لمة الليبيات لشهر جمادي الاول 1431 ه ....

عروسة ليبيا;11876703:

روز


بجديات حبيبتي لازم تبدي تخشي اطيبي هلبا مرات تكوني ف البيت وقت غذا لازم تمارسي الطبخ وتتعودي علا الاكل اللليبي


لان توة وماما معاك اى حويجه تحيري فيها تتعلميها ووتوريك صح وين تغلطي وين حاجه تخرب توريك لاش خربت وكيف تندار صح

وكل اكله لو اتجربيها مع ماما مرتين تلاته تولي مشاء الله روعه ف كل شي


ترتاحي بعدين وتبدا هادي مهاره وميزه عندك وتبدي تهني علا روحك وادلعي حبيبك بالحاجات الي يحبها


لان اهو اكتر دلع يحبوه الرجاله وما يملوش منه وماهوش طقه اول الزواج لالالالالالالالا

بالعكس تبدا كل ما درتي منه وكررتي ونوعتي تزيد براعتك فيه وتولي شيف ومحد زيك يدلع بيك قدام اهله واصحابه وكل الناس


-------------------------

يااا ان شاء الله بعد ماكمل امتحناتي تو نبدا

امي توا اكيد بتروح وتلقاه انحرق بتعطيني محاضرة ان مفروض اتعلم واني اللي مفروض انطيب بدلها وان البنات في ليبيا اصغر مني ويعرفو يطيبو وان كيف حتتزوجي وماتعرفيش اطيبي
وان مهما كنتي اقنينة ومرتبة .. المرا الفالحة هي اهم شيء وامه تو تقول شن هالبنت اللي تزوجها ماتعرف ادير شيء

قتلك اني امقعمزا ونستني امتي امي بتروح وتعطيني المحاضرة

اعرف اش حتي بتقول لاني حفضتها

يلا عدت علي خير ههه وصلت امي

وهي ع الباب اطقطق حتي افتح قتلها مش حنفتح لين برومس انك ماتكشخيش اعليا

قتلي شن درتي من عملة ههه

اكيد نحرق الاكل قتلها يسسسسسسسسسسسس قتلي افتحي افتحي وبس وفتحت وبس ههه

كنت شايلة هم التكشيخة ههه

عروسة ليبيا;11876909:

ههههههههههه


روز تعرفي شكله مامتك صاحبه ماماتي


بس والله والله والله ندمممممممممممممممممت هلبا


لاني ماعطيت هالجانب حقه وكلامه مليون ف الميه صح صح


ولاني جربت وتليعت ننصحك فيكي


كنت مركزه علا الخلطات والوصفات ولانجري وشموع والاغاني واليسا وفضل شاكر

ههههه وبعدهااا اخي حسيت روحي


كلامها صح تي وكان شن تكوني من جمال ولبس ودلع

لو انتي ماتعرفيش ف طبخ راح يجاملك فتره وبعدها يتنكد

تعرفي راجلي اني باااااااااااااله واااااااااااااااااسع كان معاي ويدلع ويطلب ف اكل ويطيب معاي و
من حظي اني مش ف ليبيا ولا راح راح يذوق الا اكلي


عاد انتي بسكني ف ليبيا وومعاه صحاب ومرواتهم واهله ونسابتهم واقاربك واقاربه لازم بتنعزمو وتطلعوو


واكيد امه مكلتها حلووووة لانه يحب الاكل الليبي ويبيك تتعلميه


تعرفي يا روزي والله نصيحه ليك من مجربه واني عارفه انو فرصتي هنا بروحي وطبع راجلي ووووسعه باله ف جو اهو

مرات مش راح تتوفر لغيري


لذا نشدد عليك راهو العرس والجهاز كله في شهر شهرين بكتيرو يتلم

وووفالنت المواقع تتشابه اغلب الاساسيات عن الاعراس الليبيه ولا جهاز و لا شن اديري عرفتيه


ف ركزي علا جانب اهوو مش تاجلي زي انا زمان كل سبت نقول تاني


زي رجيمات هههههههه


خلي يوم ف سبوع من توا خشي فيه ولبزي واهلك بياكلو ويساير و ويضحكو عليك لكن مش راح ينتقدوك


لكن راااااااجل بينتقد وبيبان عليه مهما جامل راح تهنز صورتك

لانه ما جوز الا وهو يحلم بالانثى الي تملاها حياته من كل جانب

مش بس ف الامور الخاصه والمعنويه حتى هادا الامر عندهمممممممم مهم



يلا موفقه ف امتحانك وربي معاكي

اني خطيبي من توا يقولي
وين مانقوله امكسدة يقولي خشي اتعلمي حاجة انقوله مزال هلبا العرس تو نتعلم

يقولي لا تعلمي من توا باش اطيبي هلبا لان اول مرة بتجيك محروقة والتانية صامطة والتالتة مالحة
واني مانبيكش تتعلمي اعليا
نبي اتجي وانتي تعرفي اطيبي ههه

