العرائس الجزائريات..هنا سيكون ملتقانا..

lona-11;11867685:
بنات ماجاوبتونيش على سؤالي الاول..


نستنى الاجابة ورايحة نسألكم سؤال ثاني..


كل وحدة تقول لنا قداش شرات من كل حاجة..

سواء للبيت او الملابس..

يعني قداش بيجامات..

واحدية..

والبسة..

والعطور..

والافرشة..

والزرابي ...

وقمصان النوم..

والملابس الداخلية..

والستائر..

والمناشف..

والاغطية..

رجاءا..

ضروري جدا..

باش نشوف ونعمل حسابيقداش نشري..


معنديش خبرة خلاص وانا اكبر وحدة بالدار..

وحتى صاحباتي ما علابالهمش..وحدة ما تزوجت اعادا..

يعني كلنا قاعدين نوجدو...


جاوبوني والا..:039::039::039::066::066::091::091::01::01:


يالله نخليكم..

ونحب كي نرجع ..:087::087:

ammatal3alim;11892677:

salam alikom

matatkalkich drk khtek ammatal3alim tjawbek
bien ke sou2al wa3er
nti wa drahmek
an m3a lawal kont nechri min kolach
ye3ni ida khrejt ki nchof haja te3jebni nechriha
hata jet liya bent khelti kalatli warili wach chriti
kalatli 3andek kifaya matzidich
el mohim ken 3endi par exemple 02 pyjamas diel chta et 02 robes te3 dar diel chta
04 nuisettes cotton
el mohim min kol catégories tekhdi 2 wala 3
mathaan komssan ennawm naw3i satin dentelle cotton tulle
twel kssar short robes
al hamdullah kayen min kol nou3
kolili win tassokni nkolek mnine techri
ana rani fi al 3assima ida 3endek nassa2ih madili
astawdi3ki allah

شكرا اختي على جوابك..

انا نسكن بسكيكدة..

لكن عندي اهل بالعاصمة..

وبالصيف ان شاء الله جاية باش نشري من تم..


قالتلي بنت خالي كاين حوايج ملاح..

انا حتى لدرك شريت غير الافرشة..

ومازال ما بديت في الملابس..

لكن حابة نبدا هدا الايام..

وان شاء الله ننوع من كل شي..


ان شاء الله نشوفوكدايما معنا بالتجمع...

وشكرا..

دمتي بود..

سلام الحمام;11908817:

سلااااااااااااااااااااااااام لونا حبيبتي....و كل العراااائس .انا مازااااال واااالو نستنى نفوت الفاتحة ان شاااااااء الله العقبى للي مازالو ان شاء الله. بصح شريت بديت في ديسمبر بحوايج الخدمة تاع الشتاء مادامني خدامه pules , pantallons et costumes.و شريت les nuisettes 8 قصار ساتان و دونتال و تtule.

lنا كنت خادمه من قبل مفارش سرير brodrie.satin b l'organza+ cache rideaux
وشنو ثانييييي.....ايه اكسسوارات زينة كي نلقى حاجات شابين . و حبست حتى نشري دهب خاصني بزاااااااف...:054: انا من خميييييس مليااااانة:087:

اهلا بيكي حبيبتي سلام...

الف مبرووك الفاتحة وان شاء الله ربي يوفقك..


انا مازال ما بديت في اللبس..

حابةنخليهم اخر حاجة ..لامموعد العرس مازال ما تحددش ويمكن في 2012


قلت نخلص الشي تاع الدار ..وبعدها نكمل الباقي..

الدهب..بابا يشريهولي..انا ما مخمماش فيه..

بصح سخفتيني نشري البيجامات وles nuisettes

وحتى les chaussures


....


نسيت حاجة..

شفت اوسي حاجات مواعن عجبوني..

ان شاء الله نصورلكم واش شريت ونحطهملكم هنا..


نستنى مشاركاتك..

دمتي بود..

بنات العاصمة حابة نسألكم..

انا حبيت نشري les draps satins لكن ما لقيتهمش يتباعو هنا..


قوليلي ادا كاين ..لاني مثل ما قلتلكم جاية في الصيف...


كل وحدة تقلي وين يتباعو ادا كاينين..


هدي صورتهم..

رجاءا جاوبوني..





اتمنالكم التوفيق..

دمتم بود..

