ღ تجهيزات حوامل مصرللمولود الجديد و النفاس ღ

سؤال ضرورى انا مش عارفة البس نونتى ايه دلوقتى هى عندها 17 يوم ايه اللى البسهولها فى البيت و فى الخروج و ينفع تلبس نص كم فى الخروج و جيبات و كده وللا لا و كمان لما اقعدها فى التكيف فى البيت اكون ملبساها ايه و لو خرجت من الاوضة بتاعة التكييف اققلعها قطعة وللا ايه و ممكن تنام و المروحة شغالة ياريت تفيدونى ضرورى خايفة البنت تعيا منى لا قدر الله
و بتدو ثيميسيكون كام مرة و كل يوم عادى وللا غلط و انا الدكتور كتبلى على فيتامين دال من دلوقتى بس لسة مديتهولهاش خايفة هم بياخدوه من اول شهر كده؟؟؟؟
و كمان الكرسى زى بتاع سيموو ده ممكن تقعد فيه دلوقتى معلش دوشتوكووو باسالتى بس دكتورها رخم و مبيتكلمش و هغيره ان شاء الله

سيمو انا جيبه نفس البيسين من كارفور اسكندريه ب 12 بصره ههههههههههههههههه

وحاجاتك حلوه قوى يارب تتهنى بيهم لومى

Bossy22;12038108:
سؤال ضرورى انا مش عارفة البس نونتى ايه دلوقتى هى عندها 17 يوم ايه اللى البسهولها فى البيت و فى الخروج و ينفع تلبس نص كم فى الخروج و جيبات و كده وللا لا و كمان لما اقعدها فى التكيف فى البيت اكون ملبساها ايه و لو خرجت من الاوضة بتاعة التكييف اققلعها قطعة وللا ايه و ممكن تنام و المروحة شغالة ياريت تفيدونى ضرورى خايفة البنت تعيا منى لا قدر الله
و بتدو ثيميسيكون كام مرة و كل يوم عادى وللا غلط و انا الدكتور كتبلى على فيتامين دال من دلوقتى بس لسة مديتهولهاش خايفة هم بياخدوه من اول شهر كده؟؟؟؟
و كمان الكرسى زى بتاع سيموو ده ممكن تقعد فيه دلوقتى معلش دوشتوكووو باسالتى بس دكتورها رخم و مبيتكلمش و هغيره ان شاء الله

خلي بالك دي موجة حارة يعني النهارده وباقي الايام الجو هيتظبط شوية
لبسيها شاية نص كم وعليها سالوبيت قطن بكم ولو قاعدة في تكييف خلي الدرجة 27 ولو مروحة خليها بعيده عنها يعني مش موجه عليها وبلاش حوار انك تلبسي قطعه جوا قطعه بار انيت كده ممكن تعييها كده لاقدر الله انتي لبسيها كده وبس ومتغريش ولا تخففي الا لما تحميها خلي بالك ضروري
وسامثكون لما تكون عندها غازات اديها 3 في اليوم وتكون بعد الرضاعه
لكن مش كل يوم وممكن تدي ماء غريب برضه لما تحسي انها ممغصة او عندها غازات بس يكون المدة بين سايمثكون وماء غريب لاتقل عن 6 ساعات
ومكتوب في الروشته جوا التفاصيل وبياخدوا ومن هم عمر يوم
يعني كاتبين الجرعة اقل من شهرين كذا ومن سن شهرين لسنة كذا
والكرسي استني عليها شوية لما تجمد وضهرها يجمد شوية وهي دلوقتي مش محتاجة لكرسي الكرسي ده علشان تتفرج وتسكت شوية وعلشان تأكليها برضه وتكون ساكته وانتي في اي مكان او تكون معاكي في المطبخ وكده لكن هي دلوقتي بتحتاج تنام اكتر وترضعيها وتزن شوية وتعيط شويتين وتتنيميها وهكذا :) لغاية الشهر التالت كده هتحتاجيه

crazy ananas;12038706:
سيمو انا جيبه نفس البيسين من كارفور اسكندريه ب 12 بصره ههههههههههههههههه

