نشره اخبار محلات الملابس للاطفال ( امهات مصر )

CuTie KaTkOoTa;12234665:
شطورة يا لولي حلو اوي ما شاء الله، بس حبيت اقول حاجة انا جبت حاجات رخيصة بردو من ضمن لقتها بالصدفة وفرحت بس للأسف رجعت قلت الغالي تمنه فيه، لقني لقيتها من اول لبسة ومن غير ما تتغسل فكت خياطة والكباسين اتقطعت والعملية باظت خالص وطبعا ده مش اساس يعني فيه رخيص وحلو اوي وفيه رخيص وسيء جدا.

بصوا بقي الفستان الجديد بتاع جوجو ده ب 15



قولولي رأيكم

ماشاء الله عسول خالص يا كتكت جيباه منين
وربنا يهنى جوجو بيه يارب
هو فعلا فى حاجات زى مابتقولى كدا فالرخيص بس انا الحمد لله محصلش معايا كدا غير فى طقم وفى خياطه حته صغيره فكت بس خيطها تانى بس عموما لبس البيت كداكدا بيتبهدل فمش مهم بئا المهم لبس الخروج وربنا يباركلنا فيهم يارب
ويارب جوزك يكون بخير دلوقتى وربنا يخلهلكم يارب

ساره افندي;12235332:
ازيكم يامهمهاااااات ههههههه
انا كنت عايزه استشاره سريعه لمحلات اللبس الاولاد في اسكندريه
انا كنت بجيب من لافلي والحاجات اللي زي كده وبصراحه ابني بيهلك الحاجه وانا شايفكم جايبين حاجه بجد حلوه فاكنت بسال بلنسبه للاسكندريه في محلات زي كده؟؟؟ابني عنده 3 سنين

ازيك يا ساره يارب انتى وابنك تكونو بخير
هو انا مش من اسكندريه
بس انا روحت سموحه وفيها محلات بواقى تصدير كتير وفيها حاجات حلوه
والمحلات ديه جمب محل القلعه الاسلاميه تقريبا تكونى عارفها فى فالمنطقه ديه كام محل ممكن تلاقى فيها حاجات اطفال ده غير كارفور بس بحس انه غالى شويه
وان شاء الله بنات اسكندريه يفيدوكى اكتر

manafola;12235635:
ازيكم يا بنات هو لبس الحوامل بتشتروه منين في مصر باسعار كويسه و موديلات ستايل مش معتاده يعني شكلها جديد

مبروك الحمل وربنا يكملك على خير
فى محلات فى روكسى وحريه مول بيكون فيها بناطيل حمل بس تسئلى فيها لان مش بيكون معروض انا جبت بتاعى من موندينى اللى جمب سينما نورماندى وفى كمان محلات فى مدينه نصر واى محل اطفال كبير فى لبس حوامل
الموضوع ده هينفعك
http://forums.3roos.com/showthread.php?t=532381

مرسي ياعسل انا هستنا البنات بس فعلا انا بيصعب عليا الحاجه جدبده وتبقا غاليه ويروح بيها الحضانه ولا الالعاب وبيجي البنطلون جديد من عند الركبه مجرب من كتر الحكه في الارض والفرك
الجزم بتعته لسه جايبه واحده مبقالهاش يومين وقشره من قدم رغم انها ماركه كويسه العيب مش في الماركه ده في فرك ابني
فاعيزه اجيب ليه كام طاقم اسعارهم كويسه واشيل الحاجات التانيه لان عندي هنا اللبس عموما غالي اقل حاجه تبتدي ب 100 ده كبار وصغيرين

Celeen;12235276:
جميل يا ايمى .. ربنا يحميهالك ياربF:

وحشانى :L:

هو انتى لسه مالبستيش جودى حمالات كده علطول صح؟

وانتي كمان يا هيبو وحشتيني اوي وهزارك وضحكك :lol::lol::lol:
اه لسه انا يادوبك لسه ملبساها نص كم من يومين بالظبط فقط لا غير وتحتيه شاية كت وطبعا الرجل بتبقي شورت.

crazy ananas;12238240:
ماشاء الله عسول خالص يا كتكت جيباه منين
وربنا يهنى جوجو بيه يارب
هو فعلا فى حاجات زى مابتقولى كدا فالرخيص بس انا الحمد لله محصلش معايا كدا غير فى طقم وفى خياطه حته صغيره فكت بس خيطها تانى بس عموما لبس البيت كداكدا بيتبهدل فمش مهم بئا المهم لبس الخروج وربنا يباركلنا فيهم يارب
ويارب جوزك يكون بخير دلوقتى وربنا يخلهلكم يارب

تسلمي يا انوسة ، تخيلي منين :lol::lol::lol::lol: من فابلوس كنت بشوف لنفسي لبس فلقيت حاجة اطفال كميلة اوي وفيه منه شكلين تاني غير ده وفيه منه معاه ليجن طقم بردو ولقيت شكله حلو وسعره حلو ومن فابلوس فاتجننت طبعا وكنت عايزة اجيبهم كلهم :lol::lol::lol:

بنات الهرم حدجرب ستوووووك هاوس اللي في الهرم عشان خارجه انهارده بالمررررره

تكوته ما شاء الله الفستان جميل تتهني بيه جوجو

ساره انا عندي ند ي كده بس في البيتي دعك دعك يعني وفعلا بعد ما اجيب الحاجه بالسعر الفلاني تروح مبهدلهلي بقع ومش راضيه تطلع
بالذات بقع الخوخ
هتجنن منها مش راضيه تلبس المريله
صحيح يا بنات الي معاه افتكاسه لبقع الخوخ يقولي لحسن هدومها كلها عليها البقعه الغبيه دي

hoba555;12251544:
بنات الهرم حدجرب ستوووووك هاوس اللي في الهرم عشان خارجه انهارده بالمررررره

انا روحته يا هوبا هوا فيه لبس حلو بس ساعات بيبقى غالى انه يبقى بواقى تصدير
يعنى كان فيه سلوبيت جينس ب 90 جنيه
بس برضه فيه بيجامات ب 15
روحيه يا هوبا هوا فيه حاجات حلوة

crazy ananas;12204507:
ندى من امبارح وانا عوزه ارد عليكى فموضوع المحلات
وهعتبر نفسى من الفاتينات يعنى ههههههههه

بصى مستشفى حسبو قريبه من سيتى ستارز على فكره وطبعا مليان محلات اطفال

والمستشفى قريبه من مكرم عبيد وهو فى كام محل كدا

محل لمون عنوانه مكرم عبيد هتلاقى فيه بعد حديقه الطفل محل كبير بتاع اجهزه اسمه جاب الله ادخلى الشارع بتاعه امشى مثلا 5 دقايق هتلاقى المحل عالشمال

محل شعبان اخر شمال فمكرم عبيد فاول يمين هتلاقى المحل عاليمين

محل لفلى اخر مكرم عبيد قبل تقاطع مصطفى النحاس عاليمين

تشيلد مول امتداد مكرم عبيد بعد التوحيد والنور خاليه على يمينك وامشى هتلاقى المحل عاليمين وبعده بشويه كيدز بارك

كدا خلصت اللى اعرفه فى مكرم عبيد لمون وشعبان بواقى تصدير والباقى لا

فى محل نيل ستوك بواقى تصدير فالشارع اللى فيه النادى الاهلى خاليه على شمالك وامشى وهو بعد كوك دور قدام مؤمن تقرريبا بس ده ليه فرررع فالمهندسين

فى محلات فى عباس تنفعك برضو وله ايه بس انتى كدا عوزه عربيه عشان تروحى كل دول

ومتنسيش تدعيلى سواء روحتى او لا :)

ربنا يكرمك يا انوسة يا قمر ويكمل شفاكى على خير ويباركلك فى نانو

وان شاء الله حنروح بالعربية

CuTie KaTkOoTa;12234665:
شطورة يا لولي حلو اوي ما شاء الله، بس حبيت اقول حاجة انا جبت حاجات رخيصة بردو من ضمن لقتها بالصدفة وفرحت بس للأسف رجعت قلت الغالي تمنه فيه، لقني لقيتها من اول لبسة ومن غير ما تتغسل فكت خياطة والكباسين اتقطعت والعملية باظت خالص وطبعا ده مش اساس يعني فيه رخيص وحلو اوي وفيه رخيص وسيء جدا.



بصوا بقي الفستان الجديد بتاع جوجو ده ب 15



قولولي رأيكم

عسول اوى يا كوتى وسعره حلو ما شاء الله

ليه كده 90 وبواقي تصدير
هروح ابص بصه
انا شفت محل جديد فتح في كايرو مول هروح اشوفه هو كمان لو جوزي وافق

هوبا ستوك هاوس حاجات البنات حلوة بس حاجات الولاد لا ..وكمان اسعاره غاليه والفينش بتاع الهدوم سئ ..بصي في محل في ااشارع اللي على ناصيته رويال سنتر الشارع ده اخره في الوش في محل بواقي تصدير بصيت عليه سريعا في حاجات لذيذه واسعاره حلوة