السلام على بنات بلادي . انا من المدية بصح عايشة في امريكا و جوست في فيلادلفيا , عرسي راح يكون في جويلية ان شاء الله و مانيش راح نجي للدزاير حتى لجوان يعني بعد شهر , و جهازي بسيط نوعا ما لاني مانيش راح نبقى في الدزاير بزاف بعد العرس هية كامل مدة شهرين باذن الله,
كما قلت جهازي قليل و بسيط بصح اكثر حاجة كثرت منها هي الملابس الداخلية , هاذي نصيحة قالتهالي بنت خالتي زمان كي كنت صغيرة , كان في عمري 10 سنين و هية ادات فاليزة كاملة غير لي سورفاتمو انا كنت نضحك عليها قلتلها فرغتي الحوانت هههه هي قالتي معليش و قاتلي ننصحك كي تجي دالتك ( و راهي جات دالتي ) باه نكثر منهم و صح كلامها يعني الواحدة قد ما تكثر منهم مليح .
و الباقي اكتبت ليستا تع الحاجات اللي محتاجتهم و كل ما نشري حاجة نمحيها من لا ليست , و الله اني نحس جبل طاح من كتفي كل ما نشري حاجة في لاليست حتى لو كانت بسيطة ,
و كاين شي حاجات من قبل عندي يعني ما زدتش , مهم الواحدة تقلش روحها لاجل روحها مشي غير لراجلها , يعني ادا كان عندك حاجة لا باس بيها و ما تكونش جديدة معليش تحطيها في جهازك , مشي شرط كل حاجة تكون جديييدة في جهاز العروس كيما شيء ناس يكلفو روحهم و هكذا يصير تبذير لمجرد التبذييير
و شيء مهم جدا هو انك مشي كل ما شفتي حاجة شابة تشريها , لازم تدوري و تشوفي في اماكن اخرى و تقارني الاسعار و طبعا النوعية , الاسعار تلقايها مختلفة جدا بين حانوت و حانوت , هنا في الماريكان على حساب الحانوت الي تشري منو , يعني كاين حوانت لوكس و غالية و كاين حوانت يجيبو فيهم الحوايج اللوكس و الماركة اللي ما تباعتش و يعاودولها البيعة و في هاذو الحوانت تلقاي كلش يماك و باباك برك اللي ما كاش ,
و نفس الشيء في الدزاير , يعني الاسعار في البليدة ارخس من الجزائر العاصمة , و الحاجة الي تلقايها في السوق ارخس من اللي تلقايها في الحانوت مع انو اللي عندهم الحوانت يروحو بيعو في الاسواق نفس السلع اللي في الحانوت . صح ينقصو في السومة بصح يربحو في الكوانتيتي .
خلاصة الموضوع انو الواحدة لازم تدور و تشوف و تساوم كيما تقول ماني نهار نشوف و نهار نعس و نهار نمس و نهار نخلص , مرات الواحدة تشري حاجة و تكون عاجبتها و تروح لحانوت واحد اخر تلقى حاجة خير من اللي شراتها و تندم , و سورتو حنا في الدزاير ما يرجعولكش دراهم لوكان تموتي قدامو
ضرك نبداو بالجهاز و تفاصيله و راح نبدى من الاهم الى المهم ثم الكماليات :
1- المهم الواحدة المفروض تبدى بالحاجة اللي تشد اليد في الخدمة مثلا خياطة الكاراكو , القفطان , الشورة ... معظم هادي الاشياء تاخذ الوقت في الخياطة ما بين 6 اشهر الى 9 اشهر
2- الذهب : و ياريت ما تكثروش منو وما تكلفوش روحكم اكثر من طاقتها يعني الدفوع واش يجيب و واش يخلي , و رفقا على الاباء الله يكون في عونهم
يعني اذا كان عندك parure ما تزيديش بزاف حوايج يعني ممكن خاتم و لا زوج زيادة و مناقش انتاع كل يوم , و ممكن اللي ما تحبش الذهب كيما حالاتي تشري الاكسسوارات العادية اللي مشي ذهب يعني شوفي على حساب لبستك و اشري الالوان , مشكلتنا في الدزاير يقيمو العروس بكمية الذهب اللي تشريه شفت عرايس سبحان الله تلبس سنسلة تع ذهب توزن 2 كيلو تطيح الرقبة , اصلا شكلهم مقزز و اللي تشري خاتم فيه من الطول و العرض ما يكفي ان يكون سلاح ضد الضرب , يعني الواحدة يجي سراق يسرقها تضربو بدبزة و اكيد يكون الخاتم في يدها تخليلو طابع في وشو و لا تنحيلو عينو , الحاجة الخفيفة البسيطة احلى و اجمل و تعطي انسيابية و راحة للعروس في لبسها , انا شريت سنسلة خفيفة مع خاتمها و مناقشها و زدت 2 خواتم من غير لاباق تع الفيونساي و مناقش تع كل يوم و بس . بصح الاكسسوارات ماشاء الله نوعت و كثرت من حيث النوع و الالوان و باذن الله راح نحطلكم صور لبعض مشتراتي
3- ادا كان تحدد موعد عرسك في نفس السنة اللي راكي تجهزي فيها اول شيء تعمليه تكري لاصال . انا قلت لماما تكري لاصال في فيفري ما جات تلقى حتى بسيف قالولها كامل بلي الناس تبدى تكري عام من قبل العرس باه تضمن لادات اللي حابة, انا ما لقيتش لادات اللي نحب و تصديرتي راح تكون سمانة كامل قبل من نهار اللي يدوني , صح نريح مليح بين العرسين بصح مثلا كراء الملابس راح يكون فيه شوية مشاكل ,
4- الحاجة الكبيرة كامل هدرنا عليها لان كل من الذهب , لاصال و الخياطة جبل كبير ادا نحيناه من الطريق نكونو نقصنا على رواحنا نص الطريق
و اهم من المهم كلو هو العروس نفسها , يعني الاهتمام بالجسم و البشرة و الشعر لازم يكون من اولويات العروس باه يصير عادة حتى بعد الزواج , و اللي يخلي هذا المنتدى و وصفات بنت عذاري و كل واحدة على حساب شعرها و بشرتها ,
و كاين اللي يستعملو الحاجة المشرية من الكريمات و الشامبوهات ووووو , بصح اهم شيء هو الماركة , عندنا بزاف التقليد في الدزاير و مرات صعيب تعرفي التقليد حتى تشريه و تديه معاك للدار , غلطة عمري شريت مرة شامبو من الدزاير تع دوف ههههه ندمت على النهار اللي انزدت فيه شعري اتخبل و ما حبش يتسلك حتى وليت نبكي , على ذيك انا نشري هادوك الصوالح منا حتى من قبل الخطبة و موضوع الزواج هدا
المواد الطبيعية هية الوحيدة المضمونة في الدزاير و في اي بلاد و انا نستعمل شوي من كلش , اخذ من كل بستان زهرة
و من الاشياء اللي لازم تكون عند كل عروس قبل العرس بمدة هية فازلين و زيت بايبي جونسون مع الباودر نتاعها , روعة للجسم لوحدها من غير اي اضافات
سلام عليكم انا نروح نرقد يوم ثاني و انكملكم ان شاء الله الباقي

هنا في الماريكان على حساب الحانوت الي تشري منو , يعني كاين حوانت لوكس و غالية و كاين حوانت يجيبو فيهم الحوايج اللوكس و الماركة اللي ما تباعتش و يعاودولها البيعة و في هاذو الحوانت تلقاي كلش يماك و باباك برك اللي ما كاش ,

اهلا حبيبتي هاشمية..


والله عندك حق..

تم عندكم كلش..

وكما قلتي كاين حوايج ماركات لكن كي تعدي عليهم فترة يبيعوهم باسعار قليله على اسعارها الحقيقية..

الذهب : و ياريت ما تكثروش منو وما تكلفوش روحكم اكثر من طاقتها يعني الدفوع واش يجيب و واش يخلي , و رفقا على الاباء الله يكون في عونهم
يعني اذا كان عندك parure ما تزيديش بزاف حوايج يعني ممكن خاتم و لا زوج زيادة و مناقش انتاع كل يوم , و ممكن اللي ما تحبش الذهب كيما حالاتي تشري الاكسسوارات العادية اللي مشي ذهب يعني شوفي على حساب لبستك و اشري الالوان , مشكلتنا في الدزاير يقيمو العروس بكمية الذهب اللي تشريه شفت عرايس سبحان الله تلبس سنسلة تع ذهب توزن 2 كيلو تطيح الرقبة

انا ما عندي حاجة في الدهب..

ونخلي بابا وماما يدبرو راسهم في الدهب الحاجة اللي يحبو يشروهالي يشروها..ذ


انا ما كنتش علا بالي بلي العروسة لازم تجيب الدهب..

احنا عندنا في سكيكدة العريس هو اللي يجيب للعروسة الدهب..

وعندي ولد خالتي كي تزوج ..مرته ما جابت معاها ولا حاجة دهب..

غير خاتم وبراسلي..برك..

كما قلت جهازي قليل و بسيط بصح اكثر حاجة كثرت منها هي الملابس الداخلية , هاذي نصيحة قالتهالي بنت خالتي زمان كي كنت صغيرة , كان في عمري 10 سنين و هية ادات فاليزة كاملة غير لي سورفاتمو انا كنت نضحك عليها قلتلها فرغتي الحوانت هههه هي قالتي معليش و قاتلي ننصحك كي تجي دالتك ( و راهي جات دالتي ) باه نكثر منهم و صح كلامها يعني الواحدة قد ما تكثر منهم مليح

مليح..

انا مازال ما بديت فيهم ..

بصح معولة نكثر منهم..والبيجامات ولينويزات..


نستنى باقي كلامك ونصائحك..

ولا تطولي علينا..


دمتي بود..

لو سمحتم يابنات انا لقيت مخالفات كتير جدا فى الجزء بتاعكم ثانيا الف مبروك عليكم التجمع وربنا يجعلها وش خير عليكم وعشان ميحصلشى مخالفات ياريت تقروا قوانين تجهيزات واستفيسارات عروس

وانا هحطلكم اهم حاجتين وهى ان لازم لما تعملى مشاركة يااما تقولى سؤال تستفسرى يعنى عن حاجة يااما تردى على استفسار لوحده زميلتك
وتانى حاجة متحطيش 3 مشاركت ليكى وراء بعض

واتمنى انكم تقرئوا القوانين عشان الجزء ميتقفلشى من كتر المخلفات تمام ياحلوين
وربنا يوفقكم

ودى القوانين

قوانين المشاركة في جميع أركان العروس و الجمال

lona-11;11915399:
اهلا حبيبتي هاشمية.. دمتي بود..

اهلا بيك يا لونة


"انا ما عندي حاجة في الدهب..

ونخلي بابا وماما يدبرو راسهم في الدهب الحاجة اللي يحبو يشروهالي يشروها..ذ


انا ما كنتش علا بالي بلي العروسة لازم تجيب الدهب..

احنا عندنا في سكيكدة العريس هو اللي يجيب للعروسة الدهب..

وعندي ولد خالتي كي تزوج ..مرته ما جابت معاها ولا حاجة دهب..

غير خاتم وبراسلي..برك.. "

حنا لازم العروسة تدي ذهب معاها , في العادة العريس هو اللي يجيب طقم كامل مع الدفوع بصح كل واحد و مقدرة انتاعو , انا لاني مشي من محب الذهب قلتلو يعطيهم لي دراهم باه كي نشري الحاجة نشريها على ذوقي و تكوني حاجة خفيفة و سابل , خاتم الفيونساي رحت مع لافامي نتاعو و خيرو هوما خاتم شوي ثقيل و النتيجة اني ما نلبسوش دايما و خصوصا للجامعة



"مليح..

انا مازال ما بديت فيهم ..

بصح معولة نكثر منهم..والبيجامات ولينويزات.. "


البيجامات و لينويزات
هادو ادا كثرتي منهم كثري في الانواع , مثلا لي بيجاما اختاري الساتان و تع القطن , اشري اللي تكون سروال , شورت , بونتاكور و كاين اللي تكون غير التيشرت , المرة الجاية ان شاء الله نحط تصاور و نوريلك الانواع ,

و لينويزات ثان نوعي خيري القصير و الطويل , بين الساتان و الشيفون ( tissue foular ) و بين القطن عموما الرجال يحبو الساتان لانو يلتصق بالجسم , اهم شيء انك تشري واحد و لا زوج يكونو للمناسبات الخاصة مثلا العيد او عيد زواج ان شاء الله , يعني ما تلبيسهمش بزاف و يكونو من النوع .... :o , ايه قريب نسيت كاين اللي يكون غير دونتال و يكون لاصق على الكور , و كاين اللي اروع منو اللي يكون فيلي , يتشبه للشبكة تع الصيادة و هدا يتلبس وحدو من غير اي حاجة تحتو
ههههه قريت بزاف في المنتديات حتى وليت خبيرة في هادو الصوالح لاني عارفة لافامي انتاعي مشي من النوع اللي راح ينصحني بهادو الصوالح

انتي برك سيي ما تشريش نفس النوع بالوان متعددة لانو العين تملو , و لينويزات تع النهار الاول ما تلبسهاش بزاف يعني البيسها في المناسبات الخاصة جدا فقط ,

الله يخليك F:

salam alykom w rahmat allah w barakath okhti hachemia
inchallah tkouni bkhir
Issamhili bazaf maraditch 3lik,,,rani m3a el imtihanate, wankamal hada cha'har inchallah
ida habiti hadak el9aftan al akhdar(machi aswad) na3tik ra9amha ba3d man atassal biha,,,w nkhalik nti tahadri m3aha inchallah,,,, ama fi ma yakhoss el henna, mal9itch fil bled li tan9ach'ha,,,, li dartha fi 3orssi kanet wahda sahbati hna fi canada w hiya maghribiya,,,ana nanssshak tachri hadouk el molssa9ate nta3 el henna w tadihom m3ak lil dzayer,,,w nhar el henna nta3ak, ydiroulak fi yadak man dakhel, wanti m3a shabatak diriha man lfou9
netmana raki tafahmi fi hadarti,,,el 3arbiya jini t9ila bazaf bach nektabha,ida kunti tahadri el francais golili ;) thalay fi rouhak w aye istifssar, iba3tili rissala
bon courage
F:

Rass2il el khassa mamchat 3indak?

باش مانخالفـش القوانين، عصفورين بحجر ههههه

حبيباتي الهاشمية ولونا، شفتكـم تهدرو على الذهب و حبيت نفيدكم من تجربتي
الوحدة لازم تنـوع و مالازمـش تكـثر، سواء في اللبس أو الذهب،،،،
و الذهب ننـصحكم ماتشريـوش غير السامبـل، أنا كنت شريت السامبل بصح ندمت شوية
بعد الزواج شفت بلي ديما السامبل تملي منو، و في اللبـس، و ليشوميـز دونوي، ننـصحكم ماتكثروش
منهم بزاف بزاف كيما راكم تهدرو، يعني يكون هذاك الشيئ منوع و منظم، و أهم حاجة، يكون يناسب
جسمك و لون بشرتك، اشريو شوية لأنكم بعـد الزواج رايحيـن تكتاشـفو أذواق أزواجكم، و الجسم حتى هو يتغـير شوية، خصوصة إذا الوحدة حملت بفترة قصيرة بعد الزواج، يعني خصارة إذا الوحدة ماقدرتـش تلبس قاع وش شرات و تعطيهم ولا ترميهم من بعـد.
أنا مازالو عندي حوايج بزاف جدد، كيما قلت لكم، تطلقت عام بعد الزواج، و الحمد لله، جسمي مازال هو هو،،، كنت خايفـة نسمـان ههههه إيه و بعد الزواج الوحدة يلزمها تنظم غذاؤها باش تحافظ على رشاقتها... و السلام عليكم،،،إذا تفكرت حاجة راني نرجـع،،، بعد الإمتحانات، بالتوفيق للجميـــع

حلم و أمل;11921800:
salam alykom w rahmat allah w barakath okhti hachemia
inchallah tkouni bkhir
Issamhili bazaf maraditch 3lik,,,rani m3a el imtihanate, wankamal hada cha'har inchallah
ida habiti hadak el9aftan al akhdar(machi aswad) na3tik ra9amha ba3d man atassal biha,,,w nkhalik nti tahadri m3aha inchallah,,,, ama fi ma yakhoss el henna, mal9itch fil bled li tan9ach'ha,,,, li dartha fi 3orssi kanet wahda sahbati hna fi canada w hiya maghribiya,,,ana nanssshak tachri hadouk el molssa9ate nta3 el henna w tadihom m3ak lil dzayer,,,w nhar el henna nta3ak, ydiroulak fi yadak man dakhel, wanti m3a shabatak diriha man lfou9
netmana raki tafahmi fi hadarti,,,el 3arbiya jini t9ila bazaf bach nektabha,ida kunti tahadri el francais golili ;) thalay fi rouhak w aye istifssar, iba3tili rissala
bon courage
F:

Rass2il el khassa mamchat 3indak?

مارسي اخت حلم و امل , ايه نهدر فرنسي بصح مكسر شوي لاخاطش ما نستعملوش بزاف من الباك تع الدزاير و الله يرحم الفرنسي , بصح مشي مشكل فهمت كلامك , ربي يوفقك في الامتحانات , مام انا السمانة الجاية يبداو بصح هذاك القفطان ادالي عقلي ندخل كل يوم باه نشوف ادا رديتي , ما نضنش شهرين يكفو باه نخيط كيفو , انا ثان قفطاني اخضر نفس اللون بصح واش من موديل الله اعلم لاني ما قعدتش في الدزاير بزاف باه نخير و خليت الاختيار لامي حبيتي بصح خيرت موديل تع فتلة كيما العادة غير بالذهبي بصح عجبني بزاف انتاعك ,
و على الرسائل الخاصة سي تمشي نورمال انتي اللي ما مشاتش عندك , سييت نبعثلك و قالولي انك نحيتي الرسائل الخاصة ,

حلم و أمل;11921800:
حبيباتي الهاشمية ولونا، شفتكـم تهدرو على الذهب و حبيت نفيدكم من تجربتي
الوحدة لازم تنـوع و مالازمـش تكـثر، سواء في اللبس أو الذهب،،،،
و الذهب ننـصحكم ماتشريـوش غير السامبـل، أنا كنت شريت السامبل بصح ندمت شوية
بعد الزواج شفت بلي ديما السامبل تملي منو، و في اللبـس، و ليشوميـز دونوي، ننـصحكم ماتكثروش
منهم بزاف بزاف كيما راكم تهدرو، يعني يكون هذاك الشيئ منوع و منظم، و أهم حاجة، يكون يناسب
جسمك و لون بشرتك، اشريو شوية لأنكم بعـد الزواج رايحيـن تكتاشـفو أذواق أزواجكم، و الجسم حتى هو يتغـير شوية، خصوصة إذا الوحدة حملت بفترة قصيرة بعد الزواج، يعني خصارة إذا الوحدة ماقدرتـش تلبس قاع وش شرات و تعطيهم ولا ترميهم من بعـد.
أنا مازالو عندي حوايج بزاف جدد، كيما قلت لكم، تطلقت عام بعد الزواج، و الحمد لله، جسمي مازال هو هو،،، كنت خايفـة نسمـان ههههه إيه و بعد الزواج الوحدة يلزمها تنظم غذاؤها باش تحافظ على رشاقتها... و السلام عليكم،،،إذا تفكرت حاجة راني نرجـع،،، بعد الإمتحانات، بالتوفيق للجميـــع

اما على الحوايج صح عندك الحق و انا ما كثرتش منهم , اللي كثرت منو الملابس الداخلية لانها ماتروحش لامود انتاعها و ما تصغرش عليك الا ادا بعد الولادة يعني يكون عند الوحدة الوقت انها تلبسهم ,
وشكرا على النصيحة
ربي يوفقك و يوفقني في الامتحانات
F:

السلام عليكم ورحمة الله وبركاته..

لو سمحتم يابنات انا لقيت مخالفات كتير جدا فى الجزء بتاعكم ثانيا الف مبروك عليكم التجمع وربنا يجعلها وش خير عليكم وعشان ميحصلشى مخالفات ياريت تقروا قوانين تجهيزات واستفيسارات عروس

وانا هحطلكم اهم حاجتين وهى ان لازم لما تعملى مشاركة يااما تقولى سؤال تستفسرى يعنى عن حاجة يااما تردى على استفسار لوحده زميلتك
وتانى حاجة متحطيش 3 مشاركت ليكى وراء بعض

واتمنى انكم تقرئوا القوانين عشان الجزء ميتقفلشى من كتر المخلفات تمام ياحلوين
وربنا يوفقكم

ودى القوانين

قوانين المشاركة في جميع أركان العروس و الجمال

اسفين وحقك علينا حبيبتي..


خلاص ان شاء الله نتبعو القوانين وما نعملوش مخالفات اكثر..


شكرا..

دمتي بود...

سلاااااااااااااام حبيباتي واش الاحوال ..حبيت استفسر عن افرشة السرير تاع الكروشيه بتصميمات جديده ابحث عن موديل جميل pleaaaaaaaaaaaaaaaaaaaaaaase...:D

حبيبتي سلام..

حتى انا يعجبوني..بصح علابالي احم احم المستر تاعي ما يحبهمش..

هدي بعض الصور..

حبيباتي الهاشمية ولونا، شفتكـم تهدرو على الذهب و حبيت نفيدكم من تجربتي
الوحدة لازم تنـوع و مالازمـش تكـثر، سواء في اللبس أو الذهب،،،،
و الذهب ننـصحكم ماتشريـوش غير السامبـل، أنا كنت شريت السامبل بصح ندمت شوية
بعد الزواج شفت بلي ديما السامبل تملي منو، و في اللبـس، و ليشوميـز دونوي، ننـصحكم ماتكثروش
منهم بزاف بزاف كيما راكم تهدرو، يعني يكون هذاك الشيئ منوع و منظم، و أهم حاجة، يكون يناسب
جسمك و لون بشرتك، اشريو شوية لأنكم بعـد الزواج رايحيـن تكتاشـفو أذواق أزواجكم، و الجسم حتى هو يتغـير شوية، خصوصة إذا الوحدة حملت بفترة قصيرة بعد الزواج، يعني خصارة إذا الوحدة ماقدرتـش تلبس قاع وش شرات و تعطيهم ولا ترميهم من بعـد.
أنا مازالو عندي حوايج بزاف جدد، كيما قلت لكم، تطلقت عام بعد الزواج، و الحمد لله، جسمي مازال هو هو،،، كنت خايفـة نسمـان ههههه إيه و بعد الزواج الوحدة يلزمها تنظم غذاؤها باش تحافظ على رشاقتها... و السلام عليكم،،،إذا تفكرت حاجة راني نرجـع،،، بعد الإمتحانات، بالتوفيق للجميـــع

صح عندك حق حبيبتي..


التنويع مهم بزاف...

يعني كاين الساتان والدونتيل والقصير والطويل..

واللي شفاف..

من كل نوع حاجتين ولا 3 بزاف..

واحنا مقررين ما نجيبوش اولاد قبل عام..

يعني ان شاء الله يكون عندي الوقت نلبسهم ونتمتع بيهم..

وقتله واش الاشياء اللي يحبها هو..باش نحاول نشري حوايج يعجبوه..

وما يقليش هدي ما عجبتنيش..

حتى الحوايج تاع الدار..

شفنا مع بعض في الانترنيت باش نعرف الدوق تاعو..

لونا، علاش ماتخـيطيهمـش عند الخياطة، أنا منك نديـرها
يخـرجولك روعــــــة،،،، انت اشريـلها الساتان، تقدري تخيري لونيـن،
و تدخلهملك مع بعـض، و زيـدي تكون الساتان حقيقي للي مايـعَرَقْـش(يعني حوسي
عليه يكون مخلط بالقطن ماشي النايلـون) صعيب تلقايه 100% ساتان في البلاد،و إذا لقيتيـه يكون غالي بـزاف،،
شوفي مودال من الأنترنت، و اديهولها، هي تقدر تقولك شحال تشري من متر,,, خياطة انتاعـو ساهلة، يعني ماشي برودي و لا كروشي،،،، و تقدري تخيطي حتى لاكوات، تشري لاوات la wate .
أو ترسمي فيه على الجنب بالابانتور و تزيدلك عليلها البـريو و الحاشيات ، ولا تدخلي فيه الدونتال،،،، تخيلتو ديجا هههههه روعة و بصحتـك،
أنا اعطيتك غير الأفكار،،،، ان شاء الله يعجبوك.


هاكي موديلات :

يا سلام..

عجبني ردك بزاف..

وخممت نخيطهم صح..

وهما كما قلتي ساهلين..

نكفهم على الاطراف برك..

وكما قلتي غاليين..

شفت في الانترنت لقيتهم يسواو 150 اورو واكثر..

يعني اكثر من مليون ونص عندنا..


شكرا على الموديلات..

دمتي بود..

المهم انا خدمت جبة فرقاني جميلة تصدرت بيها اختي..كاش نهار نوريهالكم ...عرسي حتى العام الجاي ان شاء الله2011 نحبس الدهب و نبدا les dra et les couvres lit ولا لالا ???

marimare;11928864:

F:مساء الخير عليكم يا عرايس الجزائر F:
انا تاني عروسة وعرسي نشالله بعد رمضان مي مازال ما حددناش اليوم.انا عندي مشكل في الحوايج واش لازم نشري على خاطر انا مانيش رايحة نعيش في دزاير رايحة لكندا
انا بديت نشري في les nuisettes وخيطت 2robes تاع الدار وشريت قفطان وراني نخيط في كاراكو
مشكلتي:confused::confused::confused: ماعلاباليش واش لازم ندي معايا
pllllllllllllllllllllllllllllllz عاونوني

اهلا اخت ماريمار . ربي معاك في العرس و ما بعد العرس . من جهة لينويزات ما تكثريش لاخاطش كاين في كندا خير . اكيد راح تولي تخرجي و تشوفي . اصلا مع الباقاج كي نقصوه ولات غير فاليزة واحدة باقاج امان و فاليزة نورمال يعني اذا زدتي فاليزة لازم تخلصي , و الفاليزة الوحدة فيها 25 كيلو , تدي غير الشيء القليل كيفي :'(
نصيحة ادي الحاجة اللي ماتلقايهاش ثم , مثلا الشورة تع غرزة الحساب , الكروشي و ادي معاك لبسة و لا زوج من تصديرتك باه تلبيسيهم ادا جاتك مناسبة من العيار الثقيل , ادي الجبب و حجابات بزيادة ادا كنت من لابسي الحجاب ان شاء الله , و هاذو نوعي منهم عادي ,
, و الباقي اذي من كل حاجة شوي , بصح ادي ما يكفيك لمدة معينة لانو اكيد ما كيش راح تشري من النهار الاول في كندا ,
و تقدري تبعثي فاليزة زيادة مع راجلك و هكدا تقدري تدي اكثر , بصح اتفكري باه تدي الجاجة التقليدية اللي ما تلقايهاش ثم
و ما تنسايش علام الدزاير اديه معاك و الله غير يصبر

F:

السلام عليكم يا عرايسنا الحلوات..

مساء الخير عليكم خياااتي ....شكرا بزاف بزاف ل lona 11 و hachemia و كل الغالياااات..اا قبل مل ننخطب وانا نخرج مع حباباتي نعاونهم في الافكار و الالوان والاقمشه حتى الاكسسوارات يشريو على دوقي و ضرك دايما يتفكروني و زاهييييييين باختياراتي لهم حتى نويزات;)...راهم مهنيييييين ربي يكمملهم الفرح و يكمللنا حنا ثاني ااااااااااااميييييين .....:086:

المهم انا خدمت جبة فرقاني جميلة تصدرت بيها اختي..كاش نهار نوريهالكم ...عرسي حتى العام الجاي ان شاء الله2011 نحبس الدهب و نبدا les dra et les couvres lit ولا لالا ???

انا حبيت نوصيكم وجدو لليالي الرومنسيه من الااااااااان يكون عندكم الوقت تلقاو اكسسوارات كيما تتخيلو و تحبو و من بعد انتوم و شطارتكم انا راني نوجد يا الله خفو ا:L::L::L:...........سلااااااااااااااااااااااااااا اااااااااااااااااااااااااااام....

الليالي الرومنسة و ااااه من الليالي الرومنسية..


انا اوسي خممت نشري الشموع والاكسسوارات لليالي الرومنسية...

يعني قلت كل ما نلقى حاجة مليحة نشريها

وكتبت في الاجندة اللي عملت..

الاكسسوارات الخاصة بكل حاجة..

يعني للمطبخ ..

للصالة..والحمام وكل شي..

وكتبت الشموع للحمام ضروري جدا..

لغرفة النوم..

وبالنسبة للذهب..

ادا لي شريتيه شفتي بلي يكفيك..حبسيه..

les draps et le couvre lit انا بديت بيهم هما الاولين ..مع ان عرسي بالاك حتى 2012

هما حوايج ما يديموداوش..وعلى قد ما تشريهم في راحتك على قد ما تشري خير..

يعني تخيري بعقلك وتدي اللي يعجبك..

وكام قتلك انا راني فيهم..

وما تنسايش les nappes et les rideaux/..les tapis و le linge de bain

هادو هما ..

F:مساء الخير عليكم يا عرايس الجزائر F:
انا تاني عروسة وعرسي نشالله بعد رمضان مي مازال ما حددناش اليوم.انا عندي مشكل في الحوايج واش لازم نشري على خاطر انا مانيش رايحة نعيش في دزاير رايحة لكندا
انا بديت نشري في les nuisettes وخيطت 2robes تاع الدار وشريت قفطان وراني نخيط في كاراكو
مشكلتي:confused::confused::confused: ماعلاباليش واش لازم ندي معايا
pllllllllllllllllllllllllllllllz عاونوني

اهلا بيكي معانا حبيبتي...

كما قالو البنات..

ما تكتريش..

وخدي معاكي الاشياء التقليدية ..لانك ما راح تقايهاش هنا..

وانا من رأيي ادي غير حوايجك..

الحوايج تاع الدار..

اخرجو تم مع بعض واشروهم..


يالله نخليكم ..

ونرجعلكم مباعد..

باي...

marimare;11928864:

F:مساء الخير عليكم يا عرايس الجزائر F:

انا تاني عروسة وعرسي نشالله بعد رمضان مي مازال ما حددناش اليوم.انا عندي مشكل في الحوايج واش لازم نشري على خاطر انا مانيش رايحة نعيش في دزاير رايحة لكندا
انا بديت نشري في les nuisettes وخيطت 2robes تاع الدار وشريت قفطان وراني نخيط في كاراكو
مشكلتي:confused::confused::confused: ماعلاباليش واش لازم ندي معايا

pllllllllllllllllllllllllllllllz عاونوني