بنات اميره و روز حبوباتي
مانبي نزعل حد منكم الغلط مش عيب لكن العيب اننا نتمادووو فيه
انا نشوف كل حد غلط بطريقته اميره ربما كلمه تافهه قويه شوي
لكن قصدك اننا مفرروض نفكرو ف حاجات اعمق لان سؤال روزي زي ما يبان يبان سطحي شوي
ممكن روز ماعرفتش تصيغ الكلام صح وانا راح نشوف عذر لكل وحده فيكم
ونبي الموضوع ينتهي علا خير لان والله مرات سؤ تعبير وسؤ الفهم يخلينا نتصادمو هكي ف بعض
انتمني لو عندي اى معزه عندي ليكم تخلو جوكم عادي كل واحد فينا عنده ذنوب مايسده مانخلوش حتى لمتنا اهيا تبدا فيها امور ممكن ربي يحاسبنا عليها
روز يا حبيبه انتي تعرفي اني ديما متواصله معاك واني ديما ف بينا هدرزه ولو ف الخاص
انا برضو نحب لو نحكو ف امور اعمق شوي تعرفي حتي لو تسالي راجلك بطريقه اهيا مش راح تكون حلوة يحسك كانه واخذ وحده بكل ما تعرف شي ولا بيقول هادي تستعبط ولا تدلع
اانييييييييي فاهمتك وعارفه انو قصدك تاخذي فكره وتفهمي حاجات عن مكان بتجي تعيشي فيه
عادي لكن ديما ف حاجات الواحد يقدر يعرفه من خواته من امه من اقاربه وتقريبا نحنا ليبيين برا البلاد وجوها 90 ف الميه كلنا نفس العوايد والاطباع
واني مانحكيش علا سؤلاتك انتي بس لالالا عضوات تاني منتفكرهمش كانو يحطو ف اسئله من النوع اهو
وهيا امور غالبا معروفه فا ف الجديد نحاولو كلنا نشوفو حاجات حلوة وتفيدنا
متلا زي لما نقلتي لينا حاجات من كتاب الرجل من المريخ
ولا لما جبنا من دلوعه اكلات ووصفات سريعه وساهله
ولا معلومات تفيد ف يومياتنا وهكذااا
---------------------------------------------------
اميره حبوبه اااااااااااااااااني عارفه قصدك وانك تبي حاجات تفيد والواحد يؤجر فيها بس وسعي بالك ووناس كلامها واطباعها وطرق تعابيرها تختلف
انتي مدرسه وتعلمي وتتعاملي مع طالبات وووواكيد هلباااا في فروق بينهم
ماني مواخذاتك ومانبيك تواخذيني ولا تواخذي روز خلوونا نصفوها
ربي يصفي ايامكم