هانا اوبا;12298554:
بتاع الاسترتش ماركس انا برضو عندى علامات من تمدد الجلد ولسة بحطو هو ب20 جنية وتقريبا 100 مل وممكن برضو لسمار البطن او اى منطقة بسبب الحمل
انا عندى الكريم ده على فكرة اسمه درما بيور صح انا جبته ب 17 بس هو يعنى امن ف الرضاعه عادى اصل بصراحه خايفه احطة بس هو فعلا مكتوب عليه انه طبيعي
hoba555;12374411:
بنات هو ينفع اروح المستشفي وانا لابسه بنطلون الحمل واعلي اعتبار اني هولد طبيعي ان شاء الله
ولا مش هنفع مع الطلق والكلام ده اللي في الاول
ولازم البس عبايه
انا في ندي كنت لابسه عبايه بس دلوقتي مش اعده عندي اعمل ايه
انا بقى كنت لابسه بنطلون بس بجد مش حلو وانتى رايحه تولدى طبيعي على فكرة البسي عبايه احسن انا الممرضات كانو بيتريقو عليا على فكرة وانا خدت بردو بنج موضعي بس في الخياااطة كنت بموووووووووت كنت حاسه بكل غرزة بس بردو انا مش شايفه لازمة للكلي وكله بيعدى الحمدلله
razminia;12375746:
صباح الخير يابنات ازيكوا وحشتونى كلكوا واللة بجد ربنا يقومنا جميعا بالسلامة بجد شكرا لكل البنانيت اللى ردوا عليا فى موضوع الفوط بتاعة لوتس الحمد للة لقيتها فى العزبى اللى فى القربة
بنات باللة عليكوا اى بنت تقرى مشاركتى تدعيلى ان ربنا ييسر لى امرى انهاردة رايحة المستشفى بليل والدكتور قالى هنجرب نديكى محفزات للولادة وهيشوف الاول اذا كانت هتنفع ولا لا ولو منفعتش قالى هيستنى اسبوع كمان لو مفيش حاجة يبقى قيصرى باللة عليكوا يابنات تدعولى ان موضوع المحفز دة ينفع انا خايفة اوى بس مش عايزة ابين ادام حد عشان مامتى قلوقة جدا وجوزى كمان بس انا بجد خايفة ادعولى ان ربنا يسهلها واولد انهاردة خلاص انا دخلت العاشر بقالى 3 ايام انهاردة يوم مفترج ادعولى يابنات
سؤال عشان المخالفة هى التوزيعات بتاعة السبوع بتبقى غالية يعنى اخرها بيبقى كام ؟
ربنا يقومك بالسلامة ياقمر وتجبي احلى بيبي وطمنيينا عليكى
كيوت لولا;12377613:
حمدا لله على سلامتك
حاسه بيكي و الله
بتصعب عليا نفسي اوي لما بتعب و انا لو حدي
كل شوية اقول اجوزى لو كنت في مصر كنت ادلعت براحتي
و ميرسي على ردك على سوال ماكس
هوا صحيح الهبوط في الحمل عادي
انا على طول هبطانه
انا كما كنت كده ممكن يكون عندك نقص ف الهيموجلوبين او ضغطك واطى اشربي سوايل كتيييييير وكلي حاجات فيها حدييد وربنا يقومك بالسلامه ويكمل حملك على خيير
hoba555;12378764:
ربنا معاكي يا حبيبتي ويرزقك بولاده سهله ان شاء الله وتشوفي البيبي في افضل حال
بيبو انا رحت العزبي ملقتش غير نوعين بيبيبي جونيور في 12 واحده ب15 جنيه
ن النوع اللي بيترمي
ونوع سانوسان ده 30 واحده ب30 جنيه
قمت جبته وسالته علي اللي بتغسل قالي لا مفيش
بالنسبه للبن حاولي تشفطي بقا في فتره الشغل مينفع 8 ساعات بدون رضاعه صعبه اوي وممكن يجيلك احتقان
ومش عارفه بصراحه مووضع انه يقل بس ممكن لان الرضاعه نفسها بتزود اللبن
انا من لما ندي كان عندها 4 شهورواللبن بتاعي بيقل تدريجي من غير حاجه فده بيعتمد كمان علي طبيعه الجسم
سالي الف سلامه عليكي يا حبيبتي والحمد لله انها اترفعت
روضه 2006 ربنا معاكي يا قمر ويقومك بالسلامه
انا بقى عايزة اسال عن الشفط ده ازاى يعنى اللبن نحافظ عليه انه ميبوزش او ميتلوسش لانى نفسي اشفط عشان بجد عندى مشوار مهم وهقعد برا البيت مش اقل من ساعات ودكتور الاطفال مش راضي يقوللى حاجه مفيده عن موضوع الشفط 8o|8o|وبيقوللي مفيش خروج دلوقتى :mad:ولو اضطريتى ممكن بيبي درينك بس طبعا البيبي درينك مش بيشبع بردو وكمان انا مثلا لو خرجت وخدت النونو فرح بردو متهيالي بردو اخد لبن معايا مشفوط لان مش هعرف ارضعه ف الفرح وانا لابسه سواريه فعايزة اعرف كل حاجه عن الشفط ده وطريقه الحفظ جوا وبرا التلاجه وفي الحر الفظييع ده والشفاط بنعقمه ازاى بنغليه ولا ايه والبتاع الحمرا دى بردو بتتغلي ولا لا وبنفكه من بعضه لما بنغليه
اميرة مصرية;12379535:
رمزينا ربنا يقومك بالسلامة و يرزقك بأحلى نونو ان شاء الله.. بنات انا عايزة اسألكو هو انتو حسيتو بتغيي في البريست في الحمل ولا لأ؟؟ انا اصلي حاسة ان حجمه زي ما هو و مش عارفة هو كده انا مش هارضع طبيعي ولا ايه؟؟؟ كمان ان شفت فوط لوتس اللي بتقولو عليها بس كانت مكتوب عليها حفاضات للكبار و الباكيت بتاعها كبير اوي و لونه ازرق تقريبا قد عبوة البامبرز هو ده ولا دي غير اللي بتقولو عليها؟؟؟
لا ياقمر لوتس مكتوب عليها لفترة النفاس وهى موجوده ف العزبي انا جبتها من فرع مصطفى النحاس
