شوق وحنين للجنة;12036792:
إزيكم يا قمرات
أنا الحمد لله دلوقتي في نص السابع
وزي ما اتعودت منكم انتم دايما بتساعدونى
عايزة أعرف حد جرب ببرونة nuk
وال 125 مللى منها سعرها كام ؟
وماء غريب المستورد اللى جربوه حلو فعلا ولا بلاش أجيبه
وأنا إن شاء الله ناوية أجيب منتجات سانوسان
فعايزة أعرف اجيب منها ايه بالظبط
وكريم التسلخات بتاعها ده للوقاية ولا للعلاج
وياريت تفيدونى بأسعار المنتجات دى
ربنا يجازيكم خير على كل حاجة بستفادها منكم :)
انا ماجربتش البيبرونة النوك انا جبت الافنت وممتازة الحمد لله
منتجات سانوسان ممتازة طبعا
والكريم وقاية ماعرفش علاج كمان ولا لأ
ماء غريب ممتاز طبعا هو واسيمثيكون
Bossy22;12038108:
سؤال ضرورى انا مش عارفة البس نونتى ايه دلوقتى هى عندها 17 يوم ايه اللى البسهولها فى البيت و فى الخروج و ينفع تلبس نص كم فى الخروج و جيبات و كده وللا لا و كمان لما اقعدها فى التكيف فى البيت اكون ملبساها ايه و لو خرجت من الاوضة بتاعة التكييف اققلعها قطعة وللا ايه و ممكن تنام و المروحة شغالة ياريت تفيدونى ضرورى خايفة البنت تعيا منى لا قدر الله
و بتدو ثيميسيكون كام مرة و كل يوم عادى وللا غلط و انا الدكتور كتبلى على فيتامين دال من دلوقتى بس لسة مديتهولهاش خايفة هم بياخدوه من اول شهر كده؟؟؟؟
و كمان الكرسى زى بتاع سيموو ده ممكن تقعد فيه دلوقتى معلش دوشتوكووو باسالتى بس دكتورها رخم و مبيتكلمش و هغيره ان شاء الله
دلوقىتى لسةصعب تلبسيها نص فى الخروج .. انا مش عارفة هى تنفع تلبس فى البيت ولا لا فى السن الصغنن ده .. بس بنتى بلبسها نص فى البيت وتحتيه حمالات وبس لان الجو عندى حر موووووت
فيتامين دال لسة مش دلوقتى .. والشمس لما الجو يبقى كويس طلعيها فى الشمس وتبقى لابسة كت وشورت عشان تستفيد منها ..
سايثيكون لما يبقى عندها انتفاخ او مغص لكن مش على الفاضى .. بس بنتى عندها انتفاخ اكتر من المعتاد فالدكتور قالى اديهولها تلات ايام مرتين فى اليوم لحد ماتهدى .. بس هو كان كشف عليها وقالى ان الانتفاخ اللى عندها ازيد من العادى
وكان قايلى قبل كده انى ممكن اديها ماء غريب كل يوم مرتين كوقاية
الكرسى انا عندى شبهه كده ودى صورته وكنت بقعدها عليه من وهى اقل من شهر عادى بس كنت بظبطه على الوضع المخصوص لسنها
*عروس حبيبى*;12040534:
ازيكم ياقمرات وحشتونى
عندى سؤال البيبى ياخد شاور كل اد ايه
وكمان انا دايما بستسهل اغير لأدهم بالوايبس وبصراحه عشان كمان بخاف اخده عالحوض (كده غلط وللا ايه؟)
بس خلاص
الشاور كل يوم ويوم ولازم تغيريله بالمياه سواء بقى فى طبق او على الحوض بس الوايبس حاولى تقلليها قدر الامكان عشان التسلخات
