نشره اخبار محلات الملابس للاطفال ( امهات مصر )

CuTie KaTkOoTa;12399486:
السالوبيت الحمالات ده جه هدية لجوجو من محل صاحبتي ومامتها بيقولولي حاجاته حلوة وسعرها حلو وخامتها اقطان وحلوة جديد في روكسي في نفس الشارع اللي فيه نيويورك بس انا مشوفتوش لسه

مبروك على جوجو رزان عندها زيه بالظبط بس اصفر والرسمه على الصدر مختلفة برضه جيلها هدية

CuTie KaTkOoTa;12619554:
ده سالوبيت داخلي حمالات بابيون



ودول سالوبيتات للبيت كت ماركة جوكي



ودول طقم مع بعضه سالوبيتات خروج ماركة الصياد كت



ودول اندرات سورية





ودول 4 شوزات كميلة اوي اوي بجد واخيرا لقيت حاجات صغنونة تنفع لجوجو والوانهم حلوة اوي



ودول بافتات ضهرهم زي الجلد كده

جمال اوى اوى تتهنى بيهم جوجو الاندرات الكرانيش تحفة جايباهم منين وبكام وكمان السالوبيت الحمالات منين وبكام عشان عايوة اجيب لرزوان منهم بليز

كيتي من فضلك ده منين وكام عشان عاوزة اجي منهم لفيرو ضروررررري قل مالصيف يمشي ويبح :)

ده سالوبيت داخلي حمالات بابيون

بنات انا عايزه اقولكم ان احسن فانلات بجد هيا بابيون احسن من بيبى كلوب
بيبى كلوب تقيله تحسيها اكنها سالوبيت مش فانله كده خفيفه تحت الهدوم
انا جبت الاتنين وقولت اقولكم
بابيون الواحده تقريبا 10

asmaa2003;12723150:
جمال اوى اوى تتهنى بيهم جوجو الاندرات الكرانيش تحفة جايباهم منين وبكام وكمان السالوبيت الحمالات منين وبكام عشان عايوة اجيب لرزوان منهم بليز

تسلمي يا جميلة، الاندات من الصياد الواحد ب 12.5 هما صناعة سوري تقريبا.
والسالوبيت الداخلي من محل العامرية عند المريلاند ب 13.75

yomizo;12723589:
كيتي من فضلك ده منين وكام عشان عاوزة اجي منهم لفيرو ضروررررري قل مالصيف يمشي ويبح :)

:lol::lol::lol::lol: انا قلت اقولك بردو يا يميم عشان كنتي بتسألي قبل كده عليهم، من محل العامرية قصاد المريلاند وب 13.75

asmaa2003;12723122:
مبروك على جوجو رزان عندها زيه بالظبط بس اصفر والرسمه على الصدر مختلفة برضه جيلها هدية

هو السالوبيت ده موعود بالهدايا ولا ايه :lol::lol::lol:

mashimaro16;12726141:
بنات انا عايزه اقولكم ان احسن فانلات بجد هيا بابيون احسن من بيبى كلوب
بيبى كلوب تقيله تحسيها اكنها سالوبيت مش فانله كده خفيفه تحت الهدوم
انا جبت الاتنين وقولت اقولكم
بابيون الواحده تقريبا 10

انا عكسك يا منور مش بحبهم بس هما فعلا اخف نوع من اللي جربته ، الصياد اتقل وماما كير بردو وبيبي كلوب مسكتها بس مجربتهاش وفعلا تقيلة بردو.

يعني ممكن نقول نخللي بابيون للصيف والباقي شتوي

CuTie KaTkOoTa;12731481:
تسلمي يا جميلة، الاندات من الصياد الواحد ب 12.5 هما صناعة سوري تقريبا.
والسالوبيت الداخلي من محل العامرية عند المريلاند ب 13.75

جزاكم الله خيرا على الرد ياقمر طب ممكن تقوليلى عنوان الصياد

asmaa2003;12734278:
جزاكم الله خيرا على الرد ياقمر طب ممكن تقوليلى عنوان الصياد

تسلمي يا قمر، هو في مساكن شيراتون قصاد النساجون الشرقيون اللي هناك، هتلاقيهم 3 محلات اتنين تحت وواحد فوق في نفس المكان، اطلعي علي اللي فوق الاول بقي عشان هو ده الاساس وهما غيروا المدخل بتاعه عشان السلم الخارجي كان مخالف فخلوه من مدخل العمارة نفسها

