نشره اخبار محلات الملابس للاطفال ( امهات مصر )

sweetylolla85;13396495:
كتكت ممكن تقوليلي بيناتون فين بالظبط عند جنينه مول والسيل ده علي الشتوي ولا الصيفي والمقاسات من سن كام يعني ممكن الاقي حاجه مقاس 3 شهور او 6شهور

بنيتون لما تدخلي البطراوي ورايحة علي جنينة قبله عالطول هتلاقيه علي يمينك وتطلعي كام سلمة كده اسمه يونايتد كلورز اوف بينيتون وساعتها اللي شفته كله كان صيفي بس انا متفرجتش علي حاجات الاطفال انا شفت الكبار بس سواء ليا او لجوزي بس الخصم علي كله 80 %

Sim0;13396764:


تسلمي يا ايمي وحجات جوجو عسوووووووووووووولة ماشاء الله والفستان التيريكو عجبني اوي ماشاء الله
السلوبيتات الهاي كول كنت جيباه بيت بس فكرت انها تنفع خروج برضه لانهم خامتهم حلوووووووين وجميلة والوانهم حلوة فبفكر اننا اروح اجيب باقي الالوان منهم ان شاء الله
وكان الواحد ب20 تقريبا
ومن التوحيد والنور وكمان البنطلونات الداخليه من عندهم والباكيت فيها اتنين لونين ب 20 يعني البنطلون ب10

تسلمي يا سيمو، انا بقي عايزة اجيب البنطلونات دي ضروري بس خايفة في الخروج تبان ويبقي شكلها مش ظريف :(:(

*pippo*;13397568:
دى حاجات الأوجى
:)
يارب تعجبكم

ودى بلوزة صوف من ادمز

ودى بالرينا من ادمز برضه

وده الترينج

ودى شوز العيد اللى فات كانت من زيروتوفايف برضه

بيبو ما شاء الله كوكو خالص مالص جوزي اول ما وريته البلوزة البني عشان عاملة زي الكبار كده قاللي كوتي كوتي :lol::lol: والبالرينا بردو

توتي تسلمي ياجميله الف مبروك علي حاجه هانيا ومايا يارب طيب ممكن توصفيلي جراند مول اروحه ازاي انا هاركب المترو لاني من عين شمس والمحل اسمه بامبينو ؟ في الدور الكام

CuTie KaTkOoTa;13402508:
بنيتون لما تدخلي البطراوي ورايحة علي جنينة قبله عالطول هتلاقيه علي يمينك وتطلعي كام سلمة كده اسمه يونايتد كلورز اوف بينيتون وساعتها اللي شفته كله كان صيفي بس انا متفرجتش علي حاجات الاطفال انا شفت الكبار بس سواء ليا او لجوزي بس الخصم علي كله 80 %

مممممممممم انا افتكرته للاطفال طيب في محلات ايه تاني غير لفلي في مدينه نصر فيها لبس حلو

sweetylolla85;13399027:
سيمو وبيبو حاجات البنات حلوه اوي اوي ماشاء الله مبروك عليهم عقبال فساتين الافراح يارب بتغيظونا عشان لبس البنات احلي بكتير من لبس الخناشير8o|8o|8o|8o|
سيمو ممكن تقوليلي فروع العامريه فين
سالوبيتات الصياد ماشاء الله حلوه اوووووووووووووووووي واسعارها تحفه ان شاء الله اما اشتؤي اصور الحاجه وانزلكو صورها

هههههههههههههههه حلوة خناشير
بس والله بيكون في حجات للبوي حلوة اوي وكوتي خالص
انا معرفش غير فرع العامرية اللي في مدينة نصر بس في مكرم عبيد بعد التوحيد والنور

CuTie KaTkOoTa;13402508:

تسلمي يا سيمو، انا بقي عايزة اجيب البنطلونات دي ضروري بس خايفة في الخروج تبان ويبقي شكلها مش ظريف :(:(

