لمة الليبيات لشهر ربيع التاني 1431 ه ....

وانا نبي منكم اتقولولي طريقة هريسة الحوش

جمعه مباركه

صباح الخير على الوردات السمحات معلش امبارح كنت تعبانة يدوب حطيت صور الحاجات ورقدت
طبعا هنا بجامات قطنية من محلالالالات الخفيفى البنات كلهن عارفات الى فى شارع دب سعر الوحدة ب 10 دينار بس وصناعة انجليزية ونوعيتهن سمحة بكل عدن جرى بنات بنغازى قبل مايكملو ومتوفرات جميع المقاسات

بنات ومدامات بناخد رايكن فى موضوع وياريت كل وحدة تقول وجهة نظرها
ورايها الشخصى
ماما كانت بدير عزومة لاهل زوجة خويا فى شقتهم هم وكل مرة تقول بندير وندير لاكن عشان دنيتنة حايسة ومزالنة منقلنة لحوشنا الجديد اجلتها شوية لان بديرلهم حاجة كويسة وللعلم حوشنا الجديد الدور التالت فيه هو الى ساكن فيه خويا ونحن الاول والتانى ....المهم ماما امس مشت تشوف وين واصلين فى الزواق وبالصدفة ركبت تسلم على خويا ومرتة والكلام هضا ساعة 4و نص ولما دخلة قمعز خوى يهدرز مع ماما وجنبا زوجتا وفى سياق الحديث خوى قال ان هل زوجتة الى هم مامتها واختها واثنين من بنات عماتها وصحباتها جياتهم فى العشية ....؟؟؟؟ وهى محكتش ولة حاجة ....الصراحة ماما وجعتها قالت ان هذى اول مرة يجوها هلها يعنى المفروض انكونو موجدين امة وخواتة وديرينلهم حاجة كويسة ...المهم وماما طالعة خوى قعد يمسك فيها ويقوللها اقعدى لكن ماما روحة وزعلت ...شنو رايكن فى الموقف بكل صراحة ومن الغلطان ....وهل انتن شيفات ان الموضوع ايزعل
انا عن نفسى عااااادى هى حرة مدخلنش بيها تعزم الى تعزمنة ومش ضرورى انكونو موجدين ...وهى وجهة نضرى الشخصية
بنات ومدامات يارية كل وحدة اتقول رايها بكل صراحة...

تسلمي يابيسو

مش عارفه والله يابيسو حتي انا مع رايك انه هيا حره

بس نحس لو انا ام حنشعر بنفس شعور امك

بيسو السمحه بما انك ماشاء الله تبارك الرحمن ماشيا اكويس

في البتات ممكن تكتبيلي الحاجات امتاعات المطبخ عشان نبي

نكتبهم عندي ونبدا نشري ونشطب *_*

تسلمى ياق د ك وشكرا لمامتك على وجهة نظرها سلميلى عليها واااااجد

شوفى ياستى حنكتبلك الحاجات الى خديتهن
مضرب كيك بسونية
خلاط بشيشمة مولينكس
مكينتةالتوست
ميكرويف
طقم فنجيل قهوة للعزومات ذهبى
طقم فناجيل قهوة وردى عاااادى
فناجيل شاهى للعازيم
طقم صحون كامل عملى للمطبخ
طقم طناجر تيفال كامل
طقم طواجين حراريات
طاجيننين لقلى البيض
طاجين عاى جزاز شفاف
سوانى ابتاع المحلبية للعزايم
طقم اصفر فضة فى ذهبى ست كامل 3 مع بعض وحدة دائرية فضى فى ذهبى حجم كبير
طقم كبيات لونهن موف
طقم كبيات وكاس كامل 4 اشكال بالاضافة الى فناجين شاى
طقم كواشيك عملى
طقم كواشيك فضى رسمى
سوانى بلاستك للكيكات والسلطات
حفاضات شاى والبهارات
طقم امواس
طقم الساقم
قراضة قزاز
اسفر عمليات
براد على دورين
طقم بكارج
ويا قدو صور حاجاتى كلهن حاطتهن فى الاجزاء الى فاتت

شكرا ياعروسة وكلامك عين العقل يسلم هل العقل الكبير....
باقى العضوات ياريت تفيدنا وتقوللنا وجهت نظركن الشخصية

هنو الدلوعه;11644197:

جمعه مباركـــــــــــــــــــــــــــــه

بنات كيف حالكم كلكم أن شاء الله أموركم باهيه
بيسا البيجامات يهبلو بس أما خفيفي الي في الحدائق ياريت تقولي وفي تشكيله ثانيه ولا لا
وبالنسبه لموضوع ميمتك الحق موقفها صعب يعني اكيد بتتأثر لانه القدر حلو وأنتو ماشاء الله درتولها كل حاجه زينه وباهيه وكبرتو بيها لكن لازم تتعود أن الناس طباع وفي الي مايعرفش يتصرف ولا يفهم في الاصول لانه الكباره كويسه لي أم الراجل بذات
وحبيبتي دوركم تصغرو الموضوع عند امكم وحسسوها أنه حاجه عاديه وانه طبع وحريه فهمتي حبيبتي عشان أمك ماتتحسسش من مرت خوك وهذا هو الي يأثر علي خوك سلبا
وبذات أنتو بتسكنو تحتهم توه يعني أكيد بتصير هلبه مواقفهم ولازم تتعودو أنكم تسايرو وتمشوا الامور عادي

والبنات أهو ماقصروش معاك وكلامهم عين العقل ياغاليه

هنو شنو الجو قرية الردود لماما ومنحكيلن كيف تهلل عليكن واتقولى عليك عقل فهل بنات
اسمعى الخفيفى الى فى شارع دبى واختى قالة عندنة اشكال وانواع لكن الالوان تقريب مش واجد على فكرة صاحبتى قالتلى فى خفيفى جديد حلى فوق بتمون الى فى الرحبة بس مش عارفة يبيع فيهن ولة لا

بيسا;11644231:
هنو شنو الجو قرية الردود لماما ومنحكيلن كيف تهلل عليكن واتقولى عليك عقل فهل بنات
اسمعى الخفيفى الى فى شارع دبى واختى قالة عندنة اشكال وانواع لكن الالوان تقريب مش واجد على فكرة صاحبتى قالتلى فى خفيفى جديد حلى فوق بتمون الى فى الرحبة بس مش عارفة يبيع فيهن ولة لا

هونيده;11644427:

شوفي يا بيسو انا مثل راي هنو الدلوعة بلضبظ بس مفروض ام عروستكم اتنبة بنتها

واتقول لها لازم اتكلمي ام زوجك.من باب الاوصول لانها اول زيارة لهم..
لانة بصراحة اتحط روحها هي في هذا الموقف
سلمي على ماما وقولي لها هونيده اتقولك على شن عين تدارء عيون كثير وماتزعلش روحها سلام
وانا صار لي نفس الموقف في حوش بوي لان امي مش اللي في البيت وانا من ام اخرى
وزوجة بوي لمة انسابتها وبناتها وصبيايا خوتي كلهن
وانا مشيت بالصدفة انشوف في بابا كان مريض
وكان موقفهم محرج وبوي ايقولي خشي معهم في الصالون بس
اتا مابيتش نعقد وقتلة المهم اطمأنيت عليك بس

تبي الحق خاطري وجعني خصوصا وانا جاية زيارة من غربة وانسباتهم مايعرفونيش...