نشره اخبار محلات الملابس للاطفال ( امهات مصر )

:(:( نسيت اقولكم رحت عشان ابدل الفستان اللي فيه الوان كتيرة دي واجيب الاصغر لقيته خلص

الحاجات الجديدة اهي بقي ولسه هكمل حاجات فيهم بردو ان شاء الله

جاكت معلش كل الالوان مش عارفة ليه مش بتبان صح ما علينا


بنطلون



سالوبيت ومعاه البادي بتاعه هو سالوبيت مقفول من تحت وانا لسه هجيبله هاي كول صوف شفتها حلوة اوي ولقيت قطيفة كمان وقطن خامتين واحدة سادة وواحدة مدلعة بس انا هجيب الصوف عشان يدفي طبعا.



بصوا بقي عشان انا زهقت عمالة اجرب اصور في السكيرت دي ولونها بيضرب فاقع اوي في الصور وبيخبي تفاصيلها والكرانيش بتاعتها، المهم هي فوشيا


وعلي فكرة كان فيه واحدة جينز ظريفة اوي اللي هي بتبقي منفوخة من تحت دي وعاملة فستونات كده مش عارفة اشرحلكم

ترينيج مبطن


شور جينز



كان فيه بقي بالطول عاجبني اوي وسويتر بردو وحاجات تانية كتيرة بس لسه ملحقتش اشوفهم عشان كانوا بيقفلوا :lol::lol::lol:


اوريكم المشاية بالمرة بقي

معلش انا عمالاها هزاز دلوقتي فرافعة العجل

ما شاء الله
الحاجه بتاعه ولادكم جميله ما شاء الله

كتكت المشايه منين وبكام
وبتقعديها فيها من امتى

صوت العيون ʚϊɞ ام سندس ʚϊɞ;13424833:
ما شاء الله
الحاجه بتاعه ولادكم جميله ما شاء الله

كتكت المشايه منين وبكام
وبتقعديها فيها من امتى

المشاية ب 275 وفيه اسعار واشكال كتيرة اوي ، كنت هجيب واحدة تانية خالص الاول من محل تاني وعجباني اوي ب 247 بس الهانم طلعت قصيرة علي اول مستوي فيها ومش لامسة الأرض إلا بطراطيفها، المهم انا بحطها فيها من دلوقتي عادي بس برفعها يعني مش بخليها تمشي بيها طبعا عشان لسه رجليها مجمدتش اوي والدكتور كان قايلي مش قبل 9 شهور يعني مفروض نخليهم هما يبتدوا بالخطوة الاولي او علي الاقل لما يقفوا لوحدهم لكن مش احنا اللي نعملهم تحفيز من بدري كده، او بخليها هزاز ودي من محل ماما نونة في عباس

ايمي مبرووووووووووووووووووووك الحجات جميلة ماشاء الله

Sim0;13416618:
ماشاء الله ياسويتي اللبس جمييييييييييييييييييييل
ذوقك حلو ماشاء الله

ربنا يخليكي ياسيمو متحرمش منك ابدا يارب

CuTie KaTkOoTa;13419425:
بيبو ولولا معلش تصحيح معلومة ولتها بينيتون اللي عند جنينة اسمه بينيتون اوت ليت وتقريبا بيعتبروه الستوك بتاعه

لولا الحاجة جميلة اوي ما شاء الله وخصوصا اول واحد السويتير اللي تحته تيشيرت

ميرسي ياايمي ياجميله اهو قولنا نروشه بقي

toty858;13420170:
ماشاء اللله يا بنات حاجتكم جميلة
شوفو بالنسبة لمحل الدهب اسمة بامبينو في الدور الاول في جراند مول المعادى
بس حقيقى معرفش ازاى العنوان لجراند مول لانى اصلا معرفش اروح حتة لوحدى :) بتوة وبتبئة حوسة
ياريت اللى عارف وصفة عنوان جراند مول يقولها بئة احسن منى
وللامانة انا عررفت المحل من هدى كانت قالت علية زمان من وهية حامل ههه
بس انا فضلت فاكرة لغاية ما روحتة

ربنا يكرمك ياتوتي خلاص هاخلي جوزو يوديني بقي يتصرف ويوديني

*pippo*;13422234:
ميرسى يا بنات ربنا يخليكم كلكم ذوق
:)

