نشره اخبار محلات الملابس للاطفال ( امهات مصر )

انا اقولكو التقرير بتاعى
روحت العامرية جبت برضه فالنات لجوجو بكم وبنص
بس ارخص منكوووووووووووووووووو
ب 13.5 و14 تقريبا(الاسعار القديمة)

وروحت دانيال وجبت تيشيرتات كتير وسويت شيرت
وروحت شعبان جبت بتاع تريكو زى بتاع نانو(عسول اوى على فكرة)
وجيبة بيج بس طلعت كبيرة
وسويت شيرت



بس خلاااااااااااااااااااااااااااااااااااااص

لا يا بنتي ما نتي عشان مختفية حضرتك كان زمانك عرفتي انهم اتقابلوا سوا قريب وخرجوا مع بعض عشان يتعرفوا علي بعض وبيبهاتهم كمان.

يااااااااه ده العلام حلو اوى يا ولاد:D




[QUOTE=crazy ananas;13430661]:lol: متخليش حاجه تلح عليكى ابدا
وحمدلله عالسلامه بالمناسبه وخالينا نشوف مشاركتات وله مش بتجيبى لبنوتك لبس ؟؟ ;)

لا مش بجيب الصراحه .. ما تعتمد هيا على نفسها وتعمل بلقمتها وتجيب هيا

lifedrop;13436269:
على فكرة محلات بواقى التصدير فيها حاجات حلوة برضه

يعنى انا شوفت عند شعبان سويت شيرت لينا احنا ماركة نايكى الاصلى وماركة بوما الاصلى
وكان ب 50
وواحدة قريبتى شارية السنة اللى فاتت ترينج لبنتها من محل بواقى تصدير ماركة بس مش فاكرة ايه كان ب 60

ممكن تلاقو حاجات حلوة وشيك وبسعر اقل

سيلييييييييييييييييييييييييييييييييييين

اخبار محلات المنصورة ايه؟؟
انزلى بالتقرير يلا

:Dلا يا شيخه :D
بصى بصراحه انا مجبتش حاجه من هنا..
بابا بيشحنلها كل شويه سالوبيتات وفساتين من بيبى شوب فالامارات.. باعتبار انها الحفيدد الاول فالعيله وانا بستغل الموقف وبحوش الجرشينات علشان عايزه اسافر على باخره لاقصر واسوان فى الشتا.. اصل انا انتهازيه الصراحه:D
بس ناويه باذن الله اجازه جوزى الجايه انزل اشترى كام حاجه كده اصل اجازته اللى فاتت انشغلنا فى اخويا .. عقبال عندك راح الجيش:D
فباذن الله خلال اسبوعين هايكون عنددك تقرير يا عن محلات المنصورة او اليكس

بنات انا عندى مغص زى البريود كدة مستمر ومن امبارح افرازات معرقة بدم بس مفيش خبط فى الظهر ده طلق انا خايفة ادعوللى محتجاكم

CuTie KaTkOoTa;13439470:
تسلمي يا نودي اه ما انا بقولك دخلته من غير ما اركز يعني عشان كان قبل الجواز بس تقريبا اسعاره كويسة وحمايا بيقولي انه كان زمان بيجيب لجوزي منه وهو بيبي :lol::lol::lol:
لأ اللكاليك اللي شفتها للأسف كلها سنة ، بس اول مرة اعرف ان جيل عنده حاجات كده بردو ، ممكن ابقي اروح ابص بصة كده.


المشاية جوجو صدعتنا بيها شغالة عليها اهي طول ما هي شبعانة وهادية بحطها فيها والاصوات خلاص دماغي هتنفجر بقينا نشيل البطارية بالليل ونحطها الصبح، السالوبيت شكله كميل اوي عليها في اللبس بس انا هجيبله بادي صوف ان شاء الله مفروض كنت اجيب منه لونين امبارح بس مقاسها ملقتش فيه كل الالوان لسه لقيت الكبار والصغيرين الوان قليلة وقالولي لسه هايجيبوا تاني عشان احنا لسه في اول الموسم ولسه بيكملوا فرش.
البامبرز ده كله بيشكر فيه ما شاء الله واللي اكتشفته بقي ن كلام البنات كلهم باختلاف انواع كتيرة ان الصناعة التركي حلوة اوي في الحفاضات.