وحاجاتك حلوه قوى يارب تتهنى بيهم لومى

ههههههههههههههههههههههه
انوس انتي مش ملاحظه حاجة ان البسين والكوباية بتاعة لومي ونانو زي بعض
شكلهم كده هيكونوا اصحاب ههههههههههههههههههههه

شوق وحنين للجنة;12036792:
إزيكم يا قمرات
أنا الحمد لله دلوقتي في نص السابع
وزي ما اتعودت منكم انتم دايما بتساعدونى
عايزة أعرف حد جرب ببرونة nuk
وال 125 مللى منها سعرها كام ؟
وماء غريب المستورد اللى جربوه حلو فعلا ولا بلاش أجيبه
وأنا إن شاء الله ناوية أجيب منتجات سانوسان
فعايزة أعرف اجيب منها ايه بالظبط
وكريم التسلخات بتاعها ده للوقاية ولا للعلاج
وياريت تفيدونى بأسعار المنتجات دى
ربنا يجازيكم خير على كل حاجة بستفادها منكم :)

انا كنت جايبة نك ال 150 مللي ودي لاقتها اصغر واحدة ساعتها معرفش فيه منها اصغر ولا لأ، كان ب 46 تقريبا وسانوسان حلو اوي انا جايبة الشامبو والشاور اللي هو 2*1 وكريم الزنك بتاعه.

Bossy22;12038108:
سؤال ضرورى انا مش عارفة البس نونتى ايه دلوقتى هى عندها 17 يوم ايه اللى البسهولها فى البيت و فى الخروج و ينفع تلبس نص كم فى الخروج و جيبات و كده وللا لا و كمان لما اقعدها فى التكيف فى البيت اكون ملبساها ايه و لو خرجت من الاوضة بتاعة التكييف اققلعها قطعة وللا ايه و ممكن تنام و المروحة شغالة ياريت تفيدونى ضرورى خايفة البنت تعيا منى لا قدر الله
و بتدو ثيميسيكون كام مرة و كل يوم عادى وللا غلط و انا الدكتور كتبلى على فيتامين دال من دلوقتى بس لسة مديتهولهاش خايفة هم بياخدوه من اول شهر كده؟؟؟؟

بصي يا بوس بوس، الفيتامين ده الاحسن منه انك تعرضيها للشمس كل يوم فترة كويسة وممكن ساعتها متخدوش خالص.
وبالنسبة للتكييف انتي مش هتقعدي تقلعي وتلبسي غلط جدا واستحالة ، انتي خللي معاكي دايما كوفرتة او اي حاجة تغطيها بيها وقت لما تشغلي التكييف ودايما تخليها بعدية عن توجيه الريش بتاعته بردو، ولسه بدري عليها انها تلبس نص وكت وبس كده، انا عندي جوجو لغاية دلوقتي بلبسها كم والجو انكسر شوية النهاردة هو حر بردو بس قل شوية فقلت الحمدلله اني مخففتش واستعجلت عليها، وكمان اي تغيير هتعمليه في لبسها بعد كده تخففي يعني او حاجة يبقي بعد ما تكوني محمياها عشان متعياش لكن مش تخففي كده فجأة، انا عن نفسي عشان شقتي مش حر اوي اوي زي عند ناس تانية فملبساها شاية كم وبنطلون داخلي وفوقهم بيجاما كم وبرجل، يعني مخلية الطبقة الداخلية واحدة بس بكم لسه وهنزل بقي واحدة واحدة حسب الجو وعشان كمان هي صغنونة اخلي تحت نص وبعدين كت، في الخروج بقي بخليهم 3 قطع يعني الداخلي مثلا نص وفوقهم سالوبيت كت وتحتيه التيشيرت بتاعه كم والبنطلون الداخلي بردو او الكولون بس مش بلفها ولا احط عليها اي حاجة طبعا خلاص.