سويتى ما شاء الله كميلييييييييييييين خاااالص
السويتر ده زى بتاع اوجى :)

ايمى مبروك يا قمر على الحاجات
قوليلى اللبس الشتوى الشيك ده شوفتيه فين؟؟

طب ياريت يا بنات ترسونى بجد انا عايزة اجيب لبس خروج لأوجى مش عارفة انزل المهندسين يعنى لفلى وبينتون وكده؟ ولا اروح سيتى ستارز؟؟ انا عايزة اسعار مش غالية قوى خلى بالكوا وهنزل مخصوص من اكتوبر يعنى عايزة حاجة تستاهل المشوار :(

ميرسي يابيبو ده من زوقك بتاع اوجي احسن اكيد
بنات انا بجيب بامبرز سعودي ال42 واحده ب65 جنيه انتو بتجيبوه بكان ده وزن من 4ل9 كجم
وفي علبه اكبر جامبو يعني؟

*pippo*;13422242:
ازيك يا ندى
قوليلى لو سمحتى العامرية اللى فى اكتوبر ده فين؟
وكمتن ايه تيمناد ده؟
وويف انا روحته بس مفيهوش بيبيهات .. انتى شوفتى فيه بيبيهات؟؟؟؟ فين طيب؟
وجربتى تروحى المنطقة اصناعية؟ او تعرفى محلات فيها لبس خروج شيك فى اكتوبر؟

ازيك يا بيبو وازاى اوجى
حاجتها تحفة ما شاء الله

تيمناد دة محل هدوم للكبار وللاطفال
انا عارفاه فى المنصورة
وشوفت حاجاته فى دانيال دى شارميه اللى فى سيتى مول اللى فى الهرم
ويف بلاقى فيه مقاس جنى وساعات كمان بلاقى حاجات صغيرة عليها فشووفى كدة ودورى فيه برضه

والمنطقة الصناعية قصدك اللى هيا معارض مصانع اللى جمب بعضهم دى؟؟
دى روحتها جبت لجنى حاجات من ويف صيفى فى السيل للسنة الجاية ان شاء الله
اسعارهم حلوة اوى
بس خلى بالك فى درجة اولى وتانية وتالتة هما بيعرفوكى


بالنسبة للعامرية هوا فى مول كدة صغير اسمه الاسراء بلازا وجنبه جيل وفيه محل جنبهم كدة برضه لحاجات الاطفال

سالت جوزى قالى جنب خير زمان اللى بيبقى بعد التوحيد والنور
عارفة اسواق المرشدى؟؟
هوا جنبه

بالنسبة لمحلات اطفال فى اكتوبر
انا فى الصيفكنت روحت دايموند مول كان فيه محل فى الارضى تقريبا فيه حاجات عسولة
ومحل فى الدور الاخير او اللى قبله كان فيه حاجات لفلى
ابقى بصى عليهم قبل ما تروحى المهندسين مخصوص عشان لفلى

لكن بصراحة مروحتوش فى الشتا

CuTie KaTkOoTa;13424483:
بنات عايزة اقولكم انا انا بجد تعبت من اللي بشوفه عاملينه للأطفال ايه ده بجد عالم تاني خالص، لسه امبارح شايفة عاملين درامز كامل ليهم صغنونو كده وفظيع :lol::lol::lol:

اللكاليك كانت في مستورة اللي في جنينة وهما عاملين زي هاف بوت كده وفرو من جوا فيه الفرو الناعمالطويل وفيه الفرو القصير ده عارفاه انا كنت هجيب القصير ومن بره بقي يا قماش في خط جلد كده صغير يا اما قطيفة والوانهم بينك ولبني وبيج ده اغلب اللي موجود والاشكال مش كتيرة هما حوالي 6 اشكال بس كانوا كميلة اوي وحسيتهم فعلا بيدفوا مووووووووت وشفت كولونات كزاروني بردو بس في محل تاني هناك الواحد ب 29 وشفت ماركة تانية في كذا محل تانيين حلوة اوي ومتينة وتقيلة بردو بس مركزتش في اسمها.

لا يا بنتي ما نتي عشان مختفية حضرتك كان زمانك عرفتي انهم اتقابلوا سوا قريب وخرجوا مع بعض عشان يتعرفوا علي بعض وبيبهاتهم كمان.