تسلمي يا انوووووسة انتي اللي كلك ذوق، انا بنزل مع جوزي دايما وقليل اوي بنزل مع صحابي اللي مش متجوزين :lol::lol::lol: بس بيبقي يوم بهدلة ليا انا اوي اوي بجوجو.
بابا كان بيسألني بردو النهاردة يمشي محل اطفال، وشكلنا كده هنعمله حاجة تانية خالص ملهاش علاقة.
الكولون فعلا اغلي عشان كده قلت اقولكم عشان تخلوا بالكم انا استغربت اوي بس المحل ده نفسه اللي شفت فيه الشوزات والباليرنات الكميلة الواحدة ب 85
الجيبة دي كانت 84 من محل لولي بوب والجينز نسيت كانت بكام.
والجاكت البني التريكو ب 148 والبنطلون البني بردو ب 96 والسالوبيت الروز المنقوش ده ومعاه البادي السالوبيت بتاعه ب 74 من محل كيدز ميجا ستور
والترينيج ده من مستورة ب 64
والشوز الجينز دي ب 55 من محل كوكينو وكان فيه منها اكبر اه بس مش عنده كتير يعني معرفش ممكن تلاقي المقاس بسهولة ولا لأ، هو طلعلي الاول واحدة كبيرة وبعدين جابلي دي الاصغر بس هو طلع له فرع بره جنينة كمان في عباس عند زلط او قصاده مفهمتش منه اوي وكيدز ميجا ستور بردو طلع له فرع في سيتي ستارز بس لبس بس بقي مفهوش مستلزمات وكده زي فرع عباس

لولى بوب ده فى واحد فى وسط البلد اللى فى مدينه نصر احسن ولا ايه اصلى معظم اللى لقته عنده كان للكبار شويه بس بصراحه قماشه الحاجه بتاعته تحفه وتحسيه ليه استايلاته المختلفه
فين بقى كيدز ميجا ستور ده ومستوره وشعبان بتاع مدينه نصر فين منهم وممكن لو عايزه اركز فى مكان يبقى فين مدينه نصر ولا ايه اصلى عايزه انوع شويه انا جبتلها حاجات من جراند مول المعادى بس عايزه اكمل فياريت تقرير وافى من تقاريك كده بالمحلات ورينجات الاسعار

سيلين انا مش عارفه اخرج الا اما اقولك انتى جامده يابنتى بتقولى كلام يموت من الضحك بجد

CuTie KaTkOoTa;13441100:
نسيت اقولكم انا رحت العامرية بتاع المحلة اللي قلتم عليه ده في مكرم ومش عجبني :(:( ولا انا ولا جوزي كنت داخلة اشوف حاجات للبيت من هناك ليها، بس حتي نفسيتي قفلت اول ما شفته وشفت البياعين وجوزي بيقولي حسيت انه الوكالة بس لقيت اغلب حاجاته من الصياد البيجامات والداخلي وكده، بس العامرية اللي انا بروحه عند المريلاند ده مختلف خالص عنه بجد واحلي كتير ومنظم كده.

هههههههههههههههههههههههههه
العبرة مش بالمكان ولا الناس شكلها ايه العبرة بالحجات اللي فيه يا ايمي
اينعم هو مبهدل جدا بس ممكن تطلعي منه حجات كويسة ومش غالي في نفس الوقت
اصل الواحد بيتغاظ اوي من الاستغلال بتاعة المحلات الكبيرة اللي بتستغل اسمها اكتر يعني ممكن تلاقي الحجات نفسها الصياد عند لفلي واغلى :study: وهكذا
ومبرووووووووك حجات جوجو تتهنى بيهم يارب

crazy ananas;13452062:
انا روحت النهارده شعبان اللى فمدينه نصر وجبت منه جاكيت تريكوه بزعبوط لنانو حلوه قوى ب 25 وكان فى حاجات تانيه حلوه قوى ب حاجه و50

اما لينا فكان فى تيشرتات فعلا زى لاكوست وبوما بس ب 35 وكمان بناطيبل ماركات برضو ب 25



:thumbs_up:

مبرووووووووووك حجات نانو يا انووسة وفين الصور:)
كل سنة ونانو طيبة لومي بعتالها البوسة دي
بس من بعيد علشان لومي عندها انفلونزا:(

crazy ananas;13452102:
صحيح نسيت اقولكم انى النهارده روحت تلاته التوحيد والنور هههههههههههه مش حبا فيهم بس كنت بدور عالهاف كول اللى جبتها سيمو والحمد لله حصلت عليه
روحت اللى جمبى فالحى العاشر بجد ده اسوء فرع ليهم مش مريح بصراحه والراجل نفضلى لما المغرب ادن لانهم بيقفلوه بس معبرنيش وسبنى كدا ومقليش ان ده وقت صلى
فروحت اللى فى مصطفى النحاس ملاقتش حاجه
روحت بئا اللى فالحى التامن عجبنى قووووووووووووووووووووووووى اكتر واحد بجد حلو ومريح نفسيا وفى حاجات حلوه فعلا حتى اللعب فيه حلوه جدا ولاقيت الحمد لله الهاى كول اللى جابته سيمو جبت لون برتقالى

وعلى فكره يا سيمو فى هناك اللبنى بس مش عارفه مقاسه ايه

وجبت منه كولون برضو هو ب 14 تقريبا

وبس خلاص ههههههههه

مش انا قولتلك ان احسن فرع ليهم هو التامن فعلا وكبييييييييييير ومريح والحجات انضف واحسن وخصوصا اللعب
كويس انك لاقيتي الهايكولات الحمد لله
هم جابوا تاني ولا لاقيتي مقاس اكبر

crazy ananas;13430661:
:lol: متخليش حاجه تلح عليكى ابدا
وحمدلله عالسلامه بالمناسبه وخالينا نشوف مشاركتات وله مش بتجيبى لبنوتك لبس ؟؟ ;)

اما بالنوسبه للسوال اللى بيلح احنا فعلا قرايب نبئا ولاد منطقه واحده هههههههههههه
بس مش من عيله واحده فنعتبر صحاب وقولنا نخلى نانو ولومى يشوفو ناس غيرنا من باب التغير
ده غير ان سيمو تستاهل ان الواحد يقوى صداقته بيها :thumbs_up:

:o:o:o:adore::adore: تسلمي يا انوسة
وربنا يديم الصداقة يارب لغاية ما نجوز العيال ونروح النادي واحنا عندنا 60 سنة ولابسين مايوة ههههههههههههههههههههههههههه

........................................................

بنات انا عايزة اشتري شوز حمرا للومي ومش لاقية خالص
محدش شاف اي شوز حمرا بس في نطاق مدينة نصر

عالسريع كدا

سيمو انا كنت نسيت اقولك ان فى التوحيد والنور اللى فالعاشر الحاجه العدله اللى لاقتها ان فى جزم كتيررررررررررررررر قوووووووووى وحلوه قوى اللى بيكون معاها شراب وكان نفسى الاقى حاجه لنانو بس ملاقتش المقاس هما مقاسهم 18 و19 واللى لاقيتو على مقاسها بالظبط كنت عوزه اكبر شويه بس فى اشكال حلوه قوى
وشكلهم لسه جايبنهم لانهم فى كارتونتين كبار ومفتوحين يارب تلحقى حاجه حلوه عنده

miobello;13454617:
لولى بوب ده فى واحد فى وسط البلد اللى فى مدينه نصر احسن ولا ايه اصلى معظم اللى لقته عنده كان للكبار شويه بس بصراحه قماشه الحاجه بتاعته تحفه وتحسيه ليه استايلاته المختلفه
فين بقى كيدز ميجا ستور ده ومستوره وشعبان بتاع مدينه نصر فين منهم وممكن لو عايزه اركز فى مكان يبقى فين مدينه نصر ولا ايه اصلى عايزه انوع شويه انا جبتلها حاجات من جراند مول المعادى بس عايزه اكمل فياريت تقرير وافى من تقاريك كده بالمحلات ورينجات الاسعار

سيلين انا مش عارفه اخرج الا اما اقولك انتى جامده يابنتى بتقولى كلام يموت من الضحك بجد

