة : بعتلك 2 ميسيجز نو ريبلاي ... واي؟؟؟ امتي الرجعة يا حلو؟؟



تبارك الله عروستنا غدو



حبيبتي انى اسفه مقصره مع الكل



بس والله معاد نخش هلبا ونخش سريع وخلاص


تعرفي جايبه شناطي ولبس هلبا


وتفرعصت واني نلم شناطي يبو بعت علا بنغازي هدايا عرب بنغازي وحاجات لي اهل جلال



شناطي لتربولي


ووحاجات لي اهلي


غير بضاعتي



وغير دبش جديد نبي نرجعه



وزاد راجلي قالي حتي الي بتخليه ردي ف شناطي لانه مرات يبدل الشقه واني غادي



وصداع يا غويده الله لايوريك


وومع رجيم ووجو النو والرطوبه وزعميته نطلع نتريضضضضضضضض


نروح هلكانه للي الاخير



والماسنجررررررررررررررر عاطلان يفصل كل شويا



والجيه باذن الله نص سته مزال ما خذيت تيكت ووف احتمال كبير جايه تربولي طول قبل بنغازي


عموما راح نخبرك بجديد



ووو



حبيبتي العمر كله وربي يحفظكم ويعقد عسلكم مشاء الله نتخيل ف جو لوك يجنن


حلو


تعرفي غدوشه اختي لها مده خاطرها فيه من عرسي


اني قتلها لالا ماتخيلتاش عليها
لان قفطانها اسود ف ذهبي والاخضر فا درته عسلي مع تدرجات خصل



ومن فتره صبغت بلاك تتوحم عليه ليها فتررررره


دراته بعد علا قولها كملت كل الاضباغ والالوان والقصات اظن لو نفتش شعرها نلاقها بدت تنصلع


يومها كلمتني قريب تبكي عرس حماتها الي هي بنت عميمه في سبعه ولون الاسود قالولها ما يركبش عليه كلر


الا لو دارت مش عارف شن هوا ساحب لون اظني ولا تشقير وبيخرب شعرها



قتلها خلي زي ماهو مدام كلهم قالولك حلو عليك


كان تركب عليهخصلات خصليه احمر موف بذات قفطانها الي تخيط في للعرس احمر وكبير شويا



وتوة


نحس بعد كلامك علا الاسود حتي بتاع اختي راح يبان حلووو




======================


بخصوص الماركات


الحق
الباكوات ما قابلونيش جيهت العرس ما جيتش شورها




تعرفي هادي موجه جت هنا قالولي فتره لين ولت بكل حتى شباشب الحمام ديرين منهم كبي ماركات


وكل كل كل كل شي بدرجه



واى حاجه تحمل اسم ماركه مع انو مجرد غلاف وميد صين وتايون تلاقي سعرها



تربل ودبل




وتوا حسيت قلت شوي




يومها نهدرز مع جولي اظني ولا هي طربلسيه قالتي كل شي عليه ماركه او اسم او شعار ماركه ولو يبوه بكل هنيا=ليبيا وتلاقي سعره اغلا من شي تاني زيه بلا اسم الماركه



يعني نفس الجو الي كان هني



يا حنه


لو قابلوني حاضر ادللي حنقولك التفاصيل


=============================
ن
نرجس الشرق
عروس برونزية
31-05-2010 | 01:20 PM
قدرك كبير بقلبي;12208250:
السلام عليكم ورحمه الله وبركاته



مجهودات وااااضـحة بـارك الله فيكم جميعا


سؤال مخالف لنرجوستي السمحة : النيلة الزرقاء زي الصابون المغربي ؟؟ او احسن


وشنو يفرق ع الصابون المغربي انا نستعمل فيه وخاطري نستعمل النيلة الزرقاء الي قتي عليها


وشنو اخره انتي كاتبه في مكان نسيت ع الطين المغربي وووووين لقتيه وهل هو طين المغربي



عشان انا سالت بشاشة قالي مافيش بس تقدري تبدليه بطفله فلو عندك معلومة ياريت تفديني


الصابون المغربي حلو و النيلة الزرقاء حلوة وجربتهن هن الزوز الفرق بينهن انه النيلة الزرقاء تعطكي نعومة و اشراق و بالنسبة للطفلة حتي هي استعملتها بس جبتها من تونس طبعا مش هنا ايبيعوها حجر و طروف و انتي تاخدي المقدار الي يسدك و تحطيه في مية شوية صغيرة و دوبيها و بعدها تدهني بيها يعطي اشراق مش عادي بس لاني بشرتي حساسة ما مشش معايا و قعدت كل ما نديرها و جهي ينحمر و يلدغ و يطلعلي حبوب حمر ...
بالنسبة للطين المغربي تلقيه ايبيعوا فيه في حكة شفافة و مبللول و واتي حتي هو حاجة مش عادية و صح تفتيح و نعومة طول بدون كلام بس في بعض المحلات و قفت بيعه لانه الزبائن يشكو منه انهم يلقوا فيه امخمج حشاك و فعلا حتي انا القيته هكي من فوق اوكي مية مية بس بعد ما قعدت نوصل للنص القيت الخمج حشاك بس هو حاجة فوق الخيال ...
ع
عروسة ليبيا
مشرفة سابقة
31-05-2010 | 01:25 PM
ردا لي نرجس