كنت هاروح امبارح زيرو ولفلي بتوع المهندسين بس الوقت مقضاش خالص عشان مدينة نصر مليااااااااااانة.


فيه محل هناك دحلته مرة من فترة كبيرة اوي من قبل الجواز مع حمايا اسمه روكي فور بس طبعا ولا ركزت في اي حاجة فمعرفش هو حلو للبيبهات ولا لأ.

انا جوزى جاب لجنى برضه حاجات من روكى فور
محستهاش واو
بس معقولة فكرتينى بيه ممكن اروحه ابص عليه


حاجات جوجو حلوة اوى وعسولة ما شاء الله
وانا تقريبا شوفت الكاليك اللى انتى بتوصفيها دى عند جيل
بس كانت صغيرة كلها مقاس اقل من سنة

كوتة حلوة ماشاء الله الحاجات السالوبيت القطيفة دة اختى جيباه لبنتها من لفلى :)
والمشاية شبة بتاعت مايا مع شوية اختلافات في اللعب

بالنسبة للبامبرز اختى عرفتنى على بامبرز اسمة كوتشي سليبي صناعة تركية واحد في صيدلية مصر قالها علية وقالها بيتباع فين تحفة بجد وزن مايا 40 واحدة ب32 ووزن هانيا ب 28

Celeen;13421494:


بس هو فى سؤاااااال هام جدا يلح عليا الحاحا فظيعا.
اناناسه كانت بتقول نزلت انا وسيمو ... هو انتوا قرايب ؟؟؟ :D :D

:lol: متخليش حاجه تلح عليكى ابدا
وحمدلله عالسلامه بالمناسبه وخالينا نشوف مشاركتات وله مش بتجيبى لبنوتك لبس ؟؟ ;)

اما بالنوسبه للسوال اللى بيلح احنا فعلا قرايب نبئا ولاد منطقه واحده هههههههههههه
بس مش من عيله واحده فنعتبر صحاب وقولنا نخلى نانو ولومى يشوفو ناس غيرنا من باب التغير
ده غير ان سيمو تستاهل ان الواحد يقوى صداقته بيها :thumbs_up:

CuTie KaTkOoTa;13424787:

جاكت معلش كل الالوان مش عارفة ليه مش بتبان صح ما علينا

بصوا بقي عشان انا زهقت عمالة اجرب اصور في السكيرت دي ولونها بيضرب فاقع اوي في الصور وبيخبي تفاصيلها والكرانيش بتاعتها، المهم هي فوشيا

وعلي فكرة كان فيه واحدة جينز ظريفة اوي اللي هي بتبقي منفوخة من تحت دي وعاملة فستونات كده مش عارفة اشرحلكم
ترينيج مبطن

شور جينز

ايمى كالعاده بجد زوقك حلو قوى يابنتى افتحى المحل اطفال هيمشى وكفايه اننا هنشترى منك ههههههههههه
عوزه اعرف انتى جبتى الجاكيت ده بكام ومنين وكمان الترنج بكام ومنين والشوز كمان وهل فى مقسات منها
وكمان الجيبه اللى جبتيها واللى شفتيها هههههههههه طمع بئا برضو منين وبكام ;)

صوت العيون ʚϊɞ ام سندس ʚϊɞ;13424833:
ما شاء الله
الحاجه بتاعه ولادكم جميله ما شاء الله
كتكت المشايه منين وبكام
وبتقعديها فيها من امتى

تيت تيت تيت هذه السؤال ربما يكون مخالفا او خارج عن الموضوع تيت تيت تيت
بس عموما انت ممكن تقعدى فيها سندس من ال7 او 8 او لو بدئت تزحف وعوزه تريحى نفسك بدل ماتمشى وراها وتجبيها من كل حته شويه

sweetylolla85;13429318:

بنات انا بجيب بامبرز سعودي ال42 واحده ب65 جنيه انتو بتجيبوه بكان ده وزن من 4ل9 كجم
وفي علبه اكبر جامبو يعني؟

