نشره اخبار محلات الملابس للاطفال ( امهات مصر )

خليهم 6 يا ميكو عشان تبقي مستريحة في الغسيل وكده بس استني صحيح هو انتي هتخلي لكل واحد فوطة صح يبقي خليهم 8 بقي يعني اربع باكتيتات

[QUOTE=sweet_toota;12178782]ازيكوا يا قمرات بقلكم انا عندى طقم لمريومة عبارة عن سالوبيت جينز عامل زى مريلة المدرسة كدة:) المهم هو قصير و طبعا البامبرز بيبان فاقترحوا عليا البسها اية من تحتية اندر ولا ليجي ولا اية و اجيب منين اصلى دورت على اندرات فى روكسي مقاس 0 ل 3 لقيت كله ابيض و انا كنت عايز اصفر عشان دة لون البدى اللى هتلبسه تحت السالوبيت[/
QUOTE]

هاتى ابيض وبكرانيش بيبقى شكله حل اوى وبيتجاب من محلات لبس الاطفال وهاينفعك في حاجاات كتير او لز علافتى تجيبي هوت شورت صغنن الوان بقى على حسب لون التي شيرت يكون احسن
بس وهما صغننين كده بيبقى احلى ليهم ابو كرانيش ده
:)
[QUOTE=crazy ananas;12204507]ندى من امبارح وانا عوزه ارد عليكى فموضوع المحلات
وهعتبر نفسى من الفاتينات يعنى ههههههههه

بصى مستشفى حسبو قريبه من سيتى ستارز على فكره وطبعا مليان محلات اطفال

والمستشفى قريبه من مكرم عبيد وهو فى كام محل كدا

محل لمون عنوانه مكرم عبيد هتلاقى فيه بعد حديقه الطفل محل كبير بتاع اجهزه اسمه جاب الله ادخلى الشارع بتاعه امشى مثلا 5 دقايق هتلاقى المحل عالشمال

محل شعبان اخر شمال فمكرم عبيد فاول يمين هتلاقى المحل عاليمين

محل لفلى اخر مكرم عبيد قبل تقاطع مصطفى النحاس عاليمين

تشيلد مول امتداد مكرم عبيد بعد التوحيد والنور خاليه على يمينك وامشى هتلاقى المحل عاليمين وبعده بشويه كيدز بارك

كدا خلصت اللى اعرفه فى مكرم عبيد لمون وشعبان بواقى تصدير والباقى لا

فى محل نيل ستوك بواقى تصدير فالشارع اللى فيه النادى الاهلى خاليه على شمالك وامشى وهو بعد كوك دور قدام مؤمن تقرريبا بس ده ليه فرررع فالمهندسين

فى محلات فى عباس تنفعك برضو وله ايه بس انتى كدا عوزه عربيه عشان تروحى كل دول

ومتنسيش تدعيلى سواء روحتى او لا :)[/
QUOTE]

نايل ستوك ده مش بواقي تصدير ده فرع بتاع مصنع بيصنع هدوم لدالي دريس وويف وكونكريت
اللىبيفضل من طلبيات المصانع دى صاحب مصنع النسيج نفسه بيعرضهم للبيع
وفرع المهندسين في جامعه الدول العربيه بعد قدوره بتاع السمك بشويه نونو في عماره دور اول


عاززة بقى حد يقولى اجيب منين فانلات اطفال بحمالات بتتقفل من تحت لست خمس سنين :thumbs_up:8o|
عشان بلف الدنيا مش لاقياهم بينفعول نع نبك اوى تحت الكت والحمالات عشان بطنها وضهرها مش يبردوا وهما عريانين والفنلات العاديه بتطلع من البانتى
8o|

يا امهات البنات خبر عاجل شعبان فيه ملابس بنات مش ممكن تجنن هتحتاروا تشتروا ايه يا حرام على امهات الاولاد اى حاجه و السلام و كمان فى لبس للممهات حلو بيت و خروج

يميم مشفاهمه قصدك عايزه سلوبيبتات داخلي يعني لخمس سنين
طيبما تشوفي فيجا او كارينا
واعتقد فيجا عندها قطن
ادو
انتي جربتي لبس البيت من شعبان ولا لا
او اي بنوته هنا وايه نظام في الغسيل
وكمان في حاجات فانلات داخلي للبنات ولا لا

نفسي اروحه بلاقي علي طواابييييييييييير بجد من بره

انهى شعبان ده اللى بتشعروه فيه
ده انا روحت مره الفرع اللى في اول محى الدين ابو العز مع السودان وكان يعنى حدث ولا حرج على الازواق اللى فيه
وطبعا مجبتش حاجه
انا روحت اول امبارح اجيال فور كيدز اللى في عباس العقاد وجبت منه ليج ان لملك لما روحت البيت لاقيته مقاسه صغير اووووووى عليها ورايحه بكره تانى ارجعه
وجبت لفرح سالوبيتات داخليه كت وشويه توك للبنات هههههههه

