العرائس الجزائريات..هنا سيكون ملتقانا..

حبيبتي marseille حاولي تنزلي الصور مع بعض في مشاركة وحدة..

او اثنين بالاكثر..

وما تنزليش كل صورة وحدها..لان العضوة مش لازم تحط 3 مشاركات ورا بعضهم..


شكرا ..


اليوم كي حكينا على المناشف..

جاتني فكرة..

نحطلكم كل اللش اللي نحتاجوه للحمام في الجهاز..

طبعا اول حاجة المناشف حكينا عليها..

العدد مثل ما قالت حلم وامل.. 10 وانا في قائمتي حطيت 20..

يعني كل وحدة على قدر ما تحب..

المهم تحاول تنوع بالالوان والموديلات..

وحاولي تشري نوعية جيدة..

طبعا اللي تكون قطن مئة بالمئة..




ثاني حاجة les tapis de bain


هناك انواع كثييرة وبألوان كثييرة..

حاولي تشري 2 او 3..

اعتقد في البداية يكفيو







هدا للمناسبات الخاصة..وللحمامات الرومنسية..احم احم..


ثالثا اكسسوارات الحمام..

2 او 3 ايضا يكفيو..
حاولو تناسقوهم مع les tapis




رابع حاجة..rideau de douche


انا بصراحة ما نحبهمش بزاف..

نحسهم يضيقو الدنيا..

لكن كان ناس يحبوهم..

واللي تحبهم تشري واحد او 2 يكفيو.. اختاري الوان تكون متناسقة مع باقي الاكسسوارات..



وطبعا ما تنساوش ادا عندكن نافدة في الحمام تشيولها ستارة..

واخيرا ..

ما تنساوش تعملو رفوف ..تكون زجاجية او مثل ما تحبو..

انا هادو عجبوني بزاف..





لكن نفضل نعمل بالزجاج..ونحط فيهم des boite et des paniers

ما في الصورة..


ان شاء الله اكون افدتكم..

واعطوني رأيكم يا البنات..

وقولولي ادا نسيت حاجة..

تعبت اليوم بصح راح نرجع مع باقي الأحذية و كل الجهاز انشاء الله و نتمنى نشوفو صور جهازكم انشاء الله و ربي يهني كل واحدة و دعولي ربي يسهلي و يكملي على خير و يخليلي زوجي انشاء الله.

شكرا حبيبتي لونا على التوضيح انا حاولت نحطهم في وقت واحد لكن قبل منخلص انقطع النات و تعبت عليهم بزاف alors خفت تروح la connexion على بيها à chaque fois نخلص une photo نزراب انحطها merci une autre fois pour la remarque.

Marseille;11950873:

هذا عجبني بزاف روعة , يتشبه لصباط guess هنا , مارسي بزاف على الصور و صبابطك كامل روعة بصح اضن انك كثرتي من الاسود , هو صح يتلبس مع كلش بصح سيي تدي الوان اخرى على حساب اللبسة اللي شاريتها , مثلا انا شريت واحد ازرق و واحد موف و واحد ابيض بالدوغي و كان عندي واحد اسود ما استعملتوش بزاف لاخاطش ما نخرجش بزاف
و ما تنسايش حاجة تكون خفيفة بلا طالون راح تستعمليه في المشية اذا رحتي للبحر او خرجتي تتمشاي مع راجلك لازم تكوني مرتاحة
و ربي يكملك في زواجك و يهنيك ان شاء الله F:F:F:

صباح الخير شكرا حبيبتي هاشمية أنا شريت ثاني ليبالغين محطيتش برك الصور نتاعهم و أنا اللون المفضل عندي هو الأسود على بيها كثرت منو.

نعرف la marque Guess و نموت على لي ساك نتاوعهم و ساعاتهم بصح غالية بزاف نتمنى نشوف صور حوايجكم ثاني.

واش هاذ التفنيين يا بنات هيا وريولي صور جهازكم باش نوريلكم صور الذهب التاعي و أكسسوراتي.

Marseille;11956037:
واش هاذ التفنيين يا بنات هيا وريولي صور جهازكم باش نوريلكم صور الذهب التاعي و أكسسوراتي.

انا مازال ما شريتش بزاف حوايج..عندي صباط واحد برك..وان شاء الله مباعد نحاول نصورهولكم..وعندي اوسي قماش شريتو للساري مباعد نصورو ونحطهولكم..حوايجك رووعة وعجبوني..زيدي صوريلنا كل اللي عندك..نستناكي..دمتي بود..

انشاء الله حبيبتي راح نصور كل حاجة juste نلقى الوقت برسكو نخدم ثاني و عندي الوقت que le week end.