مش عشان حاجات يويو حلوه تسئلى سؤال مخالف يعنى هههههههههههه
ربنا يخلهولك يارب ويباركلك فيه
انا معرفش اجابه ومعلش يا لولا ياريت تحطيه فالمكان الصح عشان نحافظ على مصداقيه القناه
ماتنسيش ان ديه نشره مباشره ماينفعش نقول اسعار البامبرز وصلت كام لان ده فى قناه تانيه
:lol:
------------------------------
على فكره يا ايمى كولون كزروانى فى لفلى ب 24 اقل من جنينه شويه

ايمى سؤال مولح عليا بما اننا فى فقره الاسئله انتى بتنزلى مع مين تشوفى هدوم لجوجو :)

CuTie KaTkOoTa;13419425:
بيبو ولولا معلش تصحيح معلومة ولتها بينيتون اللي عند جنينة اسمه بينيتون اوت ليت وتقريبا بيعتبروه الستوك بتاعه

لولا الحاجة جميلة اوي ما شاء الله وخصوصا اول واحد السويتير اللي تحته تيشيرت

السلام عليكم
ازيك يا جميل والله الواحد مفتقدكم جدا بس بجد مفيش وقت خالص ان الواحد يدخل زي الاول انا كنت عايزة اسالك فين المحل ده بظبط

*pippo*;13397568:
دى حاجات الأوجى
:)
يارب تعجبكم

ده سالوبيت من سنتربوينت


وده جينز من ادمز كيدز كان اخر قطعة


ودى بلوزة صوف من ادمز


ودى بالرينا من ادمز برضه


وده الترينج


وده سويتر من زيروتوفايف ودوبل فيس


والسالوبيت ده برضه من زيروتوفايف


وده كمان من زيروتوفايف


ودى شوز العيد اللى فات كانت من زيروتوفايف برضه

ما شاء الله الحاجات شيك جدا بس فين المحلات ديه عنوانها فين

CuTie KaTkOoTa;13419425:
بيبو ولولا معلش تصحيح معلومة ولتها بينيتون اللي عند جنينة اسمه بينيتون اوت ليت وتقريبا بيعتبروه الستوك بتاعه

لولا الحاجة جميلة اوي ما شاء الله وخصوصا اول واحد السويتير اللي تحته تيشيرت

يعنى المحل جوة جنينة ولا براه؟؟؟ وسؤال تانى فين زيرو تو فايف ده واسعاره ايه؟

على فكرة محلات بواقى التصدير فيها حاجات حلوة برضه

يعنى انا شوفت عند شعبان سويت شيرت لينا احنا ماركة نايكى الاصلى وماركة بوما الاصلى
وكان ب 50
وواحدة قريبتى شارية السنة اللى فاتت ترينج لبنتها من محل بواقى تصدير ماركة بس مش فاكرة ايه كان ب 60

ممكن تلاقو حاجات حلوة وشيك وبسعر اقل

سيلييييييييييييييييييييييييييييييييييين

اخبار محلات المنصورة ايه؟؟
انزلى بالتقرير يلا

lifedrop;13429645:

انا جوزى جاب لجنى برضه حاجات من روكى فور
محستهاش واو
بس معقولة فكرتينى بيه ممكن اروحه ابص عليه


حاجات جوجو حلوة اوى وعسولة ما شاء الله
وانا تقريبا شوفت الكاليك اللى انتى بتوصفيها دى عند جيل
بس كانت صغيرة كلها مقاس اقل من سنة

تسلمي يا نودي اه ما انا بقولك دخلته من غير ما اركز يعني عشان كان قبل الجواز بس تقريبا اسعاره كويسة وحمايا بيقولي انه كان زمان بيجيب لجوزي منه وهو بيبي :lol::lol::lol:
لأ اللكاليك اللي شفتها للأسف كلها سنة ، بس اول مرة اعرف ان جيل عنده حاجات كده بردو ، ممكن ابقي اروح ابص بصة كده.

toty858;13430636:
كوتة حلوة ماشاء الله الحاجات السالوبيت القطيفة دة اختى جيباه لبنتها من لفلى :)
والمشاية شبة بتاعت مايا مع شوية اختلافات في اللعب

بالنسبة للبامبرز اختى عرفتنى على بامبرز اسمة كوتشي سليبي صناعة تركية واحد في صيدلية مصر قالها علية وقالها بيتباع فين تحفة بجد وزن مايا 40 واحدة ب32 ووزن هانيا ب 28

