ماااااااااااااا أبي أتزوووووج ~

بـسم الله آلرحمن آلرحيم ~

آلسلاآآم عليكم و رحمة آلله و بركآتهـ ~

هلا حبيباآآتي العروسآآت و المتزوجآآت و البنآآتاات ~ F: ..
عسآآكم طيباآآت ~


بدخل في آلمووضووع على طوول .. لأنه حالتي الحين مآ تسر الصرآآحة ~

آلله يسلمكم .. صآر لي فترة طويلة مخطوبة " مو مالكة " .. تقريبا 5 او 6 سنوآآت ..
الحين عمري 23 سنة .. و بطول هالفترة .. ما شفت خطيبي ابدآ .. حتى النظرة الشرعية ~
ما أعرف كيف شكله .. بس استندت على وصف اخواآني و ابوي له ~
و أنا اصلا ما اهتميت اعرف كيف شكله .. ما ادري ليش ..

المهم .. مشكلتي الحين أني ما ابي اتزوج ابدا .. مع العلم أنه زواجي بيكون بعد شهرين ..
كارهه الموضوع خير شر .. و اموت من الغصة إذا حد ذكر لي السالفة ..
يمن لأنه وزني زايد .. و هالشي مكرهني كل السالفة .. حتى رجيم مالي نفس اسويه ..
وزني تقريبا 100 .. و طولي 150 .. سويت كل شي بايدي .. رحت المستشفى و اتبعت رجيمات و حالة .. و مشتركة بنادي و يوميا ساعتين و نص رياضة و تخفيف اكل .. بس بدون فايدة .. مب طايع هالوزن ينزل ..

مالي نفس اتجهز و لا اشتري شي الصراحة .. و غير عن هذا عندي امي اللي تحطمني و دايما تقارنني ببنات خالاتي و عماتي .. كل ما صار شي تقول شوفي بنات فلانة رشيقات و حلوات و انتي الوحيدة اللي ما اعرف ليش مبتلية بهالوزن .. و تقول لي لأنه هالوزن اللي عليج مالي خاطر اشتري لج شي و لا اسوي لج شي .. مع العلم .. بشهادة الكل انا اجمل بنت من البنات اللي بعمري بالعايلة .. لو نزل وزني اعرف بطلع احلى ..
انا اللي قاهرني انها عمرها ما تقبلتني مثل ما انا .. تنتقدني بكل شي .. و هالشي سبب لي حالة نفسية .. ثقتي بـ نفسي ضعيفة وايد الصراحة .. و القهر الأكبر تقول لي زوجج مستحيل يحبج مع هالوزن .. هالشي مخليني بحالة رعب و كارهه الزواج اكثر و اكثر ..
تقول لي بتخرعينه لو شافج هالكثر متينة .. و تقعد تتطنز و تضحك علي جدام صديقاتها ..


الموضوع مكرهني عمري الصراحة .. دايما ادعي تتبطل السالفة و ارتاح من هالهم .. و الله اني حاسة بضيقة .. ترا اللي قلته هين .. امي الله يهديها تسوي اشيا عبالها هالشي بيحفزني .. ما تعرف انها تحطمني زيادة ..

حاسة بثقل بقلبي و الله .. طول هالـ خمس سنوات .. ما في يوم واحد استانست فيه لأني مخطوبة .. و الحين كل ما انذكر طاري العرس ولا قعدوا البنات يسولفون وياي .. اموت من الغصة .. و مرات ابعد عنهم و اصيح و كأنها جنازتي بعد شهرين مو عرسي .. ~
المشكله اللي الحين مهما حاولت .. و حتى لو نزل وزني .. بظل أكره نفسي و ثقتي تكون معدومة ~


شو الحل بنات ؟!
ترا اختكم واااصلة حدهااا و زيااادة ~