بس عجبنى بنطلون هناك لفرح وخفت اجيب عشان المقاس ممكن لما اروح تانى بكره ابقى اجيب بقى
ربنا يسهل
دالواحد كان بعشرين جنيه الا حاجه بسيطه
برمودة الوانه تجنن
ملقيتش جزم حلوة او بالاصح الى عجبنى ملقتش منه مقاس فيرو
هاروح ابص تانى على الشرابات لانى كان ضهري واجعنى اوى يومها ومش عارفه الف كويس واتفرج وتانا شايله فيرو

ومعرفتش اشوف لمون ابدا
لفيت عليه الشارع بتاعه ذهابا واياابا واسال ويتوهونى لحد مازهقت وروحت

اه ورحت ميركاتو كمان جبت منه سالوبيتات داخلى برده كت لفيرو بس كده

روحت بقى امبارح محل اسمه شغل عيال في حى السفارات
جبت منه فستان لملك للبيت عليه اشكال ديزنى ب 15 جنيه

وكنت جبتلها واحد كمان من اجيال اول امبارح ب 7.5 :)

toty858;12305078:
حلوة اوى الحاجات ماشاء الله يابيبيو تدوبهم اوجى ان شاء الله
السلوبيتات اللى مع بعض ب 120 دول اختى اشتريتهم حلوين اوى فعلا
وعاوزة اقولك ان كدة سنتر بوينت مش في مجدة علشان التخفيضات في الاوقات العادية الهدوم احلى بكتييييييييييييييير كمان


نونة فينك من زماااان

ربنا يخليكى يا توتى تسلمى :)
كمان مش فى مجده؟ :D ربنا يسهل بيقولوا هيفتح فرع فى اكتوبر على شهر سبتمبر لو عملها هبقى اروحه على طول ان شاء الله:)

yomizo;12347874:
ومعرفتش اشوف لمون ابدا
لفيت عليه الشارع بتاعه ذهابا واياابا واسال ويتوهونى لحد مازهقت وروحت

اه ورحت ميركاتو كمان جبت منه سالوبيتات داخلى برده كت لفيرو بس كده

روحت بقى امبارح محل اسمه شغل عيال في حى السفارات
جبت منه فستان لملك للبيت عليه اشكال ديزنى ب 15 جنيه

وكنت جبتلها واحد كمان من اجيال اول امبارح ب 7.5 :)

بصى يا يميم لمون رخم فعلا فى مرواحه انا اول مره اروحه كنت ماشيه ودخلت من الشارع اللى على ناصيته جاب الله اللى فمكرم عبيد ومشييييييييت كتير وموصلتش
وتانى مره روحت بالعربيه بس دخلت من الشارع اللى على ناصيته صيدليه افريقيا ومشينا ودخلت اول يمين فاول شمال لاقيته عالشمال وكان زحمه وفى كبار وصغيرين ما شاء الله يعنى استغربت ان المحل فى حته ساكته والناس عرفينو برضو

على فكره محل شغل عيال انا بقالى فتره عوزه اقول عليه بس عشان مدخلتوش هو ليه فرعين
واحد فى امتداد عباس العقاد قدام انبى كدا
والتانى فى حى السفارات يعنى اخر امتداد عباس العقاد يمين هتلاقوه عالشمال

قوليلى يا يميم من خلال زيارتك ليه بئا فى حاجات حلوه وتستاهل الواحد يروحه

بقولكم ايه انا جبت شورت لنانو من ريموندس بس مش عارفه هو اولادى وله ايه بس انا عجبنى لونه وخامته خفيفه ارجعه وله احطلها عليه اى بادج عليه بناتى

كتكت انا اسمه عن محل فابلوس لكن معرفوش هو فين واسعاره ايه نظامها

انوسه فابلوس اصلا محل ملابس حريمي بس بيبقى عنده باسكتات كبيره كده حاطط فيها حاجات اطفال كيوت اوى واسعارها ظريفه
في في سيتي ستار وفي في ش حسنين هيكل من عباس العقاد
وفي في جزيره العرب او وادى النيل المهندسين تقريبا
وكمان في سيتي سنتر بتاع كارفور المعادى
يعنى هتلاقيه في حتت كتير
وشغل عيال اى كلام على فكره نفس اللى عنده شفته في في محل تانى اسمه مارو ادام العقاد مول بتاع مركاتو
ومعندوش حاجه واو يعنى غير يادوب عنده سالوبيتات تنفع داخلى كت للبنونات بتوعنا الواحد ب 10