CuTie KaTkOoTa;12736883:
تسلمي يا قمر، هو في مساكن شيراتون قصاد النساجون الشرقيون اللي هناك، هتلاقيهم 3 محلات اتنين تحت وواحد فوق في نفس المكان، اطلعي علي اللي فوق الاول بقي عشان هو ده الاساس وهما غيروا المدخل بتاعه عشان السلم الخارجي كان مخالف فخلوه من مدخل العمارة نفسها

تسلمى ياقمر على التوضيح اصلى اساسا مش من القاهرة واتجوزت هنا بقة واى حاجة بسال جوزى عليها وهو يقولى ادينى العنوان وانا اوديكى معلش تانى المريلاند ده الىى هى حديقة المريلاند

asmaa2003;12741158:
تسلمى ياقمر على التوضيح اصلى اساسا مش من القاهرة واتجوزت هنا بقة واى حاجة بسال جوزى عليها وهو يقولى ادينى العنوان وانا اوديكى معلش تانى المريلاند ده الىى هى حديقة المريلاند

نورتينا يا جميلة، اه هي اللي في مصر الجديدة، هتلاقيه الناحية التانية قصاد السور بتاعه يعني وهتنزليله بسلالم لتحت ده اللي هو منفذ بيع العامرية، هتلاقي جنبه كده محل فرحات والسرجاني وهوليدايز وقريب من سوبر ماركت ابو ذكري، انا بسهلك اهو عشان توضحيله اكتر وتعرفي توصليس بسهولة ان شاء الله

CuTie KaTkOoTa;12746204:
نورتينا يا جميلة، اه هي اللي في مصر الجديدة، هتلاقيه الناحية التانية قصاد السور بتاعه يعني وهتنزليله بسلالم لتحت ده اللي هو منفذ بيع العامرية، هتلاقي جنبه كده محل فرحات والسرجاني وهوليدايز وقريب من سوبر ماركت ابو ذكري، انا بسهلك اهو عشان توضحيله اكتر وتعرفي توصليس بسهولة ان شاء الله

شكرا على التوضيح الجامد ده
ده بقة تايير جاى لزوزا بنوتى هدية





وده البودى من ورا



وده شوز وشراب انا اللى اشتريتهملها وانا عند ماما فى اسماعيلية

ياريت كل امهات مصر تشاركنا فى الموضوع ده
http://forums.3roos.com/showthread.php?p=12816785#post12816785

معلش يا جماعه كنت عاوزه اسالكم هو في بيبي شوب في كارفور المعادي و لا لا اصلي رحت امبارح و دورت عليه ملقتوش

كل سنة وانتوا طيبين
دى آخر حاجات جبتها لجودى

*pippo*;12998564:
كل سنة وانتوا طيبين
دى آخر حاجات جبتها لجودى

ما شاء الفستان الاول تحفة جيباه منين وسعره كام ولسن اد ايه

ما شاء الله يا بيبو الفستان جميل والحاجه حلوة
تتهنا بيهم يارب

تسلموا يا قمرات
الفستان سن 3 شهور اصل بنتى صغننة لغاية دلوقتى :( بس كان فى مقاسات كتير وكان بـ65 من محل فى حدايق حلوان
والفستان التانى شكله فى الحقيقة احلى كيتير من الصور ما شاء الله

رمضان كريم يا بنات كل سنه وانتو موجودين وتجيبو لعيالكم لبس العيد

يله عوزين التقارير السريعه عشان لبس العيد

بيبو ماشاء الله حاجات اوجى حلوه قوى تتهنى بيهم يارب

معلش يا جماعه مكنتش متابعه الموضوع لظروف خاصه وشكرا على تواجدكم فيه ومنورين دايما فيه يارب

حد يقولى بقى دلوقتى انا انزل اجيب شوزات للبنات منين ؟؟؟؟
عشان انا نزلت امبارح المهندسين محل في سور نادى الزمالك اسمه سمرتء للاطفال بس
بس كان زحمه موووت ولا لما يكون بيوزعوا لحمه ببلاش جواه :)

والاسعار كانت ببتراوح من 70 ل 120 :(

يا بنات مش فاكرة انا تقريبا منزلتش الحاجات دي اللي جبتها اخر حاجة لجوجو ونسيت اوريهالكم بس جايباها من فترة من شهر تقريبا


الفستان ده لونه فوشيا غامق بس التصوير مبينه موف شوية وهو كتان علي فكرة زي حاجات الكبار هههه









والبرنيطة دي شكلها بلدي شوية انا عارفة بس انا كنت جايباها للضرورة بس ومنفعتش بردو عشان كنا مسافرين وهتتعرض للشمس فترة في العربية فقلت اخبي بيها شوية راسها عشان هي بتلتهب اوي وبسرعة.




والسرتيت ده لونه بينك بس مش باين هنا



ودي ركب