لولى بوب اللى فى وسط البلد فين بالظبط ؟؟؟؟؟؟؟؟؟؟؟؟

lifedrop;13452696:
انا اقولكو التقرير بتاعى
روحت العامرية جبت برضه فالنات لجوجو بكم وبنص
بس ارخص منكوووووووووووووووووو
ب 13.5 و14 تقريبا(الاسعار القديمة)
وروحت دانيال وجبت تيشيرتات كتير وسويت شيرت
وروحت شعبان جبت بتاع تريكو زى بتاع نانو(عسول اوى على فكرة)
وجيبة بيج بس طلعت كبيرة
وسويت شيرت
بس خلاااااااااااااااااااااااااااااااااااااص

مبروك حاجات جوجو يا نودى تتهنى بيهم يارب بس فين الاسعاااااااااااار
وربنا يخليكو لجوجو وتجيبولها كل حاجه حلوه يارب:)

dr_hienar;13454211:
بنات انا عندى مغص زى البريود كدة مستمر ومن امبارح افرازات معرقة بدم بس مفيش خبط فى الظهر ده طلق انا خايفة ادعوللى محتجاكم

ربنا يكملك على خير انا معرفش بصراحه ديه ايه ممكن تسئلى فى موضوع الحوامل
اكيد هيفيدوكى اكتر
و سورى هنا للملابس فقط عشان نحافظ على الموضوع وميكونش فى حاجه خارجه عنه ويكون مخالفه :o

Sim0;13455551:

مبرووووووووووك حجات نانو يا انووسة وفين الصور:)
كل سنة ونانو طيبة لومي بعتالها البوسة دي
بس من بعيد علشان لومي عندها انفلونزا:(

الله يبارك فيكى يا سيمو وانتى طيبه وبوسه لومى وصلت والف سلامه عليها وربنا يشفيها وخالى بالك الجو شكله كدا هيبرد فجائه

انا مش عارفه البس نانو كم وله ايه انا مش بحب اتقلها قوى

Sim0;13456668:
:o:o:o:adore::adore: تسلمي يا انوسة
وربنا يديم الصداقة يارب لغاية ما نجوز العيال ونروح النادي واحنا عندنا 60 سنة ولابسين مايوة ههههههههههههههههههههههههههه
...................................................
بنات انا عايزة اشتري شوز حمرا للومي ومش لاقية خالص
محدش شاف اي شوز حمرا بس في نطاق مدينة نصر

يارب يا سيمو وربنا يبارك فيهم يارب
وبعدين قصدك ايه احنا مش هنروح النادى الا لما يكون عندنا 60 سنه يا حلاوه هههههههههه:| :D

اما الشوز انا مش متاكده قوى بس الحاجه الوحيده اللى عدله فالتوحيد والنور العاشر ان كان فى شوزات كتيرررررررررر قوى وحلوه قوى اللى هى بيكون معاها شراب بس فى اشكال حلوه قوى كان نفسى اجيب لنانو بس المقاسات صغيره

اشتريتوا للعيد يا بنات و الا لسه ؟ حتجيبوا ايه صيفي و لا شتوي؟

بعض من نانو فاشون :thumbs_up:

بسم الله

الحاجات ديه جبتها مع سيمو

ديه بيجامه قطن من نيوستار تقريبا ب 26


زووووم


وده ترينج من العامريه اللى مش عاجب ايمو :D الصياد ب 60

زووووم


ودول حاجات كنت مصوره ومكسله انزلها :rolleyes:

بمناسبه عيد ميلاد نانو ده فستان السبوع ههههههههه كانت كلاب بيبى ب 60 من كيدز بارك



دول تيشرتين كنت قولتلكم عليهم من فتره ومنزلتهمش



وعلى فكره دول كان الواحد ب 7 ونص وخامتهم حلوه جدا على فكره :thumbs_up:

ده فستان كنت جيباه من سوق العصر اللى فى عين شمس مش فاكره بكام


وعلى فكره كان مكان الرقبه ضيق على نانو فماما عملتلها زراير من الجمب وسبحان الله الزراير طلعت شبه الورد اللى فالفستان :thumbs_up:

ودول فستانين ابن عمو جوزى جبهملها من سويسرا بس معلش الاضاءه مش مبيناهم كويس

ده شكله حلو قوى ولونه ابيض ناصع وشيك


وده احلى بكتير لان الاحمر اللى فيه ناصع وفى خط سيلفر بين الخطوط الحمره

وده الليجن بتاعه وبرضو الحاجات الحمره زاهيه وقطيفه


وده فستان العيد اللى فات كان من محل فى جنينه فالدور الارضى مش فاكره اسمه وكان ب 50