طب يميم فابلوس ايه نظامه غالى وله معقول وفى حاجه كويسه للمحجبات وله كله مقزعر وضيق
ومتعرفيش فين بالظبط فى سيتى ستارز

وانا عارفه محل مارو كويس برضو

crazy ananas;12348133:


كتكت انا اسمه عن محل فابلوس لكن معرفوش هو فين واسعاره ايه نظامها

crazy ananas;12377641:
طب يميم فابلوس ايه نظامه غالى وله معقول وفى حاجه كويسه للمحجبات وله كله مقزعر وضيق
ومتعرفيش فين بالظبط فى سيتى ستارز

وانا عارفه محل مارو كويس برضو

ليه فروع كتيرة يا انوسة في واحد في شارع متفرع من عباس لو انتي ماشية في حسين هيكل هايبقي اسهلك لأنه واخد ناصية منه، وفي في شارع الحجاز عند الامن الصناعي ده اللي جبت منه وفي في سيتي ستارز وفي في حرية وفي في وسط البلد وفي تاني بس ناسية دلوقتي.

هو فيه مقاسات كبيرة بس مش دايما بلاقيها بس الاغلب بصراحة كل ما بروح الاقي وخصوصا في لبس البيت والخروج بيبقي فيه حاجات بردو تنفع المحجبات والمليانين ومزيته ان اغلب حاجات اقطان.

السالوبيت الحمالات ده جه هدية لجوجو من محل صاحبتي ومامتها بيقولولي حاجاته حلوة وسعرها حلو وخامتها اقطان وحلوة جديد في روكسي في نفس الشارع اللي فيه نيويورك بس انا مشوفتوش لسه

ازيكم يا بناويت وحشتونى اوىىىىىىىىىىىىى


انا شيفاكم بتتكلمو عن فابيلوس
فتح فرع جديد فى شارع ترعه الجبل فى الزيتون بس فى اوله من ناحيه قصر القبه


فى محل فى سيتى سنتر فى الكس اسمه ماكس حلو جدااااااااااا انا اشتريت منه حاجات حلوه اوى واسعاره جميله
وسنتر بوينت ده حكايه تحففففففففففففففففه تحفففففففففففه تحففففففه بس اسعاره اعلى من ماكس يعنى اسعاره 90 ومافوق بس حلو اوىىىىىىىى جداااااااااا
وعنده كل حااااااااجه

ماكس موجود هنا يا منار في امول بتاع كارفور العبور بس مافيهوش جزم واسعاره فعلا حلوة انا كنت بجيب منه حاجات من دبي ولما بيعمل سيل يبيقى حلو اوووووى كمان

http://forums.3roos.com/showthread.php?t=542859 استعدى احلى ايااام يارب ايامنا تفضل حلوة يارب دايما

بنات انا اشتريت امبارح لفلتى شوية حاجات كانت ناقصاها حبيت اوريهالكم

دى بيجاما جاتلها هدية امبارح عسولة اوى والقطعة اللى فوق زى الشاية كده



ودى من قريب



ودى سالوبتين حمالات علشان الفساتين الحمالات هقولكم الاسعار وتقولولى حلو ولا ايه؟؟

السالوبتات الواحد ب11 والسالوبيت البنك ده عجبنى للبيت كده ب9جنيه

وبافتة الصياد ب10جنيه و2 سرتيت مع بعض ب12جنيه

ندى انا نقلتهم هنا وبالنسبة للسالوبتات الحمالات

واحد من محل كيدز اللى فى برج السوسن والبافته والسرتيت منه برضه

وواحد من محل بيبى بارك على المشاية تحت كارينا والبنك من نفس المحل برضه

وطبعا المحلات دى فى مدينة المنصورة :D:D

ايه يا جماعه هو كل الناس فين احنا حتى لسه فى اول الشهر و لا الكل مفلس زى من يوم 1 بالليل

ده سالوبيت داخلي حمالات بابيون



ودول سالوبيتات للبيت كت ماركة جوكي



ودول طقم مع بعضه سالوبيتات خروج ماركة الصياد كت



ودول اندرات سورية





ودول 4 شوزات كميلة اوي اوي بجد واخيرا لقيت حاجات صغنونة تنفع لجوجو والوانهم حلوة اوي



ودول بافتات ضهرهم زي الجلد كده

لقيت فى اولاد رجب كيس فيه 10 بافيتات بس مفهمتش ايه نظامهم ولا عرفت سعرهم عند قسم اكل الاطفال حد شافهم