ويقولي حي اعليك اني ديما ندلع ع الاكل وانقول هدا مش حلو وخصوصا لي امي ديما امدرهلها كبدها بي لااكل وتقولي تو نشوفو خطيبتك كيف بطيبلك انقولها لا تعرف اطيب

ف ماتحشمنيش امعاها ههه تعلمي كويس

لا ان شاء الله بتعلم لان الراجل اللي عندي ههه اهم شيء عنده الاكل
ومهما كان شكلك اقنين وامرتب لو الحوش مش مضموم والاكل مش باهي وطايب في وقته والحوايج امرتبات وكل شيء يلمع يعني ماتنفعيش ههه

عروسة ليبيا;11876982:

اني خطيبي من توا يقولي
وين مانقوله امكسدة يقولي خشي اتعلمي حاجة انقوله مزال هلبا العرس تو نتعلم

يقولي لا تعلمي من توا باش اطيبي هلبا لان اول مرة بتجيك محروقة والتانية صامطة والتالتة مالحة
واني مانبيكش تتعلمي اعليا
نبي اتجي وانتي تعرفي اطيبي ههه

ويقولي حي اعليك اني ديما ندلع ع الاكل وانقول هدا مش حلو وخصوصا لي امي ديما امدرهلها كبدها بي لااكل وتقولي تو نشوفو خطيبتك كيف بطيبلك انقولها لا تعرف اطيب

ف ماتحشمنيش امعاها ههه تعلمي كويس

لا ان شاء الله بتعلم لان الراجل اللي عندي ههه اهم شيء عنده الاكل
ومهما كان شكلك اقنين وامرتب لو الحوش مش مضموم والاكل مش باهي وطايب في وقته والحوايج امرتبات وكل شيء يلمع يعني ماتنفعيش ههه




لا تعرفي املالالالالالالالالالالالالالا شدي حيلك انا راجلي حاجه تشبعه وخلالالالالالاص ولانه تجوز 36 سنه طول برا وخدم ف صحرا ف يطيب بروحه ويحب ينوض يديرلي شورما مشاوي مكرونه ههههه كل شي يديريه وباله وووووووووواسع ومش نكدي ف جو اهو



لكن برررررغم اهوا كله تتاثر حياتك وجوووك علا حاجه زي اهيا وبرغم اهو تحسي روحي اخي لما تبدي امور بسيطه ماتعرفيهش


راني مش نخوف فيكي


لا والله جديااااااااااااااااااات مدام راجلك من نوع الكييييييف ف الاكل ويفهم بزياده فيه ويحب الماكله وهزاي علا الماكله الي مش مقدوده صح

شششششششششدي حيلك هلبا وتوكلي الله وابدي من توا ف وقت فراغك و من هنا لي قبل العرس مفروض تكوني زبطي كل شي وتمكنتي منه وووتبدى قنانه ولا من زيك

يدلللللللللع بيك علا راحته وراهو كله بيولي دلع ليك حتي انتي لما تملا بطنه بنزين قلبه وحبه بنزيد هههه وبيصرفهولك دلع كلووو

ههه

حتي انا خطيبي عايش برا 8 سنوات في بريطانيا بروحه وهو اللي يطيب
بس اختي قالت يعرررررررف يطيب .. هو يسكن مع اصحابه كان
ف راجل اختي مرات يقلوله تعال .. يوم اللي امطيب خطيبي الاكل ع طول يكملوه .. يقولو يفهم في الاكل وعنده لازم تنوعي يوم اكل ليبي يوم ايطالي يوم هندي هكي يعني

مستحيل ياكل هكي مكرونة مبكبكا ولا رز ويسكت

لا حاجة رئيسية ومعها يقولي ع الاقل 3 اشياء تانية وانواع مختلفة من السلطة ومش عارفة شن تاني ويقولي نوصل الحوش نلقا الاكل ع الطولة .. قالي كله نتفاهم فيه الا الاكل !

ههه هديكا المرة باعتلي موقع امتع فيه طرق اكلات يقولي كله تعلميه

والموقع بس البيتزا حاطين 80 طريقة ونوع
ليست طويلة عريضة

يقولي يلا شدي حيلك وتعلمي .. كل يوم بنجيبلك اعزومة لاني !


هدا مافهمتش يبصر ولا صح يبيني اندير كل هدا !

اي حقا بنسألكم ههه جبتلكم موضوع ههه

اوكي لما تتزوجو او المتزوجات

كيف تقسمو الفلوس ههه

يعني هل يعطيك كل شهر فلوس ليك انتي في البنك تنزل ليك انتي تشري حجاتك والاشياء التاية هو يدفع او يعطيك مصروف الحوش كله

ولا وين ماتبي شيء تاخدي منه وبس !

