لمة الليبيات لشهر ربيع التاني 1431 ه ....

هنو الدلوعه;11645896:

حبيبتي بالنسبه للمكياج فعلا ماتكتريش وخودي المهم

عندك الفونديشن أفضل نوعيه ماكس فاكتر 2في1
والكونسيلر عندك هلبه نوعيات ممتازه منهم برجوا وقوش
والبلاشر لا يعلى على برجوا رووووووووووووووعه
والماسكرا عندك لوريال حاجه مش عاديه وعندك برجوا ممتازه وعندك قوش حلوووه وفي كولستار تهبل الجديده الذهبيه
وعندك قلم العيون عندك قوش وكولستار وعندك ياستي برجوا قنين حتى هو لكن لازم تاخديهم ووتر بوف
والايشادو عندك هلبه خيرات بس نصيحه في خودي القاعده تكون ماركه وعندك هلبه ماركات قنينه
يعني الساس الي بتحطيهم ارضيه قبل الالوان الي بتدمجيهم الي هما مثلا ألبيض ماشي للفضي أو السكري الي ماشي للذهبي
لكن الايشادو خوديهم المجموعه الكامله الي فيها هلبه خيارات ومكتوب عليه مخملي هذا الوانه هلبه وروووووووووووعه وثابت وسعره معقول فهمتي بعكس لما تشري باللون ويكون ماركة غاليه فهمتيني
والارواج والاقلام عندك هلبه ماركات مثلا الالوان الاساسيه زي الاحمر خوديه برجوا لأنه أرواجها رووووووعه وعندك لوريال بس نصيحه مني عندك هلبه ماركات قنينه ورخيصه زي فارمسي وفلورمار وغيرهم ديري تشكيله منهم
وعندك حاجه مهمه الي هيا مثبت المكياج الي تحطيه قبل المكياج عندك هلبه ماركات وممتازه ومش غاليه
وحاجه ثانيه مزيل المكياج والقطن هادو مهمات وأفضل مزيل مكياج عندي جونسون اند جونسون
أول حاجه توه تستخدميهم في مسح الاخطاء ويفضل لو بتصلحي خطأ يكون بي عود تنظيف الاذن تحطي عليه من المزيل وتمسحي بهدوء وخفه
وطبعا المزيل لما تروحي من المناسبه تدهني وجهك بشويه بحركه دائريه وبعدها تمسجي بالقطن وتغسلي وجهك بميه وتنشفي وتدهني بي مرطب

أي سؤال جااااااااهزه أني

العروسة السمحة;11645926:
صحيتي وباارك الله فيك وان شاء الله في ميزان حسناتك

باهي مجربة ماركة مكياجي؟؟؟؟؟

عروسة ليبيا;11645923:

عروستنا السمحه

سلمك حبوبتي
بنقولك اهو المكياجات الاخيره الي حطيتهن يعني يمشو مع ناس الي نوعا ما تعودت علا استعملات الرسم

وحتى الجديده تقدر تدرب وتتعود

تعرفي حبوبتي انا ف الاجزاء الي فاتو كنت حاطه كل شيء عن الميك اب وانواع الفرش والخطوات كلها لي اى وحده لسه مبتدئه

وووووو راهو المكياج ممارسه وتعود زي اللغه الانجليزيه لو حد تعلمها وقعد مدددددددده طويله ما مرسهاش وما تكلمش بيها ينسى هلبا كلمات و هلبا امور

بنقولك كلام هنو صح انا هكي بديت نتعلم تعرفي الطشه الي نحطها ف العين اهيا نرجع نحطها نفس الخطوة ف تانيه

وهكي راح تمشي بي خط متوازي وراح تقارني وتقربي الشكل بين كل عين لي اقرب صورة ممكنه

وراهو سبحان الله بكلام خبراء التجميل يقولو ماعمرهااااااا العيون تطلع متطابقه زي بعض طبعا المكياج البروفشنال المحترف يبان كانها نفس الرسمه بس هما الخبراء
يبدو عارفين وين الحلوة وين الاحلا

فا يعني ما تكربيش علا روحك وحاولي تمرسي يديك بشوي وبشوي وصدقيني راح تتعلمي مره راح يطلع عار ومره نص نص ومره قنين ومره وحده احلا من التانيه

وبعد الوقت والتجارب رررررررررررررراح تكوني تعلمتي ومشاء الله عليكي

====================================

======== انا ف الخدمه و ان شاء الله نجيبلك حاجات تفيدك

بالنسبه لي انواع الكريمات والمنتجات يعني ماركه الميك اب نخبرك انتي والبنات والله والله مافي ماركه تطابق جودتها علا كل الوجوه وكل الالوان البشره

هظا باش دايرين ف محلات المكياج التست او العرض والتجربه لازم تجربي شن يطلع عليك وشن اللون الي يناسب
=======

شوية نصايح

البدايه ف شراء المكياج

اولا الافضل تشري من محل فيه بنات علا المكياج واقفات لسبب واحد انك تجربي بلا حشم

وراهم البيعات مرات يدروهو الكبد يزنو هلبا لكن ف الاخر هما حفاظات المحل
وانتي قولهم لما نبي شيء نسالكم

========= انا هكي ندير لانهم مرات يدوشوو ويخربو التركيز

ولما الوحده تمشي باش تجرب ميك اب وتفكر تشريه تمشي وجهها بلا مكياج بش تجرب درجات اللون علا بشرتها

تانيا هلباااااااااااا يجربن ف مكياج علا يدهن وهوا غلط بشره اليد ومسامها ولونها مش نفس نوع جلده او بشره الوجه الرقيقه

فا ننصحك جربيها في الدقن او اللحيه يعني تعالي علا المرايا وجربي توزيع اللون علا منطقه من الوجه

