العرائس الجزائريات..هنا سيكون ملتقانا..

سلام عليكم سامو صح يقولو لكحل فال مشي مليح في جهاز... ديري كولاغ وحدخرة انا اختى دات صالون مغربي تاع لرض شباب في لخضر ودوغي ان شاء الله نصورولك ونبعثولك وشوفي الا تقدري ديري كما هو ومايستقاملكش بزاف ... شتاهو ليكوفر تاع مطارح معرفتش على من راكو تهدرو ولا قصدكم كنابيات ؟؟ انتوما في سطيف لازم تدو مضربات تاع صوف؟؟؟؟ انى باغية نعرف عادات ناس شرق (الفضول قاتلنى)هههههههههه الله يهنيك حبيبتي

هههه حنا لبنات كامل عندنا هذ الفضول ...ايه حنا في الشرق لازم الصوف و ماكانش ليتزوج و ماتديش معاها لمتارح....حتى نسا كي يسمعو و حدة زوجت يقولو قداها من مطرح صوف دات....هههههههههههههههههههه قتلك كامل فينا الفضول و التقرعيج ....و انا وحدة من ناس حتمتهم عليا ماما تحتام مانشتيهمش و مانحبش نرقد عليهم يجيوني ماهمش كونفورتابل ...نرقد في حسيرة في لرض و مانرقدش في مطرح صوف و خطيبي كيف كيف ما يحبش الصوف قلتلها مانديرش كلاتني واش يقولو علينا الناس عندها 2 بنات و حياتها كامل و هي خدامة هي و بناتها و رجلها ماقدرتش دير مطارح الصوف لبنتها ...المهم شبعتني رخص...........و مبعد قاتلي و كي يجيك ضيف و ين ترقديه ترقديه بيناتكم في لاشمبر كوشي ....هههههههههههههههه لتم خممتلها ....و في قلبي شكون قالك راح نستقبلكم...........و لتم خممت و قلت راهي تشوف لبعيد و انا نشوف غير قدامي ................................و ليكوفر تاع لمطارح ليمفهمتيهمش هما كي ديرو مطارح الصوف لازم ديرولهم كوفر بمخادو و لزاكودوار...يعني صالون مغربي ....فهمتي واش نقصدو..و ايه مادابيك و ديري فيا مزية ايلا عندك لمودال ليدارتو اختك حطيلي تصويرتو نشوفو.....ok حنونة

ماماك تخمم كيما ماما سبحان الله انا رايحة لبلاد بعيدة وهي تقولى دي معاك صالون مغربي قلتلها نطيح صحتي غير في غسيل تاعو هو و فراش تاع صوف لحوف يسموهم عندنا.....واللى عندو حساسية مشي مليح ليه صوف..... وثاني قاتلى كي يجوك ضياف وين ترقديهم هههههههههههههههههههه نسا كبار يخمو كيف كيف.... مهم ان شاء الله نقول لختي تصورهالي ونبعثلك تصويرة بصح شوفي المودال تاع 2007 خرجو موراه بزاف ليمودال انا ان شاء الله نروح عند الحانوت اللى جاب ليمودال جدد ونصورلك تاني ونجيبلك تشوفيهم انتى تأمري امر كما يقولو فلسطينين ... الله يعاونك حبيبتي

شوفي هذا تاع دارنا في الغوج بغيك يشبه لتاع ختي بصح حنا دايرينهم فوق ليكانابي وختي دايرتهم في لارض فوق مضربة تاع 30 وخضرين هذا مكان ان شاء الله يعجبوك

السلام عليكم ورحمة الله وبركاته..

ان شاء الله تكونو كلكم بخير يا البنات...


سلمي لكل وحدة فيكم..

وعجبني نشاطكم في المنتدى..

وحبيت نسقسيكم..

واش لي كوفر تاع المطارح ..