انتي عايزة تلبسي جوجو البنطلون تحت الكولون
مش لازم خالص لان الكولون ليكرا وبيدفي جدا هاتي نوع كزروني
وياستي لو الدنيا برد اوي مش لازم وقتها جيب او فستان قصير وتحته كولون وقتها لبسيها بنطلون جينز او سالوبيت مبطن
بمناسبة السالوبيتات الخروج المبطنة في لفلي لما كنت هناك انا وانوس كانوا لسه جايبين سالوبيتات مبطنة حلوة اوووووووووووووي وكانوا لسه بيعلقوها انا ناوية اروح اشتري واحد ان شاء الله كان ب 153 تقريبا وكان تريكو ومبطن من جوا

sweetylolla85;13403394:
توتي تسلمي ياجميله الف مبروك علي حاجه هانيا ومايا يارب طيب ممكن توصفيلي جراند مول اروحه ازاي انا هاركب المترو لاني من عين شمس والمحل اسمه بامبينو ؟ في الدور الكام

مممممممممم انا افتكرته للاطفال طيب في محلات ايه تاني غير لفلي في مدينه نصر فيها لبس حلو

في مكرم عبيد (لفلي-وكيدز بارك بعد التوحيد والنور-سيتي ستارز في محلات كتيييييييييييييييييير عندك زارا وبينتون ومزر كير ونكست ومحلات كتير)
عباس العقاد(جنينة مول فيها محلات كتيييييير )
ده غير المحلات العادية زي العامرية ومحلات التصدير بس مش طول الوقت عندهم حجات حلوة

هو فين جراند مول ده ؟؟
انا لسه جايبه لصوفيا غويشتين من الصايغ بتاعى ب 1400 جنيه
قوولوي فين جراند مول ده والمحل بتاع دهب الاطفال ده اسمو ايه ؟؟ وفى الدور الكام ؟؟

انا رايحه النهارده سيتى يتارز هبقى اقولكم ايه الاخبار لما ارجع ان شاء الله

نسيت انزلكم الحجات دي :)

دي سالوبيتات قطن بكم ورجل مقفولة خريفي جبتهم من سبينس جبتهم لما خرجت مع انوسه المرة اللي فاتت

الباكيت فيه 3 ب 85 من انتاج سبينس وخامتهم حلوووووووووووة

ودي شوز كنت جيباها من اجيال فور كيدز ب 30






انوووووووووووووووووووسة تعالي بأة وحشتيني كل دة قاعدة عند طنط :p

sweetylolla85;13403394:


مممممممممم انا افتكرته للاطفال طيب في محلات ايه تاني غير لفلي في مدينه نصر فيها لبس حلو

لا هو فيه اطفال بردو بس هو مش مخصص ليهم لوحدهم يعني اقصد كده وانا ساعتها مهتمش اتفرج لأني لقيت كله صيفي للكبار فقلت اكيد للبيبيهات بردو هايبقي كده.

Sim0;13404281:
هههههههههههههههه حلوة خناشير
بس والله بيكون في حجات للبوي حلوة اوي وكوتي خالص
انا معرفش غير فرع العامرية اللي في مدينة نصر بس في مكرم عبيد بعد التوحيد والنور

انتي عايزة تلبسي جوجو البنطلون تحت الكولون
مش لازم خالص لان الكولون ليكرا وبيدفي جدا هاتي نوع كزروني
وياستي لو الدنيا برد اوي مش لازم وقتها جيب او فستان قصير وتحته كولون وقتها لبسيها بنطلون جينز او سالوبيت مبطن
بمناسبة السالوبيتات الخروج المبطنة في لفلي لما كنت هناك انا وانوس كانوا لسه جايبين سالوبيتات مبطنة حلوة اوووووووووووووي وكانوا لسه بيعلقوها انا ناوية اروح اشتري واحد ان شاء الله كان ب 153 تقريبا وكان تريكو ومبطن من جوا