Marseille;11955266:
صباح الخير شكرا حبيبتي هاشمية أنا شريت ثاني ليبالغين محطيتش برك الصور نتاعهم و أنا اللون المفضل عندي هو الأسود على بيها كثرت منو.

صباح النور اخت مارساي و صباح النور عليكم كامل ( انتوما عندكم العشية صافي مساء النور 9t . تلبسي وتقطعي بالصحة انا راني مع الامتحانات و شوي ما عنديش الوقت باه نقعد نصور و نحطهم هنا < برك ندخل هنا باه نشوف باه ما تفوتنيش هادي اللمة الشابة:adore::adore: , خلي يخلاصو الامتحانات و شرطك فيا مع انو جهازي ماهوش كامل , شريت الملابس الداخية , لينويزات , لي بارفان , لي لوسيون , الصبابط نتاع دايما , و حاجات خفاف تع كل يوم , و الباقي في الدزاير ان شاء الله لاخاطش ما كاش هنا هادوك الصوالح
, برك ما تكتبيش " مشاركات مع بعض باه ما يغلقوش الموضوع
F:F:F:F:F:F:F:F:

مساء الخير حبيبتي حلم و أمل لا أنا نشري من modatoi موقع فرنسي متخصص في الأحذية و صراحة الأحذية نتاوعو شيك بزاف و نشكرك على الصور نتاع لجهاز نتاعك حوايجك ثاني شابين بزاف مزال عندي أحذية انشاء الله انزلهم في الأيام القادمة وربي يهنيك انشاء الله و يهني كل عروسة.

Marseille;11959646:
مساء الخير حبيبتي حلم و أمل لا أنا نشري من modatoi موقع فرنسي متخصص في الأحذية و صراحة الأحذية نتاوعو شيك بزاف و نشكرك على الصور نتاع لجهاز نتاعك حوايجك ثاني شابين بزاف مزال عندي أحذية انشاء الله انزلهم في الأيام القادمة وربي يهنيك انشاء الله و يهني كل عروسة.

آميـن ياربي
شفت الموقـع انتاعـــو، عندو بزاف حاجات شبيـن، كيفاه جاك التعامل معاهم مضمون؟ و شحال يبقاو من مدة باش يوصلوك؟
عجبوني les tongs و les ballerines للي عندهم، تسمعـني ماما تقتلني:hysterical: ههههه راهم عندي بزاف، اكثر من 60 حذاء،،، مرة أخرى نوريهم إن شاء الله، بصح نحبـس من شريانهم، نضن نخلي نص في دارنا, صح راني كارثة مع الأحذية :-#

marimare;11959689:

حبيباتي توحشتكم

راني في كل وقت ندخل ونشوف مشاركاتكم مي راني حزييييييييييييييييييييييييييينة la connexion عندي ضعيفة مايخرجوليش الصور الي حطيتوهم

راني متشوقة باش نشوف صور جهازكم

لا ماشي أنا لي نشري انا نخير الصباط و راجلي في فرنسا هو لي يشريهولي و يبعثوهولو لدار و باعد هو يجيبهوملي كي يجي عندي 4 بالغين منعندهم شابين بزاف.

Marseille;11960012:
لا ماشي أنا لي نشري انا نخير الصباط و راجلي في فرنسا هو لي يشريهولي و يبعثوهولو لدار و باعد هو يجيبهوملي كي يجي عندي 4 بالغين منعندهم شابين بزاف.

بـصحتك و تتهني فيهم مسبقا،les ballerines ترتاحي فيهم بزاف، :thumbs_up:خير من الكعب العالي ولا يجيني ثقيل في اللبـس ملي ولفت الهابط .

كيما قلتيلي أختي مرساي بلي راجلك هو يشريهم لك الله لا يغـيِره عليك بعد ماتخيريهم، فكرتيني في روحي و العقدة للي عندي
مانقدرش نقول الخطيبي يشريلي حاجة، ولو حتى فنجان قهوة ....حتى إذا قالي نشريلك هذيك الحاجة و تكون في خاطري،نقوله لالا، ماعرفتش علاه،مسكـين مرات يزعـف و يقولي علاش ماتحبيش نشريلك،،، مع أني نحب يشريلي بصح بلا مانقولو, وش نورمال قولولي؟

حنونتي هاذي حاجة نورمال en plus j'ai pas le choix انا في الجزاير باش نحب نشري حاجة شابة لازم تكون من فرنسا alors لازم يكون واحد في فرنسا باش يشريهالي alors je trouve pas bien que mon mari