لمة الليبيات لشهر ربيع التاني 1431 ه ....

miid;11818353:
واحد مشي يخطب حط شاه كيس .........قال بدينا في الاحجيبات من توا

هههههههههههه

قويه

************


ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!

لحضه بس نصلي المغرب كيف ادن..........

واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت


واحد بخيل جدا ... عنده ثلاث تفاحات ، فتح الاولى لقى فيها دود ... فتح التانية لقى فيها دود ... وصل للثالثة طفا النور و أكلها

وئام نبى انقولك هو لما كان اهنى فى ليبيا والله كان ايكلم فيا وبالذات هلبة يبعتلى رسائل تعرف واقسم بالله يبعت قريب 14 رسالة فى يوم واحد ايقولى فيها شن اديرى . ولما نطلع وين طالعة ومع منى. وحالك باهى هلبة يسأل عليا بمسجات

وبعدها صار سوء تفاهم بيناتنا لانها ما كلمنى فى يوم من الايام كلمنى مرة واحدة فى اليوم اللى صار سوء تفاهم بيناتنا المهم قتلها خيرك ما كلمتنى وبعدها قالى والله مشغول وتأسفلى راهو وبعدها بعتلى مسج قالى كيف بديرى املا لما نمشى لفرنسا ونقعد ما نكلم فيك باسبوع واسبوعين فهمتنى

المهم انى قلت هو فى الغربة مرات عنده ومرات لا .

في امتحان الشهاده التانويه خشو جماع مش قارين ....جاهم سؤال كم عدد ارجل النعجه بعد الامتحان طلع واحد منهم مجاوب ......قالووا له خيرك ما قلتناش عل الاجابه قلهم المرقب كان جنبي مقدرتش انطلع التعجه.........

وئام وينك رقدتي .........

شكلها رقدت وئام

باهى شكلنا قعدنا انى وياك بس ياmiid

هيا تصبحوا ع الف خير

اولا كيف حالكم جمـيعا من غير تخصيص

وربي يفتحها في وجه كل حد ويتمم علينا بالخير يارب

ادعولي نصفي موادي ونحل اكويس في امتحاناتي الجايه:032:


miid: نحس ان في كل حاجه في وقتها سمحه *_*

ام احمد: ربي يفرج همك وهم كل مهمـوم يارب

وهران اهلا وسهلا بيك باللمه وربي يجمعك بالغالي يارب

طرابلسية لسرتاوي : بارك الله فيك ياعسول ع سؤالك

والله حال القراية الي تبي تصلعني ومشاريع وواجبات لين خلاص ضغط لا يوصف

القلب الملهوف : كيف حال الوالدة والبيبي ان شاء الله بخير

دلوعة حبيبها : نورتي اللمه والف لاباس ع بنوتك

ام ناني : لاباس ع بنوتك

اميرة الانسات : اهلا وسهلا بيك مره اخره باللمه

حياة حلوة : حلوة فكرة البسكويت وسمحات الي حطتهم اعتقد هنو السلات

والف مبروك جديدك ياسمحه وربي يتمملك ع خير وحمد الله ع سلامة راجلك

دايمند : حتي انتي ربي يتمم عليك بالخير وتجي جيتهم يوم الاحد حلوة وتتريحي

نرجوسه : ياساتر ياربي لابس كنك زعلانة بعيد السو عليك من الطلاق كنك يابنتي

راهو الدنيا تجارب وكل حاجه تعلمك بس ماتزعليش روحك ياخيتي وسعي بالك كل شيئ بشويا بشويا

تكبريها تكبر تصغيريها تقعد صغيرونة بكل

عميمة غادة وعميمة هنيدة : كيف حالكم ليكم وحشه

غولتنا : حمد ع سلامة صبعك ليك وحشه اللمه كانت مكسده

حنونة3 : اهلا وسهلا بيك باللمه

ساجدة للخير: اهلا وسهلا بيك

روح الوليد : ياخذ سوك ياحلوة توه تصلحيه ويرد تمام باذن الله وعلي امتاع الحواجب مانعرفيش

بس امتاع الاظافر سمحه عادي تاخذي لصقة شريط وتقدري ادري بيها مش شرط زي الي في الصورة

وقولولي شنو فايدتها امتاع الحواجب؟؟ بزبط

عروس ليبيا : الــــف مبروك ياسمحه :049:ربي يهنيك ويكمل عليك فرحتك يارب

عروس فزان : هلا بيك ياعسول تسلمي ع كلامك السمح

عروستنا : الله يسلمك ويـنك مختفيه ع الماسنجر نعقبلك في اوف لاين:037:


بيكاتشو وعروس رايقة وعروس ضياء وعروس اشرف : ليكم فتره مش باينات ان شاء الله


خير يارب ومانع خير حبيت نسال علي مش باينات

ربي يهنينا جميعا ويفتحها في وجوهنا ويتتم علينا بالخير ياربـ

واحد طلعله جني في الشارع وهو مش حافظ شئ من القران .......مش قال له طلع البدر علينا...

ابله بتشرح درس الاتحاد قوه للصغار نوضت واحد اسمها بوعجيله قالت له كسر العصا هدا كسرها قالت له توا العصاتين كسرهم ....اعطت حزمه اعصي قالت بو عجيله مش حا يقدر يكسرهم ........ امشي كسرهم قالت له فلقت الدرس يا بو عجيله......

هلا صباح الورد بنات

بالدات نرجوسة كنك يا حلوة ماتعقديش روخك

ان شاء الله كل الى فى بالك يتم
وصدقينى هده وسواس شيطان يبى يبهدكلك ومايخليكش تقرحى

وصدقينى مفيش اهل العريس مسيوش العروسة غير هم تلقيهم مش فاضيين لكل

انا اصلا مجربة من روحى مرة خوى مكلمنهاش بكل بكل الا لما جبنا الكروت ومع انه كانت ليلة مشتركة

وسعى بالك وركزى على الاستغفار والدعاء

اهم شى انك منسجمة مع راجلك وهد الى يهم

صبـاح الخير ع السموحات كلهم

وعميمة هونيده كيف حالك وحال عصافيرك وراجلك ؟

نرجوسه السمحه ان شاء الله ياربي نفسيتك احسن ماتزعليش روحك ياسمحه

عسولات نبي منكم خدمة نبي كل وحده تقولي ع هدية لراجلي

من غيـر اي مناسبة وبلمره قولولي ع يوم ميلاده شنو هديا

كل وحده تحط الي عندها وانا توه نشوف*_*