ايه يا ممهات الجو هدى ليه من يوم الخميس صفحه واحده
ده حتى اول الشهر ايه النظام
فى شويه حاجات فى شعبان الهرم بنات و اولاد تحفه
وكمان Mother care بدء التخفيضات

adow;12261527:
ايه يا ممهات الجو هدى ليه من يوم الخميس صفحه واحده
ده حتى اول الشهر ايه النظام
فى شويه حاجات فى شعبان الهرم بنات و اولاد تحفه
وكمان Mother care بدء التخفيضات

بجد في سيل
طيب هيخلص امتي يا قمر متعرفيش

ازيكم يا بناتت
انا لسة راجعة من اسكندرية
وروحت سنتر بوينت
اللبس هناك مش قد كدة
بس فية مايوهات جناااااااان تحفة
بس اسعارهم غالية عاوزة بنات اكبر شوية المايوة ب 83
وجبت لمايا فستان لعيد ميلادها من ماكس
ستان ولونة كريمى فاتح زى بتاع الاجانب حلو اوى بجد ماشاء الله
كان ب 75
هصورها بية ان شاء الله يوم الاربع وانزلكم الصور

نسيت اقولكم :( :(
جبت لمايا 3 بيجامات من محل بواقي تصدير وكان اول مرة وشكلها هتكون اخر مرة :(
لبستها منهم اتنين
والتالتة اول مالبستها الشورت اتقطع من تحت كلو :( :(
كان الوحدة ب 7.5 بحالهم :( :(

هههههههه هههههه ضحكتيني يا توتي بجد ب7ونص بحالهم
معلش
فداها
وكل سنه ومايا طيبه ما شاءالله ربنا يباركلك فيها
قوليلي يا توتي صحيح
ببرون افينت مكتوب عليها اير سيستم ولا اير فليكس

هوبا احنا امبارح كنا في حفله باربيكيو وابني كان لابس الحتا الجديده هههههه ومفيش شويه ولسه مكملناش ربع ساعه لاقته بيهل عليا وهدوم كلها هباب فحم وايه بلزيت بقع زيت وشحم انا شفتها شعري راسي كلها زي اللي اتكهرب هههههههههه المهم رجعنا كان نفسي اغسلها بقا دمي محروق عايزه الحقها المحروس نام اضريت استنا تاني يوم
المهم اختها وهيا ملونه التي شرت حطيت مباشر علي البقع كلولكس الوان ودعكتها كويس مرتين وبعدين شطفتها وحطيتها في شويه مايه بلكلوكس الالوان تاني شويه وشطفتها وبقيت زي الفل بجد ولا فيها حاجه خالللللللص كمان مره في لون نزل في الغساله علي بنطلون ابني عملته بنفس الطريقه وراح
جربي كده وقللي النتيجه بس هيا الصراحه بتبقا البقه لسه طاز مش عارفه لما تقدم ايه نظامهااااا

هوبا وانتى طيبة ياقمر
افنت مكتوب عليها اير فليكس مش اير سيستم
اير سيستم في النك

toty858;12264482:
هوبا وانتى طيبة ياقمر
افنت مكتوب عليها اير فليكس مش اير سيستم
اير سيستم في النك

وهو ايه الفرق بين اير فليكس و اير سيستم ؟

ازيكوا يابنانيت بجد موضوع حلو اوى ياانوس تسلم ايدك وحجات البيبهات بتاعتكوا عسل اوى ماشاء اللة يتهنوا بيها يارب ويدوبها بعرق العافية انا غلبت عقبال ماجبت حجات النونو انا فى اخر التاسع ان شاء اللة وعشان البيبى ولد ان شاء اللة فمكنتش لاقية حجات حالص من كتر ماكنت بشوف حجات البنانيت حلوة وقطقوطة ازاى كان نفسى اجيب بنوتة بس الحمد للة كل اللى يجيبة ربنا كويس
سؤال بقى مهم جدا عايزة انزل صور حجات النونو بتاعى انزلها ازاى بالخطوات اللة يخليكوا لحسن الغياء وحش :!!::!!::!!::confused:

بنات عايزة اشترى لعب اطفال و يكون سعرها كويس بلاى جيم و كده ممكن تقولولى محلات؟؟؟؟؟؟؟؟؟؟؟

ميرو
فى محلين لعب اطفال فى شارع ابراهيم اللقانى فى روكسى جنب ابو حيدر اسعاره فى المعقول

يا بنات مذر كير اللى فى سيتى ستارز عامل تخفيضات 50 % على كل المعروضات

طب السيل لحد امتى؟