الكريم للوجه المختلط يكون عادي لان اغلب الماركات ف العاديه في ليبيا نفسه لكل البشرات

وف ميك اب فور ايفر والماركات الغاليه ديور وشانيل والجو اهوا في كريم اساس للوجه الدهني

لكن حتى الماركات العاديه ممكن اديريها بي تنظم دهون الوجه بالمساكات والاقنعه

استعملي غسول نتيروجينا للبشره المختلطه ممتاز

والمناطق الي تدهن قبل المكياج لازم تنظفيها

طريقتي انك ديريلها مسحه بي قطنه فيها عصاره ليمون لانها قابض

وبعدها مرري علا المناطق المدهنه وعلا كل الوجه مكعب تلج من الافريز علطول يعني ثلج طازه

متماسك مش يقطر عشان ينظم المسامات وافرازها تتقفل

بعدها عطي بشرتك 3 لي 5 دقايق وكملي يا حنه وابدي ف مكياجك

================================

التفاصيل بخصوص بشرتك والماركات مانقدرش لا انا ولا غيري نفتو فيها هلبا

ممكن نرشحولك اكثر من ماركه عاديه ومتدواله ومتوفره ف سوق ليبي

وانتي امشي وجربيها شن منها يمشي معاك لما اديري تست وتجربه

===============================

هنو الدلوعه;11645944:

لا الحق لكن الفتره الجايه بنجربها وتوه نعطيك رأي فيها وعروسة سمحه شكرا على توجيه السؤال ليا أني بجد فرحتيني وخاطري نخدمك بعيوني ونطلع معاك ونشرو المكياج ونعلمك بالتفصيل كيف تمكيجي لانه بجد حلو توجيه السؤال ليا حسيت روحي كان نلقا نطلعلك من الكمبيوتر ونجيك سلمها ياري وأي حاجه أني في الخدمه ياغاليه وأي حاجه تخص الجمال والبشره والشعر والمكياج وخيتك تخصص

القلب الملهوف;11646050:

كلامك مفيد ياهنو وجاري التطبيق

عروسة ليبيا;11646038:

زواريه

حبوبتي والله قصة اختك قصه لكن الواحد شن بيقول اهوا نصيبها

24 سسسسسسسسسسسسنه عز شبابها خليتيني نحس من كلامك كانها خلاص فاتها القطار ومدام فسخت مرتين اضطرت توافق لان تخاف ما يجيها حد

وووالكلام اهو طبعا كله مقسوم ونصيب عند ربي والله العالم وين الخيره لي خيتك ربي يسعدها

حق يا زورايه يا اصيله انا نعرف عرب زواره عرب وسكان ليبيا الاصل

ونعرف ان في عوايل زورايه لسه لي يومنا هادا متعلقه بي عوايد زمان واسابرهم زمان

ونفس الكلام ف جبل وف بن وليد وف بعض قبايل الباديه ف شرق والغرب

ولكل عيله خصوصيتها لكن اهوا كله انا نعتبره شكلي ومش راح نركز فيه

عارفه المشكله وين المشكله انه هوا مزال حكمه مش في يده وبحكم بوه الي بيدير كل شي ومش بعيد راح يزيد يصرف عليه بعدين ويساعده

وبحكم تعلقهم بي جو زمان مش راح يكون ف الامور الشكليه بس مرات يكون التدخل ف الحياه والعلاقات والامور البيته بين اختك وراجلها

وين مشت وين طلعت من جاها والخ الخ الخ

انا تعرفيني ديما ردي نحاول يكون منطقي لكن انتي حبوبتي قلتي اختي كذا وكذا من جمال وجامعيه ودلع والخ الخ

هل تصبر وتشري هالراجل وتتحمل زمنيه اهله و عوايدهم وتحاول تعيش كانها وحده منهم

اهو سؤال اختك تعرف والله لو هيا تحبه وشاريته مش بس لانها تبي جوازه وخلاص

راح تصبر وتساير وباالك تحاولو توصولو معاهم لي حل وسط يعني يرضي الطرفين

مثلا تلبس الفيلو ف حوش بوها ولما تمشيي لدار الراجل تلبس صدرى

او تلبس قفطان كبير بدل الفيلو لو بو الزوج ما يبي الفيلو ف حد ذاته كا فيلو

يعني خلاصه القول شوفو حد من النساوين يكون واسطه بينكم وبينهم حد يعرفهن ويعرفكم

او حد لسانه رطب وحبوب ف كلامه يعرف كيف يطرح الامر

لان مش حلوة انه العروسه هي تتكلم معاهم والعروس تقدر تحاول تشوف حل وسط بينه وبين الراجل

هما يتنازلو شوي وانتو شوي مش كل حد يشد ف حاجته ويعاند عليهااااااااااااااااا

وهظا ماعندي ربي يستر خيتك ويهنيكم عليها يارب وكل كلالالالالالالالامي اهوا ف حاله انها شاريه الرجال ومرتاحه معاه

وف حاله انه راجل سمعته طيبه ويخاف الله وسالتو عليه هلبا وجاه وشفاته علا شرع الله ورضايه بيه عن قناعه

لو ف القصه كانا ولا انا نقولك و نص الطريق ولا كمالها وخل تراجع نفسها وهي علا البر

والنصيب عند صاحب الزرق منه النفع والضرر وبي حكمته يقسم كل شي

زوارية;11646048:
شكلا مافيش حد قرا كلامى :!!:

العروسة السمحة;11646041:
اني عندي خطة بنشري مكياج عادي اي كلام
ونبدا ندرب لين نبدا خبرة اصلا عارفة روحي بنفوت جويل ههههههههه