سيمو انا كمان جبت لعبة السرير بنفس السعر بصرة بردو :lol::lol::lol:

اهي يا بنات:

وده البلاي جيم اهو:

مبروك حاجتكم يا ماميهات

CuTie KaTkOoTa;12039004:
سيمو انا كمان جبت لعبة السرير بنفس السعر بصرة بردو :lol::lol::lol:

اهي يا بنات:

:):) جميله اوي يا ايمي ماشا ءالله بس تخيلي الشكل ده احلى بس مشفتوش هناك بس الحمد لله اننا جبنا لعبة السرير بالسعر ده بجد
لان شفت حجات يابنتي ب 300 واقل حاجة فيهم كانت ب 145 واول ماشفت دي شبطت فيها هههههههههههههههههه

ما شاء الله يا سيمو ويا كتكوتة اللعب حلوة اوى
طب دى بنجيبها للبيبي من إمتى ؟
وكمان البلاى جيم ده برضه من أد إيه ؟

CuTie KaTkOoTa;12039004:
سيمو انا كمان جبت لعبة السرير بنفس السعر بصرة بردو :lol::lol::lol:

اهي يا بنات:

CuTie KaTkOoTa;12039011:
وده البلاي جيم اهو:

حلوين اوي يا كتكوتة ماشاء الله جبتيهم منين وبكام لو سمحتي ؟؟؟


يا بنات انا ملبسة نورين دلوقتي شاية كات بس في البيت والجو في البيت حررررررر جدا كدة كويس ولا لأ ؟ ولما تنام بغطيها بكوفيرتة خفيفة ؟

كمان عايزة حد يقوللي علي دكتور كويس في مدينة نصر ياريت سيمو واناناسة كمان تقولولي بتروحوا عند مين بما اننا جيران يعني :)

ازيكم ياقمرات وحشتونى

عندى سؤال البيبى ياخد شاور كل اد ايه

وكمان انا دايما بستسهل اغير لأدهم بالوايبس وبصراحه عشان كمان بخاف اخده عالحوض (كده غلط وللا ايه؟)

بس خلاص

وحشتونى خالص

*عروس حبيبى*;12040534:
ازيكم ياقمرات وحشتونى

عندى سؤال البيبى ياخد شاور كل اد ايه

وكمان انا دايما بستسهل اغير لأدهم بالوايبس وبصراحه عشان كمان بخاف اخده عالحوض (كده غلط وللا ايه؟)

بس خلاص

كل يومين كويس اوي
وممكن في موضوع التغيير دة لو بيبي بس قطنة فيها ماية دافية مش لازم عالحوض

مس فاتى متقلقيش حبيبتى ان شاء الله البيبى يلف ويبقى زى الفل

بالنسبة للزياده اثناء الحمل بتختلف من واحدة للتانية وممكن تنزلى على طول بعد الولادة ان شاء الله بيقولو الرضاعه بتخسس

وبالنسبة للبريست انا فى حملى الاول كبر جدا بشكل ملحوظ مع انى مزدتش كتير خالص بس هو كان كبير اوى

وعد الرضاعه والفطام صغر تانى حتى انا حاسة انه صغير خالص فى الحمل ده ومش منفوخ كده زى الحمل الاولانى

وبالنسبة للشنطة دى مشفتهاش بصراحة معلش معرفتش افيدك

لو عاوزة تسألى على حاجة تانية انا تحت امرك ياقمر

ام حمودى تسلمى لى يا عسل على ردك

ويارب يسمع من بقك ويلف ويسهل ولادتة

Miss FaTi;12040874:
ام حمودى تسلمى لى يا عسل على ردك

ويارب يسمع من بقك ويلف ويسهل ولادتة

ان شاء الله ياحبيبتى

وربنا يسهل عليا وعليكى يارب ان شاء الله

Sim0;12039701:
:):) جميله اوي يا ايمي ماشا ءالله بس تخيلي الشكل ده احلى بس مشفتوش هناك بس الحمد لله اننا جبنا لعبة السرير بالسعر ده بجد
لان شفت حجات يابنتي ب 300 واقل حاجة فيهم كانت ب 145 واول ماشفت دي شبطت فيها هههههههههههههههههه

