العرائس الجزائريات..هنا سيكون ملتقانا..

و انا وياه رانا مزوجين ما بقاتش غير خطبة و الحق ربي يخليهولي كل حاجة يحب يشريهالي و يانسيستي عليا و اما des fois يغيظني نقولو لا لا بصح هو يحب يشريلي و نقولك الصح انا ثاني ما شرطت فيه والو نهار الخطبة c'est pour ça يحب يشريلي aussi.

اسمحيلي حنونة je veux dire je ne trouve pas mieux que mon mari.

ربي يحفظـكم أختي و يدومكـم لبعضـكم... حتى أنا ماشرطت فيه والو
بصح كيما قلت لك نحشم نطلب حاجة من عندو،،،، صحاباتي يقولولي نتبـدل بعد الزواج بصح أنا نعرف روحي ههههه ..

السلام عليكم ورحمة الله وبركاته..


حبيبتي حلم وامل..روووعة عجبوني بزاف صبابطك..











سيروتو هدو الثلاثة روووعة..

هدا هو الستيل اللي نحب..

انا مازال ما شريتش الحوايج..

لان كما قلتلكم العرس مازال ما تحددش ..

وحبيت نبدى بحوايج الدار..

وكي نخلصهم وكي يتحدد موعد العرس ..نشري الحوايج الخاصين بيا..

عندي حداء واحد شريتو ..


ان شاء الله نحطهولكم..


وعندي القماش تاع الساري..


ان شاء الله نحطهملكم..

وخطيبك عادي ..

انا اوسي ما نحبش نقلو يشريلي والو..

وهو دايما يقلي خليني انا نشريلك هدي مي مانحبش..

ماعلاباليش علاه..

كيما قلتي نحب الحاجة يشريهالي بلا ما يقلي ..

واتي يا مرساي عند الحق..

مادام راجلك في فرنسا قوليلو يشريلك من تم خير..


حبيبتي ماريمار..

ان شاء الله الكونيكسيون تتعدل عندك..للاسف هدا مشكل وطني..


وان شاء الله تشوفي الصور..

وتحطيلنا الصور تاع جهازك اوسي..

حبيبتي حلم و أمل راكي غالطة خطيبك لازم متحشميش منو لازم يشريلك نورمال وانتي ثاني تشريلو لوكان تلقاي حاجة شابة و نظن بعد الزواج راح تتبدل العقلية انا ثاني كنت نحشم حتى قرعة ماء نحشم نقول عليها بصح زوجي ولفني و كيما قتلك انا ستيل ديالي منسيبوس في لبلاد للاسف سيرتو مع التقليد لهذا لازم نشري من فرنسا و ربي انشاء الله يهنيك في زواجك الثاني و تتهناي و يرزقك بالذرية الصالحة ودعيلي ربي يسهلس و يتمملي على خير و يسترني و يجمعني بزوجي عاجلا غير آجلا يا رب وسمحولس طولت عليكم.

يا البنات..

وين راكم..

كل ما ندخل ما نلقى حتى وحدة..


حبيت نسقسيكم على الحوايج تاع الدار..

كل وحدةتقول لنا واش تلبسي في الدار..

يعني شريتي قنادر تاع الدار..

ولا ؟؟

انا بطبيعتي ما نلبسش خلاص الجبب تاع الدار..

مساء الخير لونا نتمنى تكوني بخير انتي و جميع الأخوات انا معنديش بزاف ملي دخلت لدار parce que كنت في الخدمة، اما pour ta question انا شريت غير ليبيجاما ليشورت ليروب كورت بصح لقنادر كيما تقولي نتيا شريت 5 نتاع صيف و 5 نتاع شتاء درت حسابي لوكان نروح عند عجوزتي و شيخي ضيفة و لا هما يجيو عندي لازم نلبس قندورة طويلة نحشم منهم parce que أنا toute la famille de mon mari en france و شريت 4 Robes نتاع الخليج باش نلبسهم في العيد أو سهرة رمضان انشاء الله. و سلامي للجميع

حلم و أمل;11967627:

سلام عليكم حبوبات
راني حطـيت تصاور انتاع حـوايج تصديرتي، شوفوهم و قولولي رايكم

http://forums.3roos.com/showthread.php?p=11967500#post11967500




ضربونا بعـين ههههههه
لونا حتى أنا ماعـنديش قاع مع الجبب و القنادر
أنا نلبـس بزاف ليسورفاتمو، و لا جيبوات قصار، أكثريتها حد الركبة، هذا كي نكون وحدي وخلي وخلي ههههه
وإذا كانو الضياف، عندي ليروب طوال، و نلبـس صروال بلاليكات نتاعووو في البلاد يهبلو،sinon دي جيب طوال و البوديات،، و في سهرات انتاع رمضان par exemple نلبس قندورة شيك عندي 2، وحدة في الgrena مطرزة بالفضي و الأخرى في الmauve بارد مطرزة بالذهبي

ما شاء الله روعة تصديرتك . هداك القفطان اروعهم :adore::adore::adore: ما شاء الله
مام الكاراكو حطة بزاف . و لاغوب بلونش ثان عجبتني . العقوبة للمرة الجاية في عرسك اللي ان شاء الله يكون عرس تع الهنا و ربي يهنيك في حياتك
F:F:F:F:F:F:F:

حبيبتي حلم و أمل تصديرتك شابة بزاف الله يبارك وقيلة ضربوك بعين نهار العرس المهم ربي يحفظك و يكملك على خير و ييسر أمورك و يرزقك الذرية الصالحة يا رب. راح نوريلكم la boite d'accessoires نتاعي وقلولي واش رايكم.