بخصوص سالات


حلوة الفكره بس الموهم تعطري دبشك وتلفيهم صح ووممكن يكونو ف باكوات مزينات زي بتاع الهدايا



واني مع راي اموره بزبط

راي اموره

=
=
=
=
يعينك
المهم بالنسبة لفكرتك امشوفها كويسة اتحطيهم في سبات عرفتي سبتات السعف او سباتات مغلفات واتيات يبيعو فيهم ممكن ثلاثة احجام مع بعض وتلفيهم بحيت مايبانوش ولما يمشو اهلك يفرشولك يحطوهم حتى جنب السكماجة لعند مانتي تجي وتستفي بروحك

او حتى شنطة اصغر حجم واتحطيهم فيها وتعطريهمو ريحتهم تقعد فايحة
وان شاء البنات يقولو رايهم
D
Diamond Ring
عروس مبدعة
31-05-2010 | 01:36 PM
Ghado;12207609:
صبايا : لو سمحتوا طالبة مساعدة ..

مني قابله باكوات حلويات و بكلاوة و ديكورات للفرح ، على ثيمات ماركات عالمية

مثلاً : لوي فيتون.. بربري .. شانيل.... الخ .

سمعت انها موضة توا

عروســة: ممكن تكون قابلاتك في الامارات؟؟؟


غدغودة الحلوة كل سنة و انتم طيبين و انشاء الله كل سنة احلى من اللي قبلها و ربي يحفظلك راجلك
مبروك عليك اللوك الجديد اكيد طلعتي قممممممممر و هبلتي الراجل يا ناري هههههههه

مشكورة على تشجيعك ليا و عندك علم تعجبني هلبة كيف تنادي فيا دايمونتي انتي عسل بجديات
و بالنسبة لسؤالك : في محل شكلاطة بحدى نادي الاتحاد ريت عنده شكلاطة لويس فوتون الكفر متاعها و الله شكلها كيوووووووت
ا
اموره2062011
عروس مشرقة
31-05-2010 | 01:39 PM
مش عارفة غادو حتى اني ماقابلونيش

شفت كوبيرتات عليهم ماركات رياضية والوان حلوة حلوة مش عادية في الصالات امتع غوط الشعال واسعارهم بـ 70 دينار زي اديداس والنايك وحتى شانيل لكن الحق ماخديتش منهم
ع
عروسة ليبيا
مشرفة سابقة
31-05-2010 | 01:48 PM
لعيونكم بنات F:بما انو حابه ننقص وزني الاوفر ورايحه فيلونه:badly: بجداره كل ما نلاقي شي حلو نجيبه ليكم;)




من بحثى ف النت




فوائدالشاي الاخضر



للشاي الأخضرفوائد صحية جعلت من الشاي الأخضر أفضل شراب على الإطلاق من الناحية الصحية ، ومنالفوائد:




1-
يساعد على حرق الدهون.



2-



يساعد على تسريع عملية الايض؛لأن تأثيره المضاد للأكسدة يساعد الكبد على أداء وظيفته بشكل أكثرفعالية.



3-



إن شرب الشاي الأخضر ثلاث مرات يومياً يحرق 200 سعر حراري إضافييومياً.



4-



كذلك وجد الأشخاص الذين يتناولون الشاي الأخضر أن الطاقة لديهمتعززت بشكل كبير، وعلاوةً على ذلك يخفض الشاي الأخضر مستوى السكر في الدم، والذييعتبر مسؤولاً عن خزن الجلوكوز على شكل شحوم، ولذا فإن تخفيض مستوى السكر يخفضأيضاً مستوى الشحوم المخزونة في الجسم.



5-



يحمي القلب من الأمراض.



6-



يخفض مستوى الكولسترول في الدم؛ لأن تأثيراته المضادة للأكسدة تمنع تأكسدالكولسترول الضار Ldl في الشرايين.



7-



يمنع تشكل الجلطات الدموية غيرالطبيعية، وأن له نفس فعالية الأسبرين في هذا المجال.



8-



يزيد مستوياتالكولسترول النافع Hdl الذي يساعد على إزالة الصفائح الدهنية من جدرانالشرايين.



9-



يساعد في تخفيض ضغط الدم.



10-



يحمي من الإصابة بمرضالسكري.



11-



يساعد على الوقاية من التسمم الغذائي .



12-



ونظراً لأنالشاي الأخضر يقتل البكتيريا فإن شربه مع الوجبات يمكن أن يخفض خطر الإصابة بالتسممالغذائي البكتيري، ويمنع نمو البكتيريا في الأمعاء، ويساعد على نمو البكتيرياالنافعة في الأمعاء.



13-



يمنع رائحة الفم.



