حياتي ليبيا;12218949:
يا بنات اللي من سبها لو سمحتوا تقولي....مرة سألت وما جاوبني حد
اني مخطوبة لواحد سبهاوي فسالت علي المزينات غادي قالولي بنت الخويلدي يا ريت تقولولي شن اسم المنطقة اللي فيها.....
هلا يا غالية و ربي يهنيكم و يسعدكم انشالله غير اوليدنا امريحك بس (( قولي هادي شن دخلها توا!!)))
سبها يا حلوة فيها بنات الخويلدي بس تحسي موضتهم مش أوي الا بالنعرفة يعني كان جيتيهم من طرف معرفة يخدمولك حاجه صح و لو بدون معرفه ايلبزوا شويه (( احيانا هلبه ))
و احسن واحده فيهم الكبيرة توا ما نتذكرش في اسمها ليا زمان عاد عن سبها بس عموما هي تمكيج في حوشها و شغلها حليو
اللي عندك طالعه مكياج لا قوة الا بالله بنت اشهوب ما نعرفش مكانها بعد اتزوجت لاني كنت نمشيلها قبل ما تتزوج كان عندها مزين في حوش بوها بس و لا ايهمك غير يطلع النهار نسألك عن مكانها و انقولك
و فيه للمكياج العربي و رسم العيون الخطييييييييييييييييييييييير واحدة اسمها سنبل هي باكستانيه و تمشيلها مرت عمي ديما اتدير عندها في رسمة عين معينة و تطلع فيها ما شاء الله
بس انا رأيي بنت شهوب احسن و تتفنن و الزحمة عليها بالهبل و بالرغم من الزحمة كل واحدة تطلع من عندها مكياجها احلى من التانية
وتوا انشوفلك عناوينهن و انرد عليكي و ربي يسعدك في هاذيك البلاد