hachemia;11967731:
ما شاء الله روعة تصديرتك . هداك القفطان اروعهم :adore::adore::adore: ما شاء الله
مام الكاراكو حطة بزاف . و لاغوب بلونش ثان عجبتني . العقوبة للمرة الجاية في عرسك اللي ان شاء الله يكون عرس تع الهنا و ربي يهنيك في حياتك
F:F:F:F:F:F:F:

آميـــــن ياربي، إن شاء الله تصديرتك تكون أجمل و تتهناي العمر كله يارب:L:
نوصيك حنونتي على حاجة لأنك رايحة ديري عرسك في البلاد،
المصورة، و ماأدراك من المصورة ههههه... إذا كنت رايحة تجيبي وحدة، روحي ليها أول ماتوصلي للبلاد،وشوفي وحدة شاطرة ومضمونة
أنا خدمت مع وحدة، التصاور و الفيديو حرقتهم لي كلهم:mad:،،،، و كامل التصاور للي عندي انتاع الدار و صحاباتي:(...و نهار العرس، اتصلو بيا و قالولي اللي طلبتيها ماتقدرش تجي، نبعثولك وحدة أخرى:woo:.... المهم راني وصيتك باش تعرفي كيفاش تتعاملي و معا من

lona-11;11967263:
يا البنات..

وين راكم..

كل ما ندخل ما نلقى حتى وحدة..


حبيت نسقسيكم على الحوايج تاع الدار..

كل وحدةتقول لنا واش تلبسي في الدار..

يعني شريتي قنادر تاع الدار..

ولا ؟؟

انا بطبيعتي ما نلبسش خلاص الجبب تاع الدار..

السلام عليكم
مام انا ما نلبسهمش بزاف تلقايني دايما ببنتاكور و لا بيجامة طويلة , راجلي مسكين ما يسقيني واش راني لابسة نقولو سروال , شورت , بونتاكور عقدتو مرة قالي انتي ما تلبسيش الجبب كامل في حياتك ههههه :worn_out:
بصح كي نهبط للدزاير ان شاء الله نشري لاخاطش راح نسكن مع دارهم في الشهرين اللي راح نقعد في الدزاير و بما اني متحجبة لازم نكون لابسة محتشمة و بالحجاب في الوقت اللي نكون برا لا شومبر انتاعي ,
حتى انا كان عندي سؤال عليهم , في المرات اللي كنت نجي للدزاير فيهم كنت نشري جبة و لا زوج نلبسهم في الدار ادا جاء كاش واحد من لافامي و لا جبب تع الدار تع الشغل بصح المشكلة غير نغسلهم يتكمشو و يشربووو ز يصغرو :thumbs_down: سييت اشريت من الغالي بصح كيف كيف , و باه نقعد نحدد فيهم بزاااف سورتو مع السخانة , فيا ريت اللي تعرف نوع القماش اللي ما يشربش تقولي عليه و مشكورة مسبقا
F:

حلم و أمل;11967832:
آميـــــن ياربي، إن شاء الله تصديرتك تكون أجمل و تتهناي العمر كله يارب:L:
نوصيك حنونتي على حاجة لأنك رايحة ديري عرسك في البلاد،
المصورة، و ماأدراك من المصورة ههههه... إذا كنت رايحة تجيبي وحدة، روحي ليها أول ماتوصلي للبلاد،وشوفي وحدة شاطرة ومضمونة
أنا خدمت مع وحدة، التصاور و الفيديو حرقتهم لي كلهم:mad:،،،، و كامل التصاور للي عندي انتاع الدار و صحاباتي:(...و نهار العرس، اتصلو بيا و قالولي اللي طلبتيها ماتقدرش تجي، نبعثولك وحدة أخرى:woo:.... المهم راني وصيتك باش تعرفي كيفاش تتعاملي و معا من

مارسي اختي , انا عندي بنت خالي تخدم مصورة و راني حاجزتها من ضرك قلتلها باش ما يفوتهاش العرس
و مارسي عن النصيحة و يا ريت تزيدي من النصائح يقولك سال مجرب و لا تسال طبيب
و كاين شي حاجات احنى ما ننتبهولهاش حتى توقع الفاس في الراس فيا ريت تفيدينا و الله يجازيك الخير يا رب

F:F:

اسمحولي والله نسيت محطيتش la photo désolé و الأن قلولي واش رايكم




انتظروني بعد قليل راح انزل ماكياجي

Marseille;11967955:
اسمحولي والله نسيت محطيتش la photo désolé و الأن قلولي واش رايكم




انتظروني بعد قليل راح انزل ماكياجي

روعة هادي شريتيها من ثم في الدزاير و لا من فرنسا ؟

مممممممم عجبتني بصحتـك... حتى لونها راقي :)

هاذي شريتها من العلمة بويسك نسكن في سطيف الصح لعروسة لعادت في البلاد ما تلقاش خرمن سوق دبي نتاع العلمة باه تشري جهازها كلش شيك و رخيص و غاغ متلقيهش في بلاصة اخرى.

Marseille;11968109:
هاذي شريتها من العلمة بويسك نسكن في سطيف الصح لعروسة لعادت في البلاد ما تلقاش خرمن سوق دبي نتاع العلمة باه تشري جهازها كلش شيك و رخيص و غاغ متلقيهش في بلاصة اخرى.

انا واش يديني للعلمة , بصح مادام كاين ثماك يعني كاين في الجي سونتر و لا البليدة لاخاطش ثماك قريبة ليا و نقدر نروح
مشكورة اختي و بصحتك

hachemia;11968237:
انا واش يديني للعلمة , بصح مادام كاين ثماك يعني كاين في الجي سونتر و لا البليدة لاخاطش ثماك قريبة ليا و نقدر نروح
مشكورة اختي و بصحتك