ايوة فعلا يا سيمو الحاجات موجود منها غالي اوي فعلا وعشان كده بردو مصدقتش نفسي اول ما شفتها قلت لقطة وهوب جبتها وكمان لقتها حلوة فعلا وجميلة وتستاهل يعني وبتعمل موسيقي كمان مش منظر بس يعني.

شوق وحنين للجنة;12039987:
ما شاء الله يا سيمو ويا كتكوتة اللعب حلوة اوى
طب دى بنجيبها للبيبي من إمتى ؟
وكمان البلاى جيم ده برضه من أد إيه ؟

انا بنتي عندها شهرين ونص دلوقتي بس جبتهم بدري عشان كانوا قدامي وكده وبالمرة مادام كده كده هايجوا بس هي لسه طبعا مش فاهمة فيهم اوي يادوبك ممكن تتفرج علي الالوان وبس يعني بتهيألي من 3 شهور او 3 ونص كده تبدأ تركز بقي فيهم.

sosiii-cat;12040462:
حلوين اوي يا كتكوتة ماشاء الله جبتيهم منين وبكام لو سمحتي ؟؟؟

البلاي جيم من النعام يا سوسي ولعبة السرير من ميدان صلاح الدين لو عارفة اي منقة فيهم قوليلي وانا اوصفلك بالظبط.
والبلاي جيم ب 52 ولعبة السرير ب 45

*عروس حبيبى*;12040534:
ازيكم ياقمرات وحشتونى

عندى سؤال البيبى ياخد شاور كل اد ايه

وكمان انا دايما بستسهل اغير لأدهم بالوايبس وبصراحه عشان كمان بخاف اخده عالحوض (كده غلط وللا ايه؟)

بس خلاص

في الصيف يعني كل يوم ويوم او يومين وفي الشتاء مرتين في الاسبوع بالكتير.

ومش لازم حوض ممكن تبلي قطنة كبيرة كده مية دافية وتعصريها وتنظفي بيها واهم حاجة تنشفي كويس بعدها وبعدين تحطي الكريم وبعدين تلبسيه بقي.

ميرسى لكل البنات اللى ردوا عليا فى موضوع البريست بادز

*عروس حبيبى*;12040534:
ازيكم ياقمرات وحشتونى

عندى سؤال البيبى ياخد شاور كل اد ايه

وكمان انا دايما بستسهل اغير لأدهم بالوايبس وبصراحه عشان كمان بخاف اخده عالحوض (كده غلط وللا ايه؟)

بس خلاص

انا كنت بغير لابنى اول اسبوع من ولادته بقطنة مبلولة مايه دافية فى الاوضة
و دلوقتى بجيب طبق بلاستيك من بتوع الحمام و املاه مايه دافية و احط عليهم شوية شاور جل سانوسان مش كتير و ارغيه و بعدين اقعد ابنى فى الطبق و اغسله النص التحتانى و طبعا بيكون لابس هدومه بس مرفوعة لفوق علشان مش تتبل و بعدين الفه فى البشكير و انشفه و احط الكريم و البسه بس كده و كل ده فى الاوضة و انا قافلة الباب علشان تيار الهوا

ميس فاتى ربنا يسهل ولادتك

حلوه اوى الشنطه دى


عاوزه اسال اول ما البيبى يتولد البسه ايه سالوبيت على طول ولا بيلبس ايه انا بشوف ناس لافاه فى حاجه كده مش عارفه ايه دى غير الكوفرته