زوووم وفى خط سيلفر كدا مش عارفه باين وله لا


وديه شوز العيد من محل سمراء فعباس كانت ب 35


وده كوتشى كنت جيبته من كارفور اسكندريه ب 30


بس خلاص :)

حلوين اوي الحاجه يانوسه تتهني بيهم فستان العيد اللي فات شكله حلو اوي الله اكبر عقبال فستان الفرح
بنات عاوزه اشتري شرابات ليويو للبيت انا كنت جايباله ماركه هوبي الواحد ب9 عاوزه حاجه في حدود 5 او 6 لاني هاجيبله عدد واحنا اخر الشهر وهنيالك يافاعل الخير والثواب
واجيبهم منين؟

sweetylolla85;13472662:
حلوين اوي الحاجه يانوسه تتهني بيهم فستان العيد اللي فات شكله حلو اوي الله اكبر عقبال فستان الفرح
بنات عاوزه اشتري شرابات ليويو للبيت انا كنت جايباله ماركه هوبي الواحد ب9 عاوزه حاجه في حدود 5 او 6 لاني هاجيبله عدد واحنا اخر الشهر وهنيالك يافاعل الخير والثواب
واجيبهم منين؟

ربنا يكرمك يا لولا كويس ان فستان العيد عجبك اصلى حسه ان اللى يشوفه هو مالو محترم كدا ليه هههههههههههههه
وربنا يباركلك فى يويو وتشوفيها عريس اد الدنيا
اما الشرابات انا كنت شفت فى التوحيد والنور اللى فالنعام 3 شرابات تقريبا ب 6 او اكتر مش فاكر بصراحه بس فى هناك شربات وعلى فكره كمان فى واحد بيقف ادام التوحيد كدا تقريبا عنده شربات كبار واطفال كمان تقريبا ال 3 او 4 بعشره

Boody we zady;13471603:
اشتريتوا للعيد يا بنات و الا لسه ؟ حتجيبوا ايه صيفي و لا شتوي؟

تقريبا هيكون شتوى يا ام بودى بس مش هتقل تحته قوى يعنى مثلا البس نانو فانيله نص كم وعليها حاجه شتوى انا اصل عندى فساتين جديده فممكن اعتبر واحد فيهم للعيد وخلاص
ولسه اخويا ومراته جيبين لنانو فستان حلو قوى ممكن اخليه للعيد

crazy ananas;13452062:


ربنا يخلهولك يارب يا ايمو ويخليلكو جوجو وتجيبولها احلى حاجه ديما يارب
وياريت تفكرى فعلا فى لبس اطفال وياسلام لو بواقى تصدير انا هكون اول واحده اجيب منك ههههههههههههه مصلحه يعنى :D
والمحل ده جبت منه فستان العيد بتاع نانو

ههههههههههههههههههه انا معاكى يا ايمو انه زحمه ومبهدل شويه بس شغال برضو ميضرش
بس لاقيت محل تانى فى نفس الحاجات بس على اريح شويه ومنظم
محل اسمه جيل تقريبا نودى كانت بتتكلم عليه فى ليه فرع قريب من مكرم عبيد قدام محل شعبان بالظبط وهو فى كل الماركات وجبت منه فانلات لنانو بنص زى بتاعت جوجو الصياد برضو جبت 2 كانت الواحده ب 15 وشفت الجاكيت بتاع حد هنا مش فاكره مين كان الصياد ب 50 اللى هو لونه روز وكان فى لبنى

ياريت يا ايمو لو هتروحى الصياد اللى فشيراتون تقوليلى اخباره ايه ونزل حاجات جديده وله لسه
وانهى احلى البواقى تصدير وله العادى

اما الركاب والكوع انا حسه انهم ملهمش لزمه قوى لان العيال مش بيسيبو حاجه لحالها وهيشيلوها فلو مرحله الزحف بدئت ممكن تلبسيها بنطلون او تقعديها فالمشايا اريح وكلها شهرين وان شااء الله تمشى بالسلامه وماتحتاجيهاش