المشاية جوجو صدعتنا بيها شغالة عليها اهي طول ما هي شبعانة وهادية بحطها فيها والاصوات خلاص دماغي هتنفجر بقينا نشيل البطارية بالليل ونحطها الصبح، السالوبيت شكله كميل اوي عليها في اللبس بس انا هجيبله بادي صوف ان شاء الله مفروض كنت اجيب منه لونين امبارح بس مقاسها ملقتش فيه كل الالوان لسه لقيت الكبار والصغيرين الوان قليلة وقالولي لسه هايجيبوا تاني عشان احنا لسه في اول الموسم ولسه بيكملوا فرش.
البامبرز ده كله بيشكر فيه ما شاء الله واللي اكتشفته بقي ن كلام البنات كلهم باختلاف انواع كتيرة ان الصناعة التركي حلوة اوي في الحفاضات.

crazy ananas;13430661:

ايمى كالعاده بجد زوقك حلو قوى يابنتى افتحى المحل اطفال هيمشى وكفايه اننا هنشترى منك ههههههههههه
عوزه اعرف انتى جبتى الجاكيت ده بكام ومنين وكمان الترنج بكام ومنين والشوز كمان وهل فى مقسات منها
وكمان الجيبه اللى جبتيها واللى شفتيها هههههههههه طمع بئا برضو منين وبكام ;)
------------------------------
على فكره يا ايمى كولون كزروانى فى لفلى ب 24 اقل من جنينه شويه

ايمى سؤال مولح عليا بما اننا فى فقره الاسئله انتى بتنزلى مع مين تشوفى هدوم لجوجو :)

تسلمي يا انوووووسة انتي اللي كلك ذوق، انا بنزل مع جوزي دايما وقليل اوي بنزل مع صحابي اللي مش متجوزين :lol::lol::lol: بس بيبقي يوم بهدلة ليا انا اوي اوي بجوجو.
بابا كان بيسألني بردو النهاردة يمشي محل اطفال، وشكلنا كده هنعمله حاجة تانية خالص ملهاش علاقة.
الكولون فعلا اغلي عشان كده قلت اقولكم عشان تخلوا بالكم انا استغربت اوي بس المحل ده نفسه اللي شفت فيه الشوزات والباليرنات الكميلة الواحدة ب 85
الجيبة دي كانت 84 من محل لولي بوب والجينز نسيت كانت بكام.
والجاكت البني التريكو ب 148 والبنطلون البني بردو ب 96 والسالوبيت الروز المنقوش ده ومعاه البادي السالوبيت بتاعه ب 74 من محل كيدز ميجا ستور
والترينيج ده من مستورة ب 64
والشوز الجينز دي ب 55 من محل كوكينو وكان فيه منها اكبر اه بس مش عنده كتير يعني معرفش ممكن تلاقي المقاس بسهولة ولا لأ، هو طلعلي الاول واحدة كبيرة وبعدين جابلي دي الاصغر بس هو طلع له فرع بره جنينة كمان في عباس عند زلط او قصاده مفهمتش منه اوي وكيدز ميجا ستور بردو طلع له فرع في سيتي ستارز بس لبس بس بقي مفهوش مستلزمات وكده زي فرع عباس

البرج اليسر;13432814:
السلام عليكم
ازيك يا جميل والله الواحد مفتقدكم جدا بس بجد مفيش وقت خالص ان الواحد يدخل زي الاول انا كنت عايزة اسالك فين المحل ده بظبط

بينيتون علي الصف اليمين وانتي رايحة جنينة يعني قبلها عالطول هتلاقيه محل لوحده كده هناك كبير وتطلعيله بسلالم

dr_hienar;13434732:
يعنى المحل جوة جنينة ولا براه؟؟؟ وسؤال تانى فين زيرو تو فايف ده واسعاره ايه؟