مساء الخير على الحلوات الامورات السمحات النزيكات

*الننس*;11877011:

حيه يا روز لو كان خطيبك يتكلم جد
معناها يبيك ست بيت درجة اولىىىىىىىىىى
ف لازم تاخدي كورسات مكثفة في فن الطبخ

هو اضني يبصر

لان مستحييييييييل يكون يتكلم جد

لان يعني عارفني شكل وحدة مش امتع عزايم و تطيب باهي

يالهوي كان يتكلم صح !

لا بس مااضنش متوقع مني شيء .. لان راحت ليل كنهدا

السلام عليكم

كيف حالكم ياحلوات اليوم
:086:

هيا اعطوني رايكم




اسسسسسسسسسسس ماما اليوم راضيه علي اهله نوضتني من صبح هيا ديري حلويات حتي خوك يرجع ليهم سفرتهم

وجري جري حتي حاجات بنغلف بيها ماشريها مش عارفه كيف جئ تغليف هذا

وهما اتصلوا وشكروني علي حلويات وقال مش ضروري تعب

ماما جنبي تقولي شنو نقول
خخخخخخخ بصراحه ولا كانها ماما متع اول امس:037:

وحتي هما في تلفون ولا كانهم هما


اميرة كيف حالك وكيف حال البنيه ان شاء الله بخير شنو يخبروا اهلها علي صحته


عروستنا الحمد الله قتلك انك انتي بخير غير تفكري واجد ههههه هيا نبي بشاره

نرجس الحمد الله مشيت امورك تمام خلاص كم شهر وتكنوا بروحكم لا ماما ولا غيرها :037:

دايمند رينق :032: مشكوره ع ردك في تجهيزات :032:

انتم تبصرو عالبعض والا مدايرينها جديات ..انهاركم احرف تبو يسكرو علينا اللمة كل وحدة تتعود من الشيطان وتسكت .


اللمة هادي مكان كل وحدة فيه تفضفض عاللي في خاطرها تحكي اللي تبيه وتسأل اللي تبيه وكلنا نتقبلو بصدر رحب وبروح رياضية

ونسايرو بعضنا ونضحكو ونبصرو لان ماتندروش عالشخص اللي تتكلمو معاه شن ظروفه كيف هيا حياته علاش يتكلم هكي وعلاش يحكي هكي

ارجوكم خلو اسلوبنا حضاري مع بعضنا


واحنا من الاخير خوات ومن بلاد وحدة والل يصير علينا كلنا حتى لو كل واحد في مكان

ولا وين ماتبي شيء تاخدي منه وبس !

عروسة ليبيا;11877213:
ولا وين ماتبي شيء تاخدي منه وبس !

روز 90 ف الميه من ليبين داخل ليبيا الراجل مسؤل عنها ويعطيها ويصرف عليها ويهديها



ممكن لو كانت هيا موظفه برضو مسؤله منه هكي دين الاسلام

ولو تحتاج اى شي ترجعله ممكن يكونو ف اول حياتهم ف العروسه تساعد راجلهااااااااااا يعني متلا مصاريف العطور الميك اب امورها الحريمي متاع النسوان تخليها عليها

وهو مسؤل عن علاجها وكسوتها ف الاعياد ووووووديما ترجعله واكيد هو الي يصرف علا الحوش وهو المسؤل عنه

بس لما يكونو زوز رواتب هيا وهوا ممكن يتساعدووو


تقدري ف الامور اهيا الي مش واضحه ليك ترجعي لماما لان ماما من ليبيا واكيد عارفه نظام رجاله الغالب عندنا كيف وحتي خواتك بما انك رجالتهم لييبين يجو لي بنغازي وعارفات الجو العام

طبعا ف حاله اسثتناء لما يكونو ف غربه ظروفهم تختلف عن الي مستقر ومرتاح ف بلاده زي حالتي انا وراجلي نبو نحوشو بش نروحو مرتاحين ف نبي نوفرو المفروض مع ان لي توة ما وفرناش

======================================

لا انا اقصد يعني ع الايام العدية بعد الزواج !

مثلا انا وخطيبي هديكا المرا كنا نتكلم ودخلنا ع هالموضوع

انا احسن شيء عندي ان مااحب كل مرة اقوله اعطيني مثلا بنشري هادي او القيت هادي

ف هو ع طول لما يجيه المعاش ينقسم جزء لي انا اندير بيه اللي نبيه .. !

ومثلا اختي معاش راجلها كله يجي في بنكها هي هي تدفع الفتورات وكل شيء وتحول قسم منه ليه لول

بس خاطري اندير زي اختي ههه معاشه اخده انا هه


===

سوري اميرة الانسات ع ردي ع الموضوع التافه اللي مايليقش بمستواك !! بس اتكلم انا وعروسة ليبيا يعني ف ممكن تغمضي عيونك شوي وماتقريش هالردود لو سمحتي .. اخاف تعصبي بعدين

حياة حلوة

الحلويات انتم امدايرينهم ؟؟

سو كيوت كانهم مرسومات رسم .. والتغليف فيري نايس
بس مبروك :)