مش محتاجه اقولك حاجات جوجو حلوه قوى ماشاء الله

والجزمه الاخيره ديه منين ياترى

:lol::lol::lol: تسلمي يا انوسة ربنا يخليكي، بصي الشجزمة دي من الصياد ما انا قلتلك، كل اللي فوق خالص ده من الصياد ما عدا الترينيج الفوشيا والفستان بالليجن
واللبس بتاع الخروج مش عاجبني هناك لسه عشان اكيد منزلوش الشتوي الجديد كله واغلب الم-حلات بتقولي نفس الكلام لسه بننزل ونفرش، والركب انا قلت بس اقول عشان اللي عايز عشان استغربت موضوع الكوع ده كمان :lol::lol::lol:

miobello;13454617:
لولى بوب ده فى واحد فى وسط البلد اللى فى مدينه نصر احسن ولا ايه اصلى معظم اللى لقته عنده كان للكبار شويه بس بصراحه قماشه الحاجه بتاعته تحفه وتحسيه ليه استايلاته المختلفه
فين بقى كيدز ميجا ستور ده ومستوره وشعبان بتاع مدينه نصر فين منهم وممكن لو عايزه اركز فى مكان يبقى فين مدينه نصر ولا ايه اصلى عايزه انوع شويه انا جبتلها حاجات من جراند مول المعادى بس عايزه اكمل فياريت تقرير وافى من تقاريك كده بالمحلات ورينجات الاسعار

اه فعلا له فرع عرفت من الكارت بتاعهم اهو، دول فرعين في وسط البلد كمان مش واحد بس واحد في قصر النيل والتاني في محمد فريد وفي شبرا في خلوصي وفي التجمع الخامس كمان شفتي بقي، بس هو عنده صغيرين وكبار واللي بيكون مش معرضو بره المقاس الصغير يعني بتتدخل تجيبلي من جوا.
وهو مصنع تقريبا لأن كل حاجة مكتوب عليها اسمه وفعلا الخامات والموديلات حلوة اوي ومميزة مشفتهاش عند حد تاني ومعايا العنواين والتليفونات بالظبط لو حد عاوزها

كيدز ميجا ستور بقي في عباس نفسه علي ناصية شارع البطراوي بس علي شماله مش يمينه، يعني جنب المكتبة الكبيرة دي ومحل الشرايط ومحل تيرجا بتاع اللبس بتاع الكبار هما لازق فيهم ويعتبر 3 ادوار وله فرع تاني مشوفتوش بس الراجل البياع قاللي في سيتي ستارز وملابس فقط بقي

ومستورة في في روكسي وفي جنينة مول الارضي خالص، مدينة نصر مليانة محلات اطفال بالهبل بجد عباس ومكرم مليانيين وجنينة كمان تحت، وصلاح الدين في مدينة نصر مليان بردو بس ده لسه الخروجة القادمة ان شاء الله اشوف الحاجات واقولكم التقرير.

Sim0;13455551:
هههههههههههههههههههههههههه
العبرة مش بالمكان ولا الناس شكلها ايه العبرة بالحجات اللي فيه يا ايمي
اينعم هو مبهدل جدا بس ممكن تطلعي منه حجات كويسة ومش غالي في نفس الوقت
اصل الواحد بيتغاظ اوي من الاستغلال بتاعة المحلات الكبيرة اللي بتستغل اسمها اكتر يعني ممكن تلاقي الحجات نفسها الصياد عند لفلي واغلى :study: وهكذا
ومبرووووووووك حجات جوجو تتهنى بيهم يارب

تسلمي يا سيمو :lol::lol::lol: انا معاكي طبعا ومش غاوية ارمي فلوسي في الارض ولا ادفع غالي ده ياريت يبقي كله رخيص زيهم، بس هقولك علي قصدي انا دخلت جوا مش عارفة اصلا امسي ولا اقف وكمان الراجل اللي بيوريني حاسة انه مش مركز كده ومش فاهمني وبيوريني حاجات مش زي اللي انا عايزاه عاملين زي التوحيد والنور كده وكمان البضاعة ملزقة اوي والواحد صعب يتفرج ويفتش فيها كلها ممكن يلاقي حاجات بالحظ كده في ايده وكمان الحاجة الاهم بقي انه بقول مثلا عنده حاجات الصياد ولقتها بنفس السعر في محل الصياد نفسه يبقي اجيبها من هناك احسن واروق مادام نفس السعر واخلي المحلات دي بقي للحاجات التانية زي بواقي التصدير او التقليد بتاع الماركات وكده.