ما فهمتش؟؟؟؟

أهلا بعرايس بلادي الحبيبة راكم ماشاا الله ناشطين غير المطارح و الذهب راه يدور بما انكم هدرتو علي الفضول أنا ثان حابة نقرعج علي الدفوع يعني علي حساب ناس تلمسان هوما اللي دفوعهم بزاف بصح درك. شي شفت بنات الشرق قلت مسكين اللي راح يتزوج ثماك اذا كان قليل. و ماعندوش يكملها صيام حياتو كامل ما شاا الله صالون. مغربي و صالون خليجي و مطارح صوف و محزمة تع الذهب و وووو العريس شحال يعيي يدفع. و. الاب شحال يعيي يعاون يا بنات بالشوي علي أهاليكم مشي شرط دارك تكون مئة بالمئة من نهار الاول اللي تسكنو فيهم الحياة تبنيها درجة درجة ما تكلفوش داركم اكثر من طاقتهم الناس راح يهدرو يهدروو الله أوكان تدي جهاز لونجة. بنت السلطان ماراحو يسكتو فنصيحة مني ما تكثروش و سامو كيما قلتي علي. ذهبك بلي راح تبيعي منو من بعد العرس باه تشريبارير أليي قلتي عليه راكي عارفة. بلي كي تبيعي الذهب يجيبلك. نص السومة اللي. اشريتيه بيها يعني لواكن سلفتي من عند أختك الذهب الثقيل للتصديرة و شريتي البارير اللي تحبيه خير من اللي تخسري في البيع. و الشرا. تع الذهب

هاشمية انا نساندك في راي تبذير بزاف مشي مليح ... العروسة جزايرية هكا دايرية اللى تشوفها تبغي تشريها ... الله يهني الجميع واحد يطلب الهنا هذا مكان وكما قلتى انتى ناس يهدرو وارضاء الناس غاية لا تدرك .. الله يهدينا

مساء الخير بنات توحشتكم انا مع اختي هاشمية انا ضد التبذير أنا من سطيف و صح كل العائلة عندهم المحزمة نتاع الذهب كيما نتاع سامو الا انا منحبهاش نكرها أنا نحب حاجة كلاس و سامبل بصح الذهب الثقيل لالا أبدا يهدرو الناس و لا ميهدروش ميهمونيش علاش ندير محزمة ب 50 ولا 60 مليون باش تلبسها الخزانة انا ماذا بية نشري ذهب لي نلبسو كل يوم أنا ميته على حوايج لازوردي لقيت واحد صايغي يبيعهم في سطيف و مام وقيل غير هو ليبيعهم في الجزائر بصح يا لالا غير سلسلا سامبل كيما تاع اليسا ادير 30 مليون اذا شللتي عينيا و عاودت رجعت لادار.

اخواتى بنات الجزاير الحبيبة اهنيكم على هدا التجمع



واحب اسال عن البرنوس الجزايري اللى تلبسه العروس اللى زى اللى في الصورة بكم ينباع في الجزاير ووين القاه متا هاالموديل .
وشكرا .

وشكرا

وانتظرونى جايبة لكم مفاجاة حلوة

مساء الخير
اسمحولي نهدر شويه معاكم؟؟؟
اختي مارسي لازوردي بزاف غالي عندكم والله
اختي العام اللي فات اشرات طقم كامل لازوردي ب1600$
بس الله يبارك شباب شباب اسمحولي دخلت معاكم في الهدره
توحشت الهدره الدزايريه
يا ربي برك ما انكونش انديرونجيكم!!!!!!!

ميمي
فقتيلي ههههههههههههه
اه حنونتي كنت في الدزاير
مي الصح الدزاير في القلب جامي تخرج منوه وان شاء الله نوليلها نعيش فيها انا وراجلي واولادي يا رب في القريب العاجل
حبيت نقول
لختي مارسي الله يبارك جهازك يهبل بالصحه عليك يا عمري
وتانيك هاشميه تبارك الرحمن حوايجك يهبلوووووووووووو

ღ MiMi ღ;12146960:

سلام البنات واشراكم

روح الوليد أهلا بيك و بناس ليبيا نورتي التجمع

و بالنسبة للبرنوس سعره يتفرق على حساب الطرز اللي فيه كاين من مليون و طلع

و تجديه يتباع في الحوانت تع الملابس التقليدية خاصة العاصمة لأنو مشهور في شمال الجزائر

أو تقدري تخيطيه عند خياطة ان شاء الله تكوني فهمتي كلامي و استفسار اسألي رانا هنا ;)

تسلميلي ياميمي
حبيبتي لو سمحتى ممكن تكتبي لي السعر باالارقام ؟

med;12128168:
الله يسلمك حبيبتي حلم وامل يطول عمرك ويسرلنا اجمعين ان شاء الله وربي يدوم الاخوة ومحبتنا فيه ان شاء الله...

