ماااااااااااااا أبي أتزوووووج ~

فدييتج واللله اني حاسه فيج

الولده الله يطولي بعمرها تقريبا شرات امج

كانت تقع الرمسه عق يدام ربيعاتها ولا يدام اي حد

بقصد ولا بدون قصد ,,

طبعا انا من النوع اللي مستحيل يرد على امي فــ هالامور خصيصا بس كنت اتضايج وايد

وبدون ما تعرف امي خلتني اكون وايد حساسه وسلبيه ,,

واتحسس من كل شي

المهم كانت تعايرني بخصوص انها اضعف عني وانا بعدني صغيره ف الثانويه

و هي حرمه يابت 9 بطون عقولتها ,,

وزنها 68

وانا بنت بعدني في الثانويه وزني 81 طولي 160

شكرا ,, >< ادري بطلتوا عيونكم

طبعا من كثر ما عصبت فجاه وبدون سابق انذار سويت رجيم ,, ورجيم قاسي بعد

نزلت في 3 شهور وصار وزني الحمدلله من 81 الى 55 الحين امي صارت امتن عني
والكل منصدم من جسمي ,,

صدقيني خلي عندج اراده وقولي انا بقدر

لا تقولين انا وزني 100 وما بروم انزله وما ادري شو وبحتاج وقت

لا اثبتي ع رمستج وسوي لا تسمحين حق حد

يخليج تفكرين بطريقه سلبيه

وغيري رمسه امج ونظره الناس كلهم

وخلج ريلج ينصدم يوم يشوفج ^__^ يا احلى عروس فــ الدينا

فديتج والله الله يوفقج


ولو حابه اساعدج في سالفه الرجيم فالج طيب ,,

موفقه حبيبتي

F:الله ينزل وزنك للي يرضيج ويسعدج ويهنيج امينF:

الله يكون في عونج
والبنات ماقصروا

بالعكس حبوبه استانسي وافرحي
وريلج بيحبج حتى بوزنج ^^
مستحيل ما يعرف انج دبدوبه وحليوة ^^

وحطي ببالج انه بيتقبلج
بس شي واحد تسوينه
حاولي تخففين اكلج وشوفي كيف بتستوين ^^

هلا حبيبتي

انتي الحين احسك مو واثقه من نفسك

لانه مو كل شيء الوزن والجمال و..الخ

الواحد يركز على الأخلاق

واذا انتي تدعين الله وتخافينه وقريبه منه

صدقيني انك بتتوفقين ان شاء الله

الله يوفقك ويرزق كل بنت بالذريه الصالحه

انزين اهو جافج او لا؟

الموضوع قديييييييييم صار له 10شهور
يعني يمكن قدها اتزوجت وحملت
ربنا يسعدها

اختي حاسه فيكي اذكري الله ولا تعقدي نفسك من البدايه وافرحي من كل قلبك وارضي بشكلك مهما كان وانت ما فيكي اي نقص وقولي الحمدلله في ناس تتمنى تنخطب وتتزوج اهم شي عليكي بقراة القران والاستغفار وكل اللي تحسي فيه بيزول لا تستسلمي لافكارك ابدا
الله يوفقك ونفرح فيكي

حبيبتي هذا الرجال ما استنا هذي الفتره الا هو يبغاك يا قلبي لا تنظرين نظره متشائمه لنفسك وللحياه اللي راح تدخلينها \

حاولي تسيطري ع ها الافكار وتشيليها من بالك وخاصه كلام الوالده الله يخليها مهما كان هي تحبك وتخاف عليك

وبما انك جميله خلك واثقه من نفسك بجمالك وحاولي تنزلين وزنك شوي شوي مو بسرعه واعطي نفسك الثقه

الاكثر ولا همك اي كلام احد واستغفري ربك دوم والبقره لا تنسينها ليها ملازمه لك

ورببي يوفقك ويسعدك بحياتك واللي راح يحب شخص ماراح ينظر بمنظور جمسه اهم شيء اخلاقه ومعاملته

اذا عاملتي زوجك بما يرضيه صدقيني بتكوني احلىشيء بحياته اسفه طولت عليك والله يوفقك

حبيبتي اعرف بنات كانو اكثر منك وانخطبو وشوفي الشغل ابتدا رياضه وحميه ووناسه بالعكس الزواج حفزهم كثير على انهم ينولو اوزانهم امشي كثيييييييييييييييييييييييييير المشي الشي الوحيد اللي ينزل الوزن بسرعه وراح تنزلي اكيد على الاقل 20 كيلو حلوه جدا بيسير وزنك ثمانين تقريبا اذا انا شاطره بالحسبه بصراحه انا بالحساب خطيره:) والله يوفقك وينزل وزنك بالرياضه مو بشي ثاني في امان الله ياعسل

ياقلبي اول شيء انتي خلى ارادتك قوية وخلي ثقتك بنفسك كمان كبيرة واذا بتنحفي مو عشان زوجك والا امك لا ياقلبي اول شيء عشانك انتي وعشان هاذي صحتك ولا يهمك كلام احد بالعكس انحفي وخففي من اكلك وسوي رياضة عشان تكوني احلى عروسة بعيون نفسك وعيون زوجك وعيون اللي يحبوكي وعشان ما احد يقدر يتكلم عليكي بكلمة خليكي واثقة من نفسك امك يمكن تسوي كذا عشان نفسها تشوفك نحيفة ويمكن ما عندها اسلوب تعبرلك فيه انها ودك تنحفي وياعمري اسغفري ربك كل شوية ترى الاستغفار رووووووووووعة وبتحسي براحة كبيرة اذا اتضايقتي من كلام احد عليكي او كنت متضايقة او فاضية او بعد كل صلاة استغفري وان شاء الله كل شيء يصير مثل ما انتي تبغى واذا الرجال اللي خطبك كويس لاتفرطي فيه والله يوفقكم يارب ويسعدكم مع بعض ويحلي حياتكم وتكونوا ستر وغطاء على بعض وان شاء الله يحبك مثل ما انتي ولاتقولي ما ابغى اتزوج اذا كان من نصيبك الله يهنيكم يارب والله يسعدك يارب

الله يفرج همك

إنتي عطي رسائل إيجابية لنفسك الرشاقة مهمة بس مش كله شي عشان الوحدة تكون سعيدة مع زوجها
وبالنسبة لخطيبك حاولي تقنعي نفسك بيه ماتعرفي مرات يكون أحسن من تواقعاتك

الموضوع من فتره يابنات...
البنت اكيد متزوجه اللحين .. الله يوفقها ويسعدها

الله يفرج همك مااقدر اقول اكثر من اللي قالوه البنات