لا بره جنينة هايبقي قبله عالطول علي الصف المقابل وزيرو تو فايف له فرع في شارع الكروم في المهندسين ورا مسجد مصطفي محمود وله فرع في داندي مول وفيه كل حاجة لبس ومستلزمات واسعاره يعني فيها غالي شوية وفيها معقول

lifedrop;13436269:
على فكرة محلات بواقى التصدير فيها حاجات حلوة برضه

يعنى انا شوفت عند شعبان سويت شيرت لينا احنا ماركة نايكى الاصلى وماركة بوما الاصلى
وكان ب 50
وواحدة قريبتى شارية السنة اللى فاتت ترينج لبنتها من محل بواقى تصدير ماركة بس مش فاكرة ايه كان ب 60

ممكن تلاقو حاجات حلوة وشيك وبسعر اقل

اي نعم هذا صحيح بس دايما تتشيكوا علي الحاجة كويس اوي قبل ما تمشوا عشان ميكونش فيها عيب او فك خياطة او تكون تقفيلها اي كلام وتتخموا فيها، انا لسه شايفة محل بردو جبت منه ترينينج كده ولقيت سويت شيرتات ب 65 شيكو ونايك ومش فاكرة ايه تاني

نسيت اقولكم انا رحت العامرية بتاع المحلة اللي قلتم عليه ده في مكرم ومش عجبني :(:( ولا انا ولا جوزي كنت داخلة اشوف حاجات للبيت من هناك ليها، بس حتي نفسيتي قفلت اول ما شفته وشفت البياعين وجوزي بيقولي حسيت انه الوكالة بس لقيت اغلب حاجاته من الصياد البيجامات والداخلي وكده، بس العامرية اللي انا بروحه عند المريلاند ده مختلف خالص عنه بجد واحلي كتير ومنظم كده.

ودخلت كيدز بارك قبل ما يقفل عالطول فملحقتش افترج بس جبت الكوباية من هناك.

وجبت الداخلي من الصياد اللي هو التصدير مش العادي وده بيفرق شوية في الخامة وفرق بسيط خالص في الفلوس فقلت مش هتفرق يلا خليني في الاحسن، ومعجبنيش هناك اللبس بتاع الخروج خالص لأنهم شكلهم لسه محطوش الجديد او كله بس عامة لبس الولاد هناك احسن شوية من البنات واللذيذ بقي سالوبيتات البيت القطيفة عشان عليها رسومات بارزة وحلوة اوي عايزة امسكها ومغرية.

وشفت طقم ركب وكوع مش ماركة معروفة كانوا ب 22

معلش الاضاءة الصفرا دي وحشة اوي انا عارفة بتبهت الحاجة جدا


دول التصدير بيبقي الباكت فيه 5، الكت ب 70 والكم ب 76 اما النص بقي فجبت 3 بس فطبعا كانوا من العاديين مش التصدير الواحدة ب 14.50

وجبت الشوز دي عشان التانيين للمقاسات الكبيرة ودي عجبتني انها تمشي علي حاجات كتيرة وكمان ارق واحدة في المقاسات الصغيرة وعاملة زي الشوزات الجلد في الشكل بالظبط
وعلي فكرة هي بيضا والوردات اهي اللي ملونة وب 42


والكولون ده ابيض بردو وانا كنت جايبة منه زمان الروز ب 23


ودي بيجاما كيوت مووووت ولونها وقصتها جميلة اوي كانه بادي خروج ولونها روز غامق في فاتح مش اورانج زي ما باينة في التصوير ب 60





ودي ترينيج ب 18 من محل كده بواقي تصدير


والجيبة اللي كنت جبتها دي هلبسها عليها ان شاء الله الجاكت ده كان عندي من الاول وحلو اوي وهجيب بادي صوف تحته عشان هو خفيف



اما المفاجأة بقي اللي عاجبني مووووت ونفسي اشوفها وهي خارجة به



فستان بالليجن بتاعه ب 113 من لولي بوب وهو نازل زي سك كده مش واسع يعني عامل زي حاجات الكبار وكميل اوي الوانه كلها حلو وفيه منه بدل المقلم منقط دواير كبيرة شوية

ايه ده ازاي فيه موضوع كده مش تقولولي عليه أنا زعلانة منك طب حتي أنا بحب أتفرج و كمان لما أجيب جديد أنزله

CuTie KaTkOoTa;13441100:
نسيت اقولكم انا رحت العامرية بتاع المحلة اللي قلتم عليه ده في مكرم ومش عجبني :(:( ولا انا ولا جوزي كنت داخلة اشوف حاجات للبيت من هناك ليها، بس حتي نفسيتي قفلت اول ما شفته وشفت البياعين وجوزي بيقولي حسيت انه الوكالة بس لقيت اغلب حاجاته من الصياد البيجامات والداخلي وكده، بس العامرية اللي انا بروحه عند المريلاند ده مختلف خالص عنه بجد واحلي كتير ومنظم كده.