ما هي المشكلة يا سيمو اني شايفة اغلب الحاجات اللي عجباني او اللي في المحلات فساتين او دريلات وكلهم قصيرين مفيش منهم طويل يعني الكولون هايتلبس كتير، انا كنت جايبلها واحد كان حلو اوي وتقيل ولونه جميل ماركة hooby الماركة دي بردو بحبها اوي ونضيفة لأني فيه منها شرابات للكبار حلوة جدا.
طيب معقول هنلبسهم البنطلونات دي في البيت تحت البيجاما ولما يخرجوا يعني الجو بيبقي بره اكتر يبقي كولون بس ومن فوق يبقوا متقلين وتحت قطعة واحدة مش عارفة خايفة اوي، بس فكرة السالوبيت دي حلوة كنت بفكر فيها انا كنت جايبة واحد وهي صغيرة كان تحفة.
هابقي اروح تاني ان شاء الله اشوف الجديد.

في فرع للعامرية في شارع مصدق في الدقي جمب صيدلية العزبي وفي وشه على طول لفلي

سيمو تسلمي ياجميله ان شاء الله هابقي اروح مدينه نصر واشوف كيدز بارك والعامريه طبعا ده غير لفلي اللي معرفش غيره:lol::lol::lol::lol:
هوبي تسلمي ياجميله بس العامريه ده حاجته حلوه؟
انا لسه راجعه حالاااااااااااااااا من عند الصياد عنده لبس بيت حلو اوي اوي واسعاره معقوله بالنسبه للفلي يعني اغلي سالوبيت جبته كان ب75 وكله بيلعب في الخمسينات واشتريتله بنطلون جينز ب37.5 وتي شيرت ب29 وجاكيت سكر جدااااااااااا ب55 جنيه بفكر اخليه يبقي طقم العيد وجبت بناطيل اللي بتتلبس تحت الواحد ب10 جنيه
بس لبس الخروج مش حلو الصراحه معجبتنيش خالص بس بجد لبس البيت حلو والاسعار الي حد كبير كويسه جدا
شويه وهاصورهالكم وانزلكم الحاجات

ما شاء الله
اللهم بارك فى اولادكو
حاجاتكو كلها تحفة بجد
يا رب يلبسوها ويدوبها وهما بصحة وعافية وهنا

احب اضيف حاجة
ان فيه فرع للعامرية فى 6 اكتوبر
وانا روحت دانيال هوا عامل سيييييييييييل حلو على الخريفى والشتوى بصو عليه ممكن تلقطلكو حاجة
روحت ماذر كير اللى فى داندى مول
حسيت انى لو استنيت شوية حينزل الشتوى اللى بجد

تووووووووووتى
فين المحل بتاع الدهب دة بالتفصيل يا حبى


اه كمان ابقو بصو على ويف

ولو د راح تيمناد يبقى يقول ايه الاخبار

بنات انا صورتلكو الحاجات
ده التي شيرت والجاكيت

ودي صوره تانيه

وده البنطلون

ودول بناطيل بتتلبس تحت الهدوم

ودي بقي سالوبيتات


دي اغلي واحده اللي ب75 جنيه

دول بقي الباقي

ودي واحده تانيه

دي شكلها غريب بس عجبتني

قولولي رايكم بقي ومتنسوش التقييم

ماشاء الله ياسويتي اللبس جمييييييييييييييييييييل
ذوقك حلو ماشاء الله

بيبو ولولا معلش تصحيح معلومة ولتها بينيتون اللي عند جنينة اسمه بينيتون اوت ليت وتقريبا بيعتبروه الستوك بتاعه

لولا الحاجة جميلة اوي ما شاء الله وخصوصا اول واحد السويتير اللي تحته تيشيرت

ماشاء اللله يا بنات حاجتكم جميلة
شوفو بالنسبة لمحل الدهب اسمة بامبينو في الدور الاول في جراند مول المعادى
بس حقيقى معرفش ازاى العنوان لجراند مول لانى اصلا معرفش اروح حتة لوحدى :) بتوة وبتبئة حوسة
ياريت اللى عارف وصفة عنوان جراند مول يقولها بئة احسن منى
وللامانة انا عررفت المحل من هدى كانت قالت علية زمان من وهية حامل ههه
بس انا فضلت فاكرة لغاية ما روحتة

انا شفت لكاليك حلوة اوي وكميلة خالص للبيت بس مقاسهم من سنة او 11 شهر وطبعا كبار علي جوجو وزعلت اوي كنت خلاص هجيب واحدة وفيه منهم ماركتين واحدة ب 29 والتانية ب 39

وشفت شوزات بردو كميلة بنوتاتي خالص ب 85 تقريبا وانا جبت واحدة ستايل كاجوال شوية غير البنوتاتي دول ب 55 بس هتأكد بكرة واقولكم علي كله.

بنات انا بجد النهاردة شفت لبس حلو اوي ونفسي اجيبه ليا انا مش لجوجو هههههه ولبس لفلي اقل منه فعلا بس عشان انا لما رحته كان لبس خريفي والشتوي كان قليل لكن ده بقي شتوي بجد وتحففففففففففففة انا جبت كام حاجة كده النهاردةو ولسه بإذن الله هكمل بكرة وهابقي اصورلكم الحاجات كلها بقي مرة واحدة وجبت مشاية كمان جميلة اوي ليها لونها بينك وفيها مستويات وبتتثبت وبتتقلب كرسي هزاز وكرسي اكل كمان وبتعمل موسيقي.

مبروك ياكوتة الحاجات عاوزين الصورر بئة :)

الكاليك الحلوة شفتيها فين؟؟
انا عاوزة اجيب لمايا مجموعة كدة علشان الشياكة على البيجامة

انا بتابع الموضوع ده وحجاتكم كلها احلى من بعض ماشاء الله

بس هو فى سؤاااااال هام جدا يلح عليا الحاحا فظيعا..
سؤال مهم

سؤال ضرورى










اناناسه كانت بتقول نزلت انا وسيمو ... هو انتوا قرايب ؟؟؟ :D :D

ميرسى يا بنات ربنا يخليكم كلكم ذوق
:)

سويتى ما شاء الله كميلييييييييييييين خاااالص
السويتر ده زى بتاع اوجى :)

ايمى مبروك يا قمر على الحاجات
قوليلى اللبس الشتوى الشيك ده شوفتيه فين؟؟

طب ياريت يا بنات ترسونى بجد انا عايزة اجيب لبس خروج لأوجى مش عارفة انزل المهندسين يعنى لفلى وبينتون وكده؟ ولا اروح سيتى ستارز؟؟ انا عايزة اسعار مش غالية قوى خلى بالكوا وهنزل مخصوص من اكتوبر يعنى عايزة حاجة تستاهل المشوار :(

lifedrop;13410164:
ما شاء الله
اللهم بارك فى اولادكو
حاجاتكو كلها تحفة بجد
يا رب يلبسوها ويدوبها وهما بصحة وعافية وهنا

احب اضيف حاجة
ان فيه فرع للعامرية فى 6 اكتوبر
وانا روحت دانيال هوا عامل سيييييييييييل حلو على الخريفى والشتوى بصو عليه ممكن تلقطلكو حاجة
روحت ماذر كير اللى فى داندى مول
حسيت انى لو استنيت شوية حينزل الشتوى اللى بجد

تووووووووووتى
فين المحل بتاع الدهب دة بالتفصيل يا حبى


اه كمان ابقو بصو على ويف

ولو د راح تيمناد يبقى يقول ايه الاخبار

ازيك يا ندى
قوليلى لو سمحتى العامرية اللى فى اكتوبر ده فين؟
وكمتن ايه تيمناد ده؟
وويف انا روحته بس مفيهوش بيبيهات .. انتى شوفتى فيه بيبيهات؟؟؟؟ فين طيب؟
وجربتى تروحى المنطقة اصناعية؟ او تعرفى محلات فيها لبس خروج شيك فى اكتوبر؟

*pippo*;13422242:
ازيك يا ندى
قوليلى لو سمحتى العامرية اللى فى اكتوبر ده فين؟
وكمتن ايه تيمناد ده؟
وويف انا روحته بس مفيهوش بيبيهات .. انتى شوفتى فيه بيبيهات؟؟؟؟ فين طيب؟
وجربتى تروحى المنطقة اصناعية؟ او تعرفى محلات فيها لبس خروج شيك فى اكتوبر؟

فرع العامريه علي المحور الخدمى يا بيبيو
تمشي من جمب الحصري و تفضلي ماشيه على طول هتلاقيه بعد التوحيد و النور بحاجه بسيطه حبه محلات كده جمب بعض و فيه جل كمان هناك
و جوزى بيقلي فيه محل في المنطقه الصناعيه بتاع لبس اطفال هو حاطط اعلانات على المحور بره قبل ما تدخلي اكتوبر بس احنا مش رحناه و معلش يا جميل اتاخرت في الرد عليكي بس اصل جوزى مشغول اوى الايام دى بس ان شاء الله ارد عليكي بليل

بنات عايزة اقولكم انا انا بجد تعبت من اللي بشوفه عاملينه للأطفال ايه ده بجد عالم تاني خالص، لسه امبارح شايفة عاملين درامز كامل ليهم صغنونو كده وفظيع :lol::lol::lol:

toty858;13420611:
مبروك ياكوتة الحاجات عاوزين الصورر بئة :)
الكاليك الحلوة شفتيها فين؟؟
انا عاوزة اجيب لمايا مجموعة كدة علشان الشياكة على البيجامة

اللكاليك كانت في مستورة اللي في جنينة وهما عاملين زي هاف بوت كده وفرو من جوا فيه الفرو الناعمالطويل وفيه الفرو القصير ده عارفاه انا كنت هجيب القصير ومن بره بقي يا قماش في خط جلد كده صغير يا اما قطيفة والوانهم بينك ولبني وبيج ده اغلب اللي موجود والاشكال مش كتيرة هما حوالي 6 اشكال بس كانوا كميلة اوي وحسيتهم فعلا بيدفوا مووووووووت وشفت كولونات كزاروني بردو بس في محل تاني هناك الواحد ب 29 وشفت ماركة تانية في كذا محل تانيين حلوة اوي ومتينة وتقيلة بردو بس مركزتش في اسمها.

Celeen;13421494:


اناناسه كانت بتقول نزلت انا وسيمو ... هو انتوا قرايب ؟؟؟ :D :D

لا يا بنتي ما نتي عشان مختفية حضرتك كان زمانك عرفتي انهم اتقابلوا سوا قريب وخرجوا مع بعض عشان يتعرفوا علي بعض وبيبهاتهم كمان.

*pippo*;13422234:


ايمى مبروك يا قمر على الحاجات
قوليلى اللبس الشتوى الشيك ده شوفتيه فين؟؟

طب ياريت يا بنات ترسونى بجد انا عايزة اجيب لبس خروج لأوجى مش عارفة انزل المهندسين يعنى لفلى وبينتون وكده؟ ولا اروح سيتى ستارز؟؟ انا عايزة اسعار مش غالية قوى خلى بالكوا وهنزل مخصوص من اكتوبر يعنى عايزة حاجة تستاهل المشوار :(

كنت هاروح امبارح زيرو ولفلي بتوع المهندسين بس الوقت مقضاش خالص عشان مدينة نصر مليااااااااااانة.

*pippo*;13422242:

وجربتى تروحى المنطقة اصناعية؟ او تعرفى محلات فيها لبس خروج شيك فى اكتوبر؟

فيه محل هناك دحلته مرة من فترة كبيرة اوي من قبل الجواز مع حمايا اسمه روكي فور بس طبعا ولا ركزت في اي حاجة فمعرفش هو حلو للبيبهات ولا لأ.