انا من شلف ومخطوبة لواحد فلسطيني ان شاء الله بصح مازال مافتحتش الا ربي كتب راني نقول مور العيد باذن الله

فرحانة بزاف بمعرفتك ومعرفة كل لبنات الجزايريات اللى هنا في المنتدى... ان شاء الله نستفادو ونفيدو بعضانا ... انى نستنا فيك تعطيني رايك في الموضوع اللى رانى كاتباته بارك الله فيك

ماشاء الله الجزائريا ت اللي ماخدين فلسطنين كتار
واحنا في غزه صحابتنا قاع دزيريات
تزوجوه فلسطنين وكي رجعوه لبلادهم
قاع رجعوه معاهم
يعني احنا فري ديزامي تاوعنا دزايريات
انت خطيبك من غزه ولا الضفه؟؟؟
وصح مبروك عليك وربي يتمملك عخير
تروحي السويد عند اخت راجلي :L:

شكرا حبيبتي من فلسطين حنونة حلم و أمل وراكي هاذي غيبة

روح الوليد;12146154:
اخواتى بنات الجزاير الحبيبة اهنيكم على هدا التجمع



واحب اسال عن البرنوس الجزايري اللى تلبسه العروس اللى زى اللى في الصورة بكم ينباع في الجزاير ووين القاه متا هاالموديل .
وشكرا .

وشكرا

وانتظرونى جايبة لكم مفاجاة حلوة

سلام عليكم ورحمة الله وبركاته

مرحبا بيك معنا نورتي التجمع حبيبتي .... وهذا البرنوس كل واحد وسعرو ان شاء الله البنات يفيدوك بالاسعار اكثر ..ميمي قصدها بمليون فما فوق يعني 10 الاف دينار فما فوق لكن احنا لهجتنا نحكو بالسنتيم ويكون السعر على حسب الشغل اللى على البرنوس .هذا مايعادل تقريبا 100 يورو ان شاء الله نكون فدتك حبيبتي ... واهلا وسهلا بيك

حبيباتي حبيت تشاركوني موضوعييييييي
اتمنى ينول اعجابكم

http://forums.3roos.com/showthread.php?t=523186&page=20

Marseille;12147181:
شكرا حبيبتي من فلسطين حنونة حلم و أمل وراكي هاذي غيبة

العفو عزيزتي لا شكر عواجبF:

ḆŌ₦Ťầầ ĚĽЗ§ẩŁŁ;12146193:
مساء الخير
اسمحولي نهدر شويه معاكم؟؟؟
اختي مارسي لازوردي بزاف غالي عندكم والله
اختي العام اللي فات اشرات طقم كامل لازوردي ب1600$
بس الله يبارك شباب شباب اسمحولي دخلت معاكم في الهدره
توحشت الهدره الدزايريه
يا ربي برك ما انكونش انديرونجيكم!!!!!!!

مرحبا بيك معانا بنت بلادي نورتينا ونورتي تجمعنا ان شاء الله تسفادي معانا وتفيدينا خطيبي اصلو من جنين والدو مواليد حيفا بصح خطيبي مواليد بغداد وكان عايش في العراق بصح ضروف مسحتش يقعد في العراق..الله يبارك فيك حبيبتي

ان شاء الله ربي يفك الحصار على غزة وترجعي سالمة غانمة لبلادك...منيش عارفة اذا جزايرية ولا برك تربيتي هنا المهم اهلا وسهلا وبيك وربي يكون معاك وجميع اخوانا فلسطينين ... F:F:F:F:



..ميمي الله يسلمك ويطول عمرك حبيبتي

med;12147510:
مرحبا بيك معانا بنت بلادي نورتينا ونورتي تجمعنا ان شاء الله تسفادي معانا وتفيدينا خطيبي اصلو من جنين والدو مواليد حيفا بصح خطيبي مواليد بغداد وكان عايش في العراق بصح ضروف مسحتش يقعد في العراق..الله يبارك فيك حبيبتي

ان شاء الله ربي يفك الحصار على غزة وترجعي سالمة غانمة لبلادك...منيش عارفة اذا جزايرية ولا برك تربيتي هنا المهم اهلا وسهلا وبيك وربي يكون معاك وجميع اخوانا فلسطينين ... F:F:F:F:



..ميمي الله يسلمك ويطول عمرك حبيبتي

حبيبتي med
انا فلسطنيه عزيزتي بس تربيت وعشت في الجزائر
ان شاء الله نرجع لبلادي الجزائر قريبا
والله فرحت بزاف بهدراتك الشابه
وخطيبك من الضفه خيار الناس
ربنا يباركلكم في بعض
انا تاني راجلي متربي في الدزاير وعجوزتي مصريه بالصاح عندها 30 عام عايشه في الدزاير وتخدم وحماي (ابو راجلي)كان معلم في الدزاير بس دوق تقاعد
وخو راجلي متزوج دزايريه
يعني رانا نسايب ههههههههههه
ادعو برك لراجلي يقدر يخرج الخطره الجاي ويروح الدزايررررررر:L: