*pippo*;12363252:
مها ربنا يقومك بالسلامة يا جميل
انا ولدت ببنج كلى وهى بتفرق من حد لحد .. انا ما شاء الله مامرتش بمرحلة الافاقة دى والخطرفة فى الكلام وكده انا فوقت بسرعة ومفيش دقيقتين على ماقدرت اتكلم.. فوقت بالظبط وهم بيشيلوا انبوبة الهوا وقعدت دقيقيتين كده على ماستوعبت انى خلصت
و قعدت اتكلم جوة فى اوضة العمليات مع الممرضين قبل مايخرجونى واسألهم انا خلفت بنت فعلا ولا لأ وهم قعدوا يسألونى هتسميها ايه وكده
بس حسيبت بألم فظيع فى بطنى تقريبا المسكن ماكنش لسة اشتغل ولا ايه .. حتى الدكتورة كانت فرحانة انى فوقت بسرعة وماكنتش مصدقة ..
بس يعنى
كله بيعدى الحمد لله
طيب يا بنات هو احنا ممكن ننيم البيبى على سرير 120 لوحده عادى ؟؟؟ هحط حواليها مخدات وكده ينفع الكلام ده لحد سن كام؟؟؟
بصي يا جميل اول مايبدا يقلب ويزحف لازم ماينمش على سرير عادي بالمخدات لان ممكن يطلع فوق المخده ويقع لا سمح الله
وومكن تعملي كدى واحتياطي تحطيله مرتبه تحت عل الارض بحيث لو وقع بعد الشر يقع عليها
وكمان البامبرز مقاس 3 سواء المصرى او المستورد من اول كام كيلو؟؟
مقاس البامبرز ماترتبطيش باللي مكتوب انت لما تلاقي البامبرز ضيق او بيسرب او بيتملى بسرعه يبقى لازم يتغير
sweetyronaaa;12372610:
ميس فاتى الف حمد الله على سلامتك و سلامه احمد ربنا يحفظهولك و يفرحك بيه و ربنا يوفقك في امتحاناتك
ام حمودى مبروك على حاجه فله عقبال ما تجهزيها للفرح ان شاء الله و بجد الحاجه كلها زوقها حلو جدا
سالي الف حمد الله على سلامتك بس خدي بالك بقي متعمليش برده مجهود عشان متتعبيش تانى
حبيبه مادو ربنا يقومك بالسلامه و يفرحك ببنوتك ان شاء الله
بصوا بقي انا ليا كزا سؤال معلش هزهقكوا
انا دلوقتي في نص التالت كنت عند الدكتورة امبارح و قالتلي احسن تجيبي بنطلون حمل و متلبسيش بنطلونات جنز خالص مع ان بطنى لسه مكبرتش بس انا اصلا كان عندي بطن من قبل الحمل و البنطلونات اللي بلبسها دلوقتي اصلا واسعه خالص فمش عارفه بقي اسمع كلامها و اجيب بنطلون حمل و لا استنى شويه لغايه ما بطنى تكبر حبه
كمان عايزة نظام غذائي كويس امشي عليه عشان مزدش في الوزن اوى;)
اه و بمناسبه اللبس بقي فيه بيجامات للحوامل و لا كله قمصان قطن و لو فيه بتكون في حدود كام تقريبا
و بعدين بقي انا عندي حاله غريبه اوقات كده بحس انى عايزة اعيط بشكل هستيري و جوزى زهق منى اوى و انا حاسه انى خلاص اتجننت و مش عارفه اعمل ايه قلولي بقي ده طبيعي و لا انا اتجننت بجد:woo:
بصي يا جميل البنطلون بتاع الحمل استايله حلو جدا زي العادي وانت تجيبي مقاسك بتاع قبل الحمل نفس المقاس عشان الوسط واحد اللي بيختلف البطن وهم بيعمله حسابهم
وبعدين البناطيل دي ليها زراير من الجنب بتضبطي مقاس وسطك وكل مابطنك زادت بتضيقي الوسط لان البطن بتتمدد في المنطقه الادامنيه دي
واللي بتحسي بيه ده طبيعي ده هرمونات واكتئاب الحمل فعادي جدا انت بس فهميهم كدى والمفروض ان الاهل والزوج فاهمين وبيستحملوا الشعره دي:|
razminia;12375746:
صباح الخير يابنات ازيكوا وحشتونى كلكوا واللة بجد ربنا يقومنا جميعا بالسلامة بجد شكرا لكل البنانيت اللى ردوا عليا فى موضوع الفوط بتاعة لوتس الحمد للة لقيتها فى العزبى اللى فى القربة
بنات باللة عليكوا اى بنت تقرى مشاركتى تدعيلى ان ربنا ييسر لى امرى انهاردة رايحة المستشفى بليل والدكتور قالى هنجرب نديكى محفزات للولادة وهيشوف الاول اذا كانت هتنفع ولا لا ولو منفعتش قالى هيستنى اسبوع كمان لو مفيش حاجة يبقى قيصرى باللة عليكوا يابنات تدعولى ان موضوع المحفز دة ينفع انا خايفة اوى بس مش عايزة ابين ادام حد عشان مامتى قلوقة جدا وجوزى كمان بس انا بجد خايفة ادعولى ان ربنا يسهلها واولد انهاردة خلاص انا دخلت العاشر بقالى 3 ايام انهاردة يوم مفترج ادعولى يابنات
سؤال عشان المخالفة هى التوزيعات بتاعة السبوع بتبقى غالية يعنى اخرها بيبقى كام ؟
ربنا يقومنا بالسلامه كلنا يارب وتطمني وتفرحي بشوفة البيبي وهو في حضنك يا جميل ,,وكله بيمر بالمرحله دي واول مابتشوفي البيبي بتنسي كل حاجه اهم حاجه تبقى صحته كويسه وسليم:thumbs_up:
اميرة مصرية;12379535:
رمزينا ربنا يقومك بالسلامة و يرزقك بأحلى نونو ان شاء الله.. بنات انا عايزة اسألكو هو انتو حسيتو بتغيي في البريست في الحمل ولا لأ؟؟ انا اصلي حاسة ان حجمه زي ما هو و مش عارفة هو كده انا مش هارضع طبيعي ولا ايه؟؟؟ كمان ان شفت فوط لوتس اللي بتقولو عليها بس كانت مكتوب عليها حفاضات للكبار و الباكيت بتاعها كبير اوي و لونه ازرق تقريبا قد عبوة البامبرز هو ده ولا دي غير اللي بتقولو عليها؟؟؟
بصي لازم مكتوب عليها بعد الولاده لان اللي للكبار دي لا سمح الله دي لكبار السن اللي في سن معين بيستعملوها ودي مختلفه تماما عن بعد الولاده فلازم تتاكدي من المكتوب
dandona we bas;12379677:
بنات هو حجم الصدر ليه علاقة اذا كان الواحدة هترضع طبيعي و لا صناعي
لا طبعا مالوش اي علاقه لان اللبن مش بيبقى جوه الصدر وبيخرج منه ده بييجي من ربنا والبريست بيبقى مجرد مكان بيوصل اللبن للبيبي وكله ماهو يمص اكتر كل ماربنا بيكرم وبيرزق اكتر يعني ماتخافيش خالص وكل جسم له طبيعته في ناس البريست بيكبر وفي لا على حسب طبيعة اجسامنا وفي ناس مجرد مابتولد بيكبر وفي ناس وقت الرضاعه بيصغر وفي بيكبر وبعد الرضاعه والفطام بيصغر تاني ,,,,,,,,,:worn_out:
