العرائس الجزائريات..هنا سيكون ملتقانا..

ميمي حبيبتي شكرا عالاهمماممممممممم

السلام عليكم حبيباتي ,
توضيحا لميمي و للبقية وشنو هو البايبي دول , هية لبسة قصيرة جدا تكون نهايتها مع بداية الفخذ , ( اتخيلي بيبي لابسة روبة قصيرة و تقدري تشوفي الكوش انتاعها :I: ) و فيها انواع كاين الي تكون اونفورم و كاين اللي مفتوحة في الكرش و كاين اللي تكون سيري
كنت حابة نصورلكم واش راني شارية بصح بلا موديل ما تبانش الحاجة سواسوة , على ديك جبتلكم نفس الموديل اللي شريتهم بصح من الموقع انتاع الحانوت , معضم اللي شريتهم من ماركة فيكتوريا سيكريت victoria secret هادي نيميرو 1 في الماريكان في هادو الصوالح ,
انا شريت نفس الموديل من هادو 5 الاولين




و اكيد ازرق ( لوني المفضل )

و هادو عجبوني بصح ماشريتهم قلت نحشم على روحي شوي ضرك من بعد ان شاء الله نزيد نشري كي نولي من الدزاير ان شاء الله





و هادا مانيش عارفة واش اسمو ( انا نسميه ابو خيوط بصح جريييئ جدا شكلي العام الجاي نلبسو ) ثان شريت واحد منو

و هادا اسمو كورست corset و هادا يتلبس مع ليبا اللي يوصلو للفخذ و يجي فيه سباتي باه يشد ليبا .
و يتلبس مع ليقو ثان ( هادة اللي قالت عليه مارساي )


, و اخيرا المستور العاري , اللي سكسي اكثر من اللي يكون عاري
بحكم قرائتي لمواضيع الزوج و الزواج في منتديات كثييييييييييييرة ( قلت نثقف روحي لاني عارفة امي ماهيش راح تجي تقولي هادو الصوالح و لا اي واحد في فاميلتي راح و اضن نفس الشي لكل البنات , ) ماكاش اللي راح يجي ينصحها و يقوللها البسي هكذا و ادللي هكدا , فاحسن شيء كل واحدة تثقف روحها بروحها و المنتديات الله يخليهم مدرسة كبيييرة ,
المهم بحكم خبرتي النظرية المتواضعة قريت بللي المستور العاري يكون اكثر اغراء للرجل لانو يعطيه فرصة للخيال و يخليه متشوق لكشف المستور , اما العاري و المكشوف فاغراءه يبطل بعد مدة معينة , يعني انو العين تتعود عليه و بالتالي يصير عادي ,
فماتنساوش يا بنات الطويل اللي يجي مشلوق في النص و لا على الجهة ,
مثل هادا , انا شريت واحد كيما هادا لكحل بصح دونتال


اما هادا فيفصل الجسم تفصيل , و هو ثان مغري

هادو بعض الحوايج المغرية و اكيد كاين اكثر ,
كاين الملابس التنكرية مع اني ما نسيبورتيهاش بزاف , و فيها انواع
يا رب نكون افدتكم بخبرتي المتواضعة ( التدقليل في لي مول واش يعلم :worn_out: )

صفاء الحنونة;12174215:
لبنات سلام عليكم هدى اول مشاركة ليا عندكم وفى تجمعكم . الحصول ماعندى مانقول مشاء الله عليكم قرعجت على واش كتبت كامل وعلى قشكم يارب تتهناو فى حياتكم .وتقبلونى مشتركة جديدا معاكم انا تانى عرسى ادا كتب ربي قبل رمضان ورانى نوجد فى روحى وملقيتش منين نبدا لانى معنديش بزاف ملى تخطبت .لازم ندى حوايج خفاف لانى مراحش نعيش فى الدزاير ادعولى يالبنات ربي يتمم بخير ويجمعنى مع بعض حبيت نسالكم شكون فيكم لى راهى رايحة عروس لسعودية باش تفيدنى بصائحها وان شاء نقدر نفيد ونستفيد

اهلا صفاء بيك معانا , ربي يكملك زواجك على خير و الف مبروك مقدما , ان شاء الله تستفادي معانا و بما انك رايحة للسعودية فما تخافيش ثم كاين كللللللللللللش , يماك و باباك اللي ماكانش
, و كيما قلتي انتي ما تكثريش حوايج ادي الحاجة اللازمة برك , ما قلتيناش انتي منين من الدزاير ,و واش هية مخططاتك لعرسك ان شاء الله ( يعني ادا كنتي راح تكري حوايجك و لا راح تشريهم )
و ربي يوفقك ان شاء الله

ssamou19 عجبوني شابين يعطيك الصحة
هاشمية نويزات شابين لكن انا عندي مشكل معاهم محال نجم نلبسهم اكتر شي عجبوني الكوال

سلام عليكم مشكورة اختى الهاشمية ويعطيك الصحة انا من بويرة بالنسبة لتروسو ديالى راح نشرى كلش حتى التصديرة مراحش نكريها ادا حب ربي ندير اونصوبل نفتح بيه قفطال يكون شباب بزاف وسوارى حاب ثلاث حجات مى لازم يكونو تحفة والباقى نجيبو من عند خوتاتى تصديرتهم تهبل بالاخص الجبة نتاع الفرقانى اصبرو برك عليا رانى نجوز فى الامتحانات ادعولى نكملهم ونوريلكم واش شريت واش راح نشرى عجبتنى بزاف فكرة القائمة ثانى انا نموت على لينوزات هههههه وخوتاتى لى متزوجات قلولى كامل متكثريش منهم بصح علبالى راح ندير راى برك الاخت لى ورات سربتها شابين بزاف انا مراحش ندى منهم بزاف ادا كثرت خمسة مع روب الحمام ليا وليه اما بالنسبة للقش خسارة احنا عدنا بزاف لى مدال نتاع لجبب تاع الدار شابين بزاف وميكفينيش الوقت نخيطهم لهدا راح نروح لمسيلة نشريهم من ثم حبيت نقول برك لبنات لى يحبو الجبب نتاع الدار سواءا حطا ولا سامبل يروحو ثم والله روعة ان شاء الله نصورلكم لى عنى ونتاع خياتى وتشوفو . القش نتاع الشتاى ديت برك 4 حاجات اصلا منحب الحوايج الثقال وكى نروح ثم كشما نزيد .لدار ديت غير السروال الطوال القصار شورت ههههههههههههه نمرضو مسكين . شريت لبوستى شابين بزاف كل الالوان الملابس الداخلية مزال نروح لدزاير . الصبابص ندى زوج برك مع صبوات خفاف بلايغ نتاع دار ............زاسمحلى انا نحب نحكى بزاف مزالت القائمة طويلة فى المرة الجاية نكملكم ورانى ندى من عندكم افكير ولى عندها تعليق تفيدنى مدا بيها . برك نقوللكم شكون لى فيكم من مليانة تقولى على عداتهم فى لعراس .

صفاء الحنونة;12180617:
سلام عليكم مشكورة اختى الهاشمية ويعطيك الصحة انا من بويرة بالنسبة لتروسو ديالى راح نشرى كلش حتى التصديرة مراحش نكريها ادا حب ربي ندير اونصوبل نفتح بيه قفطال يكون شباب بزاف وسوارى حاب ثلاث حجات مى لازم يكونو تحفة والباقى نجيبو من عند خوتاتى تصديرتهم تهبل بالاخص الجبة نتاع الفرقانى اصبرو برك عليا رانى نجوز فى الامتحانات ادعولى نكملهم ونوريلكم واش شريت واش راح نشرى عجبتنى بزاف فكرة القائمة ثانى انا نموت على لينوزات هههههه وخوتاتى لى متزوجات قلولى كامل متكثريش منهم بصح علبالى راح ندير راى برك الاخت لى ورات سربتها شابين بزاف انا مراحش ندى منهم بزاف ادا كثرت خمسة مع روب الحمام ليا وليه اما بالنسبة للقش خسارة احنا عدنا بزاف لى مدال نتاع لجبب تاع الدار شابين بزاف وميكفينيش الوقت نخيطهم لهدا راح نروح لمسيلة نشريهم من ثم حبيت نقول برك لبنات لى يحبو الجبب نتاع الدار سواءا حطا ولا سامبل يروحو ثم والله روعة ان شاء الله نصورلكم لى عنى ونتاع خياتى وتشوفو . القش نتاع الشتاى ديت برك 4 حاجات اصلا منحب الحوايج الثقال وكى نروح ثم كشما نزيد .لدار ديت غير السروال الطوال القصار شورت ههههههههههههه نمرضو مسكين . شريت لبوستى شابين بزاف كل الالوان الملابس الداخلية مزال نروح لدزاير . الصبابص ندى زوج برك مع صبوات خفاف بلايغ نتاع دار ............زاسمحلى انا نحب نحكى بزاف مزالت القائمة طويلة فى المرة الجاية نكملكم ورانى ندى من عندكم افكير ولى عندها تعليق تفيدنى مدا بيها . برك نقوللكم شكون لى فيكم من مليانة تقولى على عداتهم فى لعراس .

. اهلا صفاا بيك و بناس البويرة بصح أنتي ماكيش قبائلية لأنك ما قلتيش جبة القبائل . عندك الحق علي تصديرتك كي ماتكثريش أنا ثان راح نشري و لا نخيط انسوبل و نشري منصورية و راني نخدم في قفطان في بلاصة الفرقاني و روب سواري عندي من الفاتحة و نكري كاراكو ان شاا الله و بس. عادات ناس مليانة كيما إحنا في المدية. العروس تدخل ب اونسوبل و كاين اللي تدخل بالكاراكو و من بعد تبقي تبدل حتي تكمل تصديرتها بالفرقاني و من بعد لاغوب بلونش . ومن بعد كي يروحو الناس و يبقاو غير لافامي يكون العشا و العروس تبدل لحاجة مريحة مثلا جبة بصح تكووون كلاس تع خرجات و الساعة 9 يجي العريس الي من السبعة و ههو في الحمام و من. بعد عند الحفاف حتي هو يتحف روحو للعروس ههههع و يتعشا مع صحابو عشا خفيف و يشطحو شوي و يروبلوها راه دار التاويل راه دار التاويل ههههههه نموت علي عراس الرجال خفاف ضراف. ما يمنشرو ما يعلقو . المهم نكمل و علي عشرة و نص و لا حداش يدخل العريس عند العروس و يديرلها. الخاتم و يتصورو. مع لافامي . إيه نسيت العريس مع صحابو يكونو في قاعة سيباري علي وين تكون العروس . و العروس لازم تعاود تلبس لاغوب بلونش قبل ما يدخل عليها العريس ههه هادي باينة. و من بعد العريس يدي مرتو و يروحو لكاش أوتيل وو لا دارهم علي حساب العريس و تفكيره كاين اللي يقول بلي دارو اولي باه يجوز فيها النهار الاول من حياتو الجديدة . و في الصباح يكون الصبوحي تع العروسة العروس تدوش و تروح للحفافة تمشط نشطة خفيفة و لا تبوكلي شعرها و لا غير سيشوار كل واحدة واش تحب و من بعد تروح لدار اهل العريس و لا في الصالة علي ساب ال العريس واش يحبو و ثماك يكون الفطور و العروس تتغدي مع اهلها و اهل العريس و تكون لابسة اونسوبل ثان يكون كيما تع التصديرة في الفخامة يعني يكون كلاس و من بعد العروس ترتاح شوي و من بعد تلبس الفرقاني بصح ما تتحزمش. و من بعد يجي طفل صغير يكون من أقارب العريس و يلبس العروس حزام و يوكلها حبة سكر و هي ثان توكلو حبة سكر و من بعد بعد يشطح معاها شوي و من بعد العروس توزع حلي تع لي دراجي اللي تكون جايبتها معاها و تكون حاطتها في دي وات صغار شابين و بس و توتة توتة خلصت الحتوتة ور في فوقك في الامتحانات

لاجلك سوف اتغير;12180001:
ssamou19 عجبوني شابين يعطيك الصحة
هاشمية نويزات شابين لكن انا عندي مشكل معاهم محال نجم نلبسهم اكتر شي عجبوني الكوال

علاش سلاف محال تنجمي تلبسيهم , انتي راح تلبسيهم لراجلك حلالك و ادا انتي ما عفيتيهش شكون راح ( يا اختي راهم يلبسوهم في الفيديو كليبات في الحرام للي يسوي و اللي ما يسواش يشوفوهم ) و انتي لراجلك ما تلبسيهم و
ادا بيك على الحشمة اكيد رانا هدرنا عليها و قلنا بلي مشي من النهار الاول راح تروح و مشي من نهار الاول الواحدة تلبسهم , بالشوي بالتدريج عودي روحك تلبسيهم , و ديجا بعد مدة الراجل هو اللي يطلبهم منك , فاتعودي على الفكرة باه من بعد اجيك ساهلة ,
فكرتني في واحد الموضوع قريتو في واحد المنتدى و واحدة قاعدة تسال كيفاش تقول لراجلها يشريلها اولوايز , و قاتلتها الحشمة و كل واحدة واش تجاوبها ههه اللي قالتلها انا قعدت عام كامل من بعد الزواج و انا نوصي ماما تشريلي , و اللي تقول اديت معايا ما يكفيني عام ( ههه كيما بنت عمتي ادات 10 باكيات خافت يخلاصو من الحوانت ) و اللي و اللي ,
يعني الواحدة راح تشارك هادا الزوج في فراش واحد و الباقي راكم تعرفوه , و في الاخير تحشم انها تلبس لينويزات ,
نعطيك فكرة مليحة , اشري انتي لي نويزات الطوال و القصار و الشبه العاري , و اشري كل واحدة لون ,
من بعد العبي لعبة مع راجلك , كل يوم يختار لون , و انتي و زهرك ادا خير لون تع حاجة قصيرة لازم تلبسيها و ادا خير لون تع حاجة طويلة تجي على قلبك ,
بصح راني متاكدة بلي راجلك يروح يوقب على لي نويزات اللي جبتيهم و يكلخلك و يولي يقولك غير على الالوان تع لينويزات القصار ,
بصح انتي ديري روحك ما علابلكش و كملي معاه اللعبة , و هكدا يكون هو اللي يطلب منك انك تلبسي القصير مشي انتي اللي راكي تحاولي تغريه ,
ان شاء الله تكوني فهمتني , عربيتي راهي في الانحدار , :o:o

السلام عليكم ورحمة الله وبركاته..

حبيبتي سامو ماشءا الله حوايجك رووعة..تتهناي بيهم ان شاء الله..

وعجبوني المناشف لي حطيتي..

وعجبوني اوسي الاخيرين اللي نسحقوهم مباعد....


هشومة يا ام الافكااار..

عجبتني بزاااف وضحكتي فكرة الالوان...

وقيلة ننفدها..

والصور اللي حطيتي بزاف ملاح..

وهدا عجبني اكثر..

كان ماما عندها واحد ومن لي كنت صغيرة نحب نلبسه..




شكرا على التوضيح..

ماكنتش علابالي بلي هادو هوما البيبي دول..

انا كل شي نسميه نويزات..

انا كنت قاصني تهدرو على الملابس التنكرية..

مرة شفت في منتدى لبسات بالجلد ..هدو ما نقدرش نلبسهم..

مع ان راجلي مرة شرلي عليهم..وقالي تعودي تلبسيهملي..


شكرا..

وباتوفيق ليكم كلكم..

دمتم بود..

بارك الله فيك اختى الهاشمية على اجابتك وسمحلى تعبتك . صح انا بويرة بصح عربية فى الدم شوفى الجبب قبابل شابين بصح لى يتخدمو ماشى لى يتشراو وانا معنديش الوقت باش نخيطها اديت بزاف صوالح منديرهمش حنا فى عراسنا وشكرا مرة ثانية على المعلومات .بصح قالولى بلى فطور لعروسة تجيب هي واحنا معدناش هدى العادة رانى نضح على روحى نروح ليهم بلاطاى لاقش لا فطور هههههههههههههههه والله غير حشومة احنا عندنا السابع لعروسة تدى الكبش ويعرضو ويعشو وهوما معندهمش مفهمتش كيفاش راح ندير . ان شاء الله ربي يوفقنا كامل

هاشمية : الله يعطيك الصحة على الفكرة والله فكرة جيدة انا خطيبي يعلق بزاف على اي حاجة يضحك عليا لكن مع الفكرة نتاعك مايلقا ما يقول ;)
انا عمري ماشريتهم ماما هي لي شراتلي لكن ماشي بزاف خلاص اول حاجة نعملها كي نخرج نشريهم ونشري بزاف ههههههههههه باش ما يصراليش كما لي حكيتي عليها:worn_out:
وراكي مليحة في العربية نعطيك عشرة على عشرة

hachemia;12180973:
. اهلا صفاا بيك و بناس البويرة بصح أنتي ماكيش قبائلية لأنك ما قلتيش جبة القبائل . عندك الحق علي تصديرتك كي ماتكثريش أنا ثان راح نشري و لا نخيط انسوبل و نشري منصورية و راني نخدم في قفطان في بلاصة الفرقاني و روب سواري عندي من الفاتحة و نكري كاراكو ان شاا الله و بس. عادات ناس مليانة كيما إحنا في المدية. العروس تدخل ب اونسوبل و كاين اللي تدخل بالكاراكو و من بعد تبقي تبدل حتي تكمل تصديرتها بالفرقاني و من بعد لاغوب بلونش . ومن بعد كي يروحو الناس و يبقاو غير لافامي يكون العشا و العروس تبدل لحاجة مريحة مثلا جبة بصح تكووون كلاس تع خرجات و الساعة 9 يجي العريس الي من السبعة و ههو في الحمام و من. بعد عند الحفاف حتي هو يتحف روحو للعروس ههههع و يتعشا مع صحابو عشا خفيف و يشطحو شوي و يروبلوها راه دار التاويل راه دار التاويل ههههههه نموت علي عراس الرجال خفاف ضراف. ما يمنشرو ما يعلقو . المهم نكمل و علي عشرة و نص و لا حداش يدخل العريس عند العروس و يديرلها. الخاتم و يتصورو. مع لافامي . إيه نسيت العريس مع صحابو يكونو في قاعة سيباري علي وين تكون العروس . و العروس لازم تعاود تلبس لاغوب بلونش قبل ما يدخل عليها العريس ههه هادي باينة. و من بعد العريس يدي مرتو و يروحو لكاش أوتيل وو لا دارهم علي حساب العريس و تفكيره كاين اللي يقول بلي دارو اولي باه يجوز فيها النهار الاول من حياتو الجديدة . و في الصباح يكون الصبوحي تع العروسة العروس تدوش و تروح للحفافة تمشط نشطة خفيفة و لا تبوكلي شعرها و لا غير سيشوار كل واحدة واش تحب و من بعد تروح لدار اهل العريس و لا في الصالة علي ساب ال العريس واش يحبو و ثماك يكون الفطور و العروس تتغدي مع اهلها و اهل العريس و تكون لابسة اونسوبل ثان يكون كيما تع التصديرة في الفخامة يعني يكون كلاس و من بعد العروس ترتاح شوي و من بعد تلبس الفرقاني بصح ما تتحزمش. و من بعد يجي طفل صغير يكون من أقارب العريس و يلبس العروس حزام و يوكلها حبة سكر و هي ثان توكلو حبة سكر و من بعد بعد يشطح معاها شوي و من بعد العروس توزع حلي تع لي دراجي اللي تكون جايبتها معاها و تكون حاطتها في دي وات صغار شابين و بس و توتة توتة خلصت الحتوتة ور في فوقك في الامتحانات

عجبوني عاداتكم هاشمية..

احنا كانت زمان كاينة العادة تاع فطور العروسة..

وعندنا يسموها الصباحات يجو اهل العروسة بصح يشربو قهوة..وما علاباليش واش يصير كنت صغيرة ما نشفاش..

درك نحو هدي العادة وعادو ما يجوش..

ما علاباليش العروسة والعريس واش يديرو في ثاني يوم..

بصح بعد اسبوع او كيما يتفاهمو يحزمو للعروسة..

واحنا عندنا العروسة ما تتصدرش نهار يدوها..

تتصدر نهار الحنة..

يعني نهار الحنة ..تتصدر العروسة..

وفي الليل بعد العشا..يجيو الحناية..يعني اهل العريس..

يحنيو للعروسة...

وكي يجيو تلبس الفرقاني..ضروووووورية جدا في تصديرة عروسة الشرق..

وكي يحنيولها ويخلصو..

تروح تلبس robe de soiré ويدخل العريس يشطحو شوي مع بعض..ويقصو لا ثارث ..ويلبسو الدبل..بصح ماش الكل العريس يدخل..كاين اللي ما يدخلوش..


وثاني يوم..

مع العصر..يجي موكب العروس..

العروسة تكون لابسة la robe blanche ويجي العريس يديها..

مع الاهل تاعو..

الا امو ما تجيش..تقعد في الصالة باش تستقبل العروسة..مع بعض النسا الكبار طيعا..مثلا خالاته او عماته..


الموك اللي فيه العريس والعروسة قبل ما يروحو للا صال يروحو يتصورا حدا البحر..


وبعدها يروحو للاصال..

وفي الاستقبال..ام العريس تعطيهم يشربو شوي حليب ابيض..مع حبة تمر..

وتقعد العروسة بالفستان الابيض..

والعريس يروح..لدار اخته اواخوه..وفيالغالب اخته..مع مجموعة من اصحابه القراب..

يروح يبدل حوايجو..ويلبس الطقم تاع السهرة..


ويروحو هو واصحبه ماين الكرنيش..


يديرو الغنا عالي في السيارات..ويحبسو في واد البلاصة ماين البحر..يشطحو شوي مع بعض..

ومباعد يروووح للصالة..

بعد العشا..

طبحا الدخلة تاع العريس لازم تشوفوها..

يدخل العريس عند الرجال اللي يكونو في الصالة وينوظو كامل يشطحو معاه ..ويعبيوه فوق اكتافهم..

وبعدها يتعشى العريس واصحابه..يكونو عاملينه عشا خاص بيه..

وبعض العشا..

ام العريس تجيب حنه العريس..

يعملوها قدام العروسة يبلوها..

ويدخلوها للعريس يحنيولو..

زمان كانه يدخله النسا يحنيوله..

نسا كبار..ولا بنات صغار..

بصح درك عادو يحنيولو الرجاله..

وفي الليل خلاص..

يعني الوحدة او الساعتين تاع الليل يروح العريس مع العروسة..

ويخلاص العرس..

اتمنى تكون عادات اعراسنا عجبتكم..


دمتم بود..

صفاء الحنونة;12181686:
بارك الله فيك اختى الهاشمية على اجابتك وسمحلى تعبتك . صح انا بويرة بصح عربية فى الدم شوفى الجبب قبابل شابين بصح لى يتخدمو ماشى لى يتشراو وانا معنديش الوقت باش نخيطها اديت بزاف صوالح منديرهمش حنا فى عراسنا وشكرا مرة ثانية على المعلومات .بصح قالولى بلى فطور لعروسة تجيب هي واحنا معدناش هدى العادة رانى نضح على روحى نروح ليهم بلاطاى لاقش لا فطور هههههههههههههههه والله غير حشومة احنا عندنا السابع لعروسة تدى الكبش ويعرضو ويعشو وهوما معندهمش مفهمتش كيفاش راح ندير . ان شاء الله ربي يوفقنا كامل

يبارك فيك اختي صفاء و بلا تعب عليا ,
كيما قلتي على الفطور صح العروس تدي فطورها معاها , او بالاحرى امها هيى اللي تجيبو نهار الصبوحي , و احنا يقولولها الجفنة , ( اللي يفتلو فيها ) و يعمروها بالكسكس و اللحم و البيض ,
بصح ثان مشي كامل الناس يديروها , ادا اهل العريس مدو كبش لاهل العروس لازم تدي فطورها و ادا ماداوش فتولي مشي لازمة ,
و زيد انتي من البويرة يعني مشوار من البويرة لمليانة تع 3 سوايع , ماماك مسكينة واش يضل يديها و يجيبها في هاديك السخانة , انا شفت كي تكون العروس من بلاصة بعيدة ما تديش فطورها معاها ,
انا مانيش راح ندي معايا لاني مانيش حابة ماما تعيي نهار كامل في العرس و تصبح مسكينة ثان واقفة على الطياب , و ماما مريضة ما تقدرش فانا قلت لراجلي اياك ثم اياك تجيبو الكبش ,
و ما تنسايش الحلوى اللي تديها معاك هادي لازمة , احنا العروس تجيب معاها حلوى تع الفاكية , و البقلاوة و حاجة اخرى ثان , ايه و يدو الطمينة ثان , يديروها في بليسيات و يوزعوها في الحزام .
كيما قلتي النهار السابع كاين ثان اللي يديرو عشاء بصح معضمهم ولاو ما يديروش لان العرس برك احسبيلها 3 و 4 ايام عشاء و فطور
بالنسبة للراجل ليلة من قبل العرس يدير الحنة و يجي مع صحابو و ثان فيها عشاء . و نهار العرس كاين الفطور و يكون للنساء برك و العشاء للنساء و للرجال ,
و نهار الصبوحي فطور , يعني مصاريف بزاف على الراجل فولاو الناس ما يديروش السابع , و كاين اللي اهل العروس هوما اللي يديرو السابع يعني بعد سبع ايام يعرضو بنتهم و راجلها و اهله للفطور و لا للعشاء
فانتي روحي غير بلاطاي عادي , راهم عارفين بلي عاداتكم تختلف على عاداتنا فنورمال .

lona-11;12182043:

عجبوني عاداتكم هاشمية..

احنا كانت زمان كاينة العادة تاع فطور العروسة..

وعندنا يسموها الصباحات يجو اهل العروسة بصح يشربو قهوة..وما علاباليش واش يصير كنت صغيرة ما نشفاش..

درك نحو هدي العادة وعادو ما يجوش..

ما علاباليش العروسة والعريس واش يديرو في ثاني يوم..

بصح بعد اسبوع او كيما يتفاهمو يحزمو للعروسة..

واحنا عندنا العروسة ما تتصدرش نهار يدوها..

تتصدر نهار الحنة..

يعني نهار الحنة ..تتصدر العروسة..

وفي الليل بعد العشا..يجيو الحناية..يعني اهل العريس..

يحنيو للعروسة...

وكي يجيو تلبس الفرقاني..ضروووووورية جدا في تصديرة عروسة الشرق..

وكي يحنيولها ويخلصو..

تروح تلبس robe de soiré ويدخل العريس يشطحو شوي مع بعض..ويقصو لا ثارث ..ويلبسو الدبل..بصح ماش الكل العريس يدخل..كاين اللي ما يدخلوش..


وثاني يوم..

مع العصر..يجي موكب العروس..

العروسة تكون لابسة la robe blanche ويجي العريس يديها..

مع الاهل تاعو..

الا امو ما تجيش..تقعد في الصالة باش تستقبل العروسة..مع بعض النسا الكبار طيعا..مثلا خالاته او عماته..


الموك اللي فيه العريس والعروسة قبل ما يروحو للا صال يروحو يتصورا حدا البحر..


وبعدها يروحو للاصال..

وفي الاستقبال..ام العريس تعطيهم يشربو شوي حليب ابيض..مع حبة تمر..

وتقعد العروسة بالفستان الابيض..

والعريس يروح..لدار اخته اواخوه..وفيالغالب اخته..مع مجموعة من اصحابه القراب..

يروح يبدل حوايجو..ويلبس الطقم تاع السهرة..


ويروحو هو واصحبه ماين الكرنيش..


يديرو الغنا عالي في السيارات..ويحبسو في واد البلاصة ماين البحر..يشطحو شوي مع بعض..

ومباعد يروووح للصالة..

بعد العشا..

طبحا الدخلة تاع العريس لازم تشوفوها..

يدخل العريس عند الرجال اللي يكونو في الصالة وينوظو كامل يشطحو معاه ..ويعبيوه فوق اكتافهم..

وبعدها يتعشى العريس واصحابه..يكونو عاملينه عشا خاص بيه..

وبعض العشا..

ام العريس تجيب حنه العريس..

يعملوها قدام العروسة يبلوها..

ويدخلوها للعريس يحنيولو..

زمان كانه يدخله النسا يحنيوله..

نسا كبار..ولا بنات صغار..

بصح درك عادو يحنيولو الرجاله..

وفي الليل خلاص..

يعني الوحدة او الساعتين تاع الليل يروح العريس مع العروسة..

ويخلاص العرس..

اتمنى تكون عادات اعراسنا عجبتكم..


دمتم بود..

اكيد عجبوني عاداتكم و احلى شيء كي يروحو للبور يتصورو , :thumbs_up::thumbs_up::thumbs_up::thumbs_up::thumbs_up::thumbs_up:
شفت عندي واحد 10 سنين عرسان في جيجل عند البور يتصوروووو حطة عجبني الحال , احنا ما عندناش البحر :'(:'(:'( و انا نموت عليه , بصح ماعليش نعوضها ان شاء الله في شهر العسل , راني معولة نبلبط في الماء حتى ننتفخ :lol::lol::lol:

و الان يا بنات شوفو هادا موضوع ليا انا اول مرة نكتب موضوع مستقل بعيد عن الردود هو ماهوش كامل و العشية ان شاء الله نكملو بصح اضربو طلة عليه و يا رب يعجبكم
http://forums.3roos.com/showthread.php?t=538320:L::L::L::L:

شكرا حبيبتي ميمي على ردك و لونا مارسي حنونة و الحمد لله ليعجبوكم و ان شاء الله نزيد نصور باقي الجهاز و نحطولكم تشوفوه ....حابة نسقسي برك لي مدايرا حيجاب واش شرات لبسة تاع خرجة يعني نشري د كوستيم و لا د زونسومبل جيب و فاست كوبي .....واش من لبسة تليق بعروسة سيرتو مبعد تعود الخرجات و فواياج دو نونس ......ان شاء الله تفيدوني و الي كشما شرات تحطنا نشوفوه .....

ღ MiMi ღ;12182351:

هاشمية موضوعك هايل يعطيك الصحة :thumbs_up:

j 'espere ما يحذفوهش و يقولو مخالف 8o|

و نستنو البقية ان شاء الله

انا ثان نتمنى ما يحذفوهش بصح انا شفت موضوع كيفو و عادي ما ممحاوهش ,
سينو تولي حقرة هكداك

ssamou19;12182399:
شكرا حبيبتي ميمي على ردك و لونا مارسي حنونة و الحمد لله ليعجبوكم و ان شاء الله نزيد نصور باقي الجهاز و نحطولكم تشوفوه ....حابة نسقسي برك لي مدايرا حيجاب واش شرات لبسة تاع خرجة يعني نشري د كوستيم و لا د زونسومبل جيب و فاست كوبي .....واش من لبسة تليق بعروسة سيرتو مبعد تعود الخرجات و فواياج دو نونس ......ان شاء الله تفيدوني و الي كشما شرات تحطنا نشوفوه .....

العفو حبيبتي..

والله حوايجك رووعةوكلهم عجبوني..

بالنسبة للملابس حبيبتي..

انتي نوعي...

اشري دي زونسومبل ..ودي كوستيم..للعرضات والخرجات الكبار..

يعني كي تروحي للديار مثلا ..

واشري حوايج عاديين كيما موالفة تلبسي..

دي ليكات وسراول وقمايج وتنورات...

وكي تروحي فواياج دو نوس..

لازم تلبسي حوايج يكونو مريحين..لانكم رايحين تمشيو بزاف وتروحو للبحر..

وتقضيو كل السفرة تقريبا برة..

وما تديش معاك الملابس الرسمية..

ادي حاجة ولا زوج برك...

ادا مثلا رحتيو لعشا في مطعم شيك..

او ادا قدرتي تنورة تكون مليحة معun hautيناسبها,,

باقي الاشياء لشهر العسل ادي لي ليكات اكثر مع السراول..

وما تنسايش تدي سبابط يكونو مريحين..خطرماش كيما قتلك تمشي بزاف..


العام اللي فات استغربت في تونس لقيت عرايس يتمشاو في الليل..حدا البحر..

والعروسة تلقايها لابسة اونسومبل ساتان..وسباط طاون سيجارات..

حتى لو كنتي عروسة لازم تعرفي كل حاجة تلبسيها في وقتها..


هدا برك..

وان شاء الله البنات الاخرين يساعدوكي اكثر..

دمتي بود..

مرررررررسي لونا و الله فدتيني و صح فوايج دو نونس رايحين شحال من بلاصة و انا راجلي يموت على التحواس علابالي راح نجيبوها من لبلاصة لبلاصة .....مزيا ليقلتيلي انا كنت دايرا فيي بالي عروسة لازم كلش يكون كلاس انسومبل و لا كوستيم مع صاك و سباطو و صبابط لازم يكونو طالون مع هذا اللبسة و نسيت التعب ليراح يجيني مام انا مانسيبورتيش الطالون بزاف نحب حاجة بلا و كونفوورتابل ....
هاكا قصدك للعرضات




و هاذا ل كل يوم