ودخلت كيدز بارك قبل ما يقفل عالطول فملحقتش افترج بس جبت الكوباية من هناك.

وجبت الداخلي من الصياد اللي هو التصدير مش العادي وده بيفرق شوية في الخامة وفرق بسيط خالص في الفلوس فقلت مش هتفرق يلا خليني في الاحسن، ومعجبنيش هناك اللبس بتاع الخروج خالص لأنهم شكلهم لسه محطوش الجديد او كله بس عامة لبس الولاد هناك احسن شوية من البنات واللذيذ بقي سالوبيتات البيت القطيفة عشان عليها رسومات بارزة وحلوة اوي عايزة امسكها ومغرية.

وشفت طقم ركب وكوع مش ماركة معروفة كانوا ب 22

معلش الاضاءة الصفرا دي وحشة اوي انا عارفة بتبهت الحاجة جدا


دول التصدير بيبقي الباكت فيه 5، الكت ب 70 والكم ب 76 اما النص بقي فجبت 3 بس فطبعا كانوا من العاديين مش التصدير الواحدة ب 14.50

وجبت الشوز دي عشان التانيين للمقاسات الكبيرة ودي عجبتني انها تمشي علي حاجات كتيرة وكمان ارق واحدة في المقاسات الصغيرة وعاملة زي الشوزات الجلد في الشكل بالظبط
وعلي فكرة هي بيضا والوردات اهي اللي ملونة وب 42


والكولون ده ابيض بردو وانا كنت جايبة منه زمان الروز ب 23


ودي بيجاما كيوت مووووت ولونها وقصتها جميلة اوي كانه بادي خروج ولونها روز غامق في فاتح مش اورانج زي ما باينة في التصوير ب 60





ودي ترينيج ب 18 من محل كده بواقي تصدير


والجيبة اللي كنت جبتها دي هلبسها عليها ان شاء الله الجاكت ده كان عندي من الاول وحلو اوي وهجيب بادي صوف تحته عشان هو خفيف



اما المفاجأة بقي اللي عاجبني مووووت ونفسي اشوفها وهي خارجة به



فستان بالليجن بتاعه ب 113 من لولي بوب وهو نازل زي سك كده مش واسع يعني عامل زي حاجات الكبار وكميل اوي الوانه كلها حلو وفيه منه بدل المقلم منقط دواير كبيرة شوية

هو لولي بوب فين بظبط من عباس العقاد

البرج اليسر;13449458:
هو لولي بوب فين بظبط من عباس العقاد

هو في اوله قريب من الدو جدا وعلي نفس الصف واسمه مكتوب بالانجليش

lifedrop;13436269:
على فكرة محلات بواقى التصدير فيها حاجات حلوة برضه
يعنى انا شوفت عند شعبان سويت شيرت لينا احنا ماركة نايكى الاصلى وماركة بوما الاصلى
وكان ب 50

فعلا انا معاكى جدا ساعات بيكون فى حاجات لقطه فعلا

انا روحت النهارده شعبان اللى فمدينه نصر وجبت منه جاكيت تريكوه بزعبوط لنانو حلوه قوى ب 25 وكان فى حاجات تانيه حلوه قوى ب حاجه و50

اما لينا فكان فى تيشرتات فعلا زى لاكوست وبوما بس ب 35 وكمان بناطيبل ماركات برضو ب 25

CuTie KaTkOoTa;13439470:

تسلمي يا انوووووسة انتي اللي كلك ذوق، انا بنزل مع جوزي دايما وقليل اوي بنزل مع صحابي اللي مش متجوزين :lol::lol::lol: بس بيبقي يوم بهدلة ليا انا اوي اوي بجوجو.
بابا كان بيسألني بردو النهاردة يمشي محل اطفال، وشكلنا كده هنعمله حاجة تانية خالص ملهاش علاقة.

والشوز الجينز دي ب 55 من محل كوكينو

ربنا يخلهولك يارب يا ايمو ويخليلكو جوجو وتجيبولها احلى حاجه ديما يارب
وياريت تفكرى فعلا فى لبس اطفال وياسلام لو بواقى تصدير انا هكون اول واحده اجيب منك ههههههههههههه مصلحه يعنى :D
والمحل ده جبت منه فستان العيد بتاع نانو

CuTie KaTkOoTa;13441100:
نسيت اقولكم انا رحت العامرية بتاع المحلة اللي قلتم عليه ده في مكرم ومش عجبني :(:( ولا انا ولا جوزي كنت داخلة اشوف حاجات للبيت من هناك ليها

وجبت الداخلي من الصياد اللي هو التصدير مش العادي وده بيفرق شوية في الخامة وفرق بسيط خالص في الفلوس فقلت مش هتفرق يلا خليني في الاحسن، ومعجبنيش هناك اللبس بتاع الخروج خالص لأنهم شكلهم لسه محطوش الجديد او كله

وشفت طقم ركب وكوع مش ماركة معروفة كانوا ب 22

ههههههههههههههههههه انا معاكى يا ايمو انه زحمه ومبهدل شويه بس شغال برضو ميضرش
بس لاقيت محل تانى فى نفس الحاجات بس على اريح شويه ومنظم
محل اسمه جيل تقريبا نودى كانت بتتكلم عليه فى ليه فرع قريب من مكرم عبيد قدام محل شعبان بالظبط وهو فى كل الماركات وجبت منه فانلات لنانو بنص زى بتاعت جوجو الصياد برضو جبت 2 كانت الواحده ب 15 وشفت الجاكيت بتاع حد هنا مش فاكره مين كان الصياد ب 50 اللى هو لونه روز وكان فى لبنى
والمحل ده مش عارفه اسمه جيل وله الشمارقه عموما هو مكتوب عليه الاتنين وليه فروع تانيه فى فيصل محطه حسن محمد
وحى السفارات شارع النبوى المهندس

ياريت يا ايمو لو هتروحى الصياد اللى فشيراتون تقوليلى اخباره ايه ونزل حاجات جديده وله لسه
وانهى احلى البواقى تصدير وله العادى

اما الركاب والكوع انا حسه انهم ملهمش لزمه قوى لان العيال مش بيسيبو حاجه لحالها وهيشيلوها فلو مرحله الزحف بدئت ممكن تلبسيها بنطلون او تقعديها فالمشايا اريح وكلها شهرين وان شااء الله تمشى بالسلامه وماتحتاجيهاش

مش محتاجه اقولك حاجات جوجو حلوه قوى ماشاء الله

والجزمه الاخيره ديه منين ياترى

Boody we zady;13445509:
ايه ده ازاي فيه موضوع كده مش تقولولي عليه أنا زعلانة منك طب حتي أنا بحب أتفرج و كمان لما أجيب جديد أنزله

ام بووووووووودى وانا اقول الموضوع فيه ريحه اكل ليه ههههههههههههه
منورانا والله الموضوع يزيده شرف انك تشاركى معانا واهو نزود الامهات اللى فى اسكندريه
:thumbs_up:

صحيح نسيت اقولكم انى النهارده روحت تلاته التوحيد والنور هههههههههههه مش حبا فيهم بس كنت بدور عالهاف كول اللى جبتها سيمو والحمد لله حصلت عليه
روحت اللى جمبى فالحى العاشر بجد ده اسوء فرع ليهم مش مريح بصراحه والراجل نفضلى لما المغرب ادن لانهم بيقفلوه بس معبرنيش وسبنى كدا ومقليش ان ده وقت صلى
فروحت اللى فى مصطفى النحاس ملاقتش حاجه
روحت بئا اللى فالحى التامن عجبنى قووووووووووووووووووووووووى اكتر واحد بجد حلو ومريح نفسيا وفى حاجات حلوه فعلا حتى اللعب فيه حلوه جدا ولاقيت الحمد لله الهاى كول اللى جابته سيمو جبت لون برتقالى

وعلى فكره يا سيمو فى هناك اللبنى بس مش عارفه مقاسه ايه

وجبت منه كولون برضو هو ب 14 تقريبا

وبس خلاص ههههههههه