لمة الليبيات لشهر جمادي الاول 1431 ه ....

سناء على;11875507:
هلا وغلا بالبنات

نرجس الشرق;11874792:
صباح الورد اول شئ تانيا الفاتحة في ليبيا ديما ايديروا فيها يا اما في حوش المرا او في الجامع هدي السنة و السبر ال في ليبيا و ديما او اغلب الاحيان العريس ايوكل عمه خاله كبير العيلة بمعني اصح و العروس نفس البرنامج قليل ما يوكلوا الاب و العروس ما تحضرش و العريس ما يحضرش و عادي ديري كيف ما قالوا هلك و كلي عمك عليش الكركرة لعند بريطانيا و الراجل ايتحشم من اعربه و اصحابه
الفاتحة في ليبيا واحني امقعمزاين اهناية ولا كانه صاير شيء
شن بديروا يعني عادي ديروا كيف ما تبوا اديروا في بريطانيا اعزموا المقربين والحبايب او خلوه عائلي انتم بس و قسموا باسطي و قزوزة اول ما يقوللكم الفاتحة انقرت و زغرتوا و خلاص و تمشي الحكاية و الف مبروك يا حلو و مفيش فرق بين ليبيا و بريطانيا المهم فاتحتك تنقري و فرجيه تفرج

غولة;11875817:
روز احني عندنا يحضر الفاتحة لكن مش عارفة كل بلاد وعزاها
احني يقروها يوم الاربعاء في جامع ويجي العريس

Rose 89;11875989:
اي هنو حتي هو قالي ان كل شيء يكون اعليه وصحابه واهله يجو .. واهل العروسة يجو وبس

بس اكثر يعني معازيمه هو وفي حوشه هو ..

يعني اوكي .. اخليه يديرها في ليبيا واسكت !

:( :(
اهلي يقلولي مافيها مشكلة

وهو يقولي يدير الفاتحة قبل مايسافر بريطانيا بيوم .. يقولي انديرها وتاني يوم اكون في بريطانيا عندك

بس اني نبي خوتي وابوي يحضرو :( لهدا نبيها في بريطانيا

:(

يعني انتم كلكم درتو الفاتحة وماشتفوه ؟؟
يعني كمل اليوم وماجاكم او شفتوه او اي شيء؟؟

يعني انتم لما يوم الفاتحة اش كنتو اديرو ولا شيء ولا حفلة او شيء وعازمين ناس !
ولا درو فاتحة وكملت وخلاص !

هنو الدلوعه;11876101:

روز نصيحه من وخيتك هنو خلي الامور تمشي عادي واجبري بي خاطر خطيبك وماتنسيش انه العرس بيكون عندكم
وبالنسبه شنو درنا يوم الفاتحه عادي جدا قعدنا في الحوش وطبعا الاقارب موجودين ونستنوا لوين كلمونا وقالو الفاتحه نقرت مبروك وبدو عاد العويله يزغرتو ويباركولي والتلفونات مابطلوش وفرقو الرزاظه والعبمبر والكونفيتي والبكلاوه
ومشي الجو تمام بس عائلي جدا لأنه العرس هو الي في الفرحه الكبيره فهمتي حبيبتي

وبالنسبه لي شوفة العريس اني كلمني وباركلي بالتلفون لانه كان لاهي مع جماعته واقاربه والناس تباركله وجوني اماليه
وهو جاني ثاني يوم وقعد معاي وباركلي وهدرزنا
ياغاليه بسطي الامور وخليها تتسهل وكل شئ يتعوض في العرس وتقدري بروحك مع اماليك ديرو جو وكلمي صحباتك
بس نصيحه أبعتي حد من ليبيا يصورلك الفاتحه بالتفصيل عشان تتفرجي عليها وتكون عندك ذكرى للمستقبل وأي سؤال أني حاااااااااااااااضره

Rose 89;11876192:
اي مسكين العرس حيكون اهناية يعني اصحابه وكله مش حيحضرو ومش حيكون في عرس رجالة يعني كبير لان مايعرفش هلبا وكلهم في مدينة تانية اصحابه ..

ف خل يديرها في ليبيا الفاتحة ع لااقل يحس مرة انه عريس ههه

يعني اممممم حتي لو في ليبيا مش حيشوفني نفس اليوم ! يعني مافرقتش

هو قال تاني يوم بيكون في بريطانيا يجي هو واهله

واحني حنديور حفلة لي النساوين يعني حفلة الخطوبة بعد مايجي هو واهله ..

وقال حيصور كللل شيء بالفديو حتي يوريهالي ههه

عروسة ليبيا;11876624:

حي اعليا حيييي

امي اموصتني انسكر ع الغاز ع الغدي لانها طلعت

وانحرق

انسيته بكل لين شميت الصنة محروقة !




عطيك الهنااااااااء والسعد ..... عقلك رايح ف طرابلس ما نلومك

عروسة ليبيا;11876612:

خيرررات علا ااا لغزلااااات الليبيات

يتصفح الموضوع حالياً: 6 (6 من الأعضاء و 0 من الزوار) ‏عروسة ليبيا, ‏هنو الدلوعه, ‏dr_amani, ‏القلب الملهوف, ‏ekh
ليكن وحشه


اليووووووووووووووم هلبا وحشتوني


من صبح مشاوير


اليوم مشيت دكتورة ودرت صورة سونار الحمدلله


مافي مشاكل ف رحم ولا المبايض


علا قول دكتورة الهنديه


انتي ف مبيض ورهيم وااااااااايد زين



الحمدلله


ربي يسهلللللللللللللللللللي يا بنااااااااااااااااااات ادعولي


دكتورة عطتني شوي فيتامينات فقط


جبيت نطمنكم وماتنسوني من الدعاء
============================