crazy ananas;13471481:

سؤال محورى يا جماعه انتو هتشتو للعيال امتى وهتلبسوهم ايه فالاول

انا بقول نشتى على اول 11 كدا ونلبسهم حاجه بنص تحت حاجه بكم سالوبيت او بيجامه تكون بكم ايه رايكم

سيبيها حسب الجو وامشي معاه واحدة واحدة يا انوسة متفكريش من قبلها كده عشان متضمنيش تقلب الجو المفاجيء المهم انك تكوني جايبة اللبس كله وموجود عشان يبقي تحت ايديكي لو الجلو قلب بسرعة، انا بس بقالي فترة لما الجو برد من قريب كده بدل ما كنت بلبسها كت ومن غير رجلين خالص وتحتهم شاية كت، بقيت بلبسها الشاية الكت بردو وفوقها نص كم وشورت كده يعني والخطوة القادمة البسها نص تحتهم ان شاء الله.

crazy ananas;13471715:
بعض من نانو فاشون :thumbs_up:
وده ترينج من العامريه اللى مش عاجب ايمو :D الصياد ب 60



وديه شوز العيد من محل سمراء فعباس كانت ب 35

بس خلاص :)

:lol::lol::lol: انوسة انتي عارفة انك كنتي هتلاقي نفس البيجاما دي بالظبظط في حاجات جوجو اصلا ونفس اللون وكانت عجباني اوي بردو ومن الصياد نفسه وبنفس التمن 60 بردو، بس التانية دي لقتها شكلها حلو اوي بردو وفيها حركة زي الكبار كده وبنفس السعر فقلت اجيبها هي بقي وعشان كمان الفلوس ساعتها مكنتش مسعفاني.
والشوز دي كميلة اوي واول مرة اعرف ان سمراء عنده مقاسات صغيرة كده هي كانت مقاسها كام دي ، وفستان نانو اللي طنط عملت الزراير بتاعته حلو ورقيق اوي ما شاء الله.
سؤال مهم بقي جدا ليكي، انتي دايما بتكسلي تنزلي الحاجات الجديدة رغم انك صاحبة الموضوع شخصيا اومال احنا نعمل ايه بقي، انتي كده هتكسلينا معاكي :lol::lol::lol: صحصح وانا اصحصح معاك تشجيعة اومال

sweetylolla85;13472662:
حلوين اوي الحاجه يانوسه تتهني بيهم فستان العيد اللي فات شكله حلو اوي الله اكبر عقبال فستان الفرح
بنات عاوزه اشتري شرابات ليويو للبيت انا كنت جايباله ماركه هوبي الواحد ب9 عاوزه حاجه في حدود 5 او 6 لاني هاجيبله عدد واحنا اخر الشهر وهنيالك يافاعل الخير والثواب
واجيبهم منين؟

طيب ليه مجبتيش من الصياد مادام كنتي هناك بيبقي عندهم اسعار رخيصة وماركات اقل من هوبي وفعلا هو غالي للأسف بس خامته حلوة اوي، وكنت جبت من لفلي وهي اصغر 3 مع بعض كده مرنين ومقاسهم حلو بس نسيت بكام وبجيب بردو من محلات صلاح الدين.

يا بنات لو حد نزل اسكندريه قريب او يعرف اخبار عن المحلات يقولى
عشان ناويه ان شاء الله انزل اسكندريه يومين عشان اجيب الشتوى ل سيمو

هنزلكو انشاء الله حبه حاجات من اللى عندها

ياجماعه لو سمحتم سؤال هو الصياد دا ملابس بيت بس ولا فى خروج كمان وفين مكانه بالتفصيل لو هاركب من رمسيس

اناناااس الحااجه كلهاا جميله اوى ماشاء الله
عايزه اعرف التيشرتات منين ةبكام اللى عليهم مامى ودادى دول

انوسة الحاجات جميلة ماشاء الله
بس سيبك انتى انا عاجبنى اوى التشيرتات وحالا بالا تقوليلى جايباهم منين او مثلا شفتى زيهم فين شتوى صيفياى حاجة :)