طريقة التحضير:
يوضعالماء المغلي عليه ويغطى ويترك لعدة دقائق، ثم يضاف إليه السكر حسب الرغبة،


الافضل بلا سكر او استعمال بديل سكر للتخسيس


ويمكنإضافة الليمون


==============================


وبس زينات بلادي:L:
ح
حياتي ليبيا
عروس متألقة
31-05-2010 | 05:18 PM
حبيبتي قهوة الصباح صحييييت علي الرد...اني اللي من طرابلس وسخطيبي من سبها وسألتك علي المزين..... وبنسألك عزيزة الخويلدي وبنات شهوب وين يجوا يعني شن اسم المنطقة
ح
حياتي ليبيا
عروس متألقة
31-05-2010 | 06:04 PM


شن رايك يا حبوبات في الفيلو هدا
s
sooma78
عروس مشاركة
31-05-2010 | 06:16 PM
نرجوسة بالنسبة للكريم والباودر للمناسبات اني افضل حاجة عندي ومجربتهم Guerlain و Lancome
بس حتى ماركة كوليستار مش عملية هلبة تعتبر امتاع مناسبات






روح الوليد تسلمي وموضوعك بصراحة راااااااااااااااااائع واني شخصيا انموت في ماركة بدي شوب
ولوك الغرة حلوة هلببببببة يعجب فيا ويمشي مع الي شعرهم اسود احلى واكيد حيطلع عليك هلبة ما شاء الله



ر
روح الوليد
عروس مبدعة
31-05-2010 | 06:26 PM
Ghado;12207169:
صباح الورد عليكم كللللللكم ...

و ليكم و حشة كبيرة ... دخول سريع لنقل اخر الأنباء....

أمس ذكرى زواجي الثالث .. مشيت جري لجميلة سنتر صبغت شعري أسود فاحم و قصيته كاري مقلوب ( قصير من تالي و طويل من قدام) .. تهبل طلعت القصة و درت حواجبي و وجهي و سشورت شعري كان خاطري ندير مايك أب بس كنت مازال بنطلع للشارع و ندير شوية شوبينغ قبل ما نمشول للفندق ... مكياجهم رووووعة و البنية اسمها ريما ما شاء الله عليها تعرفوا كله كله خدي منها ساعتين فقط ..

يا بنات بالله عليكم ديروا عليه طلة مش حتخسروا شي .. نظافة.. تعقيم.. رقي .. اهتمام.. جودة المنتجات .. و القهوة ماشية جاااية ..

ما شاء الله قل هو الله أحد عليهم .. و الله يهبلوا ..

أني بصراحة من منبر منتدى عروس نحب نشكرهم .. و خصوصاً مدام جميلة صاحبة السنتر الي تجنن ..

خبر عااااااجل: و عندي ليكم مفاجئة ... غداً يوم الثلاثاء 01/06/2010 افتتاح معرض العروس في فندق كورينثيا و لمدة 3 أيام فقط

جميلة سنتر حيكونوا متواجدين .. و كل خدماتهم متوفرة بدون مقابل (Free Of Charge) اغتنموا الفرصة صبايا..


روح الــوليد: ليك وحشة يا عسل ... و تسلم الأيادي على الموضوع السمح .. و سبحان الله أني أمس صبغت شعري أسود و درت الغرة الي انتي حاطيتيها .. القلوب عند بعضها يا بنت






غدوش اكيد طلعتى (غرشوبة )(قنينة ) (بتعقدي )يعني طلعتى قمر بكل لغات العالم .
حبوبة تسلميلي يارب .

ديمو

تسلمي على فساتين هيفا روووعة . حبوبة لو مافيهلش تعب ممكن تحطيلنا صور لفساتين نجوى وبعدين نوال . اهوا ناخدو افكار ومن ايدياتك يجوا حالى اكيد .

سوما
[COLOR=Green]العفو ياروحي . ماشاء الله عليك متفاعلة معانا . وعلى فكرة الصورة الاخيرة اللى حطيتيها نفس اللوك لنفس الشخصية اللى انا حطيتها . القلوب عند بعضها على قولة غادة


[/COLOR]
شوفو ها الوكات




























s
sooma78
عروس مشاركة
31-05-2010 | 08:22 PM
هذي شوية صور صبغة وهايلات لعيون العرايس الحلوات اختارو الي يعجبكم






















وللموضوع بقية
s
sooma78
عروس مشاركة
31-05-2010 | 08:29 PM
حياتي ليبيا;12210860:

شن رايك يا حبوبات في الفيلو هدا


حبيبتي بسيط وحلو هلبببببة اني عجبني بس لو فيه شوية كريستال شوارفسكي يطلع رووعة
ح
حياتي ليبيا
عروس متألقة
31-05-2010 | 08:37 PM
تسلميلي يا سومممممما...زاول وحدة تعبرني
بالك تعرفي حبوبة مكان يأجرو فيلوات حلوات من غير المشيرقي
ت
تحكمني قناعاتـي
مشرفة سابقة
31-05-2010 | 08:52 PM
السلام عليكم ورحمه الله وبركاته

الرجـــاء التقيد بقوانين قسم التجهزاتــ

ومراااعات تظـليل الصور قبـل وضعها من اخفاء الأجزاء العارية

حيثـ لا يكون ألا العيون والفم اما البااااااقي كله مظلل الرقبة ايادي الخ...

في امان الله
X